ХРТ: Инцидент во Белград, минувачи се обиделе да ја избркаат новинарската екипа

Центарот на Белград е под засилени безбедносни мерки, со голем број припадници на интервентната полиција и жандармеријата. Од српската престолнина известувал новинарот на ХРТ, Марин Ќуриќ, кој посочил дека атмосферата е напната.

— реклама —

Тој раскажал дека пред неговото директно вклучување имале непријатно искуство, кога неколку минувачи се обиделе да ги избркаат. Околу нив, како што навел, имало и бројни млади лица со качулки и покриени лица.

— реклама —

Припадниците на жандармеријата и интервентната полиција уште од пладне ја блокирале улицата во која се наоѓа Републичката изборна комисија (РИК). Ќуриќ оценил дека повеќе околности укажуваат оти изборната ноќ можеби нема да помине мирно.

— реклама —

Интервентната полиција била распоредена и во други делови на градот. Изборниот ден го одбележале бројни инциденти, а биле претепани и набљудувачи и новинари.

Истовремено, изборите биле одбележани и со рекордна излезност. Според податоците на ЦЕСИД, до 18 часот на гласање излегле речиси 65 отсто од избирачите, што е значително повеќе отколку на претходните избори. Избирачките места се затвораат во 20 часот.