На 90 страни вештак објаснува за парите на Ристов, судијата не може да одговара за прикривање имот, вели одбраната

На 90 страни е финансиското вештачење со кое одбраната на судијата Ѓоко Ристов ќе докажува како биле заработени 350 илјади евра плус сите пари на сметките во неговото семејство.

— реклама —

„Едниот е за ДНК-анализа, болен е и ќе достави медицинска документација. Како што слушнавте, финансиското вештачење сè уште не е завршено. Во контакт сме со вештакот. Вештачењето е на 90 страни. Кажано ми е дека се проверени сите сметки од сите банки за сите шест лица, што бара навистина време. Ќе го видиме вештачењето и ќе го изведеме и како доказ. А го повлековме барањето за сослушување на сведоците од причина што со истите не можеме да стапиме во контакт, а во досегашната постапка и изведените докази покажаа дека и немаат (сведоците) некоја голема вредност по однос на веќе изведените докази. Нема да докажат ништо ново“, рече адвокатот Давидовиќ.

— реклама —

Тој дополнително рече дека правното мислење од професорот Гордан Калајџиев било побарано за ова судење, за да се објасни едно од кривичните дела за кои се гони Ристов, односно „противправно стекнување и прикривање имот“.

„Би било несериозно да биде од ФБ-статус. Тоа е правно мислење и делот е прочитан за да го чуете по однос на правната квалификација онака како што почна предметот, па некако се подзаборави во текот на постапката каде што одбраната тврди дека судија не може да биде опфатен со законското битие на ова кривично дело. Бидејќи истото се однесува на службено или овластено лице во јавно претпријатие, јавна установа или правно лице кое располага со државен капитал. Ништо од тоа не е судот“, рече адвокатот.

— реклама —

Тој дополни дека родителите на Ристов заработиле за шест години 975 илјади евра, а тоа ќе се докаже со вештачењето.

— реклама —

„Економското вештачење треба да покаже тоа што го покажа и вештачењето на обвинителството, донекаде се совпаѓаат, дека е сосема можно толкави пари да заработат мајката и таткото на Ѓоко Ристов и да имале можност истите да ги издвојат. Тоа, ако заборавате, да ве потсетам, и вештакот на ОЈО ГОКК го кажа. За шест години заработиле 975 илјади евра“, рече Давидовиќ.