СВР Велес поднесе кривична пријава против К.И. (26) од Кавадарци поради постоење основи на сомнение за сторено кривично дело „оштетување и неовластено навлегување во компјутерски системи“.
Според пријавата, осомничениот набавил податоци од платежна картичка сопственост на 60-годишно лице, по што во повеќе наврати извршил поголем број трансакции за онлајн плаќања. Со ваквите дејствија, тој се стекнал со противправна имотна корист во износ од 232.788 денари.
По целосно документирање на случајот, против пријавениот ќе се води соодветна постапка.
