МВР

Несреќа во Скопје: „Голф“ удри велосипедист, пренесен во болница

Тешко повреден велосипедист е епилогот од сообраќајната несреќа што се случила на 14 февруари 2026 година околу 21:40 часот на булеварот „Крсте Мисирков“ во Скопје.Како што информира Министерството за внатрешни работи, во несреќата учествувале патничко возило „фолксваген голф“ со скопски регистарски ознаки, управувано од С.Р. (38) од село Глумово, скопско, и велосипед управуван од Р.С. (55) од Скопје.Во судирот со тешки телесни повреди се здобил велосипедистот, кои биле констатирани во Градската општа болница „8 Септември“ во Скопје.Увид на местото на настанот извршила увидна екипа на СВР Скопје, а се преземаат мерки за целосно расчистување на околностите под кои се случила несреќата.

Скопје | пред 1 месец

Полицијата откри продажба на кокаин во угостителски објект во гостиварско

Надворешната канцеларија за криминалистички работи Гостивар поднесе кривична пријава против Ш.Ш. (50) и М.А. (24), двајцата од Гостивар, поради постоење основи на сомнение дека сториле кривично дело „неовластено производство и пуштање во промет на наркотични дроги, психотропни супстанци и прекурзори“.Според информациите од Министерството за внатрешни работи, по преземени оперативни мерки било утврдено дека во периодот од декември 2024 година до 31 јануари 2026 година, првопријавениот, сопственик на угостителски објект во село Чегране, гостиварско, вршел продажба на кокаин.Истрагата покажала дека на 17 јули 2025 година, во населбата Питарница во Гостивар, полициски службеници извршиле преглед на едно лице, при што кај него бил пронајден и одземен кокаин. Според наодите, дрогата претходно ја набавил од второпријавениот, кој бил вработен во угостителскиот објект и вршел непосредна продажба на кокаин на корисници.На 31 јануари 2026 година бил извршен претрес во угостителскиот објект во Чегране, при што биле пронајдени и одземени кокаин и гасен пиштол „Екол“ калибар 9 милиметри.Против двајцата осомничени е поднесена соодветна кривична пријава до надлежното обвинителство.

Македонија | пред 1 месец

Вчера се уапсени десет возачи

Десет возачи вчера биле лишени од слобода на територијата на целата држава поради управување возило без возачка дозвола, со активна забрана за управување или под дејство на алкохол, информира Министерството за внатрешни работи.Според податоците, двајца возачи биле приведени во Тетово, а по еден во Куманово, Битола, Свети Николе, Штип и Кочани, затоа што управувале моторни возила без положен возачки испит и без да поседуваат соодветна дозвола.Во Велес и во Свети Николе биле приведени уште двајца возачи кои управувале возила и покрај тоа што имале изречена мерка забрана за управување моторно возило од Б категорија. Во гевгелиско, пак, бил лишен од слобода еден возач кој управувал под дејство на алкохол.Сите лица се приведени во полициска станица, а по целосно документирање на случаите ќе бидат поднесени соодветни кривични пријави.Од МВР апелираат до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит, доколку имаат изречена забрана за управување или доколку се под дејство на алкохол, со цел зголемување на безбедноста на патиштата.

Македонија | пред 1 месец

Двајца возачи уапсени во Скопје поради прикривање регистарски ознаки

Двајца возачи се лишени од слобода во акциска контрола што ноќеска ја спроведе СВР Скопје на подрачјето на Центар и Бит Пазар, поради основано сомнение за сторени кривични дела поврзани со прикривање регистарски ознаки.Контролата се реализирала во периодот од 19:00 до 03:00 часот, врз основа на претходно изготвен план за зајакнати активности со цел одржување на поволна безбедносна состојба во централното градско подрачје. При тоа биле извршени проверки на идентитет на 24 лица, преглед на 17 лица и контрола на четири возила.За време на акцијата биле констатирани седум сообраќајни прекршоци, а одземени се две возила согласно член 378 и член 380 од Кривичниот законик. Лишени од слобода се С.С. и М.А., кои управувале патнички возила „мерцедес“ со скопски регистарски ознаки. Против нив се постапува поради сомнение за сторени кривични дела по наведените членови од Кривичниот законик. Дополнително, констатиран е и еден прекршок по член 80 од Законот за оружје.Во рамки на засилените активности, полициските службеници спровеле и превентивни обиколки во парк на територијата на Капиштец, во близина на угостителски објект на булеварот „Партизански одреди“, како и кај игралиштето познато како „Дрвен Град“, поради секојдневно собирање малолетни лица.Од МВР информираат дека засилените акциски контроли ќе продолжат и во наредниот период, со цел подобрување на јавната безбедност и санкционирање на прекршувањата.

Скопје | пред 1 месец

За еден ден приведени 15 возачи: без дозвола, под забрана и под дејство на алкохол

Петнаесет возачи биле лишени од слобода во текот на вчерашниот ден на целата територија на државата, поради управување моторни возила без возачка дозвола, со изречена активна забрана или под дејство на алкохол, соопшти Министерството за внатрешни работи.Од приведените, четворица се во Гостивар, двајца во Тетово и по еден во Велес, Кичево и Битола, кои управувале возила без положен возачки испит. Во Битола, малолетник кој претходно со возило удрил во пешак, останал без возилото кое му било одземено. Во Гостивар, пак, одземен е мопед од малолетник кој со него удрил во полициски службеник додека извршувал службени дејствија. Патничките возила им биле одземени и на останатите возачи кои биле фатени без возачка дозвола.Во Гостивар и Кавадарци биле приведени по еден возач кои управувале возило и покрај тоа што имале изречена мерка забрана за управување моторно возило од категоријата Б. И од нив се одземени возилата.Дополнително, по еден возач во Македонска Каменица, во гевгелискиот регион, во Струмица и во Македонски Брод управувале возила под дејство на алкохол. Возачите во гевгелиско и во Македонски Брод претходно предизвикале сообраќајни незгоди со материјална штета.Сите лица се приведени во полициска станица, а по целосно документирање на случаите против нив ќе бидат поднесени соодветни кривични пријави.

Македонија | пред 1 месец

Закани со пиштол и физички напад пред објект во Ѓорче Петров

Триесет и едногодишен жител на село Сарај пријавил дека бил физички нападнат и му било заканувано со пиштол пред сместувачки објект на подрачјето на општина Ѓорче Петров во Скопје.Според информациите од Министерството за внатрешни работи, на 14 февруари во 01:30 часот во СВР Скопје, О.А.(31) пријавил дека претходната вечер, околу 23:20 часот, додека бил со својата девојка, две лица му се доближиле. По краток контакт, едно од лицата физички го нападнало, а потоа му се заканило и со пиштол.Полицијата презема мерки за идентификација на сторителите и за целосно расчистување на случајот.

Скопје | пред 1 месец

Тепачки и напади во Инциденти во Центар, Аеродром, Чаир и Трубарево: серија пријави во еден ден

Во текот на 12 и ноќта на 13 февруари во Скопје биле пријавени повеќе случаи на физички напади, закани и нарушување на јавниот ред и мир, информира Министерството за внатрешни работи.Дваесет и шестгодишниот М.А. од село Трсино, виничко, пријавил дека околу пладне на подрачјето на Центар бил физички нападнат од едно лице. Полицијата презема мерки за расчистување на случајот.Во друг случај, 64-годишната Т.М. од Скопје пријавила дека во објект на подрачјето на општина Аеродром, лицето А.А. агресивно се однесувало кон неа и ѝ упатило закани. И за овој настан се преземаат мерки.Дваесет и петгодишната М.Н.Ц., со престој во село Долно Лисиче, пријавила дека по претходно недоразбирање во сообраќајот на подрачјето на Аеродром била физички нападната од 52-годишната Л.Л. од Скопје. По целосно документирање на случајот ќе следува соодветен поднесок.Во Чаир, пак, на 12 февруари бил нарушен јавниот ред и мир со физичка пресметка меѓу А.С. (35) и 14-годишен малолетник од една страна и М.И. (50) од друга страна. По документирањето, ќе бидат поднесени соодветни поднесоци.Дваесетгодишната М.С. од Скопје пријавила дека во автобус на ЈСП, по претходно недоразбирање, била физички нападната од С.А., лице кое го познавала.Во доцните вечерни часови, 38-годишниот Д.С. пријавил дека во селото Трубарево бил физички нападнат од две лица. Полицијата работи на целосно расчистување на случајот.Надлежните институции најавуваат дека по комплетирање на доказите ќе следуваат соодветни пријави против инволвираните лица.

Скопје | пред 1 месец

Пари дадени „на рака“ за заеднички бизнис, проектот никогаш не реализиран - кавадарчанка измамена за 180.000 денари

Дваесет и осумгодишна жителка на Кавадарци пријавила во Одделението за внатрешни работи Кавадарци дека била измамена за износ од 180.000 денари.Според пријавеното, женско лице од Кавадарци ѝ предложило да започнат сопствен бизнис, по што оштетената лично ѝ ги предала парите „на рака“. Договорената деловна активност, како што навела во пријавата, не била реализирана, ниту пак средствата ѝ биле вратени.Надлежните институции преземаат мерки и активности за целосно расчистување на настанот и утврдување на сите околности поврзани со случајот.

Македонија | пред 1 месец

Со остар предмет се заканувал и кршел прозорец: прилепчанец доби кривична

Секторот за внатрешни работи Битола поднесе кривична пријава против М.Е. (36) од Прилеп поради постоење основи на сомнение дека сторил кривично дело „загрозување со опасно орудие при тепачка или караница“.Според информациите, на 5 јануари 2026 година во Прилеп, пријавениот со остар предмет упатувал закани кон С.С., при што фрлал разни предмети и оштетил прозорец од семејниот дом.По целосно документирање на настанот, против осомничениот е поднесена соодветна кривична пријава.

Македонија | пред 1 месец

Малолетник без возачка прегази пешак во Битола – 42-годишник со тешки повреди

Седумнаесетгодишник од Битола е лишен од слобода откако со патничко возило „даеву тико“ удрил во 42-годишен пешак на улицата „Козјак“ во Битола, при што пешакот се здобил со тешки телесни повреди.Како што информира Министерството за внатрешни работи, настанот бил пријавен на 13 февруари 2026 година во 18:35 часот во Секторот за внатрешни работи Битола. Возилото со битолски регистарски ознаки го управувал 17-годишник од Битола, кој удрил во пешакот Е.К. (42), исто така од Битола.Повредениот бил пренесен во Клиничката болница во Битола, каде му биле констатирани тешки телесни повреди.На местото на несреќата извршен е увид од увидна екипа на СВР Битола, а по дополнителни проверки било утврдено дека малолетникот управувал со возилото пред да се стекне со право на управување со моторно возило. По насоки од јавен обвинител, тој е лишен од слобода, а возилото е одземено.По целосно документирање на случајот, против него ќе биде поднесена соодветна пријава.

Македонија | пред 1 месец

Пари во патна исправа – 31-годишник осомничен за давање поткуп

На 13 февруари 2026 година во 13:50 часот на улицата „Маршал Тито“ во Македонски Брод, полициски службеници од Полициската станица Македонски Брод го лишиле од слобода З.Х. (31) од Република Албанија, поради сомнение за сторено кривично дело „давање поткуп“.Според информациите од Министерството за внатрешни работи, при редовна сообраќајна контрола било запрено товарно возило „ман“ со албански национални ознаки. При проверката на документацијата, во патната исправа што ја дал на увид, осомничениот имал ставено пари.За настанот бил известен јавен обвинител, а лицето било задржано во полициска станица. По целосно документирање на случајот, против него ќе биде поднесена соодветна пријава.

Македонија | пред 1 месец

Акција во Кавадарци и Велес: Приведени три лица

Полициски службеници од ОВР Кавадарци на 13 февруари 2026 година ги лишиле од слобода 44-годишната Е.Д. и 40-годишниот А.К., двајцата од Кавадарци, откако при преглед кај нив, кај Е.Д. била пронајдена и одземена марихуана.Подоцна, по наредба од Основниот суд Кавадарци, бил извршен претрес во домот на А.К., при што биле пронајдени и одземени жолта грутчеста материја, епрувета со жолта материја, дигитална вага, како и црна грутчеста материја.Истиот ден, во 15:50 часот во Велес, полициски службеници од Отсекот за недозволена трговија со дрога и оружје при СВР Велес го лишиле од слобода 32-годишниот Н.Ц. од Велес, откако кај него била пронајдена и одземена бела грутчеста материја.Со судска наредба бил извршен и претрес во неговиот дом, каде што биле пронајдени и одземени бела грутчеста материја, дигитална вага и пари.Лицата се приведени во полициска станица, за настаните е известен јавен обвинител, а по целосно документирање ќе бидат поднесени соодветни пријави.

Македонија | пред 1 месец

Нова тура апсења: Запленети дрога, оружје и 191 куршум

Во полициска акција спроведена на 13 февруари 2026 година во угостителски објект на улицата „Гоце Делчев“ во Гостивар, полициски службеници од ОВР Гостивар лишиле од слобода четири лица, поради сомнение за поседување дрога и нелегално оружје.Приведени се А.Р. (23), З.А. (22) и Н.С. (24), сите од Гостивар. При извршен преглед, кај А.Р. биле пронајдени осум пакувања со бела прашкаста материја, додека кај З.А. било пронајдено едно пакување со бела прашкаста материја.Подоцна, со судска наредба, бил извршен претрес во домот на А.Р., при што биле пронајдени и одземени пиштол „берета“ калибар 22 мм, пушка карабин „застава“ калибар 8,57 мм, една рамка и вкупно 191 куршум од различен калибар, за кои лицето не поседувало соодветна дозвола.По целосно документирање на случајот, против приведените ќе бидат поднесени соодветни кривични пријави.

Македонија | пред 1 месец

Уапсен 25-годишник од Старо Нагоричане, осомничен за убиство на 78-годишна жена

На 13 февруари 2026 година во 19:30 часот, во селото Драгоманце, општина Старо Нагоричане, полициски службеници од Полициското одделение Старо Нагоричане го лишиле од слобода Т.Б. (25) од село Малотино, поради сомнение дека сторил кривично дело убиство по член 123 од Кривичниот законик, соопшти Министерство за внатрешни работи на Република Северна Македонија.Според информациите, осомничениот на 12 февруари 2026 година во домот на М.С. (78) во селото Челопек, физички ја нападнал и ја задушил со перница, при што жената починала на местото на настанот.Тој се сомничи и за сторени повеќе кривични дела „тешка кражба“ во повеќе села на подрачјето на општина Старо Нагоричане.За настанот е известен јавен обвинител, а осомничениот е задржан во полициска станица. По целосно документирање на случајот, против него ќе биде поднесена соодветна кривична пријава.

Македонија | пред 1 месец

Сообраќајка во велешко: „Фолксваген“ излетал од патот, сопатничката тешко повредена

На 12 февруари 2026 година во 18:20 часот, во СВР Велес е пријавено дека на регионален пат, на крстосницата од село Извор кон село Богомила, велешко, патничко возило „фолксваген туран“ со велешки регистарски ознаки, управувано од М.У. (65) од село Горно Јаболчиште, излетало од патот.Во несреќата, сопатничката Л.У. (66) од истото село се здобила со тешки телесни повреди, а возачот М.У. се здобил со телесни повреди, констатирани во Општа болница Велес.На местото на настанот извршен е увид од увидна екипа на СВР Велес, а надлежните служби преземаат мерки за целосно расчистување на несреќата.

Македонија | пред 1 месец

Прилепчанка фатена со три пиштоли и 39 парчиња муниција

ОВР Прилеп поднесе кривична пријава против 51-годишната Д.Г. од Прилеп поради постоење основи на сомнение за сторено кривично дело „недозволено изработување, држење и тргување со оружје или распрскувачки материи“.На 15 април 2025 година, полициски службеници извршиле претрес во викенд куќа во прилепско, која ја користела пријавената. При претресот биле пронајдени и одземени три пиштоли, 39 парчиња муниција и рамка за пиштол.По целосно документирање на случајот, против Д.Г. ќе следува соодветна кривична пријава пред надлежното обвинителство.

Македонија | пред 1 месец

Маж се заканувал на медицински персонал од Итна помош

На 11 февруари 2026 година во 15:50 часот, полициски службеници од СВР Скопје извршија службен разговор со Е.Б. (40) од село Долно Количани, скопско, по претходна пријава дека се заканувал на медицински персонал од Итна медицинска помош.Според информациите од полицијата, инцидентот се случил на 10 февруари на подрачјето на Бит Пазар.По целосно документирање на случајот против Е.Б. ќе следува соодветен поднесок од надлежните органи.

Скопје | пред 1 месец

Жена од Тетово се водела за почината се додека не се појавила со новороденче во Центарот за социјални работи

Тројца вработени во Центарот за социјални работи Тетово пријавиле сомнение за сторено кривично дело „фалсификување исправа“, информираат од СВР Тетово.Според информациите, на 12 февруари 2026 година во 13:40 часот во СВР Тетово било пријавено дека на 21 јануари 2026 година во Центарот пристигнало известување од Управа за водење матични книги, во кое се наведува дека на 8 декември 2025 година во Клиничка болница Тетово е родено женско дете од мајка со иницијали А.С. (27).При постапката за регистрација на новороденчето во службените евиденции на Управата, било утврдено дека мајката се води како почината од 21 октомври 2006 година, што предизвикало сомнение и било пријавено како можен случај на фалсификување службена исправа.По преземени мерки и испратени покани, на 12 февруари 2026 година лицето А.С. се појавило во Центарот за социјални работи заедно со новороденото дете и едно машко лице. Притоа, не бил приложен ниту еден документ за лична идентификација.Надлежните институции преземаат мерки за целосно расчистување и документирање на случајот, по што ќе бидат соопштени дополнителни информации.

Македонија | пред 1 месец

Скопјанка нападната од жена сред трговски центар

На 12 февруари 2026 година во 18:35 часот, Е.Б. (30) од Скопје пријавила во СВР Скопје дека била физички нападната во трговски центар на подрачјето на Центар.Според информациите, нападот следувал по претходно недоразбирање меѓу неа и друго женско лице.Надлежните служби преземаат мерки за целосно расчистување на случајот и утврдување на околностите на инцидентот.

Скопје | пред 1 месец

Пронајдени човечки коски и облека во Горно Количани

На 12 февруари 2026 година, во 16:49 часот, во СВР Скопје е пријавено дека на место викано „Сулејманови ливади“ во село Горно Количани, скопско, се пронајдени коски слични на човечки, а во близина била пронајдена и облека.На местото на настанот извршен е увид од екипа на СВР Скопје, а надлежните органи преземаат мерки за целосно расчистување на случајот и утврдување на идентитетот и околностите на настанот.

Скопје | пред 1 месец

Автомобил удри жена на „Орце Николов“ во Скопје

На 12 февруари 2026 година во 13:00 часот, во СВР Скопје е пријавено дека на улицата „Орце Николов“ во Скопје патничко возило „опел“ со скопски регистарски ознаки, управувано од Д.Ѓ. (46) од Скопје, удрило во 56-годишната Д.Д. од Скопје.Во несреќата жената се здобила со тешки телесни повреди, констатирани во Градската општа болница „Св. Наум Охридски“.На местото на настанот извршен е увид од увидна екипа на СВР Скопје, а се преземаат мерки за целосно расчистување на случајот.

Скопје | пред 1 месец

Татко нападнал дете по инцидент меѓу малолетници

Надворешната канцеларија за криминалистички работи Гостивар поднесе кривична пријава против Л.Џ. (43) од Гостивар поради постоење основи на сомнение за сторено кривично дело „насилство врз дете“.Според пријавата, на 25 декември 2025 година, во двор од основно училиште во гостиварско, по претходно нарушување на јавниот ред и мир меѓу малолетници, во кое учествувал неговиот син, пријавениот физички нападнал малолетник.Надлежните органи преземаат мерки за целосно расчистување на случајот и утврдување на одговорноста на Л.Џ.

Македонија | пред 1 месец

Земал туѓа картичка, влегол во компјутерски систем и присвоил 161.800 денари

ОВР Кочани поднесе кривична пријава против С.З. (40) од Кочани поради постоење основи на сомнение за сторено кривично дело „оштетување и неовластено навлегување во компјутерски систем“.Според пријавата, пријавениот присвоил платежна картичка во сопственост на лице од Кочани, а во периодот од јули до ноември 2025 година, во седум наврати неовластено навлегол во компјутерски систем. Со своите дејствија се стекнал со противправна имотна корист во вкупен износ од 161.800 денари.По целосно документирање на случајот, против С.З. ќе следува соодветна кривична пријава пред надлежното обвинителство.

Македонија | пред 1 месец

Уапсени 10 лица: Возеле пијани, без дозвола и со поголема брзина од дозволената

Во текот на вчерашниот ден, полициски службеници на целата територија на државата лишија од слобода 10 возачи, од кои по еден во Скопје, Куманово, Велес, Кавадарци и битолско затоа што управувале возило без возачка дозвола. Возачот во Куманово претходно со мотоцикл учествувал и во сообраќајна незгода и од него е одземен мотоциклот, а на другите возачи се одземени патничките возила. По еден возач во Скопје, Чашка и прилепско управувале возила иако имале мерка забрана за управување моторно возило од Б категорија. Од нив, исто така, се одземени патничките возила. Еден возач во Кочани управувал возило под дејство на алкохол, а еден возач во радовишко управувал возило со брзина поголема од дозволената. Лицата се приведени во полициска станица, а по целосно документирање на случаите ќе бидат поднесени соодветни кривични пријави.Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

Македонија | пред 1 месец

Драма во Кочани: Полицајка насилно уапсила колешка, ја внела во возило па ја удирала по телото

Одделот за внатрешна контрола, криминалистички истраги и професионални стандарди при МВР поднесе кривична пријава до Основното јавно обвинителство Штип против Ј.Н., вработена во ПО за БПС Кочани при СВР Штип, поради постоење основи на сомнение за сторено кривично дело „противправно лишување од слобода“, предвидено и казниво по член 140 став 1 од Кривичниот законик.Според пријавата, на 13 септември 2025 година, на место викано „Суитлак“ во Штип, Ј.Н. насилно внела во возило „БМВ“ женско лице – колешка, вработена како приправник во МВР при Одделение за полиција СВР Штип. Во возилото, пријавената почнала да ја удира по телото и ѝ го ограничила движењето, не дозволувајќи ѝ да излезе и да си замине, со што ја лишила од слобода.Одделот за внатрешна контрола, криминалистички истраги и професионални стандарди ќе поднесе и предлог за поведување на дисциплинска постапка против Ј.Н., а до завршување на постапката, таа е суспендирана од работното место.

Македонија | пред 1 месец