Одбраната на Ѓоко Ристов достави правно мислење од Калајџиев според кое судијата не треба да одговара за кривичното дело „злоупотреба на службената положба“

Во материјалните докази на одбраната во судскиот предмет против Ѓоко Ристов беше изведено вештачењето од минатото рочиште на вештото лице Емилио Фришчиќ.

— реклама —

Меѓу материјалните докази одбраната изведе и мислење од професорот Гордан Калајџиев во кое се наведува дека Ристов како апелациски судија не треба да одговара за кривичното делo „злоупотреба на службената положба“.

„Правно мислење на Гордан Калајџиев во однос на законското обележје на кривичното дело во кое стои дека судиите не се опфатени како службени лица и се однесува исклучиво на лица во јавните претпријатија или друго правно лице што располага со државен капитал, а судовите и обвинителствата, тоа не се“, рече адвокатот Давидовиќ.

— реклама —

На денешното рочиште не дојдоа ниту двајцата вештаци на одбраната. Првиот, Атанас Козарев, треба да ги објаснува ДНК-трагите пронајдени на парите и на фолиите. Вториот, пак, Антонио Ѓорѓиев, треба да го презентира пред судот економското вештачење со кое одбраната ќе докажува како родителите на Ристов ги стекнале парите.

— реклама —

Судијката Билјана Коцевска реагираше за следното рочиште одбраната да ги обезбеди и навремено да го извести судот доколку не доаѓаат.

„Не ми е јасно, уште на првите рочишта беше присутен техничкиот советник, сега кога треба да дојде, го нема. Имавте доволно време да го подготвите вештачењето и на следното да биде готово и да се достави до Обвинителството, за да може да се произнесе и вкрстено да го испраша сведокот“, рече судијката Билјана Коцевска.

— реклама —

По сведоците, исказ пред судот ќе дава Ристов. Следното рочиште е закажано за 20 ноември.