БУГАРИЈА

БГНЕС: Целото семејство на Божиновска имаат активни бугарски пасоши!

Таткото Перо, мајката Виолета и братот Даниел, како и самата Божиновска маат бугарски пасош и се бугарски државјани, велат за БГНЕС извори од Министерството за правда на Бугарија.„За да го добијат документот, тие ги докажале своите бугарски корени и ја декларирале својата бугарска самосвест, наведуваат од БГНЕС. Божиновска неколку пати нагласи дека не е бугарска државјанка. Министерката во кабинетот на Христијан Мицкоски во септември годинава поднела барање за откажување од државјанството, но бугарската држава се уште не дала указ за ослободување од државјанство. Поднесувањето барање за ослободување од бугарско државјанство НЕ води до автоматско завршување на постапката. Тоа се прави преку посебен декрет и важи и за сегашните бугарски државјани родени во странство и за Бугарите кои се родени на територијата на Бугарија. За конкретното лице (Божиновска) до денес не е издаден указ за ослободување од државјанство. Издавањето на таков се врши по темелна проверка за секаков вид на обврски на барателот. Потврдата, вклучително и данокот и имотот, се однесува на сите земји каде што престојувало лицето. Надлежните институции проверуваат и за можни кривични постапки. Доколку на Божиновска и треба правна или друга помош, може да се обрати до бугарската амбасада во Скопје, која е должна да и пружи помош“, се вели во текстот на БГНЕС.Претходно, Божиновска кажа дека имала, но го вратила бугарското државјанство.

Македонија | пред 1 година

Бугарските политичари обединети против Македонија: Целата Европска унија е на страната на Бугарија

Членовите на Комисијата за надворешна политика во Народното собрание на Бугарија денеска на затворена седница едногласно ја усвоија предлог-декларацијата во врска со провокативните изјави од страна на македонските владејачки политички фактори и систематското уништување на дијалогот меѓу С Македонија и Бугарија, пренесува бугарската телеграфска агенција БТА.Бојко Борисов, претседател на Комисијата за надворешна политика во бугарскиот парламент и лидер на партијата ГЕРБ, им се заблагодари на сите политички партии за постигнатиот консензус.„Најважно е што со ова даваме знак дека бугарските политичари, бугарската држава, сите партии се обединети кога е во прашање добрососедството со двете земји и дека секој што ќе го прекрши треба да сноси одговорност“, рече тој.Кирил Петков, уште еден од поранешните премиери на Бугарија, ја потврди позицијата на ЕУ, која, според него, целосно застанала на страната на Бугарија во спорот со Северна Македонија. Петков објасни дека Република Северна Македонија мора да одлучи дали ќе ги прифати Бугарите во својот устав или ќе ризикува долготрајна изолација од европските преговори.“Целата Европска унија е на страната на Бугарија. Северна Македонија треба да одлучи дали сака да ги вклучи Бугарите во Уставот. Доколку не го направи тоа, нејзиниот пат кон Европа е затворен,” изјави Петков, потенцирајќи дека Албанија веќе се одделува и забрзано го продолжува својот пат кон ЕУ“, вели Петков.Претседателот на крајнодесничарската партија Преродба, Костадин Костадинов повика на прекин на обврските од Договорот за добрососедство, доколку Северна Македонија не ги прифати Бугарите како државотворен елемент во нејзиниот Устав.„Скопје има два пата: или ќе ги признае Бугарите како државотворен елемент и ќе ги вклучи во Уставот, или ќе остане надвор од преговарачкиот процес со ЕУ. Бугарија повеќе не треба да ги почитува обврските од договорот доколку Македонија не го стори тоа,” изјави Костадинов.На вонредната седница на собраниската Комисија за надворешна политика утрово, сите партии во Бугарија едногласно ја поддржаа декларацијата предложена од Костадинов. Во документот се осудуваат антибугарските изјави на македонските функционери и се потенцира дека без вклучување на Бугарите во Уставот на Северна Македонија, земјата никогаш нема да може да започне вистински процес на преговори со Европската унија.Албанија почна преговори со ЕУ, а Македонија не“, вели тој.

Скопје | пред 1 година

Спасовски: Го осудувам пристапот на Бугарија но за знамето вина има Кабинетот на Силјановска

Осудувам пристап каков што го имаше Бугарија во однос на Претседателката на државата, со неистакнување на знамето, меѓутоа тука има вина и одговорност кај Претседателката односно кај нејзиниот кабинет, рече пратеникот на СДСМ, Оливер Спасовски во емисијата Трилинг.-Не може државата да биде „повторно горда“ а вие самите себе да се потценувате а со тоа и граѓаните на Македонија да ги потцените. Постоеле механизми како тоа да се среди и да не дојде до ваква ситуација. Добро е да бидеме заштитници но на соодветен начин и време и на дело да се покаже дека сакате да ги заштитите националните интереси. Тоа бил моментот, кога се увидело дека не се почитувале протоколите да се реагира, прашање е дали требало да се одржи една таква средба, рече СпасовскиАко претседателката на државата не го штити достоинството на државата и на граѓаните, од кого очекуваме. Очекуваме дека со реакции отпосле ќе направиме нешто? Не, прво тоа треба да се превенира, додаде тој.Треба да се напушти процесот на нарушување на односите на сите околу нас, кој наместо партнер да го правиме противник на Македонија. Не би сакал да се случи нова фаза на изолација, тоа нема да биде добро да земјата, вели Спасовски.-Често пати се поставува дилема во јавноста дали декларативните заложби кои како опозиција ги имаше актуелната власт за членство во ЕУ се и реални. Досега често пати имавме изјави со скепса за нашиот пат кон ЕУ, но досега никој нема понудено алтернатива. Која е алтернативата доколку државата не се движи по европскиот пат? За нас како СДСМ тоа е јасно, нема алтернатива. Дали постојат фрустрации кај граѓаните од тоа што долго трае процесот за прием на државата, да. Но, во тој правец треба да се преземат чекори. И од Европската унија секако. Но апсолутно не можам да се согласам дека се некој друг ни е виновен за она што владата не може да го постигне. Напротив, сметам дека треба сериозно и посветено да се работи на таа европска агенда, рече пратеникот на СДСМ, Оливер Спасовски во емисијата Трилинг.

Македонија | пред 1 година

Борисов е или многу глуп или национализмот толку го заслепил што не знае што зборува, рече Најчевска за барањето оставка од Николоски

Професорката Мирјана Најчевска го искоментира барањето на Бојко Борисов, лидер на ГЕРБ, македонскиот министер Александар Николоски да поднесе оставка.„Овој е или многу глуп или национализмот толку го заслепил што не знае што зборува. Кој си бре ти да бараш оставка од македонски министер. Оставка од Александар Николовски можам да побарам јас како граѓанин на оваа држава, или моите претставници во македонското собрание, ама не и некој лик од друга држава. Секоја од овие глупости една власт во која има луѓе со два грама мозок и една професионална дипломатија може да ја искористи за настап пред ЕУ и барање ЕУ малку да си поведе сметка за однесувањето на нејзините држави членки.Оставка од Николовски побара лидерот на ГЕРБ, Бојко Борисов, поранешен премиер и лидер на партијата која победи на изборите во јуни, но не успеа да формира влада, поради што Бугарија во октомври оди на нови предвремени избори.Борисов искажувајќи разбирање дека можеби протоколите на новите македонски претставници не им се јасни, немаше разбирање за изјавата на Николовски.

Македонија | пред 1 година

Бугарскиот европратеник Ковачев: Ќе бараме ВМРО-ДПМНЕ да ја исклучат од ЕНП

Ја информиравме Европската народна партија за однесувањето на ВМРО-ДПМНЕ и ќе побараме да се иницира процедура за исклучување на таа партија од ЕНП, изјавил за БНТ европратеникот од ГЕРБ, Андреј Ковачев, пренедуваат бугарските медиуми.„Мислам дека тие (мислејќи на ВМРО-ДПМНЕ) на секој начин докажуваат дека сакаат да бидат со Фидес, партијата на Орбан. Тоа си е нивна желба и тие многу се оддалечуваат од вредностите на ЕНП и европската демократија“, изјавил Ковачев, пренесуваат бугарските медиуми.Според него, Бугарија не дала повод за таква провокација, напротив се однесувала „исклучително цивилизирано и европски".„Тие апсолутно го погазуваат Договорот за добрососедство. Тој е одобрен од парламентите во двете земји и во него е запишано дека Северна Македонија и Бугарија имаат заедничка историја и тоа не може да се фалсификува“, изјавил Ковачев.Коментирајќи ги изјавите на македонскиот вицепремиер Александар Николоски за отсуството на македонско знаме на средбата на Радев и Сиљановска, бугарскиот европратеник изразил увереност дека зборовите на Николоски биле координирани со Мицкоски.„Се покажува јасна желба на сегашното раководство на Република Северна Македонија да не продолжи по патот на европската интеграција. Си бараат некаков изговор пред нивната јавност зошто тоа не може да се случи, а изговорот е, се разбира, со оцрнување на Бугарија“, вели Ковачев.

Македонија | пред 1 година

Станислав Балабанов: Политичарите во Македонија нема да ја видат ЕУ со вакво однесување

Во врска со телевизиското интервју на вицепремиерот и министер за транспорт на Република Северна Македонија, Александар Николоски, Станислав Балабанов од „Има таков народ“, вели дека Македонија нема да ја види ЕУ со такво однесување, пренесуваат бугарските медиуми.„Северна Македонија нема да мириса на ЕУ, ако случајот стигне до ИТН, додека не го исправат своето однесување, својот начин на зборување, не ги почитуваат сите елементи на договорите“, додаде Балабанов, пренесуваат бугарските медиуми.Тој е на мислење дека не е претерано барањето од бугарските политичари за оставка на вицепремиерот на РСМ Николоски и за отповикување на амбасадорот на земјава во Софија.

Македонија | пред 1 година

Амбасадорот на Бугарија ќе добие демарш, а нивната цел не е Бугари во Устав туку покажување на мускули, вели Мицкоски

Премиерот Христијан Мицкоски најави дипломатска нота во знак на протест, бидејќи претседателката Гордана Силјановска-Давкова во Бугарија кај тамошниот претседател Румен Радев беше пречекана со две бугарски знамиња, наместо со македонско. Според Мицкоски, ова ќе ги потврди владините заложби за водење на принципиелна дипломатска политика каде нема никој да ја гази Макеоднија.„Во минатото кога се понижуваше и распродаваше достоинството македонско тогаш се молчеше, се виткаше кичма и се соблазнуваа со тие кои не понижуваа и газеа. Сега дипломатски се испраќаат протесни ноти и нема повеќе да имаме меѓународна или пак дипломатска политика со свиткана кичма. Tогаш кога ќе се помине црвената линија тогаш треба и да се реагира, затоа што ако не реагирате, тој исклучок понатаму ќе стане пракса“, рече Мицкоски.Тој додаде: „Она што е поважно за мене, Европа и светот можеа да видат на отворена сцена, тоа го очекувавме, кои се вистинските намери на водството во Софија. Не се вистинските намери Бугари во Устав, тоа е најмалиот проблем, многу е поголема потребата да покажат мускули и да ги покажат своите вистински намери. Онојпат, кога ќе видиме дека се поминати црвените линии тогаш ќе мораме да интервенираме и денеска тој демарш ќе биде врачен на амбасадорот на нашиот источен сосед“.

Македонија | пред 1 година

„Срамно понижување на државата и дипломатски дебакл на Давкова“, СДСМ ја нападна власта за патувањето во Бугарија и знамето

„Македонската делегација на чело со Гордана Силјановска Давкова, вчера во Софија доживеа дипломатски дебакл, а напата држава досега невидено понижување и срам на меѓународна политичка сцена“, вели Богданка Кузеска, портпаролка на СДСМ и додава:Гордата Гордана и придружните министри во Софија беа пречекани како претставници на некои локални бугарски клубови или општински институции, а не како меѓународни високи претставници на држава членка на НАТО и важен партнер на Бугарија.Гордата Гордана се согласила на средба без да се истакне македонското знаме, избра да праќа соопштенија до јавноста без користење на државното уставно, се согласила на средба без заеднички изјави за медиумите. Ова е огромен срам.Сиљановска оттаму се враќа без никаква конкретна порака или договор. Прашањето е зошто ја плаќаат граѓаните Гордана, за да гледа опери и ужива? Малку ли и беа три месеци на одмор во Охрид летово во вилата?Ја прашуваме Гордата Гордана и нејзиниот шеф Мицкоски, која држава ја претставуваа во Бугарија и со кои симболи?Каде се изгуби државното име и во него Македонија - за чие меѓународно признавање се бореа генерации?Каде се изгуби ветената и неостварена гордост?Дали сликањето до бугарското знаме значи дека ја претставува Бугарија?Почитувани граѓани,Владата на Мицкоски и Сиљановска не се ни свесни за тоа во која мера се изиграни и понижени. Нив воопшто и не ги третираат како државници. Самата Сиљановска и ВМРО-ДПМНЕ се согласиле однапред на приватен и понижувачки третман во Софија.Импровизација и наивност е надворешната политика на ВМРО-ДПМНЕ и Сиљановска. Со вакви политики, Македонија ниту е горда, Гордана уште помалку е горда, а граѓаните и државата ќе трпат понижувања секој ден.

Македонија | пред 1 година

Драма во Бугарија: Се урна воен авион, претходно од истата база полетал авион со претседателот

Воениот авион за обука Л-39 денеска се урна во воздухопловната база „Граф Игњатиево“ во Бугарија, при изведување комплексен маневар на екстремно мала надморска височина, пренесува Новините.За време на несреќата падобраните не се отвориле, а со авионот управувале двајца пилоти. Како последица на падот на авионот избувнал пожар.Преземени се сите мерки за локализирање на пожарот и утврдување на причините за трагичната несреќа“, изјави Евелина Бранимирова, советник за медиуми на министерот за одбрана.Претседателот на Бугарија Румен Радев претходно денеска како копилот учествуваше во демонстративен лет на борбен авион Ф-16 во таа воздухопловна база.Поради падот на авионот, бугарскиот министер за одбрана Атанас Запрјанов го откажа аеромитингот во Третата воздухопловна база, соопшти ресорното министерство.Генералот Николај Русев од бугарското воздухопловство изјави дека авионот што се урна не е од воздухопловната база.

Свет | пред 1 година

Тензично меѓу Скопје и Софија: Николовски ја навреди бугарската Влада, од таму испратија „закани“

Политичките тензии меѓу Скопје и Софија повторно се интензивираат. Обидите за повторно преговарање на веќе преземените меѓународни обврски може да доведат само до дополнително дистанцирање од почетокот на преговорите за членство во ЕУ, порачаа од бугарското МНР по изјавата на премиерот Мицкоски дека во Бугарија има техничка влада со која не треба сега да се преговара.Од бугарското МНР велат дека Софија останува отворена за дијалог, но потенцираат тој дијалог не вклучува репреговарање на веќе преземените обврски од Скопје.- Изјавата на премиерот на Република Северна Македонија, за жал, уште еднаш отворено ја доведува во прашање европската перспектива на неговата земја. На властите во Скопје треба да им биде јасно дека обидите за покренување идеи за повторно преговарање на веќе преземените меѓународни обврски може да доведат само до дополнително оддалечување од почетокот на преговорите за членство во ЕУ. - велат од МНР на Република Бугарија.Николовски, кој порано беше претседател со Националниот совет за евроинтеграции, изјавата ја даде откако МНР на Бугарија вчера излезе со реакција на изјавата на премиерот Христијан Мицкоски дека преговарачката рамка со ЕУ, односно францускиот предлог, може да биде дополнет, односно репреговаран, на што од Софија стигна порака дека такво нешто нема да се случи ниту со техничка ниту со политичка влада во Бугарија.„Секогаш кога во Бугарија ќе дојдат избори се злоупотребува темата Македонија. Не знам сега, не сум сигурен кога им се изборите, затоа што до толку се нефункционални што не можат ни избори да закажат. Ова им е седма или осма техничка влада, веќе не можат луѓе да најдат за во техничката влада. Такашто нека си ги средат прво дома работите,нека изберат политичка влада и ќе седнеме и зборуваме со политичката влада. Немам намера да одговарам на луѓе кои што ловат политички поени, а кои што се политички маргиналци во моментов во Бугарија, затоа што се претставници на влада којашто нема легитимитет од никого“, изјави Николовски.

Македонија | пред 1 година

Бугарскиот амбасадор дециден: Преговори не може да има за нешто што е договорено

На Бугарскиот амбасадор во земјавата Ангел Ангелов, мандатот му завршува во петок. Тој денеска јасно го изнесе ставот дека се надева Бугарија по изборите на 27 октомври да добие нова Влада. Најави дека потоа ќе може да се почне интензивен дијалог меѓу двете земји.Не преговори, вели Ангелов, затоа што преговори не може да има за нешто што е договорено и мора да почне да се исполнува.,, Мене во петок ми завршува мандатот. Ние сега имаме избори. Изборите ќе бидат на 27 октомври и се надеваме дека ќе добиеме Влада со која што ќе можеме да влеземе во интензивен дијалог. Се разбира не преговори, затоа што преговори не може да има за нешто кое е договорено. Тоа што е договорено мора да почне и да се исполнува. Ние географијата нема да ја менуваме и ќе останеме соседи. Ние треба да имаме интензивна комуникацијата, вклучувајќи ја и историската мисија”, изјави Ангелов.Претседателот на Владата, Христијан Мицкоски најави дека наскоро ќе има промена во кадровскиот состав на мешовитата македонско – бугарска комисија за историски прашања. Мицкоски смета дека актуелната комисија не беше заштитник на националните интереси на македонскиот народ.

Македонија | пред 1 година

Бугарија се уште во криза: Радев одби да именува влада

Политичката криза во Бугарија, која трае повеќе од три години, дополнително се продлабочи откако претседателот Радев одби да именува преодна влада, поради спор околу министерот за внатрешни работи, со што на неодредено време се одложија вонредните парламентарни избори.Мандатот за состав на преодната влада Горица Гранчарова Кожарева во понеделник го претстави својот кабинет во кој министер за внатрешни работи останува Калин Стојанов.Претседателот на Бугарија, но и опозицијата, го сметаат Стојанов за сојузник на Дељан Певски, бугарскиот олигарх кој беше санкциониран од САД и Велика Британија поради корупција.Бидејќи Гранчарова го одби барањето на Радев да предложи друг министер за внатрешни работи, Радев рече дека новата привремена влада нема да положи заклетва денеска во Собранието и дека следните вонредни избори нема да се одржат на 20 октомври според планираното.Смирување на политичката ситуација и одржување фер избори очигледно е невозможно доколку Стојанов остане на функцијата, напиша Радев на својот Фејсбук профил.Бугарската новинска агенција БТА пишува дека Радев направи преседан во современата историја на Бугарија со тоа што одби да го потпише указот за именување на преодна влада.Смената на Стојанов побара и лидерот на партијата ГЕРБ Бојко Борисов и апелираше да се најде решение вонредните избори да се организираат што поскоро на начин прифатлив за сите политички сили.Тој денеска на прес-конференција рече дека видел неколку неприфатливи постапки на Стојанов, меѓу кои и „крената тупаница“ пред Претседателството.Борисов оцени дека мандатарката Гранчарова Кожарева постапила набрзина и дека требало да предложи друг министер за внатрешни работи.Во меѓувреме Гранчарова Кожарева поднела пријава до обвинителството бидејќи и биле притиснати додека се обидувала да формира преодна влада.Стојанов, кој поради одлуката на Радев им се придружи на полицајците на протестот пред Претседателството, го обвини претседателот дека на неприфатлив начин се меша во работата на извршната власт, велејќи кој треба да биде во следната преодна влада.Многу критичари го обвинуваат Стојанов дека работи во корист на Певски, медиумски тајкун и еден од водачите на Движењето за права и слободи (ДПС), кое главно го претставува големото турско малцинство во Бугарија.Минатата недела МВР затвори сатирична веб-страница која го исмеваше Певски.Во Бугарија во изминатите три години се одржаа шест парламентарни избори, но ниту една политичка сила досега не успеа да формира стабилна влада.

Свет | пред 1 година

Бугарија забрани „ЛГБТ пропаганда“ во училиштата

Бугарската Влада дејствувајќи преку закон, забрани промоција на како што велат, „нетрадиционална сексуална ориентација или родово определување“. Бугарскиот парламент го изгласа, а со него, стрикно се забранува промоција на лезбијките, хомосексуалците, бисексуалците, трансродовите личности...Според народните избраници, сето ова е ЛГБТ пропаганда. Забраната е имплементирана преку Законот за предучилишно и училишно образование, усвоен од 159 пратеници, додека против биле 20, а 10 воздржани.Народните избраници сметаат дека ваквата забрана е согласно бугарскиот Устав, кој предвидкува дека брак е заедница меѓу маж и жена.„Кога земаме текстови од Википедија за да донесуваме закони, тоа не е десна ориентираност, не е конзервативна ориентираност и не е заштита на бугарските деца, тоа е евтин популизам“, рече Елисавета Белобрадова од реформистичката „Продолжуваме со промената“.

Свет | пред 1 година

Повторно парламентарни избори во Бугарија, шести пат во последните три години

Бугарите ќе излезат на гласање на нивните шести парламентарни избори во последните три години, но аналитичарите велат дека е малку веројатно дека изборите ќе создадат стабилна влада која може да стави крај на долгата политичка нестабилност и да ги деблокира економските реформи.Бугарија, најсиромашната членка на Европската унија и една од нејзините најкорумпирани држави, се бореше со честите промени на владата по масовните антикорупциски протести во 2020 година. Оттогаш, се одржаа пет избори, кои продуцираа несигурни коалиции кои брзо се распаднаа.Последните истражувања на јавното мислење покажуваат дека ниту овојпат нема да добие мнозинство ниту една партија. Избирачките места се отворени во 7 часот по локално време, а затвораат во 20 часот. Излезните анкети треба да бидат објавени веднаш по затворањето на гласачките места. Првите делумни резултати се очекуваат околу полноќ.На Бугарија и треба стабилна и добро функционална влада за да го забрза протокот на средства од ЕУ кои треба да се вложат во лошата инфраструктура и да ја охрабри да се приклучи на еврозоната и целосно да учествува во отворената европска Шенген зона.Плановите за влез во еврозоната веќе двапати беа одложени поради промашените цели за инфлација. Пристапувањето во моментов е закажано за 25 јануари 2025 година. Неуспехот да се формира стабилна влада ќе го зголеми ризикот од дополнителни одложувања, велат аналитичарите на Teneo во извештајот минатата недела.Бугарија досега има добиено само 1,4 милијарди евра од 5,7 милијарди евра достапни во грантови од Инструментот за опоравување и отпорност на ЕУ.„Понатамошниот напредок е неизвесен бидејќи земјата мора да спроведе политички чувствителни реформи во енергетскиот сектор, што би можело да биде потешко без стабилна влада“, додаваат тие.Гласањето и одржувањето на овие избори е поттикнато од падот на владејачката коалиција во март, која се состоеше од централно-десничарската партија ГЕРБ и реформистичката партија Продолжуваме да се менуваме (ПП). Според последната анкета на Галуп, објавена во петокот од новинската агенција БТА, ГЕРБ е во водство со 25,9 отсто од гласовите, а по неа следат три партии во тесна трка за второто место.Според анкетата, ПП добива 15,7 отсто од гласовите. Ултранационалистичката проруска партија „Преродба“ 15,5 отсто и Движењето за права и слободи, кое го претставува претежно големото турско малцинство, 15,3 отсто. Бугарите в недела ќе ги изберат и своите претставници за Европскиот парламент, но проблем може да биде заморот од изборите. Во анкетата на Галуп, само 40% од испитаниците изјавиле дека планираат да гласаат.

Свет | пред 1 година

Силен земјотрес ја погоди и Бугарија

Земјотрес со јачина од 3,8 степени според Рихтеровата скала утрово ја погоди јужна Бугарија, соопшти Европско-медитеранскиот сеизмолошки центар (EMSC).Земјотресот се случил на три километри од Девин на југот на Бугарија и 57 километри од Пловдив.Епицентарот на земјотресот бил на длабочина од девет километри.

Свет | пред 2 години

Можеби Бугарите а не ние треба да го променат уставот, вели Најчевска

Професорката Мирјана Најчевска, објави текст во кој може да се прочита информација дека бугарскиот суд ја одбил Истанбулската конвенција против насилство врз жените, затоа што Уставот не им дозволувал.Потоа таа додаде свој коментар:„Уставот не им дозволува да ја ратификуваат Истамбулската конвенција против насилство над жените. Уставот не им бил соодветен да спомнат етнички малцинства.Можеби Бугарите а не ние треба да го променат уставот“, напиша Најчевска

Коментари | пред 2 години

Полицијата не пушти низ опасна населба, вели пријател на избодениот Бугарин во Скопје

Петар Бозов, пријател на избоденото момче со нож во Скопје, 29-годишниот Бугарин, во изјава за бугарска НОВА истакна дека и тој самиот бил повреден откако бил удрен со стап по главата.Тој вели дека ниту еден сонародник кој патувал со повеќе автомобили од тоа место не е организиран фан, ниту дел од агитација. Тој, исто така, негираше дека учествувал во организирани тепачки.Според мажот, избодениот Драго не е во опасност по живот. Тој ги повика бугарските власти да помогнат во неговото лекување и транспортирање во Бугарија.„Околу 18 часот бевме на влезот во Скопје. Пред него сите бугарски автомобили беа детално проверени дали има оружје. Излезе кордон да не придружува, но на автопатот „пукна“ и не бевме добро чувани. Пред кривина, возачот на вториот автомобил ми блесна со светло и застанавме. Ме праша: „Знаеш ли каде одиме? и реков „Да, по трасата што ни ја даде Левски“. До нас застана патролно возило и ги прашавме: „Десно“, а тие рекоа: „Да, продолжи, продолжи“. Ова испадна патот до излезот за Чаир“, вели пријателот на избодениот Бугарин.Тој обвинува дека македонската полиција многу добро видела колку бугарски автомобили скршнале и завршиле во предметното опасната населба.„Тогаш започна кошмарот. Околу нас се собра поголема група мажи Албанци кои почнаа да удираат по автомобилите. Таму го избодеа и Драго. Бевме тепани со метални предмети и лименки“, се присетува учесникот.Тој објасни дека полицијата им забранила да се сликаат. Ним им беше одбиен и преведувач за време на сослушувањата. На крајот преведувал бугарскиот амбасадор.

Македонија | пред 2 години

Бугарија за истрагата за „Мал битолски Монмартр“: Обидите да се претстават ваквите позитивни иницијативи во негативен контекст загрижуваат

Бугарското Министерство за надворешни работи реагира откако во земјава полицијата отвори истрага затоа што од „Мал битолски Монмартр“ носеле деца на средби со бугарски политичари.Според нив, овие позитивни гестови биле претставени како нешто негативно во Македонија.„Нејасно е како како проблем се претставува демонстрацијата на почит од страна на официјални претставници на бугарската држава кон талентот на младите уметници и читањето на светски реномираното ремек-дело на литературата за деца „Малиот принц“ од шефот на државата на Република Бугарија. Повикот за поплаки против група деца кои ја посетуваат Бугарија, за што постои експлицитна согласност од нивните родители, е обид за формирање негативно јавно мислење и ставови и претставува притисок врз оние локални граѓани и организации кои го поддржуваат пријателството меѓу двете земји. Посебно вознемирува што тоа се случува во овој крајно одговорен момент, кога власта во Скопје се изјасни дека се стреми да создаде позитивна клима за усвојување на уставните измени. Градењето добрососедски односи со Бугарија подразбира радикално поинаков, европски пристап. Ги повикуваме нашите пријатели во Скопје да ги насочат своите напори за обезбедување на европската иднина на Северна Македонија. Секоја провокација која има за цел да оправда одредени политички одлуки во претстојниот клучен период ја става оваа иднина во ризик. Сметаме на институциите во Северна Македонија јасно и јавно да ја осудат оваа и другите слични провокации“, се вели во соопштението од бугарското МНР.И дел од бугарските политичари вчера реагираа за истрагата.Претседателот на бугарската партија „Преродба“ Костадин Костадинов побарал бугарското Министерство за надворешни работи да излезе со осуда, а осуда упати поранешниот министер за одбрана, Красимир Каракачанов.Полицијата по допрен глас го известила ОЈО за случајот со културната установа „Мал битолски Монмартар“ која изминатиот период во неколку наврати однела деца во посета на Бугарија.За посетата на децата на својот Фејсбук-профил на 4.јули информирал и претседателот на Бугарија, Румен Радев. Децата претходно биле и кај поранешниот бугарски премиер, Симеон Втори -Сакскобурготски, како и на гробот на неговиот татко, царот Борис Трети.

Македонија | пред 2 години

Бугарско државјанство за 250 денари, фондацијата „Македонија“ повика на масовно вадење документи

Одлуката на македонското Министерство за правда во изводите од матичните книги на родени да се внесе нова графа за етничка припадност се претвори во шанса за македонските Бугари да дојдат до бугарски пасош за само 250 денари, колку што чини таксата за вадење извод. Фондацијата на Бугари во земјава „Македонија“ преку објава на Фејсбук ги повика Бугарите масовно да вадат вакви документи.„Според новиот закон, можете да го ажурирате изводот на родените и да напишете националност: бугарска. Сега проверуваме дали ова ќе ви даде можност со сигурност да добиете бугарско државјанство, но треба да напишете бугарска припадност во изводот на родените и со сигурност да добиете бугарско државјанство врз основа на бугарско потекло и самосвест. Вадете масовно вакви документи од С. Македонија, во кои ќе пишува националност бугарска. Чини 250 денари“, објави фондацијата.Апелот до македонските Бугари фондацијата го поткрепува со законот кој што беше објавен во Службен весник пред една недела.„Упатство за изменување и дополнување на Упатството за начинот на водење, заштита и чување на матичните книги и списи; издавање на изводи, уверенија, преписи и копии врз основа на матичните книги; водење постапка и составување на записник за најдено дете; обновување на уништени, оштетени или исчезнати матични книги, како и за обрасците на матичните книги, регистарот на матичните книги, изводите и уверенијата што се издаваат врз основа на матичните книги“, пишува во законот.

Македонија | пред 2 години

Бугарското МНР проверува дали претседателот на бугарскиот клуб во Струга бил нападнат поради омраза

Бугарското министерство за надворешни работи објави дека добиле информација за напад извршен денеска врз претседателот на бугарското здужение „Шемето“ од Струга.„Според првичните податоци, на жртвата и’ била укажана лекарска помош и била примена во локална болница“, велат од бугарското МНР.Се додава дека вработен во Генералниот конзулат во Битола е испратен и сега се наоѓа во градот Струга.„Во моментов се расчистуваат фактите околу случајот и дали е резултат на кривично дело од омраза“, се наведува во соопштението на бугарското МНР.„Макфакс“ претходно објави дека еден од основачите на бугарскиот клуб „Шемето“ во Струга, Бекир Кадриески, бил натепан од маж од струшко село. Од МВР објавија дека станува збор за нарушен ред и мир и дека постапиле, додека бугарските медиуми, на нападот му даваат етнички предзнак, по тврдењето на Кадирески дека бил цел поради бугарската самосвест.

Македонија | пред 2 години

Првите луѓе на згаснатиот клуб добија бугарски пасоши: „Ќе бидеме достојни граѓани на Бугарија, како што сме на Македонија“

Бугарскиот претседател Румен Радев им ги врачи бугарските лични документи на Љубчо Георгиевски и на Благој Шаторов – претседателот и секретарот на затворениот бугарски клуб од Битола „Иван Михајлов“.„За мене е привилегија да доделам бугарски лични документи на двајца наши сонародници, чија патриотска активност и храброст ја потсети цела Бугарија дека железниот светилник на бугарскиот патриотизам никогаш не бил згаснат во соседна Република Северна Македонија, дека илјдагодишната бугарска култура и историското наследство во Македонија се неизбришливи и ќе продолжат да ги будат умовите и срцата на Бугарите“, рече Радев.Претседателот, како што пишуваат бугарските медиуми, им вети дека државата ќе ги заштити нивните животи, достоинство и правда.Шефот на бугарската држава повторно кажа дека вклучувањето на Бугарите во Уставот на Македонија рамноправно со другите народи е практично гаранција за нивната рамноправност и неопходно барање на ЕУ за почеток на преговорите за членство и им заблагодари на европските лидери за прифаќањето и разбирањето на нивниот став.„Да работиме заедно во името на граѓаните во Бугарија и Северна Македонија, народот од двете страни на границата, со убедувањето дека споделуваме не само заедничка вековна историја, туку и заедничка иднина во обединета Европа“, рече Радев.Претседателот на затворениот клуб „Иван Михајлов“, Љубчо Георгиевски се заблагодари за документите и кажа дека претседателската институција во Бугарија прва го слушнала нивното барање за помош, како и дека проблемот на Бугарите допрел до европските институции и држави.„Мислам дека ќе бидеме достојни граѓани на Бугарија, како што сме и на Македонија“, рече тој.

Македонија | пред 2 години

Пендаровски две години немал конструктивен разговор со Радев: За танго треба двајца

Шефот на државата, Стево Пендаровски изјави дека нема контакти со бугарскиот колега Румен Радев. Пендаровски објасни дека последен пат кога се видел со него било лани на Мини самитот за енергетика во Софија.Во гостување во централниот дневник на „Сител“, претседателот Пендаровски рече дека во изминатите две години немал ниту еден конструктивен разговор со Радев.-„За танго треба двајца. Објективно изминативе две години Бугарија имаше серија на провокации кон нас и излезе со аргументи за наша блокада кон ЕУ каква што немало во историјата на ЕУ. Ниту една држава не блокирала друга држава со тоа што викала „Вие не сте тоа што мислите дека сте“. Да зборувате за идентитетска политика и да викате дека јас не сум Македонец и дека само ако ги сменам сите учебници ќе можам да напредувам кон Европа... Ние може да глумиме средби, но последниве две години практично немам ниту еден конструктивен разговор со Радев“, изјави Пендаровски.За неговите изјави со кои предизвика реакција во Софија, Пендаровски рече дека поважна му е реакцијата на граѓаните во државава, отколку реакцијата од Софија.

Македонија | пред 2 години

Комисијата се занимава со учебниците, не дали Гоце Делчев е Бугарин или не, вели Ѓоргиев

Главна преокупација се учебниците и сакаме да ги надминеме тие забелешки за средниот век за да можеме да дојдеме многу понапред, изјави Драги Ѓоргиев, копретседател на мешовитата македонско-бугарска комисија, во вечерашното интервју во „Топ тема“ на ТВ Телма.-“Нема сериозни поместувања во дебатата околу Гоце Делчев, ниту пак има сериозни дискусии околу тоа. Ние веќе рековме дека оваа Комисија не е Комисија која што треба да го реши идентитетот на Гоце Делчев. Апсолутно не е работа на комисијата во својот текст да истакне некакво свое видување за идентитетот на Гоце Делчев. И тоа нема ниту да се случи, бидејќи ако ние го славиме Гоце Делчев, тогаш славењето на таа личност треба да биде на други основи и на други вредности, а не дали Гоце Делчев бил Македонец или Бугарин“, рече Ѓоргиев.

Македонија | пред 2 години

Приведени четири лица за каменувањето на македонскиот клуб во Благоевград

Има приведени за нападот со камен врз македонскиот културен клуб во Благоевград, пренесе бугарскиот медиум НОВА од свои извори.Во притвор се двајца мажи и две жени, сите на возраст од околу 40 години. Тие се од Благоевград и засега не е јасно кои се мотивите за делото.Според неофицијални информации, по полициската акција во Благоевград, министерот за внатрешни работи Иван Демерџиев разговарал со својот колега од Македонија и ги повикал локалните органи на прогонот да ја завршат работата за дефинитивно идентификување на напаѓачите на Христијан Пендиков.

Македонија | пред 3 години

ОМО Илинден Пирин: 17 години напади врз македонските клубови во Бугарија, дали полицијата конечно ќе истражи овој пат?

Македонците во Бугарија бараат истрага за демолирањето на клубот „Никола Вапцаров“ во Благоевград.Синоќа околу 21 часот клубот е каменуван. Организацијата ОМО Илинден Пирин бара од бугарската полиција да го истражи случајот. Велат дека со години има слични инциденти.„Веќе 17 години напади врз македонските клубови во Бугарија. Дали полицијата конечно ќе истражи овој пат и нема да одбие? Да видиме дали ќе ги најде сторителите откако неодамна постави камери над клубот на свој начин. Се надевам дека беше за безбедност, а не само за следење на доаѓањето. А има од каде да почне - нека го испрашуваат Виктор Стојанов, еден од организаторите на провокациите, кој истовремено беше во Благоевград со цела банда аверис“, пишува во текстот објавен на официјалната фејсбук страница на ОМО Илинден Пирин.Клубот е отворен во октомври минатата година кога имаше тензична атмосфера. Тогаш, бугарските медиуми тврдеа дека Вапцаров е бугарски поет, а сега неговиот клуб го демолираа. Имаше најави дека близу Пловдив ќе се отвори македонски клуб.

Македонија | пред 3 години