Времето денеска ќе биде променливо облачно со сончеви периоди, а попладне и во текот на ноќта во јужните и западните делови се очекуваат локални врнежи од дожд, информира Управата за хидрометеоролошки работи.
Ќе дува умерен, а наместа долж Повардарието и засилен ветер од југоисточен правец, кој ќе достигнува брзина над 60 километри на час. Минималната температура ќе се движи од 4 до 10 степени, додека максималната ќе достигне од 17 до 22 степени.
Во Скопје, претпладне ќе биде сончево, а попладне променливо облачно со умерен до засилен југоисточен ветер. Температурата ќе се движи од минимални 8 до максимални 21 степен.
Во наредните денови до четврток ќе преовладува променливо облачно време со услови за локални врнежи од дожд. Врнежите ќе бидат пообилни во четврток, особено во источните делови, каде што ќе има услови и за ретки грмежи.
Во петок се очекува претежно облачно време, додека во сабота ќе биде сончево со мала до умерена облачност. Во недела претпладне ќе биде сончево, а попладне повторно ќе има услови за дожд, претежно во западните делови.
