МВР

Млада девојка и маж загинаа во трагичната несреќа на експресниот пат Штип-Кочани

На 14.02.2024 во 12.26 часот во СВР Штип било пријавено дека на експресниот пат Штип-Кочани, во близина на с.Жиганци, општина Чешиново – Облешево, се случила сообраќајна несреќа помеѓу патничко возило „фолксваген голф“ со кочански регистарски ознаки, управувано од Д.Д.(54) од Кочани, патничко возило „сеат“ со скопски регистарски ознаки, управувано од М.А.(25) од Скопје и патничко возило „цитроен“ со винички регистарски ознаки, управувано од Л.С.(58) од Виница.Од здобиените повреди на местото на несреќата починале сопатничката од возилото „сеат“ Н.П.(24) од Скопје и Г.А.(52) од Кочани, сопатник од возилото „фолксваген голф“. Лекар од Итната медицинска помош констатирал смрт.Со тешки телесни повреди се здобиле Д.Д., Л.С., сопатникот од возилото „фолксваген голф“ Б.А.(51) од Кочани и две сопатнички од возилото „цитроен“ М.С.(63) и Ц.С.(84), двете од Виница, а со телесни повреди се здобиле М.А. и уште една сопатничка од возилото „цитроен“ М.С.(50) од Виница, констатирани во Клиничката болница Штип, Општата болница Кочани и Комплексот клиники „Мајка Тереза“.Извршен бил увид од Јавен обвинител и увидна екипа од Полициската станица Кочани.

Македонија | пред 2 години

(Видео) Лепенките „НМК“ и денеска прават гужви по техничките прегледи

И денеска во дел од станиците за технички прегледи редици и чекање за лепенки со „НМК“. Граѓаните во трка со времето, особено оние кои неделава треба да патуваат надвор од Македонија веќе оваа недела.Прво се пополнува кратко барање, во кое се содржат податоците за автомобилот и барателот. Барањето се дава на лице од шалтерот.Потоа, лице од техничката станица, ги лепи лепенките на таблиците. Со тоа завршува целата процедура.

Македонија | пред 2 години

(Фото) Сообраќајка кај Соборна: три автомобили се судрија, има повредени, распрскани делови по булеварот

Три возила се судрија на раскрсницата кај Соборен храм во центарот на Скопје. Во несреќата има повредени лица, но карактерот на повредите засега не е познат. На терен имало и Брза помош.Според првичните информации, се судриле три автомобили. Делови од автомобилите се распрскани на булеварот. Едниот од нив е со целосно искршен преден дел, додека на друг е активирано и воздушното перниче поради силината на ударот.Полицијата е на терен и ќе се прави увид.Повеќе фотографии:

Скопје | пред 2 години

“Невидена грозотија е тоа што ќе се случи од утре”, регира Тошковски оти од утре не смее да се вози со возачки без “северна”

Од утре сите граѓани кои имаат возачки дозволи без “северна”, ќе можат да бидат казнети оти тие нема да им се валидни. МВР извести дека законите утврдуваат дека во случај на сообраќајка, осигурителните компании ќе се повикаат на тоа дека документите се неважечки и да не исплатат оштета.“Министерството за внатрешни работи ќе постапува согласно закон и затоа апелираме граѓаните да не управуваат возило доколку немаат валидна возачка дозвола со името Република Северна Македонија. Предупредуваме и дека во случај на настаната штета при евентуална сообраќајна несреќа, поради невалидната возачка дозвола, граѓаните кои немаат валидна возачка дозвола ќе мора да ги сносат последиците околу евентуалната штета”, вели МВР.Министерот Панче Тошковски посочи дека предлог-законите за да не страдаат граѓаните се готови и ќе ги поднесе. Се пожали дека бил опструиран од колеги, други министри од Владата.“Невидена грозотија е ова што ќе се случи од утре па натаму”, вели Тошковски за Канал5.

Македонија | пред 2 години

Скопјанец удри во билборд на “Теодосиј Гологанов”, со сопстничаката однесени во болница

Денеска (11.02.2024) во 00.15 часот во СВР Скопје било пријавено дека во Скопје на ул.„Митрополит Теодосиј Гологанов“, патничко моторно возило „опел вектра“ со скопски регистарски ознаки, управувано од А.К.(35) од Скопје, удрило во билборд.Во несреќата со тешки телесни повреди се здобил возачот, додека сопатничката М.К.(27) од Скопје со телесни повреди, констатирани во Грaдската општа болница „Св.Наум Охридски“.Извршен бил увид од увидна екипа на СВР Скопје.

Скопје | пред 2 години

Дете прегазено од “пежо” во Карпош 3

Денеска (11.02.2024) во 00.08 часот во СВР Скопје, било пријавено дека во Скопје на Булевар „8-ми Септември“, патничко моторно возило „пежо“ со скопски регистарски ознаки управувано од Д.Д.(34) од Скопје удрило во малолетен пешак од Скопје.Во несреќата со тешки телесни повреди се здобил пешакот, констатирани во Комплексот клиники „Мајка Тереза“.Извршен бил увид од Јавен обвинител и увидна екипа од СВР Скопје.

Скопје | пред 2 години

Несреќа на Партизанска, се судрија автомобил и автобус во Карпош 4

Сообраќајна несреќа се случи во Карпош 4, во близина на мостот „Обединети нации“ и ТЦ „Антико“. Се судрија автомобил и автобус. Според првичните информации, нема повредени лица. Неофицијално, станува збор за полесна несреќа, кога автомобилот се приклучувал на булеварот „Партизански одреди“ и бочно удрил во автобусот.Видливо е дека има материјална штета кај двете возила, на булеварот се распрскани делови од автомобилот, заедно со целиот преден браник.Полицијата прави увид.

Скопје | пред 2 години

Полицијата во Скопје уапси девет лица, меѓу нив двајца малолетници

Денеска (09.02.2024) во 00.35 часот на подрачјето на Чаир во Скопје полициски службеници од Единицата за интервентна полиција при СВР Скопје ја лишиле од слобода М.Н.(25) од Неготино поради тоа што кај неа била пронајдена и одземена марихуана. По целосно документирање на случајот ќе следува соодветен поднесок.На 08.02.2024 во 22.15 часот на подрачјето на Гази Баба во Скопје полициски службеници од Единицата за интервентна полиција при СВР Скопје го лишиле од слобода М.З.(20) од Скопје поради тоа што кај него била пронајдена и одземена марихуана. По целосно документирање на случајот ќе следува соодветен поднесок.На 08.02.2024 во 19.10 часот во Градскиот парк во Скопје полициски службеници од Единицата за внатрешни работи Центар и Бит Пазар при СВР Скопје лишиле од слобода малолетник од Скопје поради тоа што кај него биле пронајдени и одземени марихуана и ризли. По целосно документирање на случајот ќе следува соодветен поднесок.На 08.02.2024 во 11.45 часот на подрачјето на Кисела Вода во Скопје полициски службеници од Единицата за интервентна полиција при СВР Скопје ги лишиле од слобода М.Ј.(25) и А.Д.(25) двајцата од Скопје поради тоа што кај нив била пронајдена и одземена марихуана. По целосно документирање на случајот ќе следува соодветен поднесок.На 08.02.2024 во 16.30 часот во с.Петровец-скопско полициски службеници од Единицата за интервентна полиција при СВР Скопје ги лишиле од слобода А.Е.(22) и Г.К.(25) двајцата од скопско поради тоа што кај нив била пронајдена и одземена прашкаста материја. По целосно документирање на случајот ќе следува соодветен поднесок.На 08.02.2024 во 17.10 часот на подрачјето на Гази Баба во Скопје полициски службеници од Полициската станица Гази Баба го лишиле од слобода Д.П.(35) од скопско поради тоа што кај него била пронајдена и одземена марихуана. По целосно документирање на случајот ќе следува соодветен поднесок.На 08.02.2024 во 16.50 часот на подрачјето на Гази Баба во Скопје полициски службеници од Полициската станица Гази Баба лишиле од слобода малолетник од скопско поради тоа што кај него била пронајдена и одземена марихуана. По целосно документирање на случајот ќе следува соодветен поднесок.

Скопје | пред 2 години

Малолетничка прегазена во Гостивар, возачот е 18-годишно момче кое е уапсено

Вчера (8 февруари) во 18 часот во СВР Тетово пријавено е дека на улица „101“ во Гостивар патничко моторно возило „фолксфаген поло“ со гостиварски регистарски ознаки управувано од 18-годишниот Н.З. од гостиварски Балиндол удрило во малолетничка од Гостивар.Во несреќата малолетничката се здобила со тешки телесни повреди констатирани во гостиварската Општа болница „Ферид Мурад“, а нешто подоцна Н.З. е лишен од слобода.На местото на несреќата увид извршила екипа од Одделението за внатрешни работи Гостивар.

Македонија | пред 2 години

Прегазен велосипедист, поради тешки повреди со Брза помош однесен во болница

На 08.02.2024 во 12.00 часот било пријавено дека во с.Марино-скопско патничко моторно возило „фолксваген голф“ со скопски регистарски ознаки управувано од И.П.(24) од Скопје удрило во велосипед управуван од В.К.(70) од Скопје.Во несреќата со тешки телесни повреди се здобил велосипедистот, констатирани во Градската општа болница „8-ми Септември“. Извршен бил увид од увидна екипа од СВР Скопје.

Скопје | пред 2 години

Пак Курти во Скопје - МВР најавува дека ќе се затвораат улици

Министерството за внатрешни работи ја информира јавноста дека денеска и утре (09.и 10.02.2024) поради најавената официјална посета на делегација предводена од претседателот на Владата на Република Косово, Албин Курти, Единицата за безбедност на патниот сообраќај при СВР Скопје ќе преземе мерки за посебен режим на сообраќајот по сообраќајниците на поширокото централно подрачје на град Скопје.Апелираме до сите учесници во сообраќајот да ги почитуваат наредбите кои ќе ги даваат униформираните полициски службеници.

Скопје | пред 2 години

(Фото) Сообраќајка, боксови, Брза помош - несреќа во Карпош 4 доведе до тепачка

Сообраќајна несреќа со прегазен малолетен пешак прераснала во физичка пресметка во Карпош 4,  на стотина метри оддалечено од трговскиот „Сити мол“, а во близина на „Антико“. Недоразбирањето по несреќата прераснало во кавга, а потоа и тепачка со боксови.Според неофицијални информации, пешакот е вон животна опасност и во добра состојба. Случајот е пријавен и во полиција, чии службеници интервенирале. Интервенирале екипи на Брзата помош, кои укажувале помош - но непознато е дали за пешакот или тепачите.На случајот се работи. Полицајци земаат изјави од учесниците како во сообраќајката така и во тепачката.

Скопје | пред 2 години

Нема фотографија

Наместо подобра услуга, полицајците добиваат и поскапа храна, но и храна во конзерви, вели ВМРО-ДПМНЕ

МВР ќе плаќа 1/3 поскапа храна од лани, добитник на тендерот е фирма чиј сопственик е близок до Спасовски, вели ВМРО-ДПМНЕ„3.3 милиони евра потрошила МВР лани за набавка на храна, а до 4.5 милиони евра може годинава да бидат потрошени според Рамковната спогодба помеѓу МВР на Спасовски и Индустри сервис.Наместо подобра услуга, полицајците добиваат и поскапа храна, но и храна во конзерви. Наместо вистински гулаш или грав на полицајците, Индустри сервис ќе им сервира гулаш и грав од конзерви.Индустри сервис не е производител на храната која ја понудил, туку прерподавач. Оштетени се полицајците и сите вработени кои јадат во кујните во Центарот за обука во Идризово и Полицискиот центар во Ѓорче Петров.Во самата постапка за јавна набавка се добива впечаток на фаворизирање на Индустри сервис. Понудена е храна која ја нема пазарот, избраната понуда има ј неправилно пополнета техничка спецификација.Се отвора сомнеж дека МВР на Спасовски ја фаворизирало Индустри сервис, а на целиот процес уште поголема дамка фрла фактот што Оливер Спасовски бил на поставувањето камен темелник на фабриката на истата компанија.Дали блискоста на Спасовски си сопственикот на Индустри сервис е причината поради која МВР ќе плаќа 1/3 повеќе за храна од лани? Институциите да не чекаат и да реагираат“, се вели во соопштението.

Македонија | пред 3 години

МВР тендерира една третина поскапа храна од лани, а на полицајците им се сервирааат сува храна и конзерви, вели Чулев

Денес продолжуваме со објавување на детали за двата договори од речиси 13 милиони евра, кои компанијата Индустри сервис ги потпишала со МВР на Спасовски. Договори преку кои од буџетот на Министерството за внатрешни работи се одлеваат милионски суми на евра, а полициски службеници и вработените во МВР ќе добиваат храна која е далеку од стандардите и нивните потреби, вели Наке Чулев од ВМРО-ДПМНЕ„Во период кога се кратат дневниците и прекувремените работни часови на полицајците и МВР штеди буквално на се, Оливер Спасовски распишува два тендери за достава на храна, за два различни објекти на МВР. И двата ги добива Индустри сервис која е отворена за да приготвува оброци, а полицајците во голем дел ќе добиваат конзерви и сува храна, наместо подобра услуга.Со двата тендери од речиси 13 милиони евра, кои се за период од 36 месеци, годишно Индустри сервис во просек може да наплати по речиси 4.5 милиони евра. Тоа е за речиси една третина повеќе од колку што се трошело до сега. Имено лани за цела година, МВР за набавки на храна потрошила само 3.3 милиони евра.Дополнително на Индустри сервис според договорот и се признаваат транспортни трошоци, кои се 15% од литар гориво за секој изминат километар, меѓутоа тука не запираат нелогичностите. Имено, кога ќе се погледне спецификацијата, се воочува дека и двата договори на МВР на Спасовски со Индустри сервис сопственост на Драган Смилковски, близок пријател на Спасовски се полни со конзерви и сува храна. Дури и гулашот и гравот во спецификацијата доставена до МВР од страна на фирмата Индустри сервис се во конзерви.Најголемиот дел од храната е сува, и истата ја произведуваат други производители, и не е готвена храна која би ја приготвила Индустри сервис.Воопштено сето ова значи дека Индустри сервис, само ставиле своја маржа на конзервите и сувата храна, а МВР добива поскапа храна, отколку кога сами би набавувале во одвоени постапки тие конзерви и сува храна.Се поставува прашањето, зошто е распишан оглас за достава на храна, а не поединечни огласи? Ако Индустри сервис имал сметка да купува и препродаде храна која друг ја произвел, тогаш зошто МВР не го сторило тоа?Второ прашање е зошто МВР не ги стави во функција кујните во Центарот за обука во Идризово и Полицискиот центар во Ѓорче Петров, кои имаат најмодерни апарати и се по ХАСАП стандард, туку влегува во милионски договори со фирма блиска до СДС?Која е потребата да се трошат милиони евра за ангажирање на компанија за достава на храна кога полициските службеници и понатаму ќе добиваат во голем дел само замрзната храна и храна во конзерви?Двата тендери кои ги добила Индустри сервис од МВР во вредност од фантастични 13 милиони евра се повредни од фабриката која истите ја имаат. Бонбона бизнис спакуван под параванот на „поквалитетна храна“ која полицајците за жал нема да добијат.Спасовски неопходно е да даде одговор зошто се одлучил на два огромни тендери, кои ги добива фирма на чие отворање самиот бил, а која добива финансиски грант од Владата во износ од 1,6 милиони евра? Еве и доказ дека Оливер Спасовски бил на отворање на фабриката во Гази Баба заедно со целокупното раководство на тогашната влада и СДС.Дали маржата при препродажба морала да заврши кај Индустри сервис?Спасовски и СДС да не бегаат одговори и да дадат јасни образложенија на наводите изнесени од наша страна“, додава тој.

Македонија | пред 3 години

ВИДЕО: Со комби удрена жена која присуствувала на погребот на 11-годишната Магдалена од Велес

Нова сообраќајка се случи денеска во Велес, по трагичниот настан во саботата кога 11 годишно девојче беше прегазено и почина од повредите.Како што пренесува ТВ24, жена која присуствувала на денешниот погреб на малата Магдалена, била удрена од возач на комби, кој исто така побегнал. Сепак, полицијата успеала брзо да го фати.

Македонија | пред 3 години

Ноќеска 13 уапсени на 11 локации - најголем дел во Скопје

На 17.12.2022 во 01.45 часот на бул.„8 Септември“ во Скопје, полициски службеници од Единицата за интервентна полиција при СВР Скопје го лишиле од слобода С.Ј.(25) од с.Крушопек, скопско, затоа што кај него била пронајдена и одземена марихуана. По документирање на случајот, против него ќе биде поднесен соодветен поднесок.На 17.12.2022 во 02.20 часот на крстосница од ул.„Јоска Јорданоски“ со кеј „19 Септември“ во Прилеп, полициски службеници од Полициската станица Прилеп го лишиле од слобода Н.Б.(33) од Прилеп затоа што кај него била пронајдена и одземена марихуана. По документирање на случајот, против него ќе биде поднесен соодветен поднесок.На 17.12.2022 во 00.35 часот на ул.„Јане Сандански“ во Неготино, полициски службеници од Полициската станица Неготино го лишиле од слобода Н.П.(26) од Неготино затоа што кај него била пронајдена и одземена бела прашкаста материја. По документирање на случајот, против него ќе биде поднесен соодветен поднесок.На 16.12.2022 во 21.45 часот на ул.„Јанко Мишиќ“ во Скопје, полициски службеници од Единицата за интервентна полиција при СВР Скопје го лишиле од слобода В.М.(22) од с.Марино, општина Илинден, затоа што кај него била пронајдена и одземена прашкаста материја. По документирање на случајот, против него ќе биде поднесен соодветен поднесок.На 16.12.2022 во 23.40 часот на кеј „13 Ноември“ во Скопје, полициски службеници од Единицата за интервентна полиција при СВР Скопје го лишиле од слобода Б.М.(25) од Скопје затоа што кај него била пронајдена и одземена марихуана. По документирање на случајот, против него ќе биде поднесен соодветен поднесок.На 16.12.2022 во 23.00 часот во Куманово, полициски службеници од СВР Куманово го лишиле од слобода И.С.(19) од с.Лојане, липковско, затоа што кај него била пронајдена и одземена бела грутчеста материја. По документирање на случајот, против него ќе биде поднесен соодветен поднесок.На 16.12.2022 во 22.55 часот на ул.„Атинска“ во Скопје, полициски службеници од Единицата за интервентна полиција при СВР Скопје го лишиле од слобода П.С.(22) од Скопје затоа што кај него била пронајдена и одземена марихуана. По документирање на случајот, против него ќе биде поднесен соодветен поднесок.На 16.12.2022 во 20.30 часот во Скопје, полициски службеници од Единицата за интервентна полиција при СВР Скопје го лишиле од слобода М.Г.(27) од Берово затоа што кај него била пронајдена и одземена марихуана. По документирање на случајот, против него ќе биде поднесен соодветен поднесок.На 16.12.2022 во 17.50 часот на автопатот Скопје – Велес, кај наплатна станица Сопот, полициски службеници од СВР Велес ги лишиле од слобода К.Д.(25), Р.У.(24) и Џ.А.(24), сите од Велес. Тие, додека се приближувале кон наплатната станица, од возилото „фолксваген голф“ со велешки регистарски ознаки, во кое се превезувале, исфрлиле три пакувања со бела прашкаста материја, која подоцна била пронајдена и одземена.По документирање на случајот, против нив ќе биде поднесен соодветен поднесок.На 16.12.2022 во 23.30 часот во Скопје, полициски службеници од Единицата за интервентна полиција при СВР Скопје го лишиле од слобода А.Н.(32) од Скопје затоа што кај него била пронајдена и одземена марихуана. По документирање на случајот, против него ќе биде поднесен соодветен поднесок.На 16.12.2022 во 21.40 часот, полициски службеници од Полициската станица Македонска Каменица го лишиле од слобода М.И.(28) од с.Саса, општина Македонска Каменица, затоа што кај него била пронајдена и одземена марихуана. По документирање на случајот, против него ќе биде поднесен соодветен поднесок.

Македонија | пред 3 години

Осуден за убиство се шетал слободно низ Скопје, заедно со осуден за тешка кражба

На 16.12.2022 во 14.30 часот на ул.„Венјамин Мачуковски“ во Скопје, полициски службеници од Полициската станица Аеродром, со судска наредба, го лишиле од слобода Д.К.(37) од Прилеп. Тој бил осуден на 13 години казна затвор за сторени кривични дела по член 123 став 1 и член 396 од Кривичниот законик, а бил баран по потерница за доиздржување шест години и еден месец од казната. При лишувањето лицето се идентификувало со лична карта на друго лице од Прилеп.Во исто време, на ул.„Петар Ацев“, полициски службеници од Полициската станица Аеродром го лишиле од слобода и Д.К.(37) од Прилеп. Притоа, кај двајцата биле пронајдени и одземени повеќе парчиња накит и други предмети за кои постои сомнение дека потекнуваат од кривични дела „тешка кражба“ и предмети со кои ги извршувале делата. Приведениот Д.К. на ул.„Венјамин Мачуковски“ бил спроведен во Казнено-поправната установа Затвор Идризово за доиздржување на казната. По целосно документирање и расчистување на случајот, против двајцата ќе бидат поднесени соодветни пријави.

Скопје | пред 3 години

Семејна драма се одвивала вчера во Скопје

На 12.12.2022 во 13.30 часот во Полициската станица Бит Пазар, А.Ш.(40) од Скопје пријавила дека на 10.12.2022 во семејната куќа на ул.„Славеј Планина“, Ш.Ш., сопругот на нејзината сестра, агресивно се однесувал кон неа и со огнено оружје ѝ се заканил нејзе и на нејзината малолетна внука.Се преземаат мерки за расчистување на случајот.

Скопје | пред 3 години

Нов грабеж во Карпош

На 10.12.2022 во 21.49 часот во СВР Скопје било пријавено дека во спортска обложувалница на подрачје на Карпош едно лице со закана од вработената одзело пари.Се преземаат мерки за расчистување на случајот.

Скопје | пред 3 години

Хаос се случил откако пешак бил прегазен на Партизанска

На 09.12.2022 во 17.40 часот во СВР Скопје е пријавено дека во Градската општа болница „8 ми Септември“ е донесена повредена Р.В.(72) од Скопје која по извршениот разговор појаснила дека во 14.30 часот како пешак на паркинг на бул. „Партизански одреди“ била удрена од патничко моторно возило, по што лицето што го управувало возилото ја пренело до нејзиниот дом и си заминало, по што околу 17 часот Р.В. почувствувала болки и отишла на лекарски преглед, каде од лекар и се констатирани тешки телесни повреди.Увид на местото на настанот извршила екипа од СВР Скопје.

Актуелно | пред 3 години

Прегазен пешак во Прилеп

На 07.12.2022 во 12.27 часот било пријавено дека во Прилеп, на крстосницата на ул.„Кузман Јосифоски“ со бул.„Гоце Делчев“, патничко возило „цитроен берлинго“ со прилепски регистарски ознаки, управувано од С.Т.(54) од Прилеп, удрило во малолетен пешак од с. Мало Коњаре.Во несреќата малолетничката се здобила со тешки телесни повреди, констатирани во Градската болница во Прилеп.Извршен бил увид од увидна екипа од Полициската станица Прилеп.

Македонија | пред 3 години

Малолетник и тинејџери се уапсени во Скопје, најголем дел во Карпош

На 07.12.2022 во 23.22 часот на паркинг кај спортски центар на подрачјето на Карпош, полициски службеници од СВР Скопје го лишиле од слобода П.К.(20) од Скопје, затоа тоа што кај него била пронајдена и одземена марихуана. По документирање на случајот против него ќе биде поднесена соодветна пријава.На 07.12.2022 во 21.45 часот во близина на спортски центар на подрачјето на Карпош, полициски службеници од СВР Скопје го лишиле од слобода Т.Р.(24) од Скопје, затоа тоа што кај него била пронајдена и одземена марихуана. По документирање на случајот против него ќе биде поднесена соодветна пријава.На 07.12.2022 во 14.30 часот на подрачјето на Аеродром, полициски службеници од Единицата за интервентна полиција при СВР Скопје го лишиле од слобода Ф.Ц.(20) од Скопје, затоа тоа што кај него била пронајдена и одземена марихуана. По документирање на случајот против него ќе биде поднесена соодветна пријава.На 07.12.2022 во 14.20 часот на подрачјето на Карпош, од полициски службеници од Единицата за интервентна полиција при СВР Скопје бил лишен од слобода малолетник од Скопје, затоа тоа што кај него била пронајдена и одземена марихуана. По документирање на случајот против него ќе биде поднесена соодветна пријава.

Скопје | пред 3 години

Евакуирани девет средни училишта и Народна банка, добиле закани за бомби

Денеска (07.12.2022) околу 09.45 часот во СВР Скопје било пријавено дека на електронска адреса на девет средни училишта во Скопје е упатена закана за поставена експлозивна нaправа. Веднаш по добиената пријава, од полициски службеници се преземени мерки за безбедно евакуирање на училиштата и во тек се антитерористички проверки и се преземаат мерки за расчистување на случаите.Исто така, денеска, околу 10.10 часот и од НБРМ било пријавено дека на електронска адреса била упатена закана за поставена експлозивна направа. Веднаш се преземени неопходните мерки за безбедно евакуирање и во тек се антитерористички проверки и се преземаат мерки за расчистување на случајот.

Скопје | пред 3 години

Нема бомби во кавадаречките училишта

Министерството за внатрешни работи ја известува јавноста дека се направени сите потребни проверки во врска со денешните пријави од училишта во Кавадарци дека на електронските адреси на училиштата била испратена закана за поставена експлозивна направа, и утврдено е дека станува збор за лажни пријави.Веднаш по добиените пријави, од полициски службеници се преземени мерки за безбедно евакуирање на училиштата и по извршени проверки утврдено е дека станува збор за лажни пријави.

Македонија | пред 3 години

Вработен во градежна фирма пронајден мртов во објект кој се градел во Скопје

На 03.12.2022 во 09.00 часот во СВР Скопје било пријавено дека во објект во изградба на ул.„Орце Николов“ во Скопје бил пронајден починат В.Љ.(40) од нас.Илинден – Скопје, вработен во градежна фирма од Скопје. Смрт констатирал екипа од Итна медицинска помош, а увид извршила екипа од СВР Скопје и Трудов инспектор. По наредба на Јавен обвинител, на телото на починатиот била извршена обдукција, по што било предадено на семејството за погреб.

Скопје | пред 3 години