Градоначалникот на Аеродром ја објави како пример за неодговорност поради оставање стар мебел покрај контејнер, таа во коментар му врати: „Платив за подигање, очекувам извинување“

Објавата на градоначалникот на Општина Аеродром, Дејан Митески, на социјалните мрежи за оставен стар мебел покрај контејнери предизвика реакции на социјалните мрежи, откако жената што се препознала на фотографиите тврди дека отпадот уредно го пријавила и платила за негово подигање.

Митески на Фејсбук објави фотографии од жена покрај стар мебел, оценувајќи дека станува збор за неодговорно однесување и создавање дива депонија. Тој напиша дека инспекциските служби веќе постапуваат по случајот и ги повика граѓаните да пријавуваат вакви појави.

— реклама —

„Ова не е невнимание. Ова е неодговорност! Среде бел ден, на само неколку метри од контејнерите, се остава стар мебел и се создава нова дива депонија“, напиша градоначалникот.

— реклама —

По објавата, во коментарите се огласи Елена Рускова, која рече дека е жената на фотографиите и дека подигањето на кабастиот отпад го пријавила во Општина Аеродром и го платила. Според неа, преземањето било закажано за 22 октомври 2026 година.

Рускова најави тужба за клевета и јавно посрамување, барајќи од Митески да ги провери информациите кај општинските и инспекциските служби и јавно да ѝ се извини.

— реклама —

„Очекувам брзо да си проверите во Општината и инспекцијата дека сè ми е регуларно. И притоа очекувам јавно извинување“, порача таа.

Засега, од објавените информации не може независно да се потврди дали услугата била платена и дали мебелот бил оставен во согласност со правилата за негово преземање.

(Фото) Нов случај на несовесно одлагање мебел во Аеродром, Митески најави реакција

Оставање стар мебел покрај контејнерите и создавање диви депонии е проблем на кој мора да му се стави крај, порача градоначалникот на Општина Аеродром, Дејан Митески.Преку објава на социјалните мрежи, Митески информира дека е регистриран случај на оставање стар мебел на само неколку метри од контејнерите, со што се создава нова дива депонија.Според него, инспекциските служби веќе постапуваат по случајот, а градоначалникот упати благодарност до совесните граѓани кои реагирале и го пријавиле несоо

Скопје | пред 13 часа