Во јавноста неодамна излегоа вести и фотографии од декласифицирани документи, според кои првиот претседател на независна Македонија, Киро Глигоров, во 1992 година одбил понуда од 100 милиони долари за промена на името на државата. Пратеникот Миле Лефков на прашање на новинарите каков е неговиот став во врска со ова, го поврза случајот со поранешната влада на СДСМ.
„Ова е навистина едно значајно прашање кое отвора прашање и за друг случај, а тоа е следното. Ако Киро Глигоров, како поранешен претседател, одбил 100 милиони долари за промена на името, колку Заев и Филипче имаат земено за промената на името Македонија? Тоа е прашањето кое што се наметнува по овој случај.
И тоа е сосем легитимно прашање кое треба јавно да биде одговорено од ова дуо, бидејќи како прво, станува збор за прашање од важност за државата и за граѓаните, и како второ, ако земале пари, тоа се пари кои што се земени од нелегални активности и треба да се одговара за истото.
Да потсетиме дека овие двајца се врзуваат со згради во Дубаи,со индиски авиокомпании, со фирми на Балканот, јахти и така натаму. Дали парите им се заработени од продажбата на името на Македонија се трошат на ваков начин и за колку пари го продале ако го сториле истото?
ВМРО-ДПМНЕ повикува на истрага од надлежните институции за ова најголемо национално предавство“, вели Лефков.
