Гори во Сарај, Гостиварско, Чашка и Јегуновце, еден уште не е под контрола

Во периодот 27/28 август до 7:30 часот биле регистрирани вкупно 31 пожар на отворен простор, од кои четири се активни, три се под контрола, а 24 се изгаснати, соопшти Центарот за управување со кризи.

Активни пожари има во Општина Сарај кај селото Копаница, каде гори ниска вегетација, како и на потегот од селото Трново во Општина Гостивар кон Битово, Заград и Страјане во Општина Македонски Брод. Таму се зафатени нискостеблеста шума, ниска вегетација, пасишта и папрат.

— реклама —

Активен е и пожар над селото Нежилово, на местото викано Сватови во Општина Чашка, каде гори ниска вегетација и смреки, како и кај селото Копанце во Општина Јегуновце, каде е зафатена мешана шума.

Под контрола се три пожари.

— реклама —

Во Делчево под контрола е пожар на депонија, а под контрола е и пожарот на подрачјето на општините Студеничани и Зелениково, на потегот Моране – Вртекица – Рамни Габер и кракот кон Палиград, над Вражале и Тисовица, каде гореше мешана шума.

Под контрола е и пожарот на депонијата кај селото Дворци во Општина Пласница.

ЦУК информира дека 24 пожари се изгаснати.

— реклама —

Меѓу нив се пожарите кај Франгово и Ливада во Струшко, Тајмиште во Кичевско, меѓу Неготино и Кавадарци, кај Куклиш и Свидовица во Струмичко, Кутретино во Демир Хисар, над касарната во Прилеп и кај Дабник.

Изгаснати се и пожарите кај Православните гробишта под Калето во Тетово, во Стрмница, Челопек и Горна Лешница во Брвеница, во населбата Перо Чичо во Куманово, кај Муждовњак во Крива Паланка, како и кај Куново и Дебреште во Гостиварско.

— реклама —

Во листата на изгаснати пожари се и Долно Коњаре во Петровец, Подлес во Градско, Старо Балдовци во Босилово, Црнилиште и Веселчани во Прилепско, Арнакија во Сарај, Езерски Лозја во Струга и градската депонија „Мелци“ во Кавадарци.

Од ЦУК засега нема дополнителни информации за евентуална опасност по населени места кај четирите активни пожари.