Гувернерот Славески со порака по смртта на Алан Гринспен, кој почина на 100-годишна возраст

Гувернерот на Народната банка, Трајко Славески, преку објава на социјалните мрежи се прости од поранешниот претседател на американските Федерални резерви, Алан Гринспен, кој почина на 100-годишна возраст.

Славески ја објави пораката „RIP Alan Greenspan“ („Почивај во мир, Алан Гринспен“), споделувајќи и два познати цитати поврзани со долгогодишниот прв човек на Федералните резерви на САД.

— реклама —

Во објавата е цитиран и поранешниот републикански претседателски кандидат Џон Мекејн, кој во 1999 година изјави:

— реклама —

„Не само што повторно би го именувал господинот Гринспен – ако, не дај Боже, господинот Гринспен почине, би го направил истото како во филмот „Викенд кај Берни“. Би го исправил, би му ставил темни очила и би го задржал колку што можеме подолго.“

Славески сподели и еден од најпознатите цитати на Гринспен, поврзан со монетарната политика и инфлацијата:

— реклама —

„Во отсуство на златен стандард, не постои начин за заштита на заштедите од конфискација преку инфлација. Не постои сигурно средство за зачувување на вредноста.“

Алан Гринспен беше еден од највлијателните централни банкари во современата економска историја, раководејќи со Федералните резерви на САД во периодот од 1987 до 2006 година.