БЕЛГРАД

По две и пол години започна извлекувањето на сплавот ‘Фристајлер’ од Сава

По две и пол години започна извлекувањето на познатиот белградски сплав „Фристајлер“, кој потона на 1 јануари 2023 година за време на новогодишната прослава.На местото кај Бранковиот мост, каде што сплавот исчезна под водата, поставена е голема механизација која работи на негово отстранување.Во моментов механизацијата вади наслаги од кал, по што се очекува сплавот постепено да биде подигнат на површината.И во минатото имаше обиди за извлекување на овој објект, но тие завршија без успех.Да потсетиме, „Фристајлер“ потона меѓу 1 декември 2022 и 1 јануари 2023 година. Како главна причина тогаш се наведуваше преголемиот број луѓе кои се наоѓале на сплавот во моментот на неговото потонување.

Свет | пред 6 месеци

Војска и студентите се поздравија и покрај полицискиот кордон на парадата во Белград

На денешната воена парада „Снага јединства“ во Нов Белград, и покрај строгите полициски бариери, дојде до кратка интеракција меѓу студентите и припадниците на Војската на Србија, јавува Nova.rs.Според извештаите, полицијата прво спречила дел од студентите и граѓаните да присуствуваат на парадата, држејќи ги во полициски обрач. Истовремено, друга група луѓе која била организирано доведена, се движела без пречки.И покрај тоа, дел од војниците возвратиле на поздравите што им ги упатиле студентите и граѓаните од внатрешноста на полицискиот кордон. На социјалните мрежи се појави и видео од моментот, проследено со пораката на студентите: „Војска је народна“.Организацијата на парадата ја спроведоа Министерството за внатрешни работи и Жандармеријата под команда на директорот на полицијата Драган Васиљевиќ и министерот Ивица Дачиќ, а пред сè со поддршка на претседателот Александар Вучиќ.

Свет | пред 6 месеци

Џеки Чен доби нова главна улога, ќе биде амбасадор на EXPO 2027 во Белград!

Светски познатиот актер и мајстор на боречки вештини Џеки Чен е назначен за амбасадор на специјализираната изложба Експо 2027, што за прв пат ќе се одржи на Западен Балкан, во Белград.Настанот ќе се одвива под мотото „Играј за хуманост – Спорт и музика за сите“ и има за цел да покаже како преку спортот и музиката луѓето можат да се поврзат и заеднички да одговорат на глобалните предизвици.Во разговор за Euronews, Чен нагласи дека културата, спортот и музиката не треба да се гледаат одвоено, бидејќи се различни изрази на ист дух. Тој изрази уверување дека Белград во 2027 година ќе стане место на средба меѓу Истокот и Западот. View this post on Instagram A post shared by Aleksandar Vučić (@buducnostsrbijeav)По повод назначувањето, српскиот претседател Александар Вучиќ се сретна со актерот и сподели фотографија на социјалните мрежи.„Голема чест е што оваа глобална филмска ѕвезда и еден од најголемите културни амбасадори ќе го претставува EXPO во Србија. Убеден сум дека како промотор на EXPO 2027 ќе обезбеди силна поддршка за презентирање на настанот, кој ќе ја стави Србија во центарот на светското внимание“, напиша Вучиќ.

Балкан | пред 6 месеци

„Сè запира во понеделник“ - нов голем протест во Белград

Студентите во блокадата најавија нов голем студентски протест за понеделник во Белград поради, според организаторите, полициската репресија во Нови Сад. Протестот ќе започне во 14 часот пред Владата на Србија под слоганот „Индексот е посилен од пендрек“. Студентите во блокадата, кои го координираат собирот преку социјалните медиуми, најавија дека по Владата, колоната ќе се движи низ градот до Секторот за внатрешна контрола на Министерството за внатрешни работи.Овој протест следеше по бурните настани во Нови Сад, каде што минатиот петок полицијата употреби сила врз граѓаните и студентите собрани пред Филозофскиот факултет. Во тоа време беа употребени шок бомби, солзавец, топовски истрели... Студентите тврдат дека станува збор за однапред планиран чин на репресија, а не за реакција на наводното насилство, како што тврдеше Министерството за внатрешни работи во своето соопштение. View this post on Instagram A post shared by Samoorganizovana grupa studenata - Blokada (@studenti_u_blokadi)Во соопштението што студентите го објавија по интервенцијата, се наведува дека полицијата извршила „најбрутални напади врз сопствените граѓани“, додека сцените на тепања и рации на факултетите беа оценети како доказ дека државата се справува со мирни демонстранти.Тие додадоа дека однесувањето на студентското движење во последните недели имало за цел смирување на тензиите, но дека настаните во Нови Сад покажале дека мирно решение „не е можно ако само едната страна го сака тоа“.Во меѓувреме, дел од приведените демонстранти во Нови Сад веќе се слушнати, додека протести се организирани и во други градови на Србија. Во исто време, минатата недела се одржаа собири против блокадите, организирани од поддржувачи на Српската напредна партија, а во некои градови имаше директни конфронтации меѓу двете групи. Според Министерството за внатрешни работи, ситуацијата главно се смирила до доцна навечер.„Сè запира во понеделник. Се гледаме“, рекоа студентите пред денешниот протест.

Свет | пред 6 месеци

Последен аплауз за Фросина Кулакова: Белград ќе ѝ оддаде почит со ревија на нејзината последна колекција

Модниот свет ќе ѝ се поклони на Фросина Кулакова на 26 октомври во Белград, во рамки на финалната вечер на „Топ Модел Европа Балкан“ што ќе се одржи во престижниот хотел „Москва“. Неповторливата дизајнерка, која остави силен печат во македонската мода, ќе биде чествувана со специјална трибјут-ревија на нејзината последна колекција.Токму оваа колекција, создадена со нејзината препознатлива креативност и посветеност, ќе ја потсети публиката на уникатниот потпис што Кулакова го внесе во модната сцена. Настанот ќе претставува симболичен „последен аплауз“ – ревија во нејзина чест, која ќе ја овековечи нејзината работа и страст кон модата.„Топ Модел Европа Балкан“ оваа година носи силен македонски печат. На сцената ќе дефилираат 20 македонски манекени и манекенки кои ќе се натпреваруваат за титулата и можноста да го претставуваат Балканот на големото финале во Брисел. Жирито ќе ги оценува според харизмата, сигурноста и умешноста да ги презентираат модните дела.Заедно со Кулакова, публиката ќе ги проследи и креациите на уште две познати македонски дизајнерки – Душица Шалева, со нејзините ексклузивни модели од високата мода, и Ирина Тошева, која носи современ и иновативен пристап.„Би била многу горда ако некој од Македонија победи на натпреварот,“ изјави Шалева, која е и директорка на „Топ Модел Европа Балкан“.Белградската вечер најавува спектакл исполнет со стил и емоции, а трибјут-ревијата на Фросина Кулакова ќе биде најсилниот момент – потсетник на нејзината оставнина и инспирација за идните генерации.

Македонија | пред 6 месеци

„Виз ер“ хаос: Патници од Крит тргнале за Белград, но слетале во Скопје, а на аеродромот очекувале празен авион?

Летот на „Виз ер“ од Крит за Белград, кој требаше да полета 15 минути по полноќ, заврши со неочекуван пресврт – патниците наместо на белградскиот аеродром се најдоа во Скопје околу 4 часот изутрина, пренесе српската „Н1“.Една од патничките, Јелена, изјавила дека никој не бил информиран дека летот ќе биде откажан, туку добивале пораки на секој час со нови одложувања. Конечно, летот тргнал во 4:20 часот, но наместо во Белград, слетале во Скопје.„На аеродромот во Скопје сите беа изненадени и полицијата и службениците, бидејќи ‘Виз ер’ им пријавил дека слетува празен авион, а од него излегоа околу 200 патници,“ раскажала Јелена.Таа додала дека патниците биле задржани подолго во авионот без објаснување, а една жена се почувствувала лошо. „Пилотот кажа дека нивното работно време завршува и дека информации ќе добиеме на аеродромот. Но таму никој не знаеше ништо,“ вели таа.Како причина за пренасочувањето било наведено дека белградскиот аеродром „не работи и дека авиони не слетуваат“. Патниците дури ја контактирале и српската амбасада, но им било одговорено дека не може ништо да се стори.По инсистирање на патниците, аеродромот во Скопје обезбедил автобус за нивен транспорт до Белград.Засега од ТАВ Македонија нема официјално соопштение за настанот.

Балкан | пред 7 месеци

(Видео) Полицајци во Белград влечат млад човек по улица, еден од нив го удира со палка по грб

На социјалните мрежи се појави видео од протестите во Србија, на кое се гледа како полициски службеници влечат млад човек, по што еден од нив со палка го удира по грбот, иако тој лежи на земја и не пружа никаков отпор.Според порталот Нова.рс, снимката е направена во петокот, на раскрсницата меѓу улиците Ресавска и Немањина во Белград. На крајот од видеото, видно повредениот маж е врзан со пластични лисици додека сè уште лежи на асфалтот. Во описот на објавата на Инстаграм стои дека младиот човек бил без свест.Удирањето се случува пред поголем број полицајци во опрема за растерување демонстрации. Нова.рс пренесува дека станува збор за припадници на Единицата за обезбедување личности и објекти (ЈЗО), која ја предводи командантот Марко Кричак. Тој веќе беше снимен како трча со телескопска палка по граѓани, а повеќе очевидци го обвинија за малтретирање и физичко насилство.Контроверзии предизвикува и снимката на неговата заменичка Тања Дробњак, која во јули беше забележана како пред Правниот факултет во Белград влече студентка за коса, обидувајќи се со нејзиното лице да отклучи телефон – практика што е незаконска.Единицата за обезбедување личности и објекти последните месеци постојано е присутна на протестите, а студентските организации и граѓанските здруженија тврдат дека нивното постапување е надвор од законските рамки и дека вклучува брутална сила врз демонстранти.

Свет | пред 7 месеци

(Видео) Напнати протести во Србија: Парола против власта, судири со полицијата

Вечерва во Белград и неколку други градови се одржаа нови граѓански протести кои ескалираа во судири со полицијата.Белград – симболичен отпор во кампусотВо кампусот на Универзитетот во Белград, полицијата влезе на терен, што демонстрантите го оценија како директно нарушување на автономијата на универзитетот. Реакцијата на собраните беше симболична – граѓаните пееја: „Коалиција – чаци и полиција.“Оваа парола, која брзо се рашири меѓу присутните, ја изрази перцепцијата за спојот на власта и безбедносните сили во потиснувањето на протестите.Валјево – пиротехника против полицијаВо Валјево, според извештај на ТВ Нова, демонстрантите со пиротехника ги гаѓале полициските единици.Нов Белград – солзавец и тешко вооружени силиОколу 22:30 часот, полицијата интервенирала на Нов Белград и употребила солзавец за да ги растера демонстрантите. На булеварот „Михајло Пупин“ беа распоредени силни полициски единици и возила на МВР, а низ околината се слушаа топовски удари и пиро техника.Ситуацијата накратко се смири по првиот инцидент, кога беше фрлен солзавец.

Свет | пред 7 месеци

(Видео) Судири во центарот на Белград: Запалени контејнери, полицијата интервенираше со солзавец

Во центарот на Белград, на платото кај Славија, полицијата вечерва интервенираше со солзавец за да ги растера демонстрантите.Граѓаните беа потиснати во околните улици, а според информациите, контејнери биле запалени и на улицата Белградска. Дел од демонстрантите се движат кон Правниот факултет.Ова е уште една од серијата тензични сцени кои се одвиваат низ Белград во рамки на протестите што траат веќе неколку дена.

Свет | пред 7 месеци

(Видео) Затегната атмосфера во Белград: олицијата тврди дека протестантите се вооружени – активистите негираат

Во Нов Белград, полицијата побара од присутните граѓани да се повлечат, тврдејќи дека дел од демонстрантите се вооружени. Според N1 Србија, активистот и советник во општинското собрание на Нов Белград, Здравко Јанковиќ од Зелено-левиот фронт, разговарал со командантот на полициската бригада Драгослав Репац, кој му порачал дека собирот е незаконски бидејќи не е пријавен, а дека во толпата има наоружани лица.„Ви издавам јасна наредба да ја напуштите оваа позиција или да се поместите на безбедно растојание, за да не дојде до судир со полицијата. Ако има напад врз полициски службеници или други граѓани, ќе реагираме согласно законот“, изјавил Репац, пренесуваат тамошните медиуми.Јанковиќ одговорил дека присутните не се вооружени и дека само сакаат да се приклучат на другата група граѓани, но полицијата тоа не го дозволила.Во меѓувреме, во улицата „Кнеза Милоша“ пристигнал дополнителен кордон, кој се позиционирал пред Владата на Србија. Полицијата се најде меѓу две групи демонстранти – едната која дошла од Нов Белград преку Газела и другата која веќе била во центарот. Зад полициските кордони застанале оклопни возила со вклучени ротации, а демонстрантите од страната на Газела поставиле контејнери на средината на улицата.

Свет | пред 7 месеци

Напнато во Белград: блокади, собирања и провокации со ласери

Во Нов Белград, на кружниот тек кај Општината, граѓаните се собраа на коловозот, но сообраќајот сè уште не е запрен.Некои од присутните изјавиле дека бил присутен голем број оклопни возила, што предизвикало вознемиреност, но нагласуваат дека се решени да го одржат вечерниот протест. Дел од нив споменале и можност да се упатат кон простории на Српската напредна странка во Нов Белград. Атмосферата е бучна, се слушаат свирежи, а возачи им даваат поддршка со свирење сирени.Паралелно, во Белград граѓани се собираат и кај Владата на Србија, каде што го блокираа сообраќајот на аголот меѓу улиците „Немањина“ и „Кнез Милош“. Нема униформирана полиција, но има полициски службеници во цивил.Според Nova.rs, приврзаници на Српската напредна странка повторно ги провоцираат демонстрантите кај Главниот штаб во Белград, постојано осветлувајќи ги со ласери.

Свет | пред 7 месеци

(Видео) Почна хаос и пред Генералштабот во Белград

На социјалните мрежи вечерва се појавија снимки и објави за, како што се наведува, „почеток на хаосот“ пред Генералштабот во Белград.Според описите, полицијата се повлекла кон Савски венец, по што следел напад од приврзаници на Српската напредна странка (СНС) со пиротехнички средства и палки кон демонстрантите.Информациите засега не се официјално потврдени, а медиумите јавуваат дека ситуацијата околу зградата на Генералштабот е напната, со присуство на полиција и групи демонстранти.

Свет | пред 7 месеци

(Видео) Група мажи со палки во центарот на Белград

Зелено–левиот фронт вечерва на својот профил на „X“ објави снимка на која се гледа група помлади мажи, најголем дел облечени во црно, како во улицата „Кнез Милош“ држат дрвени палки.Од другата страна на улицата се наоѓа поголема група граѓани што протестираат, а меѓу двете групи поставен е кордон на Жандармеријата.Сцената се одвива во контекст на масовните протести кои вечерва се одржуваат во Белград и други градови низ Србија, со силно полициско присуство и повеќе пријавени инциденти.

Свет | пред 7 месеци

(Видео) Ескалација во Србија: повредени демонстранти, полицајци и новинари

Неколку демонстранти и најмалку четворица полицајци беа повредени во вторник навечер во Врбас и Бачка Паланка за време на антивладините протести, откако групи приврзаници на Српската напредна странка (СНС) фрлаа пиротехника, камења, столчиња и шишиња кон насобраните, а во нив бил испукуван и огномет.Бранoт студентски и граѓански протести во Србија трае веќе девет месеци, поттикнати од трагедијата во Нови Сад, кога загинаа 16 лица. Протестите се одржуваат со барање за одговорност на власта поради корупција и несовесно изведени градежни работи. Синоќешните собирања пред седиштата на СНС во Војводина беа во знак на солидарност со претходно уапсените и повредените демонстранти.Според извештаите на порталите 021, N1 и снимките на социјалните мрежи, полициски кордон во Врбас и Бачка Паланка ги разделувал демонстрантите од приврзаниците на СНС, но присутните тврдат дека полицијата не ги спречила нападите врз граѓаните. Министерството за внатрешни работи, пак, соопшти дека демонстрантите ги нападнале приврзаниците на СНС и дека четворица полицајци, меѓу кои и заменик-началникот на ПУ Нови Сад, биле повредени.  Според новинарите на N1 и „021“, има и повредени демонстранти, а на терен интервенирала Итната медицинска помош. Во Врбас, асистент-снимател на N1 бил погоден со два камена во стомакот и рамото.Медиумите јавуваат дека нападите во двата града биле координирани, што предизвика студентските организации да повикаат на нови протести, кои во текот на ноќта се одржаа пред локалните седишта на СНС во Нови Сад, Белград и Ниш.Протестите се одвивале со турканици со полицијата, а неколку лица биле приведени поради „попречување на службено лице“. На социјалните мрежи се појавија снимки на кои граѓани прашуваат зошто полицијата не интервенирала за да ги заштити демонстрантите во Врбас и Бачка Паланка.РТС кусо извести за протестите, додека провладините таблоиди ги нарекоа демонстрантите„терористи блокатори“ и „дивјаци“, обвинувајќи ги дека „крвопролевањето им е единствена цел“. Министерството за внатрешни работи најави подетално соопштение во текот на денот.

Свет | пред 7 месеци

Поранешните министри Весиќ и Момировиќ во притвор за корупција

Вишиот суд во Белград им одреди притвор до 30 дена на 13 осомничени во случајот за корупција за време на реконструкцијата на железничката станица во Нови Сад и реконструкцијата и модернизацијата на железничката пруга Нови Сад – државна граница. Меѓу нив се и поранешните министри Томислав Момировиќ и Горан Весиќ.Одлуката за притвор сепак не е конечна, бидејќи адвокатите на осомничените имаат право на жалба на оваа одлука во следните три дена.Томислав Момировиќ, Анита Димовски, Небојша Шурлан и другите осомничени кои досега беа испрашувани од Обвинителството за организиран криминал негираа каква било вина во врска со корупцијата во проектот за реконструкција на железничката пруга од Нови Сад до Суботица.Горан Весиќ не бил испрашуван бидејќи била доставена медицинска документација во која се наведува дека е на болничко лекување.Приведените се сомничат дека го оштетиле буџетот на Република Србија за 115,56 милиони американски долари, што претставува разлика помеѓу преземените финансиски обврски за државниот буџет и договорната цена од комерцијалниот договор.

Свет | пред 7 месеци

Се урна настрешница во центарот на Белград, се уште виси! Делови од бетон завршиле на шеталиштето

Дел од настрешницата на зграда на адреса Кнез Михајлова 10, во строгиот центар на Белград, се урна во текот на ноќта пред парфимерија, пренесува Н1 Србија.Според изјавите на вработена во продавницата, сè било во ред во текот на претходниот ден, што укажува дека инцидентот најверојатно се случил во текот на ноќта или рано изутрина.Властите веднаш реагирале и ја обезбедиле областа со црвена сигурносна лента со натпис „претпазливост, опасност“. На граѓаните им е забрането да се движат низ тој дел од улицата додека не се отстрани урнатиот материјал и не се процени стабилноста на објектот.Делови од настрешницата завршиле директно на шеталиштето, а еден дел сè уште виси, што претставува дополнителен ризик за минувачите.Надлежните служби се очекува да спроведат инспекција и да утврдат што точно ја предизвикало оваа опасна ситуација во една од најфреквентните улици во Белград.фото:Print Screen/N1

Свет | пред 8 месеци

(Видео) Уапсена активистка во Белград: Грубо приведување на мајка на дете со аутизам предизвика бурни реакции

Утринава во Белград, покрај штандот кај плоштадот Фонтана, полицијата привела жена идентификувана како В.К., мајка на девојче со аутизам и основачка на културно-едукативниот Центар „Тара“. Снимка од моментот на приведувањето, на која се гледа како тројца полицајци ја внесуваат В.К. во службено возило со употреба на сила, се прошири на социјалните мрежи и предизвика остра јавна осуда.Српскиот хип-хоп состав „Београдски синдикат“ потврди дека станува збор за В.К., објавувајќи поддршка и апел до институциите.„Таа е човек кој несебично се залага за прифаќање и инклузија на децата и младите со развојни потешкотии. Очекуваме оваа неправда да биде итно исправена, а полицајците кои употребиле прекумерна сила – најстрого санкционирани“, напишаа членовите на бендот на Instagram.Приведувањето се случува во контекст на засилените граѓански протести и блокади низ Белград, каде што од вчера се поставени физички бариери – контејнери и метални огради – на клучни крстосници. Утрово дошло до обид за разградување на блокадата на раскрсницата меѓу Булеварот на кралот Александар и улицата Белградска, кој бил спречен од студенти кои таму дежурале цела ноќ.Протестите продолжуваат како реакција на неодамнешните апсења и наводната полициска бруталност, кои граѓански организации и активисти ги осудуваат како доказ за се поотворената репресија од страна на режимот.

Свет | пред 8 месеци

Уапсени и оштетено полициско возило, во Белград полицијата ги отстрани блокадите

Министерство за внатрешни работи објави дека полицијата ги отстранила сите блокади на патиштата во Белград по протестите на Видовден и во неделата.Сообраќајот сега може да се одвива нормално. Според полицијата, нивните припадници дејствувале професионално.Повеќе лица се приведени за напад и навреда на полицијата и нарушување на јавниот ред.Оштетено е едно полициско возило.Студентите повикаа на граѓанска непослушност по апсењето на осум нивни колеги.Вишото јавно обвинителство обвини осум студенти за наводно подготвување дело против уставниот поредок и безбедноста на Србија и во врска со кривичното дело повикување на насилна промена на уставниот поредок.

Свет | пред 9 месеци

(Видео) Снимка од дрон од вчерашниот протест во Белград: олку нè затру со омраза и поделби, што повеќе не знаеме кој ни е брат, а кој непријател

Илјадници граѓани од цела Србија се собраа во саботата во главниот град на масовен протест под слоганот „Видимо се на Видовдан“, организиран од студентите во блокада. Главните барања на демонстрантите беа распишување нови избори, одговорност за изборните нерегуларности и укинување на т.н. „Ќациленд“ – ограден простор пред Собранието, во кој властите сместија контрапротестанти.Протестот започна мирно, но вечерта заврши со тензии и судири помеѓу демонстрантите и полициските сили на потегот од Славија кон Парламентот. Полицијата употреби сила за да го растера делот од толпата што се обиде да влезе во оградениот простор пред законодавниот дом.Најголемо внимание во јавноста предизвикаа снимки направени од воздух, кои ја прикажуваат контрастната слика на протестот: од едната страна – морe од граѓани, а од другата – кордони полиција кои го штитат делот со неколку стотици симпатизери на власта. Според многу корисници на социјалните мрежи, токму оваа слика ја отсликува реалната состојба на поделбата во српското општество.„Толку нè затру со омраза и поделби, што повеќе не знаеме кој ни е брат, а кој непријател. Разделија семејства, соседи, целиот народ – само за да останат на власт. А вистината, гола и страшна, најјасно се виде на Видовдан“, напиша еден граѓанин на мрежата X.Организаторите на протестот изјавија дека ова е само почеток на граѓанскиот отпор и дека нема да престанат додека не дојде до вистински демократски промени. Од страна на власта, пак, нема официјална реакција за случувањата на протестот, освен изјави дека сè било под контрола и дека биле загарантирани „јавниот ред и мир“.За многумина, протестот на Видовдан претставува пресвртна точка. Додека едни зборуваат за поделен народ, други велат дека поделба нема – туку постојат граѓани кои се борат за промени и малкумина што, според нив, се платени да ја одбранат власта.

Свет | пред 9 месеци

(Видео) Топовски удари, солзавци, апсења

Студентскиот протест наречен „Се гледаме на Видовдан“, кој вчера се одржуваше во Белград, околу 21 и 22 часот, како што претходно прогнозираше претседателот Вучиќ прерасна во бран на инциденти и апсења во центарот на главниот град на Србија.Ова се случило откако демонстранстите се обиделе да се доближат до „Ѓациленд” во паркот „Пионир“. Интервенираа и силни полициски сили при што дојде до судир со демонстрантите, употреба на топовски удари, солзавци, а камерите забележаа апсења.Имаше сериозни инциденти кога полицијата доби наредба и тргна на насобраната толпа граѓани и почна да ја притиска. Насобраните фрлаа со разни предмети.До инцидентот дојде пред амбасадата на Турција.Претседателот на Србија, Александар Вучиќ најави обраќање за денеска во 11 часот.Според Архивата на јавни собири на повикот на студентите учествувале околу 140.000 луѓе, објави Индекс.

Свет | пред 9 месеци

(Видео) Србите се поделија: Студентски протест со 500.000 луѓе, контрапрограма со шатори и поддршка од власта

Под слоганот „Се гледаме на Видовден“, денеска во Белград се одржа еден од најмасовните протести во поновата српска историја, организиран од студентите кои веќе неколку месеци се предводници на граѓанскиот отпор. Повод за протестите останува трагедијата од 1 ноември, кога во уривање на надстрешница на новата железничка станица во Нови Сад загинаа 16 лица. Протестот започна со симболично 16-минутно молчење на плоштадот Славија, во чест на загинатите. Десетици илјади граѓани се собраа со транспаренти, знамиња и пораки за правда и одговорност. Организаторите соопштија дека на протестот учествувале над 500.000 луѓе, додека Министерството за внатрешни работи објави бројка од 36.000. Паралелно со протестот, на платото пред српското Собрание се одржуваше настан организиран од групата „Студенти 2.0“, поддржана од власта. Поставени беа шатори во таканаречениот „Ќациленд“, а вечерта се одржа културна програма со литературни читања и проекција на филм.Настанот беше поддржан од високи владини функционери, меѓу кои министрите Никола Селаковиќ, Златибор Лончар, Адријана Месаровиќ, како и претседателот на СНС, Милош Вучевиќ, и Александар Вулин. Во близина беа поставени метални бариери и засилено полициско обезбедување.На неколку точки низ градот, како и на влезовите во Белград, имало обиди за попречување на движењето на граѓаните кои доаѓале на протестот. Според сведоштва, групи блиски до власта ги пресретнувале автобусите, фрлале јајца и шишиња, и вербално ги навредувале учесниците.И покрај тоа, протестот помина мирно, со јасни барања: распуштање на парламентот, распишување вонредни избори и прекин на шаторските контрапротести кои студентите ги сметаат за инструмент на политичка манипулација.

Македонија | пред 9 месеци

(Видео) Пожар на сплав на Ада Циганлија - 22 пожарникари на терен

Голем пожар избувна попладнево на сплавот „Оган и вода“ на белградската Ада Циганлија. Како што јавуваат српските медиуми, пожарот бил пријавен во 14:55 часот, по што веднаш на терен интервенирале противпожарните екипи.На местото на настанот се распоредени 22 пожарникари со седум противпожарни возила, кои се обидуваат да го локализираат и изгаснат пожарот. Засега нема информации за тоа што ја предизвикало огнената стихија, ниту дали има повредени лица.Не е познат ниту износот на материјалната штета, а надлежните служби работат на расветлување на случајот. Очевидци сведочат за густ чад и пламени јазици кои се гледале од далечина.Линк од видеото: https://www.instagram.com/p/DLXZUsxI-qk/

Свет | пред 9 месеци

(Видео) Студентите во Белград го блокираа РТС, дојде до тепачка со полицијата

Студенти и граѓани во Белград веќе трет ден ги блокираат зградите на Радио-телевизија Србија (РТС) на улицата Таковска и Кошутњак. Како што објавија студентите на социјалните мрежи, полицијата утринава успеала да ги внесе вработените во зградата на јавниот сервис, но дошло до тепачка со студентите.Насобраните скандираат „Народна полиција“ и ги држат рацете нагоре како знак дека сакаат мирен протест.Студенти од универзитетите во Белград и Нови Сад во понеделникот вечерта организираа блокади на Радио Телевизија Србија и Радио Телевизија Војводина, незадоволни од известувањето на двата јавен сервис за студентските протести и општествено-политичката криза во земјата, а во исто време најавија протести „до понатамошно известување“. Раководството на РТС вчеравечер преку соопштение оцени дека студентите „незаконски го блокираат“ јавниот сервис.„Блокирањето објекти и спречувањето на вработените во јавниот сервис да ја вршат работата за која се законски одговорни претставува неприфатлив притисок врз медиумите во кои граѓаните со години покажуваат најголема доверба“, објави РТС.Директорот на РТВ Горан Караџиќ употреби поинаков речник, оценувајќи дека студентите преку блокадата ги „киднапирале“ вработените во медиумската компанија, а нивната акција ја нарече „тероризам“. Додека протестот и блокадата во Белград продолжуваат и се одвиваат без инциденти, РТС продолжува да ја емитува својата програма без прекин. Студентското движење излезе на бранот протести предизвикани од смртта на 16 лица во урнатата настрешница на железничката станица во Нови Сад на 1 ноември минатата година, а од властите бараат кривична и политичка одговорност за трагедијата и бараат борба против корупцијата и непристрасно дејствување на институциите без политички притисок и влијание.

Свет | пред 11 месец

(Видео) Уапсени 22 лица, 56 повредени, со тракторите се спречи крвопролевање, вели Вучиќ

Неколку десетици луѓе во алкохолизирана состојба ја напаѓаат полицијата, затоа ве доведовме овде, во Палатата Србија“, рече Вучиќ.„Оддржан е голем протест, со негативна енергија, гнев, а нема жртви или тешки повредени, вкупно 44 лица се во Ургентниот центар, 11 во клиничката болница Звездара, едно во Земун, вкупно 56 лица, нема сериозни повреди“, рече Вучиќ.Уапсени се 22 лица за кривични дела против имотот, напади врз полицајци и други лица.„Три служби, од армијата која процени дека има 80.000 луѓе до полицијата која процени 108.000. Голем број луѓе пристигнаа од внатрешноста на земјата, изненадувачки голем број луѓе дојде од внатрешноста, и од север и од централна Србија“, рече Вучиќ.Тој додаде дека е особено горд на работата на полицијата. „Не само што им честитам, туку како претседател сум горд на тоа колку одговорно ја завршија својата работа“, вели тој.„Оштетени се повеќе од 100 трактори. Да не беа тракторите ќе беше тешко да се спречи крвопролевањето. Тракторите се таму за да го запрат бранот, гужвата, да спречат конфликт со децата во паркот Пионирски“, рече Вучиќ, додавајќи дека сите што учествувале во уништувањето на тракторите ќе бидат приведени.

Свет | пред 1 година

(Видео) Колку луѓе има на протестот во Белград? Првичните проценки велат – 500.000

Студентски протест наречен „15 за 15“ беше организиран денеска во центарот на Белград. Се чини дека цела Србија се собрала во главниот град и нема каде да падне иглата, бидејќи демонстрантите го пополнија секое последно место на централните улици на главниот град, пишува „Нова.рс“. Големината на денешниот собир ќе се процени во наредните денови, но соговорниците на „Нова.рс“ тврдат дека ова е еден од најголемите одржани досега во Србија.Божо Прелевиќ, адвокат и поранешен министер за внатрешни работи на Република Србија, за порталот Нова.рс зборуваше за тоа колку луѓе присуствуваа на денешниот собир.„Во моментов сум на протестот и можам да ви кажам дека Теразије, плоштадот Никола Пашиќ, улицата Крал Милан и плоштадот Славија се преполни... Како некој што учествуваше на 5-ти октомври, морам да кажам дека овде има повеќе луѓе и според мое верување, на протестот има повеќе од 500.000 луѓе. Не можам да проценам, затоа што е едноставно неразбирливо. Само што го поминав Зелени Венац, кој исто така е полн, а луѓето доаѓаат преку мостовите“, рече Прелевиќ.Тој наведува дека не е сигурен дали на митингот има 700 или 800 илјади луѓе, бидејќи не може точно да знае.„Ова е сигурно повеќе луѓе отколку на 5-ти октомври, не можете да поминете овде, но тогаш можевте. Не сите улици тогаш беа преполни, а денес се преполни. Полн е Мањеж, полн е и паркот Ташмајдан. Единствено е што Чациланд зазеде простор пред Собранието, но тоа е неспоредливо“, додаде тој.Тој тврди дека присуствувал на натпреварите на стадионот на Црвена звезда, на пример кога играле против Ференцварош и имало 130.000 луѓе, но вели дека тоа не се споредува со денешниот собир.„Тоа е некако... Тоа е мала работа во споредба со она што се случува денес“, објасни Прелевиќ.Денешниот одѕив на граѓаните го коментираше и Момир Стојановиќ, политичар и генерал во пензија, кој беше и шеф на Воената разузнавачка служба за Србија и Црна Гора.Тој тврди дека бил на денешниот митинг, а од Ниш дошол да им даде поддршка на младите.

Свет | пред 1 година