Филипче ја нападна одлуката на Славески за Алта банка: „Криминална одлука на криминална власт“

Претседателот на СДСМ, Венко Филипче, ја критикуваше одлуката на гувернерот на Народната банка, Трајко Славески, за воведување привремена администрација во Алта банка, оценувајќи дека со неа се ставаат во нерамноправна положба граѓаните и фирмите.

— реклама —

Во објава на социјалната мрежа Х, Филипче реагираше на ограничувањето според кое граѓаните можат да повлекуваат најмногу 10.000 денари неделно, додека за фирмите нема такво ограничување.

— реклама —

— реклама —

Тој обвини дека средствата на граѓаните остануваат недостапни, додека, според неговите тврдења, фирми поврзани со ВМРО-ДПМНЕ ќе можат слободно да ги повлекуваат парите. Филипче упати и обвинувања за потеклото на дел од средствата во банката, поврзувајќи ги со тендери и пари што, како што тврди, ги префрлил српскиот претседател Александар Вучиќ, а кои се предмет на истрага.

„Криминална одлука на криминална власт. Партиските фирми на организираната криминална група ќе си ги повлечат парите, а народот ќе остане без своите пари“, напиша Филипче.