ЈСП

Град Скопје вети редовен превоз од ЈСП од утрово, а се пожали и на притисоци - претходно имаше поплаки

Во текот на викендов, жители на Скопје се жалеа на нередовниот јавен превоз. Покрај автобусите на приватните превозници кои не возат поради нереализирани барања од Град Скопје, корисници на јавен превоз посочуваа дека ниту ЈСП не вози според возниот ред. „Скопје1“ побара одговори за овие случувања од директорот Драги Кушовски, поставен од Данела Арсовска, но не доби одговори.Сепак, од Град Скопје, вчера, доцна вечерта пред полноќ, известија дека имало притисоци, без да посочат какви и од кого. Потоа додадоа дека превозот од утрово ќе биде редовен.„Ве известуваме дека и покрај сите притисоци, од утре ЈСП ќе сообраќа редовно и во полн капацитет“, се вели во кусото соопштение од Град Скопје предводен од Арсовска.Ова соопштение дојде откако претходно имаше низа јавни критики.„Скопје1“ побара одговори од директорот на ЈСП, Драги Кушовски, поставен од Данела Арсовска, уште во саботата. Бидејќи граѓани се жалеа дека нема автобус на линијата 66, цел ден, зошто е тоа така? Притоа, прашавме дали се точни информациите дека ЈСП снемува нафтени деривати, како и дали се точни информациите дека се префрла нафта од автобус во автобус за да можат дел од линиите да имаат возила. На ова нема одговор, како и на прашањето дали се користат резервите и каква е состојбата во тој дел.

Скопје | пред 1 година

„Покрај притисоците, ЈСП ќе се сообраќа редовно и со полн капацитет“ велат од Град Скопје, а по жестоките реакции во јавност

Од Град Скопје, без објаснувања, испратија соопштение во кое тврдат дека од утре автобусите на ЈСП ќе возат во полн капацитет. Тие посочуваат дека имало притисоци и дека без разлика на истите, ќе продолжат со работа. Но од Град Скопје, нема никакво објаснување на каков притисок мислат и кој го правел.„Почитувани, Ве известуваме дека и покрај сите притисоци, од утре ЈСП ќе сообраќа редовно и во полн капацитет“, се вели во краткото соопштение на Град Скопје.Викендов, имаше куп поплаки од граѓани за автобуси кои не се сообраќале на редовните линии.Имаше и јавни објавни на социјалните мрежи во кои се повикуваше итно да се преземе нешто со превозот, во спротивно се најавуваше протест.

Скопје | пред 1 година

(Фото) Автобус на ЈСП излета на патот Раштак-Булачани

Автобус на ЈСП утрово излета од патот Раштак-Булачани. Според првичните информации, нема повредени лица, бидејќи во автобусот немало патници.Засега не е позната причината за несреќата, но извесно е дека можеби ќе треба да се проверува и техничката исправност на возилото. Не така одамна, јавноста памети дека кога автобус на ЈСП влета во жардењери кај „Мавровка“, возачот излезе на прес-конференција и обвини дека возилото било технички неисправно. Обвинителството уште го чека вештачењето.„Скопје1“ за излетаниот автобус на патот кон Булачани побара информации и од директорот на ЈСП, Драги Кушовски, од кого очекуваме одговори. Детали побаравме и од МВР, особено за тоа, дали случајот е пријавен во полиција.Во септември, „Скопје1“ побара информации од директорот на ЈСП, дали тој ја гарантира безбедноста на патниците кои го користат јавниот превоз, особено во период кога тие често се расипуваат низ улиците, во дел избија и пожари, а пак трети остануваа и без тркала. Од него, не добивме одговор. Прашавме и дали директорот е свесен дека може да се случи сериозна несреќа доколку неисправни возила циркулираат низ градот, како и дали ќе понесе одговорност - но и на ова добивме молк.

Скопје | пред 1 година

Коментари за ЈСП: „Вие пуштете автобуси па после фалете се со новитетите, никогаш не би ви платила за ваков безобразлук каков што гледам“

ЈСП промовираше нов начин на плаќање, а граѓаните во коментари упатија низа критики за нередовниот автобуски превоз, непочитувањето на возниот ред, но и за нефункционирање на апликацијата. Апликацијата „Скопска“ е заменета со новата „Скопјебус“. Се обидовме да ја симнеме апликацијата, но, безуспешно. Иако во објаснувањето стои дека треба да работи од изминатиов понеделник.„Вие пуштете автобуси па после фалете се со новитетите, среќа не користам ваш превоз инаку никогаш не би ви платила за ваков безобразлук каков што гледам...срам да ви е што народот го множите со нула.....А СЕГА АКО САКАТЕ ИСФИЛТРИРАЈТЕ ГО МОЈОТ КОМЕНТАР“, стои во еден од коментарите.„Имав купено месечен билет во износ од 1400 ден. Истите не се префрлија на новата апликација па бев приморана утринава да купам нов билет. Автобуси немате ама битно нов систем за наплата имате. Срамота!“, стои во друг коментар.„Оправете се со возниот ред. Нема возила“, пишува жителка на Скопје.„Еве го 30ти, ни Скопје ни Бус, уште нема ни трага ни глас од апликацијата“, додава друг корисник на услугите на ЈСП.

Скопје | пред 1 година

Продавачки на билети во ЈСП добија обвинение: присвоиле 23 милиони денари, проневера правеле со уплати во билетари

Основното јавно обвинителство Скопје поднесе Обвинителен акт против три лица кои ги товари за продолжено кривично дело – Проневера во службата според член 354 став 5 во врска со став 3 и став 1 од Кривичниот законик.Трите соизвршителки, во временскиот период од 01.12.2018 година до 05.08.2021 година, со умисла извршиле повеќе временски поврзани дејствија што претставуваат повеќекратно остварување на исто дело, искористувајќи ист траен однос и исти прилики. Тие заеднички, како одговорни лица вработени во Јавното сообраќајно претпријатие – Скопје, со намера да прибават за себе противправна имотна корист, присвоиле пари доверени во службата во вкупен износ од 23.133.245 денари, што претставува значителна имотна корист.Две од обвинетите, продавачки на билети на продажните места – билетарници „Зелен пазар“ и ГТЦ уплаќале помалку парични средства наплатени во готово, додека третата обвинета, самостоен референт-сметководител во Одделение за сметководство-Сектор за финансиско работење во ЈСП, иако знаела дека паричните средства не се уплатени и раздолжени, сметководствено вршела докнижувања, прекнижувања, исправки и други книговодствени дејствија без документација, за да може сметководствено да ги оправда и покрие неуплатените готови пари од дневниот пазар.Јавниот обвинител, со поднесување на обвинителниот акт, предложи и определување мерки на претпазливост – забрана за напуштање на живеалиштето, односно престојувалиштето, обврска на обвинетите да се јавуваат повремено на определено службено лице или кај надлежен државен орган, привремено одземање на патна или друга исправа за преминување на државната граница односно забрана за нејзино издавање.

Македонија | пред 1 година

„Се крадат податоци од платежните картички“: ЈСП Скопје утврди лажна вест

ЈСП Скопје утврди лажна вест со која е фалсификувано логото на електронската картичка Скопска објавено на социјалните мрежи од страна на група наречена Карта за јавен превоз на Скопје, која не е поврзана со ЈСП Скопје.Се работи за измама со лажен линк што краде податоци од платежните картички на граѓаните, велат од ЈСП.

Скопје | пред 1 година

ВМРО-ДПМНЕ и Арсовска се виновни за најлошиот јавен превоз во Европа, велат од СДСМ

„Извештајот на Европската Комисија го потврди тоа што граѓаните на Скопје секојдневно го чувствуваат: јавниот превоз во Скопје е катастрофален, најлош во Европа. Локалната власт предводена од ВМРО-ДПМНЕ и градоначалничката Арсовска успеаја да го донесат Скопје на дното во Европа и во делот на транспортот и во секој можен поглед“, соопшти СДСМ.„Наместо да вложуваат во подобрување на услугите и модернизација, како што ветуваа, сведоци сме на епско потфрлање и тотален хаос во сообраќајот, што директно ги погодува жителите на Скопје.Советниците на ВМРО-ДПМНЕ намерно не гласаа за набавка на нови автобуси, Владата не презема ништо.ВМРО-ДПМНЕ бездушно ги остави скопјани да се справуваат со хаосот секој ден, само заради тоа што им пропаднаа бизнис зделките со Арсовска.ВМРО-ДПМНЕ создаде хаос во Скопје, тие се најголемите виновници за катастрофата која што му се случува на јавниот превоз и на целиот град“, се наведува во соопштението на СДСМ.

Скопје | пред 1 година

Скопје меѓу градовите со најлош јавен превоз во Европа, според Еуроњуз

Според истражувањето кое го спроведе Еуроњуз, Македонија е меѓу трите земји кои имаат најлош јавен превоз во Европа.Како што се вели во истражувањето седум од десет луѓе во Европа се задоволни од јавниот превоз во нивниот град, но сепак постои голем јаз во нивоата на задоволство од јавниот превоз во европските градови.Во Скопје само 47 проценти од граѓаните се задоволни од јавниот градски превоз, а понезадоволни од нас се само во Албанија и Италија. Најмногу задоволни се Австријците со 91 отсто.Во нордиските престолнини пак, најдобар градски превоз има во Хелсинки, па следуваат Осло и Стокхолм кои се тесно следени од Копенхаген, со 81 отсто задоволство. Главниот град на Исланд, Рејкјавик, е исклучок со пониска стапка на задоволство од 56 отсто во овој регион.Кога се споредуваат факторите како што се достапноста, безбедноста, зачестеноста и доверливоста, постои географски тренд каде градовите од северна и западна Европа известуваат за поголемо задоволство од јавниот превоз, додека градовите од јужна и источна Европа покажуваат пониски стапки на задоволство.

Македонија | пред 1 година

Автобусите на ЈСП ќе сообраќаат по неделен возен ред за време на продолжениот викенд

ЈСП Скопје ги известува своите патници дека по повод државниот празник 11 Октомври - Ден на народното востание, за време на трите дена од продолжениот викенд (11.10.2024 година - 13.10.2024 година) автобусите од јавниот превоз ќе сообраќаат по неделен возен ред.На 11.10.2024 година (петок) и 13.10.2024 година (недела), дежурни ќе бидат билетарниците и центрите за персонализација (кои ќе работат од 8 до 14 часот) на:- Транспортен центар;- Ѓорче Петров; и- Зелен пазар.Жичницата ќе функционира вообичаено, со работно време од 10-18 часот, при што од 17-17:30 е последното возење од долу кон врвот, а во 17:45 часот е последно возење од врвот надолу.

Скопје | пред 1 година

(Видео) ЈСП не трпи критики: Избришани купот коментари под објавата за бесплатен превоз, но ние ги имаме

ЈСП најави бесплатен превоз за „Бела ноќ“ односно за денеска во периодот од 18:00 до 02:00 ноќеска, а граѓаните ја искористија објавата за да ги искритикуваат за нивното функционирање. Нервозата кај жителите на Скопје е се поголема поради донцењето на автобусите, нивното недоаѓање, но и поради гужвите во нив. Иако вчера имаше десетици коментари, администраторот на фејсбук страницата на ЈСП, чиј директор е Драги Кушевски, поставен од Данела Арсовска, сите критикити ги избришал.„Скопје1“ уште вчера направи видео од коментарите, па може да прочитате што се граѓаните пишуваа:Утрово, се прикажуваат само три коментари, а само шест стојат како објавени. „Преживеале“ бришење, бидејќи се критикува Владата која нема врска со проблемот во ЈСП, а во другите се бараат автобуски линии.[caption id="attachment_305562" align="alignnone" width="878"] Screenshot[/caption]

Скопје | пред 1 година

Во сабота, ЈСП неколку часа ќе вози бесплатно

ЈСП се реши да има бесплатен превоз во сабота. Ова доаѓа во период кога нема доволно автобуси, кога скопјани се револтирани, но и во време кога често може да се забележи како автобуси се исклучуваат од сообраќај поради тоа што остануваат дефект.„Ве информираме дека на 5 октомври 2024 година (сабота), поради oвогодинешното издание на “БЕЛА НОЌ“ кое ќе се одржи на повеќе централни локации низ градот Скопје, во периодот од 18:00 – 2:00 часот (наредниот ден), превозот на патниците во јавниот градски превоз ќе биде бесплатен“, вели ЈСП.

Скопје | пред 1 година

(Видео) Хаос во автобус на ЈСП: возачот тргна да вози со отворени врати, патници висеа

Патниците на мака оти нема доволно автобуси по улиците, а и оние кои ги има се преполни. Возачите на мака бидејќи во возилата им се случува хаос. Возач на 22-ка проба и да вози со отворени врати, бидејќи куп патници влегоа во возилото, а вратите не можеа да се затворат. Но, голем дел останаа и на станицата да го чекаат следниот автобус. Поплаките дека автобусите доцнат се множат.За три автобуси досега „Скопје1“ доби поплаки од граѓани дека истовариле патници бидејќи се расипале и им кажале да чекаат друго возило. Молкот на Драги Кушевски, поставен од градоначалничката Данела Арсовска продолжува.„Скопје1“ упати прашања за хаосот со превозот. Оттаму, со оглед на праксата не очекуваме одговори. Воедно, го потсетивме дека повеќе од месец чекаме одговор дали ќе понесе одговорност за нефункционалноста на претпријатието, тоа што автобуси се самозапалуваат по улици, а патниците се загрозени.

Скопје | пред 1 година

(Видео) „Господ знае што се случи, наеднаш нѐ симна од автобус и отвори прозори“, нов паднат војник на ЈСП

Во Автокоманда, автобус кој возел на линијата 2, ги истоварил сите патници, без да им образложи зошто. Тие се лути, бидејќи ова доаѓа во време кога приватните превозници не возат, автобусите на ЈСП не го почитуваат возниот ред, а притоа, постојано се расипуваат.„Господ знае што се случи, нѐ симна наеднаш од автобус, отвори прозори и толку беше“, вели читателка на „Скопје1“.„Скопје1“ упати прашања до директорот на ЈСП, Драги Кушовски, поставен од градоначалничката Данела Арсовска во кои бараме одговори што се случило со овој автобус. Оттаму, со оглед на праксата не очекуваме одговори.Воедно, го потсетивме дека повеќе од месец чекаме одговор дали ќе понесе одговорност за нефункционалноста на претпријатието, тоа што автобуси се самозапалуваат по улици, а патниците се загрозени.

Скопје | пред 1 година

(Видео) Хаотично по автобуските во Скопје: „Висат луѓе, одвај се затвори“

Ученици не можат да стигнат на настава, вработени на работа. Приватните автобуси останаа паркирани, а возилата на ЈСП не можат да ги опслужат сите патници. Турканици, нервоза, расправии – ваква беше атмосферата на дел од автобуските кои беа преполни. Учениците се принудени да прават снимки за да оправдаат зошто не стигнуваат на време во училиште.„Чекај сеа на класнава, еве на школо како доаѓаме. Висат луѓе, одвај се затвори. Ќе висат сега до кај мене на станица“, вели ученикот кој не може да стгине на настава, снимката ја достави до нашата редакција.Главната менаџерка на Градот Скопје, Данела Арсовска, вчера има две објави на социјалните мрежи, поврзани со културни случувања. Но ниту една за проблемот со автобускиот превоз. Проблемот започна минатата недела, а револтот изби откако приватните превозници побараа повисоки цени по услугата за изминат километар.Побараа од Советот да заседава на вонредна седница, а вчера имаше и координација на советнички групи, но на истата, не присуствувала Данела Арсовска ниту некој претставник од Градот Скопје. Заклучоците засега не се понзати.Проектот на градоначалничката Данела Арсовска за набавка на нови еколошки автобуси или не е ставан на дневен ред или не ја добива поддршката од мносинството советници, а премиерот Мицкоски пак пред извесно време рече дека тој нема веднаш да го реши проблемот на граѓаните бидејќи како што посочи и да се нарачаат возила сега тие нема веднаш да бидат испорачани.

Скопје | пред 1 година

Пак наплати со „пари на рака“ во ноќните линии на ЈСП

Поминаа пет дена, ЈСП молчи заедно со директорот Драги Кушовски, а праксата во автобус да се наплаќаат билети по 50 денари – продолжи. И вчера, патници за „Скопје1“ сведочат дека им биле приморани билети да платат кај возачот. За разлика од претходното сведоштво, сега парите се плаќаат кај шоферот на автобусот.„Кажуваат оди кај возачот да извадиш билет, се плаќа по 50 денари, а не знам дали им даваше билет. Не видов никој да плаќа преку апаратчето“, вели читател за „Скопје1“.Неспорно е дека во ноќните линии не важат слободните карти, но плаќањето во автобусите е регулирано да биде електронски, а билетите беа исфрлени од употреба. Во случајов, повторно има наплати директно во автобус.„Скопје1“ уште пред една недела упати прашања на оваа тема до директорот на ЈСП, Кушовски, но тој, исто како и на другите медиуми – не испрати одговори. Меѓудругото, во текот на оваа недела имаше и повеќе расипани автобуси низ градот. Побаравме одговор дали ќе сноси одговорност при сериозна несреќа, со оглед дека се дозволува вакви автобуси да возат низ градските улици. Од него – молк.За потсетување:

Скопје | пред 1 година

Нови проблеми со јавниот превоз во Скопје: утрово нема и дел од приватнтие автобуси, се жалат жителите

Нови проблеми со јавниот превоз во Скопје. Жители се жалат дека утринава ги нема ниту дел од приватните превозници на скопските улици. Укажуваат дека покрај тоа што ЈСП не вози според возниот ред, сега има уште едно редуцирање на бројот на автобуси – а по автобуските се создаваат гужви.„Утринава два приватни автобуси на ЈСП не дојдоа. Се работи за 22-ка, што се сообраќаат од Железничка до Волково. Се создаде ненормална гужва на автобуските“, вели патничка за „Скопје1“.Претходно пак, ученик се пожали дека линиите 45 и 23 своеволно и без никакво известување се исклучуваат од линии.„Професорите и наставниците често се лути зошто не сме тргнале порано. Како да знаеме? А кога е ваква гужва и во 9 да тргнеш – попусто“, вели тој за „Скопје1“.Остануваат и другите проблеми на градскиот јавен превоз, како што е честото расипување на автобусите, а пред една недела уште еден се запали додека се сообраќаше на линија. За среќа, по навремена реакција на возачот се избегна трагедија.Иако ЈСП го тресат низа скандали – директорот Драги Кушовски не одговара на никакви прашања од „Скопје1“. Па така, среде ноќ се наплаќаат билети со пари на рака, патниците се жалат на нередовност, на автобуси им пукаа и гуми, а имаше и случај кога гума излета на булеварот Партизански одреди. Го прашавме дали си ја гледа одговорноста – не одговара и по еден месец.

Скопје | пред 1 година

(Видео) Се запали автобус на ЈСП на раскрсницата кај „Веро Џамбо“

Повторно се запали автобус на ЈСП, овојпат, на раскрсницата кај „Веро Џамбо“. Возачот веднаш истрча и со апарат за противпожарна заштита го гаснеше пожарот. Чадот доаѓал од делот на моторот, а навремената реакција од вработениот во ЈСП, спречи поголема катастрофа.Секојдневие по скопските улици стана да се гледаат расипаните автобуси. Речиси да нема ден, а да нема автобус кој со сервисна служба се шлепа до базите во Ѓорче и Автокоманда. Ова не е ниту прв автобус кој се запалил. Претходно вакви сцени имаше во Бутел, како и под Железничка. Голема несреќа можеше да се случи на Партизански одреди, кога од автобус излета гума.Скандал го тресеше ЈСП кога контролор се закануваше на патничка.Проблемите се куп, решение нема од градската мајка, Данела Арсовска и нејзиниот директор Драги Кушевски.Меѓу последните случаи е и кога автобус остана без гума во Кисела Вода.„Скопје1“ и утринава постави прашања до директорот на Арсовска, од кого побаравме одговор, дали е свесен дека со пуштање на неисправни автобуси во сообраќај, може да дојде до сериозна несреќа, како и дали ќе сноси одговорност. Одговор до сега - нема.

Скопје | пред 1 година

(Видео) Нов скандал го тресе ЈСП: Патници сведочат на изнуда на пари за да се возат со ноќна линија, снимени и наплаќачите

Нелегална наплата на билети се прави во автобусите на ЈСП, тврдат патници кои се возат со ноќните линии. Повеќе вакви видеа се појавија на мрежата „Тикток“, а во нив, претежно млади лица, велат дека на врата им се бараат по 50 денари за да можат да се превезат. Во спротивно, треба да го напуштат автобусот. „Не даваат да влезеш ако не платиш. Тие знаат дека луѓе немаат како да се вратат и им плаќаат. На секоја постојка чекавме по 10 минути, за да наплатат по 50 денари! И други реагираа, дека имаат картички, но не им даваа да влезат“, вели сведок на настанот.Спроед сведоштвото, се отворало по една врата додека возел автобусот, се додека не се стигнало кај Градежен факултет каде имало премногу гужва па се отвориле двете врати.„Скопје1“ побара детали од раководството на ЈСП и директорот Драги Кушовски поставен од градоначалничката Данела Арсовска, а во чиј мандат куп автобуси остануваат дефект по скопските улици, не доаѓаат на време, се кратат линии.

Скопје | пред 1 година

Град Скопје против вработени во ЈСП: Зачудувачки е како само неколкумината во синдикатот СПАЈС се уште немаат добиено плата

„Зачудувачки е како само неколкумината во синдикатот СПАЈС се уште немаат добиено плата“, велат од Град Скопје и додава:„Имено, заклучно со денес сите вработени во ЈСП ги добија септемвриските плати.Причините за ширење на лаги и невистини од страна на СПАЈС за нас се непознати, а не сакаме да веруваме дека станува збор за политички мотивирани дејствија.Со ова, во целост ја демантираме информацијата на овој синдикат“.

Македонија | пред 1 година

Вработените во ЈСП се жалат дека не земале плата, најавуваат блокади

Вработените на ЈСП повторно не добиле плата.Според законот плата треба да и легне најдоцна до 15-ти во месецов.Доколку не ги добијат нивните плати најавуваат блокади на раскрсниците низ главниот град.Се жалат на притисоци од раководството на претпријатието, од каде до овој момент не се огласиле за предупредувачката прес конференција на СПАЈС.

Скопје | пред 1 година

Уставниот суд бара информации од надлежните дали се спроведува одлуката за јавен превоз за сите средношколци

,,По прашања од повеќе медиуми во врска со извршувањето на одлуката У.бр.81/2023-1 со која беа укинати делови од Законот за средното образование, во кој беше повреден принципот на еднаквост, при што се правеше разлика меѓу средношколците од јавното и приватното образование, Уставниот суд информира:На работниот состанок одржан на 4 септември, Уставниот суд го задолжи генералниот секретар да се обрати до надлежните органи (МОН, Град Скопје и ЈСП) со цел да ги обезбеди неопходните податоци и информации во врска со извршувањето на одлуката за да подготви извештај и за одговорот да го информира Судот.Имено, согласно членот 86 од новиот Акт кој се применува од септември оваа година, Уставниот суд по службена должност го следи извршувањето на своите одлуки и може од секого да побара податоци и информации во врска со преземените мерки со цел извршување на одлукатаОбврската за извршување на одлуките на Уставниот суд почнува да тече од денот на нивното објавување во „Службен весник” и одлуките на Уставниот суд се извршуваат без одлагање, на што упатува член 85 од Актот.Дополнително, согласно член 90 од Актот, Уставниот суд, има можност по потреба, да побара од јавните органи да го обезбедат извршувањето на одлуката.Уставниот суд потсетува дека членот 91 овозможува врз основа нa претходно добиени податоци и известувања, да донесе посебно решение со кое ќе утврди дека неговата одлука не е извршена и ќе го извести надлежното јавно обвинителство, како и органот што го именувал или избрал раководителот на органот или телото кое не ја извршило одлуката на Судот.Во однос на прашањата дали некој се обратил до Уставниот суд да информира дека одлуката не се спроведува, информираме дека досега нема добиено таква претставка. Барањето на информации за спроведување на конкретната одлука се покрена по службена должност и по информациите во јавноста дека одлуката на Уставниот суд која е донесена на 5 декември 2023 година не се извршува.”, велат од Уставниот суд.

Македонија | пред 1 година

Општина Аеродром: Град Скопје и ЈСП го оставија Долно Лисиче без градски превоз, бараме веднаш да се пушти автобус

,, Град Скопје и ЈСП поради својата неспособност ги оставија жителите на Долно Лисиче без градски превоз, а за тоа се правдаат со некакви причини, кои да не беше трагична целата оваа ситуација, ќе ги оценевме како смешни и инфантилни.Остро реагираме на одлуката да се укине единствената линија со број „33“ што го поврзува Долно Лисиче со останатиот дел од Аеродром, поради, како што велат од Град Скопје во демант до медиумите, техничка неисправност на автобусот. Оттаму тврдат дека ЈСП има средства за регистрација на возилото, но тоа е исклучено од сообраќање поради неисправност.Нас како Општина, но и граѓаните на Долно Лисиче не нè интересираат причините за прекинот на градскиот превоз до овој дел од Аеродром, и не планираме да навлегуваме во работата на Градот и на ЈСП, туку бараме веднаш да се изнајде решение и да се пушти автобус на оваа и онака ретка линија.Ова е само уште еден во низата факти кои укажуваат дека Град Скопје е во тотален колапс, за што цената ја плаќаат сите наши граѓани.”, велат од Општина Аеродром.

Скопје | пред 1 година

Ученици останаа без превоз, ЈСП ја исклучи линијата со број 33

Јавното сообраќајно претпријатие пред неколку дена ја исклучи приградската линијата со број 33 која е единствена што директно го поврзува Долно Лисиче со општина Аеродром. Причина што автобусот кој сообраќа 12 години, а од кој зависи одењето на училиште на многу ученици, а и на граѓани за до нивните работни места е тоа што претпријатието нема пари за да го регистрира овој автобус, а друг за замена нема. Жителите се гневни бидејќи тие и нивните деца трпат и секојдневно се снаоѓаат за нешто што им следува и што никој нема право да им го одземе, а тоа е редовниот автобуски превоз.Тројцата возачи кој ја должат оваа линија останаа дома на принуден одмор. Средношколците кои учат во СМУГС „Панче Караѓозов“, од СУГС „Марија Кири Склодовска“, во хемиското училиште, а и во СУГС „Владо Тасевски“, кои ја користат оваа линија, бидејќи друг автобус кој сообраќа од Долно Лисиче и минува директно низ Горно Лисиче, па стасува до Центар, нема. Сега се снаоѓаат како знаат и умеат. Голем дел од учениците задоцнија на првиот училишен ден поради исклучување на оваа линија.Оброзложението од директорот на ЈСП, Драган Кушовски е дека проблемите во претпријатието се решаваат во рамките на можностите.„Проблемите кои ги имаме се решаваат во рамките на можностите и ресурсите кои ги имаме. Како што сум запознаен има друга линија што може да се користи. Линијата не е укината, но ќе проверам кога најбрзо може да се стави во функција“, вели директорот Кушовски за овој голем проблем кој ги затекна учениците на почетокот на школската година.Редакцијата на МКД.мк му појасни на директорот дека приградските линиите со број 31 и 33, иако тргнуваат од Долно Лисиче, имаат сосема различни автобуски постројки на поаѓање и различна траса на движење. Од раководството на ЈСП добивме ветување дека ќе се искористат сите можности за да се врати оваа линија и официјален одговор очекуваме во текот на денешниот ден.На официјалната страница на ЈСП си стои распоредот дека автобусот со број 33 вози иако линијата е исклучена.Јавното сообраќајно претпријатие подолго време се соочува со недостиг на автобуси и со проблеми со превозот. Градоначалничката Данела Арсовска вели дека работата ја кочат советниците од ВМРО-ДПМНЕ кои не сакаат да ја изгласаат програмата за работа на јавните претпријатија.Премиерот Христијан Мицкоски за овој проблем изјави дека немањето превоз нема да се реши со набавка на нови автобуси бидејќи тоа е процес кој ќе трае и периодов повторно би имало проблеми со превозот.И додека надлежните си ја префрлаат топката кој е виновен, најмногу трпат граѓаните кои секојдневно имаат главоболки и нервози со што тие да стасаат на работните места, а учениците да стасаат до училиште.”, пишува мкд.мк.https://mkd.mk/uchenici-ostanaa-bez-prevoz-jsp-nema-pari-za-registracija-i-ja-iskluchi-linijata-so-broj-33/

Скопје | пред 1 година

ЈСП: Линијата 33 се исклучува оти возилото е неисправно

“Не проверена е содржината изнесена во текстот, во која подвлекувате дека „Причина што автобусот (погоре во текстот приградската линијата со број 33) кој сообраќа 12 години, а од кој зависи одењето на училиште на многу ученици, а и на граѓани за до нивните работни места е тоа што претпријатието нема пари за да го регистрира овој автобус, а друг за замена нема, објави МКД. Не проверена е содржината изнесена во текстот, во која подвлекувате дека „Причина што автобусот (погоре во текстот приградската линијата со број 33) кој сообраќа 12 години, а од кој зависи одењето на училиште на многу ученици, а и на граѓани за до нивните работни места е тоа што претпријатието нема пари за да го регистрира овој автобус, а друг за замена нема, објави МКД. “. И во самата изјава на В.Д. Директорот на ЈСП Скопје Драги Кушовски, која ја цитирате подолу не е наведено дека има проблем со регистрација на автобусот.Тенденциозна е намерата дека постојано имаме случаи на редуцирани возни линии, земајќи го предвид фактот дека просечната старост на автобусите е 13 години и оттука произлегува потребата за набавка на нови автобуси во возниот парк на ЈСП. Имено, станува збор за редуциран возен ред поради исклучување на автобус кој сообраќа неколку пати на тој реон, а причина е технички неисправно возило, а не како наведеното дека се работи за финансиски проблем околу регистарцијата на истото. Јавно сообраќајно претпријатие Скопје има предвидено средства за регистрација на возилата во годишниот план за јавни набавки, и согласно тој имаме активни договори за осигурување на моторни возила од автоодговорност и технички преглед.“. И во самата изјава на В.Д. Директорот на ЈСП Скопје Драги Кушовски, која ја цитирате подолу не е наведено дека има проблем со регистрација на автобусот.Тенденциозна е намерата дека постојано имаме случаи на редуцирани возни линии, земајќи го предвид фактот дека просечната старост на автобусите е 13 години и оттука произлегува потребата за набавка на нови автобуси во возниот парк на ЈСП. Имено, станува збор за редуциран возен ред поради исклучување на автобус кој сообраќа неколку пати на тој реон, а причина е технички неисправно возило, а не како наведеното дека се работи за финансиски проблем околу регистарцијата на истото. Јавно сообраќајно претпријатие Скопје има предвидено средства за регистрација на возилата во годишниот план за јавни набавки, и согласно тој имаме активни договори за осигурување на моторни возила од автоодговорност и технички преглед”, вели ЈСП.

Скопје | пред 1 година

(Фото) Автобус на ЈСП остана без гума во Кисела Вода

Проблемите со автобусите на ЈСП станаа скоро секојдневни, а прашањето дали граѓаните се безбедни со јавниот превоз – се погласно се поставува. Утрово, автобус остана без гума, кај Дом за слепи во Кисела Вода. Возилото беше паркирано на последната лента и вон возна состојба. Од фотографиите се гледа дека гумата е целосно искината и излезена од бандажот.Ова не е првпат да се случи истово. „Скопје1“ на почетокот од август објави како гума од автобус буквално излета низ „Партизанска“.Вчера пак, прокисна еден од автобусите.Подолг период се поставува прашањето за исправноста на возилата на ЈСП со кои се превезуваат патници. Летово, значителен дел од нив се расипуваат среде улици и булевари, на еден автобус му испадна тркало среде Партизанска, други се запалија.Директорот на ЈСП, Драги Кушовски уште во јули кажа дека сервисите се одвиваат тешко, бидејќи ЈСП должи милиони.„Откажуваат соработка на некој начин, бидејќи ЈСП не може да ги сервисира обврските кон тие договори“, рече директорот.„Скопје1“ на 23 август го праша директорот Кушовски, дали чувствува малку одговорност што се растовараат патници среде улици, но и поради расипаните автобуси. Тој ни одговори: „Ќе проверам“ и оттогаш, не одговори на прашањето.За ужасната состојба е свесна и градоначалничката Данела Арсовска. Досега од неа, јавноста не слушна за план како да се реши проблемот со постоечките автобуси и тие да се поправат. Во континуитет, зборува за набавка на нови, нешто што е неминовно за надминување на проблемите со јавниот превоз, но кои би стигнале дури другата година.

Скопје | пред 1 година