Стравичен биланс од поплавите во Непал: 1.252 загинати, речиси 5.000 исчезнати

Бројот на загинатите во поплавите во Непал се искачи на 1.252, додека 4.875 лица и натаму се водат како исчезнати, соопшти непалската полиција.

— реклама —

Министерството за надворешни работи на Непал информира дека досега се спасени 324 странски државјани, додека околу 590 лица од 39 земји сè уште се водат како исчезнати.

— реклама —

Спасувачките екипи користат хеликоптери и други летала за да стигнат до отсечените заедници во областите каде што надојдените води и свлечиштата ги уништиле патиштата и мостовите.

Потрагата по исчезнатите продолжува, а екипите за итни интервенции се обидуваат да допрат до најпогодените подрачја.

— реклама —

Катастрофата започнала на 26 август, кога високо на Хималаите се урнал глечер, што предизвикало свлечишта и разорни поплави.

— реклама —

Бројни населени места останале отсечени од остатокот од земјата откако поројните води и свлечиштата уништиле клучна патна инфраструктура, дополнително отежнувајќи ги спасувачките операции.