Хаџи Василева за правните мислења: Го симнуваат нивото на правна култура, тоа не се докази

Новоизбраната шефица на ОЈО за ГОКК, Искра Хаџи Василева, по рочиштето за апелацискиот судија Ѓоко Ристов изјави дека во некои судски процеси правните мислења кои се предлагаат како докази го симнуваат нивото на правна култура кај нас и, според неа, тие не се докази.

— реклама —

„Денес беа презентирани материјални докази, меѓу кои правни мислења и јазични толкувања кои ги даваат професори под плаштот на некаков академски авторитет. Модерно стана, ќе си дозволам, да се даваат на некои судења, но во суштина тоа го симнува нивото на правната култура кај нас бидејќи, земено правно и професионално, тие немаат никаква тежина и значење. Судот го врзуваат фактите и доказите изведени на рочиште. Правните мислења дадени како нечиј авторитет навистина не го врзуваат судот и навистина е несериозно воопшто да се користат овој тип докази кои во суштина не се докази и не можат да бидат докази“, рече Хаџи Василева.

— реклама —

Таа го коментираше правното мислење од професорот Гордан Калајџиев кое одбраната го побарала и изготвила како материјален доказ во судскиот предмет против апелацискиот судија Ѓоко Ристов.

— реклама —

„За правните мислења, односно, да речам, правната суштина на правните мислења треба да се прочита и тоа секако судот ќе го цени. Забележливо за обвинителството беше дека се критикува правна норма, постојна норма од Кривичниот законик, во овој даден момент, којашто е одамна усвоена во нашето право, усвоена како усогласување на нашата земја со конвенциите за корупција. И токму сега, еве, некој од правните авторитети, забележливо е во самото мислење, дека самата норма ја условува како да има контроверзии. Тоа е една од забележливите работи...“, рече Хаџи Василева и дополни дека свој коментар ќе даде и во завршниот збор на обвинителството за овој предмет.

— реклама —

На 90 страни вештак објаснува за парите на Ристов, судијата не може да одговара за прикривање имот, вели одбраната

На 90 страни е финансиското вештачење со кое одбраната на судијата Ѓоко Ристов ќе докажува како биле заработени 350 илјади евра плус сите пари на сметките во неговото семејство.„Едниот е за ДНК-анализа, болен е и ќе достави медицинска документација. Како што слушнавте, финансиското вештачење сè уште не е завршено. Во контакт сме со вештакот. Вештачењето е на 90 страни. Кажано ми е дека се проверени сите сметки од сите банки за сите шест лица, што бара навистина време. Ќе го видиме вештачењето и

Македонија | пред 1 час