Од полноќ поскапуваат горивата: бензинот за два денари, дизелот за еден денар

Од утре, 3 ноември, на полноќ стапуваат во сила новите, повисоки цени на горивата во Македонија, соопшти Регулаторната комисија за енергетика (РКЕ). Бензините поскапуваат за два денара за литар, дизелот за еден денар, а просечното зголемување на малопродажните цени изнесува 1,55 отсто.

— реклама —

Според одлуката на РКЕ, максималните цени ќе изнесуваат 93 денари за литар ЕУРОСУПЕР БС-95, 95 денари за ЕУРОСУПЕР БС-98 и 100 денари за литар ЕУРОДИЗЕЛ.

— реклама —

Цената на екстралесното масло за домаќинство останува непроменета и ќе изнесува 110 денари за литар. Мазутот поскапува за 1,30 денари за килограм, па новата цена ќе биде 55,573 денари.

— реклама —

Од РКЕ објаснуваат дека при пресметката се земени предвид движењата на референтните цени на нафтените деривати на светскиот пазар, како и промената на курсот на денарот во однос на доларот. Дополнително, применети се владините мерки за намален ДДВ за дизелот и пониски акцизи за бензините и дизел-горивото.

— реклама —

Одлуката ги утврдува највисоките малопродажни цени, што значи дека трговците можат да ги продаваат горивата и пониско од утврдените износи.