ИЗБОРИ 2024

Бојмацалиев: Од 2017 година наваму полицијата професионално ги спроведува изборите

Денеска (08.05.2024), дополнителниот заменик министер за внатрешни работи Митко Бојмацалиев, го оствари своето демократско право на глас во Куманово.„Штотуку го извршив моето граѓанско право, гласав на Претседателски и Парламентарните избори. Она што можам да го увидам е дека на гласачките места гласањето се одбива нормално, нема поголеми гужви, полицијата е присутна на терен. Иминатите 100 дена на техничка Влада ги посетив сите полициски станици ширум државата, констатиравме дека полицијата е подготвена, изборите ќе се одржат безбедно, а граѓаните ќе го дадат својот глас слободно”, истакна Бојмацалиев во изјава за медиумите. Притоа, тој сподели информации за текот на изборниот процес во Куманово.„На територија на Куманово немаме поголеми нарушувања на изборниот процес, има неколку пријави за пренесување на лица од едно до друго место за гласање, агитирање пред избирачко место, нешто што е вообичаено за сите избори во минатато”, рече Бојмацалиев, додавајќи дека полицијата постапува по сите пријави.„Полицијата има постапено по тие работи, ги процесуираме, на крајот на денот очекуваме изборите да завршат безбедно и мирно. Сепак, сме земја членка на НАТО, земја која претендира кон ЕУ и е добро да покажеме и на овие избори како граѓани дека сме на добар пат, а ние како полиција од 2017 година до денеска дека професионално ги обавуваме своите службени должности”, рече Бојмацалиев.

Македонија | пред 1 година

Во Кондово на секои 40 секунди поминува по еден гласач - се алармира за полнење кутии

На избирачко место 2452 кое се наоѓа во скопско Кондово имало полнење на кутии, јавуваат извори за „Скопје1“.Според информациите до кои дојде „Скопје1“ од 9 до 11 часот, односно за два часа, гласале 180 лица. Доколку се направи пресметка, ова значи дека на секои 40 секунди гласало по едно лице.Претходно, објавивме дека ваква појава имаше и во Чаир на првиот круг од изборите.

Македонија | пред 1 година

Три избирачки места во Скопје на секои 26 до 36 секунди гласал по еден гласач во првиот круг од изборите

Во скопски Сарај, за три изборни места за првиот круг на претседателските избори имаше сомнежи за местење на избори. Податоците покажуваа дека за два часа, гласале и по 271 лице. Тоа би било невозможно, особено ако се има во предвид дека тоа е од 26 до 36 секунди по човек.Најеклатантен пример е избирачкото место 2450 во с. Арнакиа каде во период од 11 до 13 часот гласале 271 лице што значи гласање по лице за 26 секунди.Второ избирачко место е 2438 во село Глумово каде во периодот од 13 ддо 15 часот гласале 213 лица што значи гласање по лице за 33 секундиТрето избирачко место е 2453 во Долно Свиларе каде во периодот од 11 до 13ч гласале 197 лица што значи гласање по лице за 36 секундиМногу специфично е избирачкото место 2454 во с. Долно Свиларе каде за 24 гласови има помалку евидентирано гласови како вкупна бројка него излезеноста во 18 и 30. Исто така на ова избирачко место од 11 до 15ч гласале 293 лица од вкупно 526 и е гласано во овој период за 51 т.е 47 секунди по гласач.Засега непознато е како на овие избори се одвива процесот на гласање, но и дали има зголемено присуство на полиција за превенција на изборни нерегуларности.

Скопје | пред 1 година

Бојкот на претседателски досега нема, но излезноста до 9 часот помала споредено со претходните избори, вели ДИК

Нема бојкот на претседателските избори смета претседателот на ДИК, Александар Даштевски. Тој посочува дека сите што излегле на парламентарни, гласале и за претседател. Излезноста до 9 часот намалена во однос на претходните избори за претседател и пратеници.„До 9 часот од пристигнатите податоци за излезност на гласачите за претседателските избори од 1009 ИМ од вкупно запишани 547041 гласачи на овие избирачки места гласале 22797 лица, односно 4,17%. Најголема излезност за претседателските избори има во Пробиштип – 8, 85%, а најмала излезност е во Боговиње 0,57%. Споредбено со вториот круг од претседателските избори од 2019 година имаме намалување на излезноста од 1,99 на овие избори, кажа претседателот на ДИК, Александар Даштевски.Укажа и на одредени технички проблеми.„На неколку места се појавени технички проблеми, кои во меѓувреме се решаваат, таму гласањето ќе продолжи на стар начин со УВ ламба и спреј, а доколку се исправат техничките недостатоци, ќе се продолжи со техничката опрема. Такви места има во Кочани, Охрид, во Куманово, во Тетово и во Гази Баба“, вели Даштевски.

Македонија | пред 1 година

(Видео) Сите поткупи од вчера: Се делеле бонови, пратеник користел тајни податоци, се сликале и листи на гласачи

Министерот за внатрешни работи, Панче Тошковски посочи дека вчера имало незаконити настани пријавени во МВР. Денешниот пак, засега е мирен и поминува во демократска атмосфера.„Имало повеќе незаконити активности на територија на Македонија. Во СВР Охрид се констатирани незаконски дејствија од членови на избирачки одбори. Тие активности биле користени за информирање на одредена политичка партија кој гласал и за кого“, рече Тошковски.Незаконски активности имало и на подрачјето на СВР Куманово односно Крива Паланка.„Давани се бонови, кои што се искористувани од острана на членови на одредена политича партија, по напатствија на општинскиот огранок на политичка партија“, додаде Тошковски.И на територија на СВР Велес, МВР имало работа.„Со наредба на обвинител имаше претрес во домот на едно лице поврзано со одредена политичка партија - најдени се повеќе пиштоли, незаконски држени од него, парични средства од 20.000 евра, како и списоци на луѓе, за кои има претпоставка дека требало незаконски да бидат внесени во незакоснки активности, односно да бидат покупени. Лицето е во притвор“, кажа Тошковски.Имало повреда на изборниот процес на територија на СВР Охрид, во Кичево.„Повеќе возила се забележани кои биле управувани од лица кои вршеле поткуп во интерес на одредена политичка партија“, посочи Тошковски.Тој додаде и дека во Неготино: „пратеник од политичка партија, со искористување на податоци кои треба да бидат тајни однсоно средства доделени за ИПАРД-програми, се јавувал кај луѓе кои биле корисници на такви средства, влијаел кај граѓаните за кого да гласаат“, додаде Тошковски.

Македонија | пред 1 година

Пријавени нерегуларности за време на предизборниот молк

За време на предизборниот молк регистрирани се следниве настани, за кои се преземени и соодветни мерки од страна на полициски службеници.На 07.05.2024 Е.Д. од Крњево пријавил дека во домот дошле три лица од ДИК, со цел неговиот дедо да оствари право на глас од избирачко место бр. 2828. Е.Д. се сомневал дека не биле лицата од ДИК, бидејќи не биле претходно известени и требало да присуствуваат пет лица. СВР Скопје презема мерки и активности за расчистување на настанот.На 07.05.2024 во координација со ОЈО Куманово преземени се активности во врска со настан дека лице од Крива Паланка на повеќе граѓани од Крива Паланка делело бонови за точење на гориво на бензинска пумпа. Извршен е претрес на простории на бензинската пумпа, каде во присуство на Ј.Ј. и М.Ѓ. биле пронајдени пет бонови за гориво во вредност од по 1.000 денари со втиснат датум од 08.05.2024 и еден бон за гориво во вредност од 2.000 денари, шест фискални сметки, а во торбата која ја носел вработениот пронајдени се два бона за гориво во вредност од по 1.000 денари и фискална сметка. Во просториите на ПС ОН Крива Паланка повикани се Б.С., С.М., М.Ѓ. и М.Д., сите од Крива Паланка поради извршување на службен разговор и се преземаат мерки за расчистување на случајот.На 07.05.2024 во 18,25 часот, на улица „Маршал Тито“ во Тетово, А.К. (24) од село Стримница пријавил дека се оштетени два банера со рекламен материјал од политичка партија кои биле поставени на кружен тек од улица „В.С.Бато“ со ул. „Маршал Тито“ во Тетово. Се преземаат мерки за расчистување на случајот.На 07.05.2024 во 22,10 часот, Ц.Т. од Неготино пријaвила кривично дело „повреда на слободата на определување на избирачите“, извршено од Л.Р. од Неготино. Имено, според пријавеното, околу 20,17 часот, Ц.Т. добила телефонски повик од Л.Р. за поддршка за гласање, на што Ц.Т. одговорила негативно. Потоа Л.Р. и нагласила на Ц.Т. дека имала земено ИПАРД поддршка, по што го прекинала повикот. За настанот известен е надлежен јавен обвинител и ќе се преземат дополнителни проверки.Во непосредна близина на избирачко место 1180 во ОУ „Христијан Т.Карпош“ во с.Драгоманце општина Старо Нагоричане забележани биле расфрлани летоци од политичка партија. Летоците се отстранети.Во текот на изборниот молк пријавени се и неколку случаи за наводно агитирање и нудење поткуп, но по преземени мерки од страна на полициските службеници тие наводи до сега не се потврдени.

пред 1 година

Излезноста во странство е 25,38%, во затворите 60,46% за претседателските

Со право на глас на Претседателските избори 2024 во Избирачкиот список се запишани вкупно 1.814.317 гласачи, а во избирачкиот список за Парламентарните избори се запишани 1.815.350 гласачи.На 31 гласачко место во дипломатско конзуларните претставништва во странство, 2.569 гласачи кои се пријавиле и чии пријави се прифатени од Државната изборна комисија имаа можност да го остварат своето гласачко право за избор на Претседател на државата. Во дијаспората не се спроведе гласање за парламентарните избори поради неисполнетост на минималниот број гласачи пријавени за гласање за да може да се спроведе гласањето.Се уште се отворени шест гласачки места во дијаспората каде гласањето ќе трае до 19 часот според временската зона на земјата каде што се гласа.До 19 часот, според информациите кои ги добиваме од избирачките одбори, вкупната излезност од гласањето во странство за претседателските избори изнесува 652 гласачи, односно 25.38 %. Напоменуваме дека во оваа излезност поради временската зона не се вклучени седум избирачки места каде што сеуште трае гласањето.14-те гласачки места во казнено поправни установи каде своето гласачко право денеска можеа да го остварат 2.147 гласачи за претседателските избори и 2140 гласачи за избор на пратеници во Собранието, се затворени. Гласањето таму течеше без проблеми, а до 19 часот, според информациите од избирачките одбори, гласаа 1298 гласачи или 60.46% од запишаните за претседателските избори, односно 1397 гласачи или 68.72 % за парламентарните избори.Во текот на денешниот ден своето гласачко право во единствениот центар за внатрешно раселени лица можеа да го остварат и 2 гласачи кои се водат како внатрешно раселени и истите го оствариле своето право и за двата вида на избори. Гласачкото место во центарот за раселени лица е затворено.Вкупно 534 гласачи кои се сместени во 20 центри за вонсемејна грижа имаа можност да го остварат своето право на глас во центарот каде што се сместени за претседателските и парламентарните избори.Од вкупно 534 гласачи од 20 центри, гласале 401 гласач или 75.09 % за Претседател на државата односно 400 гласачи од 20 центри или 74.91% гласале за избор на пратеници.Според информациите од општинските изборни комисии, гласале 8926 односно 80.45% болни или немоќни лица за претседател на државата односно 10036 или 92.04 % за пратеници во законодавниот дом.Потсетуваме дека Државната изборна комисија досега издаде акредитации за набљудување на двата вида на избори на 1303 домашни, 860 меѓународни набљудувачи и 83 странски новинари.На сите граѓани на располагање им се и интернет страницата на ДИК www.sec.mk, како и страниците на социјалните мрежи Фејсбук, Х, Инстаграм и каналот на Јутјуб. Таму можете да најдете правовремени и точни информации поврзани со изборите.

Македонија | пред 1 година

Изборни нерегуларности уште денеска: фатени телефони, избирачки списоци и комуникации

На 06.05.2024, по претходно добиени оперативни податоци за фотографирање на избирачки список и гласачки ливчиња на првиот круг од претседателските избори одржан на 24.04.2024, од судија на претходна постапка обезебедена е наредба за претрес во дом и помошни простории кај М.М.(51) од Охрид и Т.Ц.Т (44) од Охрид, членови на избирачки одбор предложени од политичка партија.При претресот пронајдени се два мобилни телефони, во кои се пронајдени фотографии од избирачки список со лични податоци од гласачи во избирачкиот список, фотографии од гласачки ливчиња со заокружен број, кои се испраќани од гласачи како доказ дека го дале својот глас за еден кандидат, потоа споделени во креирана група за комуникација на мобилна апликација за комуникација.Со двете лица извршен е разговор во полициска станица. Дополнително, во текот на денешниот ден повикани се и други лица со цел обезбедување на дополнителни доказни материјали за кривичното дело по член 149 од КЗ "злоупотреба на лични податоци" и прекршок по член 190 став 2 од Изборниот законик. По целосно документирање на случајот, ќе следуваат соодветни поднесоци.

Охрид | пред 1 година

Лични карти можат да се земаат и утре

Граѓаните кои поднеле барање до 3 мај, ќе можат да ги подигнат своите изготвени лични карти и утре, на денот на двојните избори од 8 до 19часот.„Од 8 до 19 часот утре ќе работи Одделот за граѓански работи односно сите отсеци за управни работи на оваа организациска единица при Министерството за внатрешни работи. Исто така, ги известуваме граѓаните дека сите барања за лични карти кои се поднесени до 3 мај 2024 година, се веќе изготвени и граѓаните може да ги подигнат“, информираат од Министерството.

Македонија | пред 1 година

Гласачите ќе биде прашани дали сакаат да гласаат за еден или за двата вида на избори

Утре ќе се одржат единаесеттите парламентарни избори, заедно со вториот круг од претседателските избори.Секој гласач може само еднаш да се појави на гласачкото место за остварување на своето демократско право.Според членот на ДИК, Бобан Стојаноски, Избирачкиот одбор задолжително го прашува гласачот дали сака да гласа за двата вида на избори или само за еден.,,Гласачот добива две гласачки ливчиња доколку се одлучи да гласа за двата вида на избори или само едно гласачко ливче за изборите за кои се одлучил да гласа. Тој гласа сам и тајно зад гласачкиот параван”, рече Стојаноски на прес-конференцијата на ДИКОд ДИК апелираат до избирачките одбори и општинските комисии да ги почитуваат законите, Изборниот законик, упатствата и правилниците донесени од страна на ДИК, со цел успешно спроведување на двојните избори.

Македонија | пред 1 година

Нема фотографија

Денес започнува гласањето на болните, затворениците и дијаспората

Денес започува гласањето на болните или немоќни лица, лицата кои се на издржување на казна затвор или се во притвор, лицата кои се пријавиле за гласање а се сместени во установите за вонсемејна грижа, внатрешно раселените лица и лицата од дијаспората.Вкупно 11.095 болни или немоќни лица можат да го остварат своето право на глас за вториот круг од претседателските избори, додека за парламентарните избори право да гласаат имаат вкупно 11.197 болни и немоќни.Со почеток во 7.00 часот во 14 казнено поправни установи, своето право на глас можат да го остварат 2147 затвореници за претседателските избори односно 2140 затвореници за парламентарните избори. 534 лица сместени во установите за вонсемејна грижа своето право на глас може да го остварат во вкупно 20 центри за претседателските и парламентарните избори и двајца пријавени гласачи евидентирани како внатрешно раселени лица имаат право да гласаат на двата вида избори. Исто така во 7.00 часот во зависност од временската зона, гласањето започна и во Дипломатско конзуларните претставништва и конзуларните канцеларии во странство каде се гласа само за претседателски избори. Во дијаспората своето право на глас може да го остварат 2569 избирачи, во 31 Дипломатски конзуларни претставништва или Конзуларни канцеларии.

Македонија | пред 1 година

Денеска гласаат болните, изнемоштените, затворениците и дијаспората

Согласно Изборниот законик денеска гласаат болните и изнемоштените лица и затворениците во казено-поправните домови. Од Државната изборна комисија информираа дека за вториот круг за претседателските избори ќе гласаат 11.123 болни и немоќни лица, а за парламентарните избори бројката е поголема за 102 избирачи или 11.225 лица.Денес своето право на глас можат да го остварат и пријавените македонски државјани од дијаспората, но единствено за претседателските избори. Гласање за парламентарните избори во дијаспората нема да се спроведе поради недоволен број пријавени.

Македонија | пред 1 година

Изборите ќе ги следат 1078 домашни и 770 странски набљудувачи

Утрешното гласање, вториот круг за претседател и парламентарните избори ќе ги следат вкупно 1999 набљудувачи, преведувачи и странски новинари. Акредитирани се 1.078 домашни набљудувачи, потоа 770 странски набљудувачи. Вообичаено за меѓународните мисии е ангажирање на преведувачи, овој пат нивниот број е 85.Мисијата на ОБСЕ/ОДИХР има акредитирано 410 набљудувачи и 14 експерти, а од домашните, најмногубројни, или 752 набљудувачи се ангажирани од Здружението за развој на општествено-социјални иновации „Вејк ап“.Изборите ќе ги следат и 138 набљудувачи од Парламентарното собрание на ОБСЕ, ад хок комисијата на Парламентарното собрание на Советот на Европа со 33 набљудувачи, и 68 набљудувачи од Амбасадата на САД во Скопје.Интерес има и кај медиумите, според ДИК за известување од изборите, акредитирани се 66 странски новинари.Најголем е бројот од балкански и регионални медиуми, но и од Ројтерс, Асошиејтед прес, Ал Џезира, Франс прес.

Македонија | пред 1 година

Мицкоски со порака до народот: Ветуваме работа, макотрпна и посветена, ќе се бориме за вас и се обврзуваме и даваме збор дека нема да ве изневериме

„Ние ветуваме работа и тоа макотрпна и посветена работа. Ќе работиме деноноќно за вас и ќе се бориме за вас. Ние се обврзуваме и даваме збор дека нема да ве изневериме. Патот ќе биде тежок, но нема пречка што заедно нема да можеме да ја надминеме. Имаме знаење, визија, концепт како да одиме напред. Нашите политички противници ги знаете, видовте што може од нив да очекувате и не сакам ова обраќање до вас да го обременувам зборувајќи за нив. Се знаете, се е кажано, за жал сите живеевме во реалноста на нивната неспособност и алчност“, истакна претседателот на ВМРО-ДПМНЕ и носител на Изборна единица 1 од ВМРО-ДПМНЕ Христијан Мицкоски.Претседателот Мицкоски посочи дека треба да се искористи овој момент со храброст, одлучност и гордо крената глава.„Но, сега, додека стоиме на прагот на новото поглавје во приказната на нашата нација, да го искористиме овој момент со храброст и одлучност, и со гордо крената глава да ги победиме заедно“, рече Мицкоски.Претседателот Мицкоски истакна дека победата е на дофат.„Нашата победа е на дофат. Тоа ќе биде и ваша победа. Заедничка победа. Но не е доволно само да веруваме во подобро утре. Мора да дејствуваме. Мора да се мобилизираме и да гласаме. За да немаат можност да не уценуваат никогаш повеќе! За Македонија да биде повторно наша, Македонија повторно да биде горда, Гордана Силјановска Давкова за претседател, ВМРО-ДПМНЕ и коалицијата „Твоја Македонија“ идна влада“, дециден е Мицкоски.

Македонија | пред 1 година

Мицкоски: Нема социјалдемократски планини, и вмровски реки, градови и села на ДУИ, или на Алијанса и Беса, или Алтернатива, нема езера на Левица или на ЗНАМ, тоа е една единствена Македонија, затоа да...

Нема социјалдемократски планини, и вмровски реки, нема градови и села на ДУИ, или на Алијанса и Беса, или Алтернатива, нема езера на Левица или на Знам, тоа е една единствена наша преубава татковина Македонија. Нема социјалдемократска или вмровска Македонија. Има само една Македонија. И ова е говорено многупати претходно но никој за жал ништо не преземал, рече претседателот на ВМРО-ДПМНЕ, Христијан Мицкоски на вечерашниот митинг во Прилеп.„И се додека тоа не го разбереме сите, и одговорно се однесуваме кон тоа, затоа што е крајно време, и ова е ми се чини е нашата последна шанса, се до тогаш за жал, не е можен просперитет. Мора да разбереме дека има само една Македонија и сите сме нејзин составен дел и дека таа не е ништо без нас и ние без неа, и дека од тоа каква е и каква ќе биде, зависат нашите животи и животите на идните генерации“, додаде Мицкоски.Тој исто така додаде дека шансата за да се промени лошата реалност е на дофат со овие избори и треба само да веруваме дека можеме заедно.„Сето тоа зависи од нас. Имаме шанса и таа е на дофат, со овие избори. Мора само да веруваме дека можеме заедно. Да веруваме во Македонија и во нас самите. Но сакам да истакнам пред овие парламентарни избори и втор круг на претседателски избори, додека стоиме на работ од овој историски момент, јас сум благодарен и со надеж“, потенцираше Мицкоски и додаде:„Во текот на целата кампања патувавме заедно водени од заедничката визија за посилна, попросперитетна иднина за нашата нација. Ја презентиравме нашата програма Платформа 1198, која е сериозна програма со многу проекти кои треба да ја променат лошата реалност и да донесат ред и развој, и да ја вратат државата во рацете на граѓаните“.

Македонија | пред 1 година

Повик за масовна излезност од Левица

„На ден пред двојните Избори - 2024 година во Република Македонија, затвораме ера на едно предавничко, криминално и коруптивно владеење на СДС и ДУИ - чии резултати се бројат во изгубени години, животи и обезличување на Македонија. Го сменија името, капитулираа пред сите соседи, а во меѓувреме ненаситно си ги наполнија џебовите“, велат од Левица и додаваат:Левица ги повикува сите граѓани масовно да излезат и да го зададат последниот удар на истрошената досегашна владејачка клика!Левицата, конечно, ќе се ослободи од транзициските клептомани на СДС на „Нашата Земја“ и ќе се стабилизира во силна и современа Левица, која почива на АСНОМските идеали и на поривот за слобода од канџите на профитот и националните предавства, на поривот за борба против олигархијата и на поривот да си ја вратиме Републиката во рацете на обичните луѓе.Повторно, низ цела Македонија, се вееше знамето на АСНОМ! Во Собранието ќе се бориме неуморно, а ќе црвенее секој сокак и секоја улица, преполни со вас, работни луѓе на чии плеќи притиска тежината на историската задача. Еднаш победивме квислинзи, ќе победиме пак!Левица е тука, со вас и за вас - Македонија ќе биде слободна и Нов свет ќе изградиме - братски!p.s. Благодарност до сите наши активисти, волонтери и симпатизери кои несебично се вложија во нашата изборна кампања. Без вас сме ништо, со вас сме сè!Се гледаме од собраниските клупи, со првата пратеничка група на Левица.#НеподмитливитеВоСобранието#Заокружи5

Македонија | пред 1 година

Николоски: Ветувавме дека нема да има уставни измени под бугарски диктат и немаше, сега ќе нема влада со ДУИ

„Изборот никогаш не бил полесен. Изборот е дали Македонија ќе ја градиме како што ја сонуваа нашите предци или Македонија ќе ја уништуваат СДСМ и ДУИ. Изборот е дали ќе имаме нормална држава или држава која тоне во криминал и корупција. Овие шест и пол години како раководство на ВМРО-ДПМНЕ предводени од претседателот Христијан Мицкоски секојдневно се боревме со криминалната власт, не имаше секогаш кога е потребно на македонските улици, плоштади да се спротивставиме на предавствата, криминалот и корупцијата и 8 мај е денот кој го чекавме со години. Затоа 8 мај е круна на нашата борба, 8 мај е денот на победата, денот на кој нашата генерација добива шанса Македонија да ја направи пристојно место за живеење“, истакна носителот на Изборна единица 4 од ВМРО-ДПМНЕ Александар Николоски на завршниот митинг на ВМРО-ДПМНЕ во Прилеп.Тој продолжи и додаде:„На 8 мај одлучуваме дали во паника, Али Ахмети, Талат Џафери, Артан Груби и Бујар Османи ќе ги враќаат духовите од минатото и ќе ги бакнуваат знамињата на УЧК или ние гордо ќе ги вееме нашите македонски знамиња. На 8 мај одлучуваме дали Македонија ќе се доиспразни или ќе има одговорност за криминалците. На 8 мај одлучуваме дали во Македонија ќе се градат патишта или Венко Филипче и Благој Бочварски ќе монтираат неизградени патишта на компјутер како луѓето да не гледаат што се случува“, вели Николоски.Тој истакна дека потребна е масовна референдумска излезност.„На 8 мај одлучуваме каде оди Македонија и затоа ни е потребна масовна референдумска излезност, а после тоа она што го ветуваме ќе го оствариме затоа што ние сме многу сериозни во нашите ветувања. Кога рековме не за промена на Уставот под бугарски диктат ние бевме сериозни во тоа и го направивме тоа, кога рековме битка со организираниот криминал и корупција ние бевме сериозни и не потклекнавме под ниедна уцена и закана, кога рековме ќе ја чуваме македонската национална гордост ние го направивме тоа, кога рековме градоначалниците на ВМРО-ДПМНЕ ќе работат без скандали го рековме и го направивме тоа и затоа кога велиме влада без ДУИ ние го мислиме тоа и ќе го направиме тоа, ќе одат во опозиција и ќе одговараат“, посочи Николоски.Тој кажа дека овие избори се и за слобода на уставобранителите и правда за онеправдените.„Овие избори се и за слобода на уставобранителите и за правда на онеправданите. Овие избори се за над 3,000 семејства пред се членови на ВМРО-ДПМНЕ кои беа жртва на политички прогон во изминативе шест и пол години. Овие избори се за правда, економски напредок за едно ново утре за сите вас, за сите нас“, дециден е Николоски.

Македонија | пред 1 година

Поткуп на избори: приведени се две лица во Чашка, полицијатa најде и пиштоли со куршуми

Претреси во Чашка, приведени две лица поради основи на сомнение за поткуп при избориДенеска (06.05.2024) во 15.20 часот полициски службеници од Одделението за криминалистичка полиција при СВР Велес го лишиле од слобода И.И.(52) од село Мелница, општина Чашка. При претрес во неговиот дом, извршен со наредба од Основен суд Велес поради основи на сомнение за кривично дело " поткуп при избори и гласање" по член 162 од КЗ биле пронајдени и одземени еден пиштол „Застава" со две рамки, 58 куршуми и 4 зрна-испукани проектили кои ги поседувал без дозвола, како и копија од преглед на гласачи за изборно место во Чашка. И.И. бил приведен во полициска станица, известен бил јавен обвинител и по документирање на случајот против него ќе биде поднесена соодветна пријава. Исто така денеска, во 17.00 часот, полициски службеници од Одделението за криминалистичка полиција при СВР Велес го лишиле од слобода А.Ч.(50) од село Мелница, општина Чашка.При претрес во неговиот дом извршен со наредба од Основен суд Велес поради основи на сомнение за кривично дело "поткуп при избори и гласање" по член 162 од КЗ биле пронајдени и одземени еден пиштол ,,Валтер" со една рамка, еден пиштол „Црвена застава", еден пиштол „Бул" со една рамка, 139 куршуми, мобилен телефон, 986 670 денари во разни апоени и 2 325 евра во разни апоени. А.Ч. бил задржан во полициска станица, известен бил јавен обвинител и по документирање на случајот против него ќе биде поднесена соодветна пријава.

Македонија | пред 1 година

Мицкоски: По победата следува одговорност за сите кои направиле криминал

Претседателот на ВМРО-ДПМНЕ, Христијан Мицкоски во интервју во подкастот на Плусинфо истакна дека по победата следува одговорност за сите оние кои направиле криминал.„На памет не ми паѓа такво нешто, луѓето што ме знаат, знаат прво дека не сум човек кој што е одмаздољубив, иако морам да кажам дека како претседател на ВМРО-ДПМНЕ функциониравме и се уште функционираме во едни многу тешки времиња, со монтирани случаи, со стотици, илјадници луѓе затворани, прогонувани, само затоа што во минатото биле некако поврзани со ВМРО-ДПМНЕ, биле активисти, функционери и така натаму. Морам да кажам дека се уште ние имотот како политичка партија замрзнат, иако имаме јасна пресуда на апелациониот суд дека треба веднаш да се отфрли сето тоа, да се прекине и да се ослободи партијата од октруираните судии кои што за жал еве уште не носат одлука согласно насоката на повисокиот суд, често пати и сметката ни била блокирана, нападите против мене, измислувањата, го ставам сето тоа во рангот на политичка битка.Иако нема да се сложам и да простам и нема да заборавам тоа што беше напаѓано моето семејство сопруга, деца, родители. Но јас и на митинзите јавно зборувам одмазда не ми паѓа на памет да има, имаме многу работа пред нас, тоа е државата да си ја трансформираме, да го испорачаме тоа што го ветуваме и за кое што се обврзуваме но морам истовремено да кажам и дека онаму каде што има индиции основани сомневања за сторен криминал за злоупотреби и така натаму сето тоа ќе биде истражено и доколку се обезбедат докази тие процеси ќе бидат изведени пред судовите во Македонија“, нагласи Мицкоски.

Македонија | пред 1 година

Таравари на маса со Ванхоуте, па со Мицкоски: ја доби ли ВМРО-ДПМНЕ поддршката од албанската опозиција?

Средба со европскиот емисар, Питер Ванхоуте со кандидатот за претседтел на ВЛЕН Арбен Таравари, па вест дека албанската опозиција ќе ја поддржи кандидатката на ВМРО-ДПМНЕ, Гордана Силјановска-Давкова во вториот круг на изборите. Вака изгледаше од прилика обзнанувањето на соработката помеѓу ВЛЕН и ВМРО-ДПМНЕ.„Денеска имавме добра и продуктивна средба со европскиот емисар г. Питер Ванхоут. Европскиот пат на земјата ќе биде во сигурни раце!“, напиша Таравари.Дел од медиумите на албански јазик објавија и дека во седиштето на ВЛЕН имало средба на ниво Арбен Таравари-Хрисстијан Мицкоски.На социјалните мрежи и нова објава од Таравари: „Дојде време за Промена, дури и ние доцниме!“.Соработката помеѓу ВЛЕН и ВМРО-ДПМНЕ е важна за овие две партии поради можен бојкот на претседателските избори. Според информациите кои ги пласира опозицијата, ДУИ има план да бојкотира, за да нема цензус. Тоа пак, ќе доведе до нови претседателски избори.

Македонија | пред 1 година

Мицкоски: Владее чувството и третманот на власта кон луѓе од прв и втор ред, бранот е голем, очекувам да стигнеме до или близу до 61 пратеник

Претседателот на ВМРО-ДПМНЕ, Христијан Мицкоски во интервју за подкастот на Плусинфо истакна дека во Македонија владее чувството и третманот на власта кон луѓе од прв и втор ред и додаде дека бранот за промени кај народот е голем затоа и очекува ВМРО-ДПМНЕ и коалицијата да освојат 61 пратеник или да бидат блиску до таа бројка.Мицкоски потенцираше дека СДСМ треба својот пораз да го бара многу поназад не само во кампањава и овие неколку месеци, туку уште кога во услови на корона криза направија епска злоупотреба на државните ресурси, институции пари.Уште од тогаш постепено започна нивниот пораз и посериозно се случи на локалните избори кога имаа два убедливи порази и повторно се случи коалиција од позиција на опозиција да освои мнозинство на градоначалници и тоа требаше да биде индикатор. Затоа ние во тој период имајќи ги предвид интересите на државата, баравме предвремени парламентарни избори и на демократски начин да се испочитува волјата на мнозинството граѓани, рече Мицкоски.Мицкоски посочи дека тогаш СДСМ одлучи преку насилни начини и чуден начин на водење политика кога исчезнуваа и пратеници, да опстојат на власт и да ги задржат фотелјите по било која цена.- Природно беше Зоран Заев кога поднесе оставка во СДСМ да поднесе оставка во владата и да одиме на избори, но тогаш на чуден незапаметен начин се постави Димитар Ковачевски и ќе дојдеме до заклучок дека тоа е првата посериозна грешка по локалните избори, а потоа потчинетата улога и неискуството на Ковачевски дојде до израз, нагласи Мицкоски.Мицкоски додаде дека тогаш во таква ситуација ДУИ се наметна, а СДСМ за да ја задржи власта влегуваше од грешка во грешка потчинувајќи се на политиките на ДУИ и тоа доведе чувство на апатија во Македонија.- Луѓето се чувствуваат дека имаме малкумина кои се привилегирани и граѓани од прв ред и мнозинство граѓани од втор ред и конечно затоа не чуди оваа бројка на овие избори и ако таа после втор круг се зголеми да надмине 550.000 или 600.000 гласа и не би се изненадил ако ВМРО-ДПМНЕ освои 61 пратеник или биде блиску. Тоа е така затоа што тие повторно водат чудна реторика и имаат погрешна порака, ништо не се промени кај нив, изјави Мицкоски.

Македонија | пред 1 година

Арсовска се пожали дека граѓаните не ни знаат дека учествуваат на изборите: Дискриминирани сме

Претседателката на „Нова алтернатива“, Данела Арсовска, се пожали дека била дискриминирана од медиумите, па граѓаните не ни знаат дека се опција на изборите.„Во изминатите денови во рамки на кампањата за претстојните парламентарни избори, за жал сведоци сме на активна дискриминација кон Политичката партија Нова Алтернатива. Нашата поширока јавност и граѓаните, немаа никаква можност да се информираат дека воопшто сме учесници на овие парламентарни избори, бидејќи не немаше на најголемиот дел од медиумите во информативните програми и вести. Нашите ставови кои ги застапуваме, ги повторуваме со цел на овој последен ден пред крајот на кампањата и почетокот на изборниот молк, да го разбиеме медиумскиот молк кој за нас траеше за време на целата кампања“, вели Арсовска.

Македонија | пред 1 година

Мисајловски: Ги повикувам сите граѓани на 8 мај масовно да излезат на гласање и да дадат поддршка на ВМРО-ДПМНЕ за една голема и историска победа

„Една преубава позитивна кампања каде што, навистина, во првиот круг на 24 направивме една голема историја. Но, за таа историска победа биде уште поголема, сакам да ве поканам сите на 8 мај да ни дадете поддршка на сите нас. Да даде поддршка на Гордана Силјановска Давкова, но исто така и на ВМРО-ДПМНЕ и коалицијата „Твоја Македонија“ за една историска, огромна победа“, вели Владо Мисајловски, потпретседател на ВМРО-ДПМНЕ и носител на изборна единица 2 и додава:Победа за сите граѓани, победа за поголеми пензии и плати, поголеми проекти, односно проекти насекаде во сите општини. Да имаме една значајна победа, бидејќи секој од вас заслужува Македонија повторно да биде Горда и Македонија повторно да биде на секој еден од вас.Затоа, сакам уште еднаш да се заблагодарам за овие стотици и стотици средби што ги имав изминатиот период заедно со кандидатите за пратеници во сите населени места каде што добивме огромна поддршка од сите вас и имавме преубав прием.Но, уште еднаш сакам да ве повикам сите, да ставиме печат на оваа историска победа, да се мобилизираме сите заеднички, да излеземе на 8 мај за да направиме, навистина еден голем резултат и еден ветер во грб каде што ВМРО-ДПМНЕ со новата влада ќе направи историски проекти, ќе направи историски реформи.Уште еднаш благодарност за сите во оваа кампања што ни дадовте максимална поддршка и сакам на сите да го честитам големиот празник Велигден и да посакам мир, спокој и среќа на сите граѓани во Македонија.

Македонија | пред 1 година

Снопче ја праша ДУИ: Со која партија ќе формирате влада и зошто не го поддржувате Пендаровски во вториот круг

Кандидатот за пратеник од коалицијата ВЛЕН Халил Снопче изјави дека „Европски фронт“ не може да се промовира со старата гарда на Груевски.„Велиме дека Груевски бил најкриминализирана сила. Не можете да го промовирате „Европскиот фронт“ со кандидат за пратеник на црната листа на Америка. Не можете да го промовирате „Европскиот фронт“ со целосно неприродна соработка. Мендух Тачи го нарече Али Ахмети, убиец. Зијадин Села пак, рече дека тој бил организатор на 27 април, дека Али Ахмети ја нарачал неговата елиминација а сега ги здружуваат силите“, рече Снопче.Според него, ДУИ се уште не се изјасниле со која партија ќе коалицираат во идната влада.„ДУИ мора да каже. Ако сака да биде во владата, со која партија ќе коалицира. Не се изјаснија“, рече Снопче.Снопче додаде дека ДУИ од една страна ја критикува ВМРО, а од друга страна ги моли оние што ги критикуваат.„Следната влада ќе се создаде со 61 пратеник, затоа ја прашувам ДУИ со која партија ќе формира влада. Според резултатите од 24 април, ако ги претвориме во мандати, СДСМ ќе добие 24 пратеници. Максим Димитриевски рече дек не влегува во влада со ДУИ. ДУИ може да формира влада само со ВМРО, додека ВМРО изрази дека нема место за ДУИ во следната влада”, рече Снопче, апелирајќи до ДУИ да посочи со која партија ќе формира Влада.Снопче на крајот ја праша и ДУИ зошто не го поддржуваат Стево Пендаровски во вториот круг како што го поддржаа на претседателските избори во 2019 година како консензуален кандидат.

Македонија | пред 1 година

Пука ли тиквата меѓу НСДП и СДСМ?

Во неделата навечер, по митингот на Коалицијата за Европска Македонија во Струмица, генералниот секретар на НСДП и заменик генерален секретар на Собранието, Мики Милковски, се најде повреден од излагањето на лидерот на СДСМ, Димитар Ковачевски. Милковски посочи дека не му е првпат на Ковачевски да ја споредува НСДП со ЗНАМ на Максим Димитриевски. Оваа реакција доаѓа откако Ковачевски на митингот во Струмица посочи дека ЗНАМ е направена единствено за поддршка на ВМРО-ДПМНЕ, исто како и партијата НСДП во 2006 година. Милковски текстот го објави синоќа вечерта, но утринава, објавата ја нема на неговиот профил на „Фејсбук“.„Бидејќи Димитар Ковачевски последниве денови милува да ја споредува НСДП со ЗНАМ, а денес во Струмица истакнал дека сме ‘минорен коалиционен партнер’, мислам дека се има збунето и го фаќа лоша еуфорија. На VI Конгрес на НСДП го промовиравме како лидер на Коалицијата за европска иднина и овие 550 делегати му ракоплескаа и му дадоа ветер во грб и секако имаше многу подостоинствена и демократска атмосфера од Конгресот на СДСМ, ама изгледа има кратка меморија“, напиша Милковски.Говорејќи на митингот во Струмица за ЗНАМ на Максим Димитриевски, Димитар Ковачевски, лидер на СДСМ, рече:„Јас постојано говорев дека тој политички субејкт е направен единствено и само за лична корист и поддршка на ВМРО–ДПМНЕ. На истиот начин како што беше направен и политичкиот субјект НСДП во 2006 и Демократската Алтернатива во 1998 година. Последниве два што ги спомнав едниот не постои, а другиот е минорен коалиционен партнер на СДСМ. Бидејќи на крајот сите се враќаат таму од каде што потекнале. Затоа што предавникот не што не го сакаат дома, најмалку го сакаат таму кајшто отишол да предаде. Ќе ги гледате овие од ЗНАМ кога ќе ги стават во последна клупа во Собрание после 8 мај и со наведнати глави, не што ние нема да им правиме муабет, овие од ВМРО помалку ќе им прават муабет. Но на крајот и тие и нивните поддржувачи и оние кои се сѐ уште во нашите редови и кои што ликуваат на резултатот кои тие го освоиле, а нивните другари со кои седат на маса не го освоиле, на крајот ќе се соочат со реалноста. Ќе бидат отфрлени, ќе бидат заборавени и на крајот, повторно ќе треба да се вратат во СДСМ, како стожерна, најсилна и најголема и единствена социјалдемократска партија во Македонија“.?t=3265Мики Милковски инаку на листата во ИЕ 2 на коалицијата, се наоѓа на десетото место, што е недостижно за влез во Парламентот.Од НСДП се уште нема друга реакција.

Македонија | пред 1 година