Хималаите и натаму се нестабилни: Денеска и утре се стравува од втор и трет бран

По разорните поплави и одрони во Непал, стручњаците предупредуваат дека опасноста за погодените подрачја сè уште не е завршена. Можно е денеска или утре да следат нови, втор и трет бран на одрони и поплави.

— реклама —

Басанта Раџ Адхикари, директор на Центарот за проучување на катастрофи при непалскиот Универзитет „Трибхуван“, за Би-би-си изјави дека засега не може со сигурност да се предвиди дали и кога ќе се случат нови бранови.

— реклама —

„Сè уште не знаеме“, рече Адхикари, додавајќи дека е во контакт со колеги во Кина кои внимателно ја следат состојбата.

Според него, во моментов нема обилни врнежи, но опасноста од нови одрони и натаму е присутна, особено поради нестабилноста на теренот.

— реклама —

Адхикари посочи дека стручните тимови веќе подолго време ги следат опасностите во Хималаите, поврзани со климатските промени.

— реклама —

„Климатските промени навистина се случуваат овде. Ги следиме, но не можевме да знаеме дека нешто вакво ќе се случи токму на одреден ден“, изјави тој.