МИНЧЕВ

Минчев: Македонија полека но сигурно се препознава како лидер на реформите во регионот

Министерот за јавна администрација, Горан Минчев, на министерската конференција во Будва во рамки на Берлинскиот процес оствари повеќе билатерални средби со претставници од регионот и од Европската Унија, насочени кон унапредување на соработката и размена на искуства во реформските процеси, стои во соопштението од Министерството.Во разговорите, како што информираат од Министерството, акцентот бил ставен на реформите во јавната администрација, кои се оценуваат како клучен услов за напредок кон членство во Унијата. Минчев посочил дека станува збор за сеопфатна трансформација на институциите во ефикасен сервис за граѓаните, а не само за административни промени.На средбата со косовскиот министер Лулезон Јагџиу се разговарало за конкретни практики што веќе даваат резултати, при што била нагласена важноста од регионалната соработка. Притоа, Минчев истакнал дека реформските процеси во Македонија сè повеќе се препознаваат како позитивен пример во регионот, стои во соопштението на Министерството.Со претставникот на грчкото Министерство за јавна администрација, Јанис Фустанакис, биле разгледани можностите за развој на Академијата за јавна администрација и зајакнување на соработката со нивниот национален центар, стои во соопштението.Од Министерството додаваат дека на средбата со советникот на италијанскиот министер за јавна администрација, Франческо Леоне, фокусот бил ставен на јакнење на капацитетите на административните службеници и продлабочување на соработката преку образовни програми.Од Министерството оценуваат дека со овие активности се потврдува улогата на Македонија како активен партнер во регионалните и европските процеси.

Македонија | пред 1 ден

Интензивиран дијалогот со Европската комисија: Реформите во фокусот на средбата меѓу Минчев и Суперти

Во соопштение на Министерството за јавна администрација се наведува дека министерот Горан Минчев во Будва, Црна Гора, остварил билатерална средба со Валентина Суперти, директорка за Западен Балкан во Генералниот директорат за проширување и источно соседство при Европската комисија.Како што се истакнува во соопштението, средбата се одржала на маргините на министерска конференција и претставува продолжение на претходните разговори во Брисел, при што бил разменет фокус за динамиката и имплементацијата на реформите во јавната администрација.Во соопштението се наведува дека министерот Минчев ја нагласил определбата на Владата за создавање ефикасна, транспарентна и професионална јавна администрација, усогласена со европските стандарди, како дел од реформската агенда.Се додава дека, според соопштението, Суперти го поздравила досегашниот напредок и ја потврдила поддршката на Европската комисија за продолжување на реформските процеси и европската интеграција.Во завршниот дел од соопштението се посочува дека средбата ја потврдува заедничката заложба за продлабочување на соработката и реализација на реформите со цел приближување кон членство во Европската унија.

Македонија | пред 2 дена

Македонија и Босна и Херцеговина ја продлабочуваат соработката: билатерална средба помеѓу Минчев и Буноза

Берлински процес и продлабочување на билатералната соработка беа во фокусот на средбата меѓу министерот за јавна администрација Горан Минчев и министерот за правда на Босна и Херцеговина Давор Буноза, која се одржа во Будва, Црна Гора, на 20 април 2026 година, се наведува во соопштението од Министерството за јавна администрација.Министерска конференција во Будва, во рамки на Берлинскиот процес, беше контекстот во кој се реализираше средбата, на која беа разгледани можностите за потпишување меморандум за соработка меѓу двете институции, како основа за поинтензивна и структурирана иднина на партнерските односи, соопштуваат од Министерството.Во соопштението се наведува дека разговорите биле насочени кон реформата на јавната администрација, унапредување на институционалните и административните капацитети, како и размена на искуства и добри практики со цел поголема ефикасност, транспарентност и подобри јавни услуги, се додава во информацијата.Исто така, се истакнува дека двете страни ја потврдиле определбата за натамошно јакнење на соработката и континуирана размена на експертиза, со цел поддршка на реформските процеси и приближување кон европските стандарди, стои во соопштението.Министерот Минчев е најавен и како говорник на утрешниот министерски состанок, каде што ќе се осврне на предизвиците во реформата на јавната администрација и регионалната соработка во контекст на европската интеграција, се додава во информацијата.

Македонија | пред 2 дена

Минчев: Видлив напредок во реформата на јавната администрација и силна посветеност кон професионална и ефикасна администрација

Министерот за јавна администрација Горан Минчев денеска се обрати на јавната расправа посветена на нацрт-Годишниот извештај за 2025 година за имплементацијата на Акцискиот план од Стратегијата за реформа на јавната администрација 2023–2030, организирана од Министерството за јавна администрација.Целта на јавната расправа е да се презентира напредокот во спроведувањето на активностите во текот на 2025 година и да се овозможи отворена дискусија со институциите, граѓанскиот сектор и стручната јавност, со цел прибирање коментари, забелешки и предлози за понатамошно унапредување на реформскиот процес.Во своето обраќање, министерот Минчев истакна дека реформата на јавната администрација претставува клучен столб на доброто управување и важен предуслов за унапредување на институционалната ефикасност и квалитетот на јавните услуги.„Ефикасната, транспарентна и одговорна администрација е темел на доброто управување, владеењето на правото и долгорочниот општествен развој. Нашата цел е јасна – да изградиме професионална, ефикасна, транспарентна и граѓански ориентирана администрација која ќе одговара на реалните потреби на граѓаните и деловната заедница“ истакна министерот Минчев.Тој посочи дека Министерството за јавна администрација континуирано работи на зајакнување на системот за управување со човечките ресурси во јавниот сектор и на воспоставување современа и професионална административна служба.Министерот се осврна на донесувањето на Законот за стручно усовршување и обука на административните службеници, кој создава основа за формирање Академија за јавна администрација. Како што беше истакнато, оваа институција ќе има значајна улога во континуираното унапредување на знаењата и вештините на јавните службеници и во зајакнувањето на професионалните капацитети на администрацијата.Истовремено, министерот нагласи дека Министерството работи на подобрување на координацијата и следењето на реформските процеси преку развојот на ИТ-алатка за следење на имплементацијата на Стратегијата за реформа на јавната администрација 2023–2030, со поддршка на ReSPA. „Оваа алатка ни овозможува во реално време да го следиме напредокот на реформите, да идентификуваме предизвици и да обезбедиме поефикасна координација меѓу институциите“ нагласи министерот.Беше потенцирана и важноста на законското решение за високата раководна служба, кое воспоставува професионален и транспарентен систем за избор и управување со највисоките раководни позиции во институциите, со што се зајакнува ефикасноста и одговорноста во јавниот сектор.„Последниот извештај на Европската комисија за 2025 година ја потврдува нашата посветеност и видливиот напредок во реформата на јавната администрација. Во споредба со претходните извештаи, јасно е дека напредокот во делот на реформата е видлив и конкретен“ додаде министерот Минчев.На јавната расправа беше нагласено дека реформата на јавната администрација претставува еден од клучните приоритети во процесот на европската интеграција на Република Македонија.Министерството за јавна администрација информираше дека нацрт-Годишниот извештај за 2025 година е јавно достапен на системот Електронски национален регистар на прописи (ЕНЕР), со што се овозможува активно учество на сите засегнати страни во процесот на унапредување на јавните политики и реформата на јавната администрација.

Македонија | пред 1 седмица

Министерот Минчев се сретна со директорот на НДИ за унапредување на отворената и транспарентна власт

Министерот за јавна администрација, Горан Минчев, оствари работна средба со директорот на Националниот Демократски Институт (НДИ) во Република Македонија, Роберт Скот Хејзлет.На средбата беше искажан заеднички интерес за унапредување на соработката помеѓу Министерството за јавна администрација и НДИ, со акцент на реализација на активности кои ќе го зајакнат партнерството за отворена, транспарентна и отчетна власт. Разговорот се фокусираше на заеднички приоритети кои вклучуваат поддршка на реформите во јавната администрација, подобрување на соработката со граѓанскиот сектор и унапредување на практиките за отчетност и вклученост на граѓаните во донесувањето одлуки.Министер Минчев ја потенцираше важноста на интегрираните напори во насока на унапредување на јавните политики и институционалните капацитети, со цел да се обезбеди поефикасно и поинклузивно управување за граѓаните. Во таа насока, тој посебно ја истакна Иницијативата за Партнерство за Отворена Власт (ПОВ), која Министерството ја спроведува како клучен механизам за промоција на транспарентност, отчетност и граѓанско учество.Двете страни потврдија интерес за продлабочување на дијалогот и имплементација на конкретни активности во наредниот период, со цел да се поттикнат принципите на отворена власт и граѓанско учество во процесите на донесување одлуки.

Македонија | пред 2 седмици

Минчев: Европската перспектива ја градиме паралелно со зачувувањето на македонскиот идентитет, јазик, култура и историја

Напредокот во клучните области на реформата на јавнта администрација: стратешка рамка на реформата на јавната администрација, патоказот за РЈА, вклучувајќи ја и програмата за реформи во управување со јавни финансии, управувањето со човечки ресурси, развој на политики и координација, испораката на услуги, како и отчетноста и транспарентноста на јавните институции, беа теми на 14-тиот состанок на Специјалната група за реформа на јавната администрација помеѓу Европската комисија и Република Македонија, кој за прв пат се одржува во Брисел.Во своето воведно обраќање, министерот за јавна администрација, Горан Минчев истакна дека реформата на јавната администрација претставува еден од клучните столбови на европската интеграција, но и на институционалното зајакнување на државата.„Реформата на јавната администрација останува клучен приоритет на Македонија, како во процесот на европската интеграција, така и во унапредувањето на функционирањето на институциите на национално ниво. Нашата определба е јасна: професионална администрација, ефикасни институции и услуги ориентирани кон граѓаните и бизнисите.“ - нагласи Минчев.Минчев се осврна и на последните наоди од извештаите на Европска комисија и оценките на SIGMA, нагласувајќи дека тие претставуваат важен инструмент за насочување на реформските активности.„Македонија се движи напред. Последниот извештај на Европската комисија за 2025 година ја потврдува нашата посветеност и видливиот напредок во реформата на јавната администрација. Во споредба со претходните извештаи, јасно е дека напредокот е конкретен и мерлив“ - потенцираше министерот.Едновремено истакна и дека европската перспектива на државата се гради врз основа на демократските вредности, но и со јасна почит кон националниот идентитет, јазикот, култура и историскиот континуитет на македонската држава.„Нашата европска перспектива ја градиме паралелно со зачувувањето на националниот идентитет, македонскиот јазик и културниот и историскиот континуитет на Македонија. Станува збор за вредности кои се длабоко втемелени во нашето демократско уредување и кои се дел од процесот на институционално јакнење и развој“ - заклучи министерот, нагласувајќи дека токму преку силни, професионални и отчетни институции се зајакнува и демократската основа на државата.Министерството за јавна администрација останува цврсто посветено на доследна имплементација на започнатите реформи и на испорачивање на конкретни резултати за во интерес на граѓаните и бизнис заедницата.Состанокот на Специјалната група за реформа на јавната администрација претставува важен механизам за следење на напредокот на Македонија во оваа област и за координација на реформските активности со институциите на Европската Унија.

Македонија | пред 3 седмици

Минчев: Одговорност, мерит и јасни правила за високото раководство во администрацијата

Министерот за јавна администрација Горан Минчев денеска се обрати на јавната расправа во рамки на Комисијата за политички систем при Собранието на Република Македонија, посветена на Предлог-законот за високата раководна служба во органите на државната управа и фондовите.Во своето обраќање, министерот Минчев истакна дека реформата на високата раководна служба претставува клучен сегмент од сеопфатната реформа на јавната администрација и дел од пошироката реформска агенда насочена кон изградба на професионална, стабилна и отчетна државна администрација.„Реформата на високата раководна служба не е техничка интервенција во законодавството. Таа е политичка одлука од највисок ранг и одраз на државничка зрелост и одговорност“ нагласи министерот, додавајќи дека начинот на уредување на највисоките управувачки позиции директно влијае врз квалитетот на владеењето, стабилноста на институциите и довербата на граѓаните.Министерот посочи дека со предложеното законско решение првпат се воспоставува кохерентна и унифицирана рамка за именување, мандат, оценување и разрешување на високите раководители, вклучително и директорите, државните секретари, замениците и членовите на управните одбори.„Принципот на мерит, кој со години го споменувавме во декларативна форма, со овој закон станува системско правило. Воведуваме појасни критериуми, јавен повик, структурирана селекција и рангирање, со јасна обврска процесот да биде транспарентен и сеопфатен“ истакна Минчев.Во однос на улогата на извршната власт во процесот на избор, министерот нагласи дека задржувањето на конечната одлука кај Владата е во согласност со уставниот поредок и принципот на политичка одговорност.„Во парламентарна демократија, одговорноста не може да биде апстрактна. Таа мора да има јасен носител. Ова не е отстапување од мерит-системот, туку негово институционално усогласување со демократската легитимност“ посочи министерот.Посебен акцент беше ставен и на реформата на управните одбори, со намалување на нивниот состав на три члена, како и на ограничувањето на институтот „вршител на должност“ кој со новото законско решение станува строго временски ограничен механизам.„Овој закон не создава привилегии, туку поставува одговорности. Тој не концентрира моќ без контрола, туку ја поврзува моќта со отчетност и резултати“ истакна министерот, додавајќи дека целта е воспоставување функционална држава во која секој носител на одлуки јасно знае како е именуван и пред кого одговара.

Македонија | пред 2 месеци

Минчев: Пржинската влада го отслужи своето и треба да остане во минатото

Министерот за јавна администрација, Горан Минчев, во гостувањето во емисијата „Тема на денот“ во дневник на Сител телевизија изјави дека законското решение за изменување на Законот за Влада, со кое се предвидува укинување на техничката, односно т.н. пржинска влада, се наоѓа во завршна фаза.Министерот истакна дека процесот се водел транспарентно и инклузивно, со активно вклучување и на опозициските политички партии.„На лидерската средба ова прашање беше отворено како една од главните теми. Иако постоеја различни ставови, ние постапката ја водевме максимално транспарентно, со можност и опозицијата да учествува во креирањето на законското решение“ изјави Минчев.Тој појасни дека нацрт-верзијата на законот била доставена до сите координатори на пратеничките групи во Собранието, со рок за доставување забелешки и сугестии, дел од кои биле прифатени.„Прифатени се забелешките на опозицијата, односно барањата на СДСМ, дополнителните министри да бидат распределени во ресорите кои тие ги предлагаа“ нагласи министерот.Како компромисно решение, прифатено е техничката влада да важи уште за следните парламентарни избори, без разлика дали тие ќе бидат редовни или вонредни, а потоа целосно да се укине.Министерот потенцираше дека предлог-законот ќе биде доставен од Министерството за јавна администрација до Владата, по што ќе следи собраниска расправа.„Овој закон се носи со 61 пратеник и без бадентерово мнозинство. Сметаме дека 100-те дена техничка влада сериозно го кочат интензитетот на реформите. Пржинската влада беше воведена во 2016 година за обезбедување фер и демократски избори, а по повеќе изборни циклуси со позитивни оценки, сметаме дека го исполни својот мандат и треба да остане во минатото“ заклучи Минчев.

Македонија | пред 2 месеци

Минчев: СДСМ денес е окупирана партија, Заев и Филипче се водат од лични интереси

Во интервју за неделникот Фокус, Генералниот секретар на Движењето ЗНАМ – За Наша Македонија, Горан Минчев, даде јасен и принципиелен осврт на состојбите во СДСМ, партија во која политички израснал и во која, како што истакнува, со години вложувал искрена и целосна посветеност.„СДСМ за мене не беше само партија. Тоа е емоција. Тоа беше државотворна политичка сила во која искрено верував, во која политички растев и се залагав за социјална правда, силни институции и европска Македонија“ - нагласи Минчев.Тој оценува дека денешната СДСМ суштински се разликува од партијата каква што била во минатото, посочувајќи дека во изминатата деценија го изгубила кредибилитетот кај граѓаните поради коруптивни практики, институционален клиентелизам и сериозни отстапки од националниот интерес.„За жал, СДСМ денес е окупирана партија од актуелното раководство, поточно од двоецот Заев – Филипче, кои се водат исклучиво од лични интереси. Сѐ додека ова раководство е на чело на партијата, СДСМ не оди кон обнова, туку кон политичка пропаст“ - вели Минчев, потенцирајќи дека ваквата оценка ја изнесува со политичка одговорност и со жалење, имајќија предвид историската улога што СДСМ ја имала во државата.Осврнувајќи се на можноста за евентуално обединување меѓу СДСМ и Движењето ЗНАМ, Минчев е дециден дека такво сценарио не е можно без вистинско соочување со минатото и преземање јасна одговорност.„Не можете да се обедините со некого кој не се соочил со сопственото минато. Не можете да градите иднина ако старите практики сe уште се бранат, релативизираат или премолчуваат“ - истакна тој.Според Минчев, ова не е прашање на лични односи, суети или политички калкулации, туку исклучиво прашање на принципи.„Ова е прашање на принципи. А принципите или ги имаш, или ги немаш. Тие не се ставаат во заграда кога е тешко, ниту се тргува со нив кога политички одговара“ - порача Минчев.Тој подвлекува дека Движењето ЗНАМ е формирано токму како одговор на одбивањето да се прифати корупцијата како „нормалност“ и клиентелизмот како „реалност“, со јасна цел – враќање на моралот, достоинството и одговорноста во политиката.Движењето ЗНАМ - За Наша Македонија останува отворено за сите граѓани кои веруваат во чесна, директна и принципиелна политика, со јасен став дека без одговорност и суштинска промена нема простор за компромиси со старите практики.

Македонија | пред 2 месеци

Минчев: Нема враќање на старите модели и партиските вработувања

Генералниот секретар на Движењето ЗНАМ за Наша Македонија во гостувањето на Топ Тема порача дека учество во Владата има една цел – да биде коректор на политиките и гаранција дека реформите ќе се спроведуваат во интерес на граѓаните и државата.„Во Владата влеговме со јасни услови. Првиот и клучен услов беше ДУИ да биде надвор од Владата - како главен кочничар на реформските процеси заедно со СДСМ“ - истакна Минчев.ЗНАМ има активна корективна улога во повеќе чувствителни области: вработувањата во јавната администрација, употребата на дигиталната алатка „Балансер“, примената на знамето на етничките заедници и заштитата на државните симболи.Партијата инсистира на строга примена на законите, транспарентни вработувања и целосно почитување на јавниот интерес.„ЗНАМ е коректор на начинот на кој се носат и спроведуваат одлуките во јавната администрација. Нема враќање на старите модели и партиските вработувања“ - нагласи тој.Како дел од Владата, ЗНАМ поддржува силен инфраструктурен и капитален инвестициски циклус, јасна динамика на изградба на автопатишта и реална децентрализација на општините со конкретни проекти за граѓаните.Во однос на националните прашања, Минчев потенцираше дека македонските национални интереси не се предмет на трговија.„Нашиот став за уставните измени и внесувањето на Бугарите стана државен став - без јасни европски гаранции нема уставни промени“ - заклучи МинчевДвижењето ЗНАМ останува доследно на Националната платформа за обединување и нема да дозволи отстапки што ја загрозуваат државата и националниот идентитет.

Македонија | пред 2 месеци

(Фото) „Бранкојавление” или повторно „случајна” средба

Поранешниот премиер, претседател на државата и долгогодишен лидер на СДСМ, Бранко Црвенковски, повторно е фотографиран, овојпат во скопски ресторан во друштво на министерот за јавна администрација, Горан Минчев.Минчев, кој сега е висок функционер во владејачката ЗНАМ, беше генерален секретар на СДСМ во времето кога Црвенковски ја предводеше СДСМ.Заедно со нив е и Зоран Попов, актуелниот амбасадор во САД.Црвенковски со години беше надвор од политиката и не се појавуваше ниту во тешки и кризни моменти за државата, иако редовно ја зема високата претседателска пензија и има и кабинет.Минатата година неофицијално се говореше дека работи во корист на ЗНАМ, каде се негови поранешни блиски луѓе.Последниов месец, среде кампања, беше фотографиран во друштво со актуелни функционери и политичари.Црвенковски прво беше фотографиран во Охрид на маса во ресторан со староновиот градоначалник Кирил Пецаков од ВМРО-ДПМНЕ, за што имаше објаснување дека била случајна средба.Ден по изборите се појави и фотографија од поранешниот лидер на СДСМ со активисти на партијата во Кичево.Познавачи на политичката клима велат:,, Ако Бранко не сака, нема да се појави никаква фотографија”.

Македонија | пред 5 месеци