Најнови вести

7 год.

Бредли Купер купи стан на Менхетен вреден 13 милиони долари

Познатиот глумец Бредли Купер купи стан во Њујорк кој чини 13 милиони долари. Холивудската ѕвезда во новиот дом ќе живее со моделот Ирина Шајк и нивната едногодишна ќерка Леа.После големиот успех во филмот “Ѕвездата е родена”, инаку кандидат за Оскар, американскиот актер се почасти себеси и својата фамилија со луксузни неверојатни 370 квадратни метри на Менхетен во Њујорк.Новиот стан има шест спални, четири купатила, приватно кино, паметни уреди…. Дневната соба има камин и поглед на приватна градина каде се наоѓа скара, како и маса за пинг-понг.

Магазин | пред 7 години

7 год.

Ученичка се срами од професорот Мухиќ, кој гласаше за уставни измени

„Срам да ви е, и ако ви е треба да ви е, а ако не ви е, срам да ви е што ни срам немате!Срам да Ви е професоре Ферид Мухиќ се надевам дека никогаш повторно нема да имате прилика да предавате за Кант. Се надевам дека никогаш повеќе нема да предавате за морален закон, бидејќи во момент кога политиката Ви стана поле на интерес се поведовте од паролата: Етиката и политиката не одат заедно! Срам да ми е мене што се срамам што учев од Вашите предавања, Ви верував дури и се идентификував со вас“, напиша Магдалена Стојмановиќ.Во продолжение, Скопје1 интегрално ја пренесува реакцијата на Магдалена Стојмановиќ.Срам да Ви е што лажевте цели генерации предавајќи германска класична филозофија и пред сѐ предавајќи за Кант. Срам да Ви е колку што ми е и мене што воопшто човек како вас ми беше не само професор, туку и педагог. Срам да Ви е што погазивте национално чувство на огромен број на луѓе и се дрзнавте да одлучувате во нивно име иако свесно знаете дека човек кој одлучува да постапи со другот спротивно од неговата волја е злосторник. И силувачот постапува против волјата на силуваниот кога го врши чинот на силување. Крадецот постапува против волјата на ограбениот кога врши кражба. Убиецот постапува против волјата на убиениот кога врши убиство. Постапување против волјата на другиот значи злосторство и човек што учел етика добро го знае тоа. Лажевте дека од стана на народот не се слушна ништо за да ја оправдате својата одлука, за да покажете дека по утилитаристички параметри вие постапувате согласно волјата на најголемиот број луѓе кои се изјасниле на референдумот. Да професоре се слушна разорувачко БОЈКОТИРАМ, а вие како талентиран за музика со изострен слух тоа требаше да го слушнете појасно од сите оние кои заедно ја делат со вас собраничката сала. Вака не нѐ учеше Кант професоре!Срам да Ви е екс министерке за култура, уметничка душо која покажуваше емпатија со уметниците во Македонија и нивната незавидна општествена положба. Симулиравте емпатија со уметници а добро знаеме дека ниту еден уметник, не би погазил чувства на друго човечко суштество бидејќи добро знае дека неговата улога во светот е да ја намалува болката. Се надевам дека сега ќе имате доволно пари да купите сѐ што ќе посакате и многу повеќе од тоа, само за да сфатите дека за големи работи треба барем малку душа. Се надевам дека ќе купувате сѐ повеќе, за да сфатите дека имате сѐ помалку.Срам да ви е на сите кои учествувате во креирање и ширење на манипулации за референдумското прашање, вие гласавте за промена на уставно име, а не за Европска Македонија. Сега кога се пристапи кон промена на Устав напикајте си ги во газ и НАТО и ЕУ пошто ништо подалеку од сопствениот газ и не гледате.Срам да ви е вам кои симулиравте национални чувства тогаш кога требаше да бидете допадливи на носителите на една извршна власт за да добиете столче во некоја јавна или државна институција, а сега знаејќи дека можете да ја изгубите погазивте се што го изјавувате за време на мандатот на политичката партија која предходно беше на влас. Се надевам дека цел живот ќе доживувате такви метаморфози и никогаш нема да успеете да се фатите себе.Срам да ви е на сите Албанци, Турци, Власи, Срби, Роми, Бошњаци кои вчера се дрзнавте да одлучувате за прашање кое има национална димензија. Се надевам дека таа демократичност, толерантност, космополитизам и филантропија ќе ја покажете и во оној момент во кој некој вам ќе ви ги креира националните чувства и ќе ви кажува како треба да се чувствувате.Срам да ви е на сите вас заедно со мене што вчера наместо да ги наполниме улиците и да го игнорираме овој корумпиран систем, удобно сместени од тв екрани чекавме што 117 луѓе ќе одлучат за нас.Срам да им е на сите замолчани интелектуалци кои за време на шарената револуција извикуваа – НЕМА ПРАВДА НЕМА МИР а сега се кријат во кабинетите и си играат наука.Срам да ви е толку што срам треба да умрете, барем од срам ако умрете малку достоинство ќе внесете во својот живот.Магдалена Стојмановиќизвор: мкдпрес

Коментари | пред 7 години

7 год.

Левица најавува радикален отпор

„Тоа што некни се случи во Собранието на Република Македонија е само драмски чин на претставата каде тиранијата на политичките елити уште еднаш се маскираше во „демократија“! Поединците од двете криминални политички здруженија на СДСМ и ДПМНЕ, кои денеска се наоѓаат во македонското Собрание, како божемни народни претставници, после неуспешниот Референдум за „Северна Македонија“, веќе не се легитимни да одлучуваат за промена на уставното име на Републиката спротивно на народната волја“, велат од Левица.Според нив, политичката корупција не може да произведе правовалидни одлуки кои ќе го обврзуваат народот! Корумпираните пратеници, заради своите криминални досиеја, се подложни на уцени и поткупи што дополнително ја саботира нивната политичка способност да можат независно и, во согласност со волјата на народот, да носат легитимни одлуки во Собранието на РМ. Македонија е заробена држава во нивниот пеколен круг, а заткулисните антидемократски игри на двете политички орди му служат на еден ист господар – капиталот и парите.„Тие глумат спротивставеност, но кога доаѓа време за спроведување на вазалните одлуки на нивните империјални господари, што народот изрично ги одбил, овие структури – преку заемна заштита и зад затворени врати – ја кројат судбината на народот, по теркот на окупаторот. Затоа, веќе немаат смисла никакви повикувања на владеење на правото и утврдените стандарди и процедури, оти оваа одметната владејачка гарнитура ги има впрегнато сите власти под своја контрола и со политичките противници се справува користејќи го апаратот на државната принуда и репресија.Поради ова, повикуваме на масовен граѓански Отпор против сите инволвирани во оваа уставно-политичка криза и нејзино идно надминување преку ултимативно исполнување на следниве барања:Безусловно суспендирање на противуставната и илегална владина иницијатива за промена на Уставот на РМ и поништување на отфрлениот т.н. „Преспански договор“;Итно распуштање на парламентот и закажување на предвремени парламентарни избори;Формирање преодна техничка влада со ограничен мандат единствено за спроведување фер и демократски избори.Политичката партија Левица најавува дека во иднина се враќа на улиците и ќе ги искористи сите парламентарни и вонпарламентарни начини на политичка борба, со цел враќање на киднапираниот суверенитет на народот! Обзнануваме дека во секоја наредна фаза на гласањето на контроверзните уставни промени ќе бидат организирани масовни антивладини простести под мотото #НароднаСамоодбрана, пред законодавниот дом, во кој седат гробарите на АСНОМска Македонија!Секојдневни радикални политички акции, во координација со сите засегнати политички чинители кои се против промена на уставното име, ќе бидат систематски преземани низ територијата на целата Република.Ги повикуваме сите прогресивни сили да ни се приклучат кон движењето, сè до конечната победа.Кога неправдата станува закон, Отпорот е наша должност!“, стои во соопштението.

Македонија | пред 7 години

7 год.

44464632_297025617797678_8288878331105902592_n

(ФОТО ВЕСТ) Името го даваме, ѓубрето не!

Покрај многуте коментари за уставните промени кои ги налага договорот со Грција, на социјалните мрежи жителите на Скопје реагираат на нечистотијата и отпадот присутен во градот.Преполните корпи за отпадоци и контијери ги има на секој чекор, коментираат корисниците на социјални мрежи

Скопје | пред 7 години

7 год.

Нема фотографија

Дејвид Бекам проговори за гласините околу разводот

Дејвид Бекам проговори за односите со Викторија и призна дека било тешко да се сочува нивниот брак.„Да се биде во брак толку многу години е тешка работа. Со текот на времето стана многу комплицирано“, изјави Бекам.Викторија во јуни објави слика со нејзината ќерка и изјави дека таа и нејзиниот сопруг функционираат нормално, а гласините за нивниот развод најмногу ги погодуваат нивните деца.„Луѓето измислуваат приказни за нас веќе 20 години. Дејвид и јас се навикнавме да ги игнорираме. Тие приказни повеќе ги погодуваат членовите на нашето семејство отколку нас двајца“, изјави Викторија.https://www.instagram.com/p/BjwSa-2FfEL/?utm_source=ig_embed

Магазин | пред 7 години

7 год.

Мајк Тајсон до Канје Вест: Почни да ги зимаш лековите

Откако Канје Вест јавно разговараше со Џими Кимел за својата борба со биполарно растројство, Мајк Тајсон му порача дека е време да почне да зема лекови.„Почни да ги пиеш тие е… лекови”, му порача познатиот боксер откако и самиот прозборе за своите психолошки проблеми за време на интервјуто за радио Реал 92.3.Тој откри дека пред 15 години му било дијагностицирано биполарно растројство.https://www.instagram.com/p/BpBdyXLnyFf/?utm_source=ig_embed„Знаев дека нешто не е во ред бидејќи имав напади на бес без никаква причина. Можеме да зборуваме за тоа со часови, но сé се сведува на ова: почни да ги земаш е…ните лекови. Немаше да бидам тука ако не почнев да ги пијам”, рече тој.

Магазин | пред 7 години

7 год.

Цветанова им се обрати на пратениците од ВМРО-ДПМНЕ

Поранешната министерка за култура, Ганка Цветанова преку својот твитер профил се обрати до пратениците од ВМРО-ДПМНЕ кои во петокот гласаа „За“ одлуката за пристапување кон измена на Уставот заради имплементација на Договорот од Преспа.https://twitter.com/gankacv/status/1053582573631356929„Најголемото наследство што можеш да му го оставиш на своето дете е ЧИСТ ОБРАЗ“, напиша Цветанова.

Македонија | пред 7 години

7 год.

Битолчанец до Канческа: Ни се помоча

Не стивнуваат објавите на социјалните мрежи против пратениците кои во петокот гласаа „За“ одлуката за пристапување кон измена на Уставот заради имплементација на Договорот од Преспа. Битолчанец на својот твитер профил ја објаснува својата, а и емотивната состојба на голем број Македонци.„Ко умрен незакопан сум, отруен во душа, грло ми се стега, солзи ќе прснат, срце ќе ми пукне. Ме убија со нивните предавнички дела – недела. Јаз’к !“, пишува тојhttps://twitter.com/AcoMalio/status/1053907312858091521„Ех мори €лиЗАб€та, затоа ли мрзневме по митинзи, затоа ли пукаа во нас со гумени куршуми, солзавци, шок бомби ?! Ни се помоча нас и на цела македонска историја ! Ќе те стигни и тебе пискотот на угнетените ! Ќе те јаде одвнатре секоја наша солза таговна !“, напиша битолчанецот.

Македонија | пред 7 години

7 год.

Нема фотографија

Нови тропски бури се движат кон Мексико

Две нови тропски бури се движат низ Тихиот океан кон Мексико, а една од нив може да се претвори во ураган, соопшти денеска американскиот Национален центар за урагани.Тропска бура Вила, која може да се претвори во ураган, е 21-та олуја формирана од почетокот на сезоната на урагани и се наоѓа 415 километри југозападно од мексиканскиот град Манзаниљо, а ветровите достигнуваат брзина од 110 километри на час, пишува АП.

Свет | пред 7 години

7 год.

Nola-Ismajloska-Starova-9jun17-VMRO-DPMNE

ВМРО-ДПМНЕ до пратеничката Исмајловска-Старова: Зарем вреди да се живее со предавство?

Претседателот на ОК на ВМРО ДПМНЕ Струга, Мирче Аџиоски, ја повика Нола Исмајлоска Старова, која гласаше за уставните измени, да го врати мандатот, како што рече, затоа што 7700 стружани кои гласаа на предходните парламентарни избори не и дале легитимитет да гласа за промена на Уставот и името на Република Македонија.-Бевме сведоци на најголемото предавство во поновата историја на Република Македонија. Се изврши насилство врз државата, но пред се, врз македонскиот народ, без да се почитува волјата на граѓаните, која што беше јасно искажана на референдумот. Се докажаа аспирациите на Зоран Заев и неколку луѓе околу него, кои по секоја цена, без да се бираат средства успеаја да обезбедат 2/3 (двотретинско) мнозинство, за жал со помош од 8 пратеници на опозицијата, меѓу кои и пратеничката на ВМРО-ДПМНЕ од Струга, Нола Исмајлоска Старова. Вие пратеничке, ги изневеривте вашите сограѓани, ја изневеривте државата во која живеете и загазивте врз волјата на граѓаните на Република Македонија. Зарем вреди да се живее со предавство и жигот кој сами си го закачивте на вашето име?! Зарем нашето име има цена, па се одродивте и одрековте од него?! – изјави Аџиоски.

Македонија | пред 7 години

7 год.

sdsm-predlozhi-zakon-za-stechajci-i-izmeni-na-zakonot-za-socijalna-zashtita-635491

СДСМ: Антизападното раководство на ВМРО-ДПМНЕ и Мицкоски се поразени од сопствената партија

„Раководството на ВМРО-ДПМНЕ и Христијан Мицкоски се антимакедонски и антизападни марионети спречени во обидите да ја закочат македонската иднина. Мицкоски и антизападното раководство на ВМРО-ДПМНЕ се поразени од сопствената партија и не успеаја да го блокираат патот на Македонија кон ЕУ и НАТО. Раководството на ВМРО-ДПМНЕ и антизападниот играч Мицкоски, да ги тргнат на страна рацете од сите граѓани и сите пратеници кои сакаат да ја видат Македонија во НАТО и ЕУ“, велат од владејачката СДСМ.Според нив 80 пратеници во Собранието слободно, по сопствено убедување и низ демократска постапка гласаа за иднина во ЕУ и НАТО и ја испочитуваа волјата на над 80 отсто од сите граѓани.„Македонија се обединува околу иднината во ЕУ и НАТО. Мицкоски и антизападното раководство на ВМРО-ДПМНЕ остануваат изолирани во темното минато на изолација и поделби“, стои во соопштението.

Македонија | пред 7 години

7 год.

Нема фотографија

Турчин со фалсификувана лична карта од Бугарија приведен на Табановце

На граничниот премин Табановце, во попладневните часови во петокот, за излез од Македонија при извршена контрола на лицето С.Т.М. на возраст од 32 години од Бугарија било констатирано неговиот документ за идентификација, односно неговата лична карта била фалсификат, соопшти полицијата.Со него бил извршен разговор во кој изјавил дека документот го набавил за сума од 500 евра, а неговиот вистински идентитет е А.К. и има 38 години а по потекло е од Турција, се наведува во соопштението на полицијата.Лицето веднаш било приведено и заедно со документот било предадено на полициски службеници од СВР-Куманово за понатамошна постапка.

Македонија | пред 7 години

7 год.

Приведен Албанец на Табановце, го прелепувал пасошот, со цел прекривање на забрана за влез во земји на ЕУ

На граничниот премин Табановце во петокот бил приведен еден Албанец бидејќи при извршена пасошка контрола било констатирано дека на неговата патна исправа била прелепувана дел на страница од друга патна исправа, со цел прекривање на постоечка забрана за влез во земјите членки на Европската Унија, соопшти полицијата.22-годишниот Ј.П. од Албанија бил приведен на Табановце во обид да излезе од Македонија.Лицето е приведено и заедно со патната исправа било предадено на полициски службеници од СВР-Куманово за понатамошна постапка, наведуваат од полицијата.

Македонија | пред 7 години

7 год.

Нема фотографија

Еден загинат во сообраќајка на влезот во Охрид

Тешка сообраќајна несреќа која се случи утрово околу 1 часот по полноќ, на влезот во Охрид во близина на Свети Еразмо.Според информациите од МВР, патничко возило „Фијат Пунто“ удрило во товарно возило „Мерцедес“. На местото на настанот починал Д.Р. (38) од Охрид, кој го управувал патничкото моторно возило „Фиат Пунто“ со охридски регистарски таблици. Во автомобилот, сопатници биле и лицата Љ.С.(51), И.Р.(51), И.Ѓ.(56) и Ј.К.С.(35), сите од Охрид, кои се здобиле со тешки телесни повреди. Со телесни повреди, се здобил А.М.(31) од охридското село Лешани, кој го управувал товарното моторно возило „Мерцедес“ со охридски регистарски ознаки.Увид на местото на настанот извршила увидна екипа од СВР-Охрид, предводена од Јавен обвинител. По наредба на Јавен обвинител телото на починатиот е дадено на обдукција. Се преземаат мерки за расчистување на случајот. 

Македонија | пред 7 години

7 год.

44495402_2028442300535305_341012655181398016_o

Град Скопје ќе ја менува оштетената опрема од сообраќајниците

Екипи на ЈП „Улици и патишта“ по налог на Град Скопје викендов почнаа со менување на оштетената урбана опрема од градските сообраќајници.„На терен на повеќе локации во Градот се отстрануваат оштетените заштитни столпчиња, жардиниери, бекатон плочки од патеките и рабници од тротоарите. На терен ќе биде поставена нова урбана опрема или дел од оштетената опрема што ќе биде санирана“, велат од Град СкопјеОваа активнот на ЈП „Улици и патишта“ ќе продолжи и во наредниот период, а со истата ќе бидат опфатени сите градски сообраќајници во општините.

Скопје | пред 7 години

7 год.

Премиерот Заев: 21-та Тортијада сведочи дека се можни искрени и верни пријателства

Претседателот на Владата на Република Македонија, Зоран Заев присуствуваше и го означи отворањето на 21-та Тортијада, настан што го организира Здружението на лица со телесен инвалидитет Мобилност од Струмица.На настанот свои обраќања имаа и градоначалникот на општина Струмица, Коста Јаневски и Претседателот на Здружението на лица со телесен инвалидитет Мобилност Македонија, Бранимир Јовановски.„Оваа традиционална манифестација, што се одржува 21-на година до денес, носи преубави торти пред нас. Но оваа Тортијада сведочи и дека се можни искрени и верни пријателства, што со години ги негуваме ниe со другарување помеѓу нас и грижа едни за други. Ова наше пријателство е и силна порака до целото општество, дека цврсти пријателства се можни, ако ги градиме со разбирање едни за други, со топлина и со љубов“, истакна Заев во своето обраќање.Премиерот меѓу другото истакна дека за првпат оваа година Владата донесе програма за персонална асистенција на лица со попреченост, целосно финансирана од буџетски средства. Целта е независно и самостојно живеење на лицата со попреченост и нивно активно и рамноправно учество во заедницата, посочи Заев.

Македонија | пред 7 години

7 год.

Нема фотографија

ВМРО-ДПМНЕ: Недемократското однесување на Заев ќе создава поголем гнев кај народот, кој е против менување на името

Зоран Заев и неговите 80 очајници не добија мандат на избори да го менуваат Уставот, да го бришат името Република Македонија и да го менуваат идентитетот, велат од ВМРО-ДПМНЕ.„Зоран Заев и неговите 80 очајници не добија поддршка ниту на референдумот да ја бришат историјата, традицијата и културата на Република Македонија. СДСМ и Зоран Заев ги погазија демократијата и правдата во Република Македонија. Немајќи смелост да се соочи со волјата на граѓаните која беше јасно искажана на референдумот, Заев посегна кон силување на институциите, државата и волјата на сопствениот народ. Со ваквото насилничко носење на закони спротивно одлуката на народот и присилното собирање на гласови во законодавниот дом под закани за политички прогон, СДСМ и Зоран Заев го изгубија легитимитетот да зборуваат за демократски и европски вредности“ се вели во соопштението на ВМРО-ДПМНЕ.Тие додаваат дека тоа што ѝ се случило на Македонија е срам и преседан кој нема допирни точки со демократијата и оти таков пример се нема случено во ниту една земја од западниот демократски свет.„Јавноста конечно ја виде позадината на политичкиот прогон преку СЈО и обвинението за настаните од 27 април. Монтирани обвиненија против пратеници кои подоцна ги искористија како уцени за добивање на двотретинско со цел менување на уставното име на Република Македонија и спроведување на договорот од Преспа. СДСМ со нивните насилнички и недемократски методи побараа и добија поддршка од истите пратеници за кои викаа дека се најголемо зло и им посакуваа се најлошо да им се случи. Силувањето на демократијата во Македонија од страна на власта само повеќе ќе го поларизира општеството. Недемократското однесување на Заев ќе создава поголем гнев кај македонскиот народ кој јасно порача дека е против менување на името на државата, против менување на личните исправи и против менување на историјата, традицијата и културата“ велат од ВМРО-ДПМНЕ.Според нив, со со овој чин СДСМ и Заев ставија крај на своите кариери.„Многу скоро ќе мора да се соочат со граѓаните, а тогаш оваа антинародна и недемократска власт ќе замине во историјата. Македонија и македонскиот народ многу пати во историјата се соочувале со тешки премрежија но секогаш излегувале како победници токму затоа што народот никогаш не се откажувал од својата земја. Демократијата и интегритетот на Македонија ќе и се вратат кога ќе си замине оваа ненародна власт и зло кое што и се случува на нашата држава. Македонија победувала и повторно ќе победи“ велат од ВМРО-ДПМНЕ.

Македонија | пред 7 години

7 год.

За Русија има само Република Македонија, не северна

Руската федерација по гласањето во македонското Собрание за промена на името, преку социјалната мрежа „Твитер“ реагираше во одбрана на уставното име на Македонија.https://twitter.com/Russian_Emb_MKD/status/1053754859969748992„Русија ја призна Република Македонија под нејзиното уставно име пред повеќе од 26 години и својот став не го менува“, пишува на официјалниот твитер-профил на руската амбасада во Скопје.

Македонија | пред 7 години

7 год.

Нема фотографија

Eдна држава го зголемува минималецот на 900 евра

Минималната плата во Шпанија ќе биде зголемена за 22% и ќе изнесува 900 евра од досегашните 736 евра.Ова ќе се случи ако биде усвоен буџетскиот план за идната година.Ова е многу важен чекор за буџетот на Шпанија за 2019 година и најголемо зголемување на минималната плата во изминатите 40 години.Шпанската малцинска социјалистичка влада се договори со левичарската Подемос за зголемување на минималната плата и зголемување на даноците за најбогатите.Највисоката минимална плата во ЕУ е во Луксембург и изнесува 1.687 евра.Зад неа е Холандија до 1.430 евра, а трета е Ирска со 1.509 евра.Шпанија е на осмата позиција.

Свет | пред 7 години

7 год.

Домовите на пратениците од ВМРО-ДПМНЕ кои гласаа ЗА уставни промени под полициско обезбедување

Пред куќите на пратениците од Охрид, Љубен Арнаудов и Сашо Василевски, е забележано полициско присуство, пренесува Алсат. Тие двајца, заедно со останатите пратеници од опозицискиот собраниски состав, кои гласаа ЗА уставни промени во Собранието, се исклучени од редовите на ВМРО-ДПМНЕ откако отстапија од партиската агенда.Телевизија Алсат тврди дека домовите вчера биле под строга заштита од страна на полицијата.Покрај тоа, полициски патроли го надгледуваат и домот на Крсто Мукоски во Вевчани. МВР и премиерот Зоран заев веќе проценија дека овие пратеници ќе бидат под закана, бидејќи вчераги гласаа и поддржаа уставни промени во драматична завршница. По гласањето имаше бура од закани и клетви на социјалните мрежи, а полицијата веќе поднесе една пријава.Случајно или не,тројцата пратеницисе обвинети и има и активни процеси против нив вод страна на редовното Обвинитество. 

Македонија | пред 7 години

7 год.

Нема фотографија

Македонија создаде раскол во Владата на Ципрас?

На повидок се нови конфликти во грчката Влада, пишува грчкиот весник „Катимерини”, по гласањето за почеток на процедурата за уставни промени во македонското Собрание.Грчкиот премиер, Алексис Ципрас доцна му честиташе на својот македонски колега, Зоран Заев, за, како што посочи постигнатиот важен чекор во заедничкиот успех, односно да го прифатат предлогот на Владата за измените на Уставот, според кој меѓу земјата се преименува во Република Северна Македонија.Ова се случува неколку дена по оставката на грчкиот министер за надворешни работи, Никос Коѕијас.Според „Катимерини”, Ципрас би требало да сфати дека поделбите во домашната политика се неизбежни и дека тие се одразуваат на стратешките национални интереси на државата.Весникот, пишува дека Ципрас треба да разбере и да влијае на изјавите на министерот за одбрана, Панос Каменос кои можат да влијаат на домашната политичка сцена.Неговото обвинение за поткуп на македонски пратеници поради негативните политички интереси е тема во која грчката јавност брзо ќе се пронајде, а во грчките кафеани ќе се прашуваат: „Колку наши пратеници ќе гласаат за договорот од Преспа”.

Свет | пред 7 години

7 год.

image-0-02-04-f4ca9fabfb593cf707712acd064d271378543984921182b97c493f66286889db-V

Заврши есенската дератизација во Кисела Вода

Општина Кисела Вода заврши со активностите за есенска дератизација за уништување на штетни глодари на својата територија.„Со истата беа опфатени 3863 шахти, во сите месни и урбани заедници. Работните активности на терен ги изврши фирмата Токси Вет, во соработка со ЈП Водовод и Канализација, преку Секторот за комунални работи, инфраструктура, сообраќај и заштита на животната средина“, велат од општина Кисела Вода.Акцијата за уништување на штетните глодари спроведува два пати годишно, на пролет и на есен.

Скопје | пред 7 години

7 год.

15 загинати во нападот на избирачкото место во Кабул

Бројот на загинати во нападот во Кабул се зголеми на 15 лица.Бомбаш-самоубиец денеска се разнесе во главниот авганистански град и усмрти 10 цивили и пет полицајци, и тоа пред затворање на гласачкото место.Денеска во земјата се одржуваат парламентарни избори.Засега никој не ја презеде одговорноста за нападот.

Свет | пред 7 години

7 год.

Нема фотографија

Времето променливо облачно со повремен локален дожд

Времето денеска ќе биде променливо облачно, а околу пладне и попладне повторно ќе има локални врнежи од дожд. Ќе дува слаб до умерен ветер од североисточен правец, а температурата ќе се движи до 23 степени, соопштија од УХМР.Во Скопје времето исто така ќе биде променливо облачно околу пладне и попладне повторно ќе има локални врнежи од дожд, со температура до 18 степени.Во наредните денови времето ќе биде променливо и постудено со повремени локални врнежи од дожд, а на повисоките планини со услови за снег, особено в среда. Пообилни врнежи се очекуваат в понеделник. Повремено ќе дува засилен северен ветер, а дневните температури позначително ќе опаднат.

Македонија | пред 7 години

7 год.

Богојески: Пратениците што гласаа „за“ се визионери, раководството на ВМРО го загуби легитимитетот

Иако можеби сега не изгледа така, пратениците кои гласаа за Договорот од Преса во иднина ќе бидат визионери што застанале на победничката страна на историјата, смета Петар Богојевски од реформаторското крило на ВМРО-ДПМНЕ, кој неодамна беше разрешен од позицијата заменик генерален секретар.-Одлуката на Собранието на Република Македонија е само еден почеток на процесот на имплементирање на решенијата на Преспанскиот договор врз Уставот на нашата Република.Се надевам за многу краток период ќе се вградат решенија кои ќе значат условена имплементација на уставните амандмани, доколку Грција не го ратификува овој договор. Дополнително, овој процес нуди можност и за други измени, со кои Македонија може целосно да расчисти со своето комунистичко минато – вели оценува Богојевски.Според него, исклучувањето на пратениците на ВМРО-ДПМНЕ кои гласаа за договорот од партиските органи е невалидно.-Актот на таканаречено исклучување од партијата покажа две работи. Прво, ова раководство го водат гнев и омраза, себичност и кратковидост, со целосно суспендирање на внатрепартиската демократија. Второ, тоа беше нестатутарна одлука, надвор од пропишана процедура, а со тоа и невалидна. Како и да е, ова раководство самото себе си се делегитимираше и го изгуби целиот кредибилитет да ја води партијата – вели Богојески.

Македонија | пред 7 години