ИЗБОРИ 2024

Мицкоски: Ќе разговараме со повеќе партии за владина коалиција

Разговорите за коалиција ќе се водат во два правци, ние сакаме да разговараме со сите кои се дел од опозицијата за политиките и визијата која треба да се реализира, и ќе дадеме шанса на сите кои биле опозиција, рече Христијан Мицкоски, претседател на ВМРО-ДПМНЕ на гостување во емисијата Само интервју што се емитува на телевизија Канал 5.Мицкоски укажа дека од ова раководство на ДУИ не очекува промена на нивните ставови.„Јас од ова раководство на ДУИ не очекувам промени во позициите и дека би ги поддржале овие политики кои ние ги промовираме. Но, секому ќе му дадеме шанса. Нема да се однесуваме игнорантски како владата до сега“, вели Мицкоски.Мицкоски укажа дека мора да се има разбирање и за опозицијата и да се излезе во пресрет и на некои барања на опозицијата.„Не може односот да биде имаме 61 пратеник, мнозинство и на останатите да им се лепат етикети“, кажа Мицкоски.Според него мора да се ослободат граѓаните од притисокот во кој живеат.„Видете какви вести има, се сѐ кои од кои полоши. Тоа мора да се смени“, изјави Мицкоски.

Македонија | пред 1 година

Мицкоски за владата во заминување: Не може континуирано со својот народ да работат со инжињеринг и манипулации

-Јас во една прилика кажав дека професорката Силјановска во вториот круг очекувам да има повеќе од 500.000 гласови, а дека коалицијата „Твоја Македонија“ предводена од ВМРО-ДПМНЕ ќе има 55 плус пратеника. И тоа се случи, исто како за првиот круг се случи тоа што се случи со Силјановска и мислам дека народот си го кажа своето, граѓаните си го кажаа своето, истакна Христијан Мицкоски, претседател на ВМРО-ДПМНЕ во своето гостување во емисијата „Само интервју“.Мицкоски во текот на своето гостување зборуваше за власта во заминување и истакна дека не може никој ниту со државата, ниту со народот континуирано преку гимнастики и политички инжињеринг да функционира.-Не можете со една држава и со еден народ, без разлика од која етничка припадност доаѓа континуирано преку гимнастики, политички инжињеринг да функционирате. И тоа се виде вчера, рече Мицкоски и додаде:-На тоа предупредувавме ние со месеци би рекол и со години. Јасно беше уште после локалните избори во 2021 дека мора да има промени во Mакедонија, мора да дојде до промена на владината структура.

Македонија | пред 1 година

Кои од неговите најблиски соработници се сокрија синоќа за да не бидат фотографирани со Пендаровски?

Стево Пендаровски синоќа на прес конференцијата го призна поразот и упати честитка до победниците. Мандатот му завршува во недела, па на заминување од „Александар Палас“ посака да се слика со своите соработници.На фотографијата на БИРН се неговата сопруга и синот, дел од Кабинетот и неколку лица, непознати за јавноста.Забележливо е отсуството на видни членови на Кабинетот кои до вчера беа први до Пендаровски и на средби и на патувања. Па така доколку се отвори сајтот и имињата од неговиот Кабинет се гледа дека „се сокриле“ или избегнале да се фотографираат:Гоце КарајановАмбасадор, Посебен советник за надворешна политика,д-р Александар Љ. СпасовСоветник за надворешна политика, внатрешна политика и уставни прашања,Елена ПресилскаПосебна советничка за стратешки комуникации во надворешна политика,Бисера СпасевскаСоветник за економски прашања,м-р Билјана Мицевска-ЈосифовскаШеф на протокол,Билјана БлажескаАѓутант на претседателот на Република Северна Македонија,Кристијан ГеоргиевскиСоработник за дигитални медиуми и продукција,Фикрија ТаирНадворешна соработничка, советничка за прашања од областа на мултикултурализам, политики, стратегии и програми за инклузија на Ромите во Република Северна Македонија,Искра ГешоскаНадворешна соработничка, советничка за прашања од областа на културата.Во вториот круг видно беше отсуството од митинзите и синоќа на соопштување на резултатите и на портпаролката на СДСМ, Богданка Кузевска.Дали кај нас, за жал, луѓето ти се битни само кога се на функција?ФОТО: БИРН

Македонија | пред 1 година

Оставки од раководството на СДСМ веднаш, а не одложени, бара Деспотовски

Јован Деспотовски, актуелен директор на Дирекцијата за технолошко индустриски развојни зони (ТИРЗ), денеска побара оставки од раководството на СДСМ веднаш, а не со одложено дејство и условени.Деспотовски му беше еден од противкандидатите на Димитар Ковачевски за лидерската функција во СДСМ. Еве што објави Деспотовски:,,💬На нашите членови, поддржувачи денес им е повеќе од потребен консолидиран и свесен СДСМ. Сите се тажни, разочарани, но и уплашени од повторување на некои лоши работи од некои не така далечни минати времиња. Силен и реформиран СДСМ може и мора да ги заштити. Силен и реформиран СДСМ ќе биде надеж за сите граѓани.📝Вчеравечер пропуштивме огромна шанса да го направиме првиот чекор кој почнува со одговорност, со име и презиме,почнувајќи од врвот. По статутот, тоа ќе отвори веднаш простор за поширока анализа на причините за овој пораз. За одговор на прашањата: Каде исчезна онаа енергија од пред 7 години? Дали ветивме многу работи а малку исполнивме? Каде се стопи довербата и како се загуби сета онаа надеж кај луѓето? Признанието дека имаме огромен проблем е прв чекор за негово надминување.👥Како членови на СДСМ носиме огромна одговорност нашата опција, идеја, цел да опстои и да постои и понатаму. Денес сме им потребни на нашите членови и поддржувачи, но и нас самите, ама...веќе утре ќе и бидеме потребни на државата, на сите наши сограѓани. За носење на брзи и квалитетни одлуки ни треба итна сериозна анализа, која не треба да се одолговлекува. Но, за првиот чекор кон овие одлуки треба само храброст кај врвот да се прифати реалноста на овој пораз. Не ни требаат условени оставки кои ќе се ефектуираат доколку и другите си поднесат оставки. Секој да почне од себе без да го чека партискиот другар до него. Само така овој процес на промена нема де трае предолго а штетата нема да стане ненадоместлива”, напиша Деспотовски.

Македонија | пред 1 година

,,Помоќниот брат’’ СДСМ со пратеник помалку од ДУИ

СДСМ на овие парламентарни избори го оствари историски најслабиот изборен резултат. СДСМ освои помалку од 20 пратеници или 19 пратеници според последната симулација на ДИК. Со ова досегашната владеачка партија се пресели на третото место на ранг листата за број на пратеници.Она што досега не се случило е податокот дека СДСМ има 18 пратеника или помалку од довчерашниот коалициски партнер ДУИ кој има 19 пратеници.Како што беше и претходно анализирано и укажувано, ДУИ, иако најверојатно оди во опозиција, сепак се уште е партија со најголем број гласови кај Албанците.Ова покажува дека тие успешно си ја тераа својата агенда и си билдаа рејтинг, но со забрзани чекори го трошеа рејтингот на СДСМ кој не се спротивстави,барем јавно на ниту еден потег на ДУИ.Однесувањето на челниците на ДУИ како да се тие недопирливи и можат да прават што сакаат, покрај лошата кадровска политика, погрешните и неразмислени потези , секојдневно им носеа мегативни поени на СДСМ. На овие изборија загуби и ДУИ кој по долги години се сели во опозиција, но уште повеќе СДСМ, кој доколку не н аправи длабок и комплетен рез, од владеачка ќе стане маргинална партија.

Македонија | пред 1 година

Нема фотографија

Митрески го чека Извештајот од ДИК за да ја закаже инаугуративната седница

Јован Митревски, кој се уште ја извршува функцијата претседател на Собранието, го чека извештајот на ДИК за да закаже инаугуративна седница.Како што информираат од неговиот Кабинет, рокот за да го добие извештајот е до утре( петок) до 19 часот.Митревски тогаш ќе ја закаже седницата на 12 мај( недела) во 12 часот.На седницата, новоизбраната претседателка Гордана Силјановска- Давкова ќе даде свечена изјава од кога го почнува и официјално претседателскиот мандат.Оваа процедура е според уставните норми. На 12 мај му истекува мандатот на Стево Пендаровски.

Македонија | пред 1 година

(Видео) Кој ќе биде првиот проемнет во СДСМ?

Заменик-претседателката на СДСМ, Сања Лукаревска, во „Претрес со Ландов“, одговараше на прашањето кој прв ќе биде променет во партијата. Според неа, прво ќе биде променета перцепцијата на раководството која ја има за тоа каде се наоѓа партијата и како котира кај јавноста. „Ние сме исправени пред отчетен конгрес. Утрото е попаметно од ноќта“, рече Лукаревска.Таа кажа дека раководството треба да биде свесно за своите грешки, исто како што и таа е свесна за нејзините постапки.Инаку, вчера се отвори прашањето дали Димитар Ковачевски е првиот кој си оди од партијата која паѓа од власт, а по неговата прес-конференција оставка дадоа Перо Костадиновски и Фатмир Битиќи кои беа во раководните структури на СДСМ.?t=6141

Македонија | пред 1 година

(Видео) Лукаревска: Никој не може да нѐ симне од власт, ако не се симнеме сами - занимавајќи се со себе, шепотите не ги слушнавме

Заменик-претседателката на СДСМ, Сања Лукаревска, во „Претрес со Ландов“ посочи дека нив од власт не ги симна Али Ахмети со неговото однесување, туку сами себе си направиле штета. „Нас не може никој да не симне од власт ако не се симнеме самите ние. Така што толку имам да кажам околу тоа. Занимавајќи се премногу самите со себе, некои шепоти не ги слушнавме доволно силно, па сега ни е малку и поспецифично како грмотевица“, рече Лукаревска.Прашана за критики, рече: „Јас прифаќам критика, жалам што одредени луѓе во политичка смисла, независно дали од СДСМ или други партии не прифаќаат критика, туку сфаќаат како да некој има нешто против нив. Ако повеќе критикувавме, можеби ќе направевме некаков подобар пресврт“.?t=6141

Македонија | пред 1 година

Нема фотографија

(Видео) Лукаревска гневна на ДУИ: Замислете сите што сме на позиции да даваме голчиња во канцеларија

Заменик-претседателката на СДСМ, Сања Лукаревска во вчерашното издание на поткастот „Претрес со Ландов“ посочи дека постапките на министри од ДУИ, ги чинело голем пад на изборите.„Одредени политики, одреднеи законки решенија кои беа пот капата на ДУИ, направија соодветен пад на нашиот рејтинг. Ако зборуваме за потктестот, играњето во канцеларија на кошарка - навистина иритира. И тоа да го правеле така, не треба да оди во јавност, навистина иритира. Колку и да сте во коалиција, создава одреден гнев кај вас“, рече Лукаревска. Прашана дали тоа и кај нејзе донело гнев, посочи: „Замислете сите што сме на позиции, да земеме да играме кошарка, да даваме голчиња. Ова наше општество не може тоа да го прифати и тоа ми е јасно. Исто како што не можеше да ги прифати и оние извици на плоштад (УЧК, УЧК) тоа оди на наша штета. Тоа се дел од фактите, патоказите кои мора да нѐ освестат во делот на стратегиите за наредниот период“.?t=3678

Македонија | пред 1 година

Данела Арсовска со само 1.571 глас во Скопје каде е градоначалничка

Градоначалничката на Град Скопје, Данела Арсовска која е претседателска на партијата Нова Алтернатива на вчерашните парламентарни избори освои вкупно 3.438 гласови, премалку за пратенички мандат.Според податоците на ДИК, од обработени 97,32% од избирачките места, како носител на изборната листа во ИЕ 1, во која спаѓа и Скопје, Арсовска освои само 1.571 глас.Во ИЕ 2 каде што беа скопските општини Ѓорче Петров и Сараја, таа доби 1.109 гласови. Нова Алтернатива имаше листи и во ИЕ3 и ИЕ4.За споредба, на локалните избори во 2021 година, кога Арсовска која тогаш беше поддржана од ВМРО-ДПМНЕ го победи Петре Шилегов во трката за скопски градоначалник, па во првиот круг освои 86.698, а во вториот 118.749 гласови.

Македонија | пред 1 година

Честитки за победата на Силјановска-Давкова пристигнуваат од сите страни

Република Македонија ја доби првата жена претседател. Честитки за победата на Гордана Силјановска-Давкова пристигнуваат, меѓу кои Александар Вучиќ, Виктор Орбан и Оливер Вархеји.Српскиот претседател Александар Вучиќ и честиташе на Гордана Силјановска-Давкова за победата во вториот круг од претседателските избори во Македонија.„Им честитам на Гордана Силјановска Давкова за изборот за претседател на Македонија и и посакувам успешно да ја извршува одговорната задача што ја добива. Убеден сум дека ќе продолжиме да работиме заедно на зајакнување на врските меѓу Србија и Македонија со цел напредок и благосостојба на нашиот народ, како и просперитет на целиот регион“, напиша Вучиќ на платформата Х.Унгарскиот премиер Виктор Орбан упати честитки за изборната победа на ВМРО-ДПМНЕ на парламентарните избори и победата на нивната кандидатка Гордана Силјановска-Давкова во вториот круг од претседателските избори, додавајќи дека се радува на идна заедничка соработка.,,Им честитаме на ВМРО-ДПМНЕ, Христијан Мицкоски и Гордана Силјановски-Давкова за заслужената и историска победа на претседателските и парламентарни избори! Со нетрпение очекувам да работиме заедно за да дадеме нов поттик на процесот на пристапување на Северна Македонија до ЕУ!“, напиша Орбан на социјалната мрежа „Х“.Со честитка за новата претседателка Гордана Силјановска-Давкова се јави и еврокомесарот за проширување Оливер Вархеји.„Со нетрпение очекуваме да работиме со претседателката Гордана Силјановска-Давкова и да ги забрза потребните реформи за да се придвижи напред во процесот на пристапните преговори со ЕУ“, напиша Оливер Вархеји.

Македонија | пред 1 година

Апасиев: Прва пратеничка група на Левица. Прва жена - пратеник од Левица

Левица со 6 (шест) пратеника во Парламент резултираше на Парламентарните избори, 2024.На прес - конференцијата по овој повод, претседателот на Левица, Димитар Апасиев, имаше свое обраќање кон народот.- Да прославиме пасокизација на СДС и факторизација на ЛЕВИЦА! Прва пратеничка група на Левица, прва жена - пратеник на Левица - истакна Апасиев.Во ИЕ1, Левица освои 2 пратеника и тоа: претседателот Димитар Апасиев и потпретседателот, Реџеп Исмаил - Хактан.Од ИЕ2, во Парламентот влегува еден пратеник - портпаролот на Левица, Амар Мециновиќ.Во ИЕ3 - влез во Собранието има и актуелниот пратеник Борислав Крмов.Во Четворка влегува Сашко Јанчев, а во Петка - Генералниот секретар на Левица, Јована Мојсоска.- Она за што се залагавме, тоа ни успеа. Го пасокизиравме СДС, ја кутнавме црвената буржоазија што беше наш детски сон уште од транзицијата на под 20 пратеника - потенцираше лидерот Апасиев.Резултатите на Парламентарните избори - 2024 ја потврдија и тезата на претседателот Апасиев дека новопојаното т.н. политичко движење е ,,краткотраен проект" или ,,надуван балон".- Друга значајна победа е тоа што и покрај сета наша маргинализација, а фаворизација на Максо, го преполовивме проектот на ЗНАМ на пола на Претседателските избори - 2024. Но и покрај тоа преполовување на гласовите на ЗНАМ, овој изборен систем повторно нè краде, затоа што некаде го водиме за 4000 гласа, а имаме ист број на пратеници. Ова ќе биде првото барање на Левица, а тоа е воведување на една изборна единица. Ваквиот Д'онтов модел ни краде во секоја изборна единица по еден до двајца пратеници - додаде Апасиев на прес - конференцијата.Претседателот Димитар Апасиев им се заблагодари на активистите на Левица што заеднички ги донесоа подемот и победата на Левица и што не потклекнаа на малодушноста на одредени субјекти.- Левица ќе продолжи за петпати појако од сега, затоа што секој наш пратеник вреди колку 10 нивни. Да знаат дека ги чека пекол во Собрание со нашите борбени пратеници! Долу црвената буржоазија! - вака Апасиев го заокружи своето обраќање.Од Левица потврдија дека уште веднаш почнуваат со подготовка за локалните избори каде очекуваат да го надминат резултатот којшто го освоија на Парламентарните избори - 2024.

Македонија | пред 1 година

ВМРО-ДПМНЕ 58, ДУИ 19, СДСМ 18, ВЛЕН 13, Левица и ЗНАМ по 6 пратеника

Според податоците од Државмната изборна комисија, од обработени повеќе 99,6% податоци од избирачките места, коалицијата предводена од ВМРО-ДПМНЕ во новиот парламент ќе има 58 пратенички места, ДУИ со 19 пратеници ќе има еден пратеник повеќе од коалицијата предводена од СДСМ кои влегуваат со 18, коалицијата ВРЕДИ ќе има 13 пратеници, додека движењето ЗНАМ и Левица по 6 мандати.Според одредбите од Уставот, новоизбраното Собрание се состанува на конститутивна седница најдоцна 20 дена по одржаните избори. Конститутивната седница ја свикува претседателот на Собранието од претходниот состав.

Македонија | пред 1 година

Инаугурацијата на Силјановска-Давкова најдоцна до 12 мај

Според законските правила инаугурацијата на новоизбраниот претседател Гордана Силјановска-Давкова треба да се случи најдоцна до 12 мај(недела). Тоа е денот кога истекува мандатот на Стево Пендаровски. Таа пред пратениците од се уште актуелниот состав треба да има обраќање и да даде свечена изјава по која и започнува да тече нејзиниот 5 годишен мандат.Седницата за инаугурација на новиот претседател треба да ја свика актуелниот претседател на Собранието Јован Митрески.Доколку инаугурацијата на новиот претседател се случи на 12 мај, тогаш тој треба да го додели мандатот за новиот состав на Владата. Вчера се одржаа и избори за нови пратеници. Мандатот на новиот собраниски состав што беше избран и треба да биде верификуван од ДИК, почнува да тече од конститутивната седница на собранието. Според одредбите од Уставот, новоизбраниот парламент се состанува на седница најдоцна 20 дена по одржаните избори. Седницатa ја свикува претседателот на собранието од претходниот состав. Доколку пак тој не закаже конститутивна седница во предвидениот рок, пратениците сами се состануваат, да го состават собранието на дваесет и првиот ден од денот на завршувањето на изборите.

Македонија | пред 1 година

Оставки во СДСМ по изборниот пораз

Потпретседателите на СДСМ Перо Костадинов и Фатмир Битиќи вчера вечерта, по објавувањето на прелиминарните резултати од парламентарните избори поднесоа оставка од партиските функции, а Битиќи побара тоа да го стори целото раководство.„Како потпретседател на Социјалдемократскиот сојуз на Македонија, обврзан на етички и демократски вредности, одлучив да поднесам оставка од функцијата потпретседател на партијата. Мојата оставка комплетно ќе се ефектуира кога останатите мои другари и другарки кои го сочинуваат партиското раководство ќе го направат истото – од првиот до последниот“, напиша Битиќи, кој беше и вицепремиер за економски прашања во владите на Димитар Ковачевски и на Зоран Заев.„По изборните резултати, поднесувам оставка од мојата партиска функција, потпретседател на СДСМ. Најважни се слободата, мирот и напредокот на Македонија. Граѓаните денес гласаа на демократски избори, и на слободен начин ја изразија сопствената волја. Како држава, можеме да продолжиме напред само преку заедништво и добронамерност. Потребни ни се внатрешни и надворешни партнерства, силни институции и интеграција на земјата во ЕУ. Сонот за подобар живот дома е на сите нас“, напиша Костадинов.Оставка по вчерашниот катастрофален пораз на изборите не поднесе лидерот на СДСМ, Димитар Ковачевски. Тој повика на избори на сите партиски тела, и на централно и на локално ниво, почнувајќи од претседателот на партијата, раководството, сѐ до претседателите на општинските организации и сите органи и тела на партијата, но не прецизираше кога ќе се случи тоа.

Македонија | пред 1 година

Андоновски: Денеска победија граѓаните на Република Македонија

"Денеска ВМРО-ДПМНЕ и коалицијата ,,Твоја Македонија” ќе прославуваат заедно со граѓаните, од утре започнуваме со напорна работа и реализација на планот за промените за кои граѓаните гласаа и ги заслужија " , изјави дополнителниот заменик на министерот за информатичко општество и администрација, Стефан Андоновски, во гостувањето на Канал 5 Телевизија.Дополнително, Андоновски коментираше дека е време за национално обединување."Не е време за триумфализам, време е за национално обединување, време е за давање шанса на квалитетните и на успешните, и таа шанса се надевам дека оваа генерација на ВМРО-ДПМНЕ ќе ја оствари и ќе биде предводник на промените", истакна Андоновски.„Ние немаме ниту време за губење, ниту луѓе повеќе и оваа шанса што граѓаните ни ја дадоа обврзува да не бидеме триумфалисти, туку да бидеме прагматични реалисти кој што ќе размислуваат да подадат рака и да градиме заедно, “, заклучи Андоновски.

Македонија | пред 1 година

Нема фотографија

Славески: Груби го прогласи Пендаровски за губитник со земањето на само едно ливче

,,Резултатите на Данела Арсовска се очекувани, би рекол никакви и немаат шанса за освојување на некое пратеничко место. Нова алтернатива како зомби партија послужи како платформа (неуспешна) за јуриш, поход кон парламентот. Ќе треба г-ѓа Арсовска малку да се обиде во последната година од мандатот да направи нешто. Таа е одамна во политичка пензија.", вели Славески, член на извршниот комитет на ВМРО-ДПМНЕ.На прашањето за Никола Груевски, Славески вели дека Груевски има работа со Република Македонија, со судовите, да бил тука досега нешто ќе било и расчитено.,,Потегот на Артан Груби кога со неколку камери влезе да покаже дека зема само едно ливче, тој го прогласи Стево Пендаровски за губитник", вели Славески.

Македонија | пред 1 година

(Видео) ДУИ оди во опозиција, објави Мицкоски

„Време е ДУИ со СДСМ да оди заедно во опозиција“, вака лидерот на ВМРО-ДПМНЕ, Христијан Мицкоски го најави заминувањето на Али Ахмети од власт.„За секое ветување од моите сили ќе го дадам секој атом за остварување. Вечерва се покажа дека нема Македонија на ДУИ, на СДСМ, нема ниту на ВМРО-ДПМНЕ, ниту Македонија на било која партија. Нема лева, десна, источна и западна. Има само една вечна Македонија“, рече Мицкоски.Тој упати благодарност до сите гласачи.https://www.youtube.com/live/JVDNvrzYB5U?si=RjCr5HL5JzT3V8Eb

Македонија | пред 1 година

(Видео) Мицкоски прогласи победа: Ќе одговараат од првиот до последниот!

Лидерот на ВМРО-ДПМНЕ, Христијан Мицкоски прогласи победа на партијата на двојните избори. Тој кажа дека народот беше разочаран од СДСМ и ДУИ, за кои посочи дека конечно се поразени.„Поразени се и предавствата, поделбите, тие стотина луѓе од ДУИ и СДСМ кои мислеа дека се господари на нашите животи. Нив ги боли главата и ќе одговараат до последниот, секој што направил криминал и спровел корупција“, додаде Мицкоски.Најава правда и владеење на закони.https://www.youtube.com/live/JVDNvrzYB5U?si=4RUSGcgENaxQ4MrR

Македонија | пред 1 година

Пендаровски: Им честитам на победниците, само целосно интегрирана во евроатлантските структури Македонија може да биде просперитетна и демократска држава

Кандидатот за претседател Стево Пендаровски вечерва по заврпување на изборниот прцес се обрати пред јавноста.Пендаровски се заблагодари на добиените гласови, изрази почит за добро организираните фер и демократски избори и им честиташе на победниците.„Резултатите се јасни и сакам согласно резултатите што ги видовме до сега да им честитам на победниците, да им посакам успешна работа во следните четири односно пет години. Мојот концепт за мултиетничка Македонија целосно интегрирана во евроатлантските структури денес за жал не доби мнозинска поддршка од граѓаните, меѓутоа јас сум длабоко уверен дека само таква Македонија може да биде просперитетна и демократска држава. Во таа смисла мојата совест е мирна. Не сум сигурен дека совеста им е мирна, на оние кои тргнувајќи од теснопартиските и лични и политички интереси денес ефективно спречија илјадници наши граѓани да го земат и второто ливче и да гласаат и на претседателските избори. Но како што реков, резултатите наспроти се, се јасни и уште еднаш им посакувам успех на оние кои денеска ја добија мнозинската доверба на македонските граѓани“ порача Пендаровски.

Македонија | пред 1 година

Ковачевски поднесува оставка од СДСМ?

Претседателот на СДСМ, Димитар Ковачевски се заблагодари на сите членови на партијата, раководството и поддржувачи, по што даде оставка.„Сакам да се заблагодарам на граѓаните, а најмногу на семејството“, рече меѓудругото Ковачевски.Посочи дека ќе има одговорност од целото раководство поради изборните резултати.

Македонија | пред 1 година

Славески: Ќе имаме добра синергија со новата влада предводена од Мицкоски

,,Добро е што Пендаровски го призна поразот, ќе му се пише како еден од ретките плусеви.", вели Славески, член на извршниот комитет на ВМРО-ДПМНЕ.,,Во однос на одметнувањето на Гордана Силјановска-Давкова, во извесна смисла и добро е да е одметната. Мислам дека ќе имаме една добра синергија со новата влада предводена од Христијан Мицкоски. Мицкоски се гледа дека има огромна енергија, поткрепена со силна волја и верба. Ќе се потпре на вистински луѓе, има добар тим.", посочи Славески.

Македонија | пред 1 година

Славески во ,,Претрес": Мицкоски ќе го добие мандатот

Трајко Славески, член на извршниот комитет на ВМРО-ДПМНЕ во подкастот ,,Претрес со Ландов", посочи дека мандатот ќе го добие Христијан Мицкоски и дека нема потреба да се чека 20 дена.,,Ова е еден пресврт, значаен момент, прв неуспех на ДУИ после долго време. Сите констатиравме што науми ДУИ, тоа ќе го направи. Сега не успеа, ова директно го води ДУИ во опозиција, треба да се помират со тоа.", вели Славески.,,Примарна цел беше овој режим на владеење да биде заемент со поодговорна влада, да се добие одговорноста да се владее со државата, главното е она што допрва доаѓа", додава Славески.

Македонија | пред 1 година

Адеми: Европскиот фронт ќе има над 20 пратеници

Арбер Адеми од Европскиот фронт на прес конференција рече дека тие ќе имаат над 20 пратеници.Од изброени 50% од гласачките ливчиња, разликата меѓу нив и опозицијата е над 30 илјади гласови.,,Речиси во сите општини сме во предност, и тоа во Дебар со 2:1, Струга повеќе од 2:1, Кичево 5:1, Врапчише повеќе од 2:1. Во предност сме во Тетово, Гостивар, Куманово, Липково”, рече Адеми.Европскиот фронт ќе биде сведок на историската победа на овој сенароден референдум кој ќе ја запечати европската иднина на земјата. Враќање назад нема и нема да има, бидејќи волјата на граѓаните е пред сè. На 24 април и денес народот го кажа својот збор и Европскиот фронт ќе остане засекогаш верен на волјата на гласачот. Вечерва победата е наша, на сите вас кои кажавте „не“ на Русија, „да“ за Европа. Исто како и денес активното учество на граѓаните во политичките процеси ќе биде одлучувачко за понатамошното унапредување на демократијата во Северна Македонија, рече Адеми.

Македонија | пред 1 година

Меџити: Вреди е апсолутен победник кај Албанците, Ахмети е најголемиот политички губитник

Претседателот на Демократското движење и носител на листа на пратениците од коалицијата ВЛЕН во ИЕ 1, Изет Меџити на прес-конференција изјави дека ВЛЕН е апсолутен победник кај Албанците.Меџити на сите граѓани им се заблагодари за демократскиот капацитет и нивниот глас, без оглед на притисоците, како што рече, на кои беа изложени.„За жал изборниот процес не беше фер и демократски и системот со државните институции се стави во служба на ДУИ. Заменици министри и други функционери од ДУИ беа на терен и ние тоа го документиравме и ќе ги известиме институциите и странските фактори. Имаше насилство врз гласачкото право и за тоа ќе се одговара“, рече Меџити.Од утре Македонија ќе се подготвува за политичка ротација, со нова власт и обезбедено бадентерово мнозинство, рече Меџити.,,Од утре Македонија ќе се подготвува за политичка ротација, со нова власт и обезбедено бадентерово мнозинство”, рече Меџити,посичувајќи дека денеска најголем губитник се Али Ахмети и Артан Груби кои, промовирале насилство и ароганција.Меџити се осврна на цензусот за претседателските избори и нагласи дека маските на ДУИ паднале.„Драги Албанци, со бојкот на изборите ДУИ, која беше на власт над 20 години, таа партија се обиде да го врати политичкото организирање.Се фалеа како европска партија, дека ќе не интегрира во ЕУ, а примитивно работеа на бојкот. Тоа создава горчлива слика за Албанците во светот. Јавно го прашуваме министерот Османи кој се фалеше со ОБСЕ, како тоа таму ќе го објасни дека работеа против слободна волја на граѓаните“, рече Меџити.

Македонија | пред 1 година