Илија Срдановиќ по упадот во „Информер“: Не прибегнувајте кон насилство

Илија Срдановиќ, носител на студентската листа, ги повика граѓаните во Србија да останат смирени и достоинствени по упадот во телевизијата „Информер“, нагласувајќи дека изборниот процес сè уште не е завршен.

— реклама —

Во обраќање објавено на официјалниот профил на Инстаграм, тој побара од граѓаните да не прибегнуваат кон насилство и да го задржат мирното однесување.

— реклама —

„Почитувани сограѓани, ве молиме да останете смирени и достоинствени, како што бевте досега, до крајот на изборниот процес, но и потоа. Изборите сè уште не се завршени, а изборните резултати не се објавени“, порача Срдановиќ.

Тој повторно повика на воздржаност, истакнувајќи дека студентската листа и студентското движење бараат од граѓаните да останат достоинствени до самиот крај.

— реклама —

„Не прибегнувајте кон каков било вид насилство. Тоа од вас го бараат вашата студентска листа и вашето студентско движење. Да живее Србија“, заклучи Срдановиќ.

View this post on Instagram