Градежните активности на градскиот базен во Кавадарци продолжуваат со засилено темпо и влегуваат во завршна фаза, информира градоначалникот Митко Јанчев.
Во оваа фаза се изведуваат завршните работи, вклучително и монтажата на плочките, како и партерното уредување на просторот околу базенот. Со секој изминат ден, објектот добива нов, модерен изглед, кој треба да овозможи пофункционални услови за посетителите.
Според најавите, по завршувањето на работите, граѓаните ќе добијат современ простор наменет за одмор, рекреација и забава за сите генерации.
