НАЈЧЕВСКА

Покачување на платите откако ќе се преиспитаат вработувањата и напредувањата во последните 10 години, вели Најчевска

Професорката Мирјана Најчевска утрово со статус околу покачувањето на платите на јавната администрација. Таа посочува дека има неколку аспекти кои треба да се исполнат пред да им се зголемат платите.- Државната администрација треба да добие покачување на платите откако:1. ќе се врати самостојноста на Агенцијата за државни службеници2 . ќе се вработува и напредува по мерит систем, а не по партиска и етничка припадност3. ќе се преиспитаат вработувањата и напредувањата во последните 10 години4. ќе се обезбедат критериуми за објективна оценка на квалитетот на работата на државната администрација - напиша Најчевска на нејзиниот Фејсбук профил.На ваквата објава, таа доби коментар од поранешниот министер за финансии, Џевдет Хајредини „значи, никогаш“.

Коментари | пред 2 години

Најчевска: Амбасадорката дефинитивно ги прекрши сите правила на дипломатско однесување

Амбасадорката дефинитивно ги прекрши сите правила на дипломатско однесување, вели професорката Мирјана Најчевска.„Прво, стана адвокат на приватна фирма што е во конфликт со функцијата која ја има.Второ, ги девалвира институциите во земјата домаќин (Јавен обвинител, суд, Уставен суд, Собрание, комисија за заштита од корупција).Трето се промовира како експерт во домашното законодавство. Што дефинитивно не е.Четврто, пред само две недели даде сосема поинаква изјава (која е во рамките на дипломатските узуси) што сега потполно ја згази.Петто, отворено поддржува конкретна политичка партија во државата.Незапамтен дилетантизам.Изгледа, каква држава домаќин такви амбасадори“, додава Најчевска.

Коментари | пред 2 години

Дај бре луѓе тргнете ги Груби и неговата банда од власта заедно со неговиот потрчко Ковачевски да почнеме да личиме на држава, вели Најчевска

Артан Груби му фрли ракавица на првиот опозиционер Христијан Мицкоски, доколку до следната недела државата не плати пенали за „Бехтел и Енка“, неговите пратеници да ги гласаат законите во Собранието кои се на барање на компанијата што треба да ги гради коридорите 8 и 10д, а меѓу кои е и тој за 60 работни часа неделно за работниците кои ќе работат на автопатите.Груби во фејсбук пост и порача на опозицијата дека блокадата во Собранието не може да ја запрат градбата на автопатите, туку само како што вели да ја поскапат и пролонгираат.Професорката Најчевска на вели дека ова веќе не е ни мафија, туку ниво на маалски мангуп-насилник„Ова веќе не е ни мафија.Ова е на ниво на маалски мангуп-насилник.Дај бре луѓе тргнете ги Артан Груби и неговата банда од власта заедно со неговиот потрчко Ковачевски да почнеме да личиме на држава.Нека оди и нека се клади средсело кај чешмата“, вели Најчевска.

Коментари | пред 2 години

Коментар на денот: Експертите лаат, а мафијата си турка

Контроверзноста околу договорот за изградба на коридорите 8 и 10д со компанијата „Бехтел и Енка“ никако не спласнува, ниту пак коментарите поврзани со тајноста и нејаснотиите кои го следат овој договор.На темата поврзана со договорот вечерва се огласи и професорката Мирјана Најчевска.- Експертите лаат, а мафијата си турка.Мафија од вакви размери не може да опстојува без поддршка од највисокото раководство во државата.Дури и онаа љубителката на пити и винце од американската амбасада разбра дека мора да се огради од очигледното неправо - пишува таа на нејзиниот Фејсбук профил.

Коментари | пред 2 години

Во Уставот не е предвидено службен јазик во меѓународна употреба да биде друг јазик освен македонскиот, вели Најчевска

Професорката Мирјана Најчевска на социјалните мрежи пишува дека според амандманот на Уставот на Македонија, на целата територија во Република Македонија и во нејзините меѓународни односи, службен јазик е македонскиот јазик и неговото кирилско писмо.Како што додава, друг јазик што го зборуваат најмалку 20 отсто од граѓаните, исто така, е службен јазик и неговото писмо, како што е определено во овој член.„Според амандманот на Уставот на Македонија:1. На целата територија во Република Македонија и ВО НЕЈЗИНИТЕ МЕЃУНАРОДНИ ОДНОСИ службен јазик е македонскиот јазик и неговото кирилско писмо.Друг јазик што го зборуваат најмалку 20% од граѓаните, исто така, е службен јазик и неговото писмо, КАКО ШТО Е ОПРЕДЕЛЕНО ВО ОВОЈ ЧЛЕН.ЛИЧНИТЕ ДОКУМЕНТИ на граѓаните кои зборуваат службен јазик различен од македонскиот јазик, се издаваат на македонски јазик и неговото писмо, како и на тој јазик и неговото писмо во согласност со закон.Кој било граѓанин кој живее ВО ЕДИНИЦИТЕ НА ЛОКАЛНАТА САМОУПРАВА во која најмалку 20% од граѓаните зборуваат службен јазик различен од македонскиот јазик, во комуникацијата со подрачните единици на министерствата, може да употреби кој било од службените јазици и неговото писмо. Подрачните единици надлежни за тие единицина локална самоуправа одговараат на македонски јазик и неговото кирилско писмо, како и на службениот јазик и писмо што го употребува граѓанинот. СЕКОЈ ГРАЃАНИН ВО КОМУНИКАЦИЈА СО МИНИСТЕРСТВАТА може да употребува еден од службените јазици и неговото писмо, а министерствата одговараат на македонски јазик и неговото кирилско писмо, како и на службениот јазик и писмото што го употребува граѓанинот.ВО ОРГАНИТЕ НА ДРЖАВНАТА ВЛАСТ во Република Македонија службен јазик различен од македонскиот јазик, може да се користи во согласност со закон.Во единиците на локалната самоуправа јазикот и писмото што го користат најмалку 20% од граѓаните е службен јазик, покрај македонскиот јазик и неговото кирилско писмо. За употребата на јазиците и писмата на кои зборуваат помалку од 20% од граѓаните во единиците на локалната самоуправа, одлучуваат органите на единиците на локалната самоуправа.ЗНАЧИ, ВО УСТАВОТ НЕ Е ПРЕДВИДЕНО СЛУЖБЕН ЈАЗИК ВО МЕЃУНАРОДНА УПОТРЕБА ДА БИДЕ ДРУГ ЈАЗИК ОСВЕН МАКЕДОНСКИОТ.НА МИНИСТЕРОТ ОВА ТРЕБА ДА МУ ГО ОБЈАСНИ ПРАВНАТА СЛУЖБА ВО МИНИСТЕРСТВОТО“, се вели во објавата.

Коментари | пред 2 години

Секој од судиите што учествувал во застарувањето е криминалец на исто рамниште со Мијалков, вели Најчевска

Јавната седница за „Титаник 2“ во скопска апелација се одложи за 13 април, а дотогаш гонењето на Мијалков застарува, по што на социјалните мрежи се огласи професорката Мирјана Најчевска.„Секој од судиите кои учествуваа во застарувањето на овој и сите други случаи на високи функционери е криминалец на исто рамниште со Мијалков.Се додека не се ослободиме од овие судии нема да можеме да мрднеме од дното.И секој висок функционер кој ќе спомне дека работи на владеење на правото и воспоставување на правната држава е криминалец кој шурува со Мијалков.Од прв до последен“, вели Најчевска.

Коментари | пред 2 години

Најчевска: Секој судија чиј предмет ќе застари треба да биде разрешен

Професорката Мирјана Најчевска објави статус на социјалните мрежи во кој вели дека секој судија чиј предмет ќе застари треба да биде разрешен од должност.„За секој застарен предмет е крив судијата кој ја води постапката.Секој судија чиј предмет ќе застари треба да биде разрешен од должност со забрана за вршење било каква професија која има врска со правото и секако со протресување на имотната состојба пред и по застарувањето“, вели Најчевска.

Коментари | пред 3 години

Најчевска: Османи шири лаги со цел поттикнување омраза и нетрпеливост врз етничка основа

Професорката Мирјана Најчевска вели дека министерот за надворешни работи Бујар Османи шири лаги со цел поттикнување омраза и нетрпеливост.„За говорот на омраза и потткнувањето етничка нетрпеливост.Со цел поттикнување омраза и нетрпеливост врз етничка основа Бујар Османи од позиција на министер за надворешни работи шири лаги.Мислам дека за ова не треба да се менува ниту еден закон ниту да се носи нов за да се процесира.За ова треба под итно да се формира анкетна комисија во Собранието и да се стави на дневен ред.За ова премиерот треба да го повика на разговор министерот и да му се заблагодари на досегашната работа“, стои во објавата.

Коментари | пред 3 години

Најчевска: Не сакам американската амбасадорка да ми прави „црни листи“, дајте соберете се и отстранете ги од власт сите кецароши, измамници и криминалци од поголем калибар

Постојат повеќе листи согласно кои различни лица можеби се истражуваат во различни контексти во однос на корупцијата и сите тие лица се истражуваат за да може да се донесат соодветни санкции. Сепак информациите треба да дојдат од Вашингтон, изјави амбасадорката на САД, Анџела Агелер, одговарајќи на новинарско прашање за тоа кои имиња ќе се најдат на „црната листа“.Професорката Мирјана Најчевска вели дека не сака американсакта амбасадорка да прави црни листи, ниту било кој странски амбасадор да ги решава проблемите во државата.„Не сакам бре американската амбасадорка да ми прави црни листи на корумпирани политичари.Не сакам ниту еден странски амбасадор да ги решава проблемите во мојата држава.Сакам луѓе со два грама мозок кој знаат што прават, умеат и го прават она за што се избрани и платени.Дајте бре соберете се малку и отстранете ги од власт сите кецароши, џаболебари, измамници, фолиранти, терористи, насилници, примитивци, џепароши и криминалци од поголем калибар.И да, треба да се отпуштат сите судии и јавни обвинители.И да се распише конкурс.И сите да полагаат и на сите да им се испита минатото, и сите да дадат отчет за она што до сега го правеле и да им се попише имотот до последен манџар и да се спореди со имотот со кој ќе излезат по секоја година од држењето на функциите.И да, да се укинат сите управни и надзорни и секакви идиотски одбори во кои се млати празна слама за мали пари.И да, ни требаат 7 министерства и 30 општини.И да се преполови државната администрација и да се преиспита секое вработување направено во државната и јавната администрација во изминатите 20 години.И да, мора да се преполови дипломатската мрежа и потполно да се професионализира со политички амбасадори само по исклучок за посебни потреби и со посебно знаење.Иа да, има решение за се, ама не со криминалците кои се и оние кои сакаат во моментов да дојдат на власт“, стои во објавата.

Коментари | пред 3 години

Најчевска за „дрим тимот“ на ДУИ: Знаете дека ве прават будали во очи? Нели? Колку треба да си будала за да го проголташ ова и да молчиш?

Професорката Мирјана Најчевска реагираше во врска со објавените фотографии од страна на Артан Груби на која тој заедно со актуелните министри Бујар Османи, Крешник Бектеши, Фатмир Бесими, Јетон Шаќири, како и нивниот доскорешен колега Насер Нуредини игра фудбал во канцеларија.„Знаете дека ве прават будали во очи?Нели?Мислам не е можно да не гледате.По 11 години во власт со ВМРО-ДПМНЕ која ја прогласивме за партија која практикуваше авторитаризам до ниво на фашизам, тие излегоа чисти како солза.Го освоија правосудството кое е прогласено за најкорумпирано во регионот и пошироко, ни ја диктираат надворешната политика која ја претвори државата во земја за спрдачина, го прекршуваат секој закон, измислуваат закони за да го направат нелегалното легално, криминалот го претворија во стопанска гранка, непотизмот го прогласија за легитимен во кариерното напредување, поткупот и рекетот ги промовираа во највисоки вредности, успеваат да претворат во кал се што ќе допрат, и се промовираат како европски ориентирана зелена партија која е столб на напредокот на Македонија.Колку треба да си будала за да го проголташ ова и да молчиш,Па не молчевме пред Груевски.Зошто молчиме пред Али Ахмети?Затоа што ако го спомнеме, некој како мојот поранешен пријател Џабир Дерала ќе не нарече националисти?Или…?“, стои во објавата.

Коментари | пред 3 години

Најчевска за железничката несреќа во Грцијa: Ова е резултатот на она „да му дадеме шанса“

Најмалку 57 лица, повеќето млади, загинаа во страшниот судар на два воза ноќта меѓу вторникот и средата во близина на Лариса, Грција.Професорката Мирјана Најчевска вели дека ова е резултат на она „да му дадеме шанса“„Ова е резултатот на она: да му дадеме шанса.Нашата држава целата е една голема железничка несреќа со огромен број препознаени и непрепознаени жртви од тоа што дозволуваме политичарите да даваат шанса на неписмена багра“, стои во објавата.

Коментари | пред 3 години

Најчевска до Меџити: Ти сакаш да замениш цела граѓанска држава за феуд од неколку општини, до таму ти е акалот?

Неформалниот лидер на „огнената група“ и потпретседател на ДУИ, Изет Меџити брзо реагираше на повикот на Аптернатива за обединување околу идејата за создавање на заедница на албански општини во Македонија, по примерот на Заедницата на српски општини во Косово. Меџити вели дека тоа е во духот на децентрализација на локалната самоуправа. Но, како што вели, ако можат Србите да добијат заедница со 4 процентна застапеност на Косово, зошто не би можеле Албанците во Македонија со застапеност од, според него, 30 проценти.Во врска со ова се огласи професорката Мирјана Најчевска која вели дека наместо од се ослободиме од етничките поделби, се повеќе заглавуваме во нив.„Наместо да се ослободуваме од етно делењето ние се повеќе заглавуваме во него.Ако Огнените требаа да го претставуваат напредниот дел од ДУИ тогаш нешто многу помешале што е напред а што назад.Очигледно етничките Албанци во Македонија единствено нешто што можат да понудат на политичката сцена е етно-национализам.Немаат ни знаење, ни интелектуален капацитет ни политичка визија за ништо друго.До таму стигнале. Некаде на почетокот на 18 век.Меџити, ти сакаш да замениш цела граѓанска држава за феуд од неколку општини?До таму ти е акалот?Навистина се помалку мислам дека Македонија има шанси да стане демократска држава.На една страна ВМРО кецарошко и СДСМ корумпирана.На друга страна албанските партии од кои едни се чиста мафија а другите немаат појма што е граѓанско општетсво.А во средина граѓаните кои само гледаат да побегнат од вукојебината.Не сотревте“, вели Најчевска.

Коментари | пред 3 години

Најчевска: Во моментов не смее ниту еден етнички Албанец од Македонија да преговара за било кој аспект кој е поврзан со идентитетските прашања на Македонците

Лидерот на Алијанса за Албанците, Арбен Таравари денеска се сретнал со амбасадорот на Бугарија во земјава Ангел Ангелов, на која, како што соопшти, истакнал дека како и францускиот предлог, АА ќе ги поддржи и уставните измени за продолжување на преговорите за членство во Европската Унија (ЕУ).Професорката Мирјана Најчевска ја сподели оваа вест и вели дека во моментов не смее ниту еден етнички Албанец од Македонија да преговара за било кој аспект кој е поврзан со идентитетските прашања на Македонците.„Османи на средба со Бугарите, Џафери на средба со Бугарите, Артан Груби во комисија за културни прашања меѓу Македонците и Бугарите, Таравари на средба со бугарскиот амбасадор за односите меѓу Македонците и Бугарите. И сите од петни жили се трудат да го заштитат македонскиот идентитет.Малку е крипи не ви се чини.Некако не се чувствувам удобно.Извинете ама мислам дека во моментов не смее ниту еден етнички Албанец од Македонија да преговара за било кој аспект кој е поврзан со идентитетските прашања на Македонците.Кога веќе го воведовме Бадентер како клучен метод на работа во Македонија, тој мора да се примени и за ова прашање“, вели Најчевска.

Коментари | пред 3 години

Најчевска бара Бектеши да биде разрешен: Што си замислуваат високите функционери, новинарите служат да им прават реклама?

Професорката по право, Мирјана Најчевска, смета дека министерот за економија Крешник Бектеши треба да биде веднаш разрешен. Според неа, неговиот однос кон новинарите е кршење на Конвенцијата за правата на човекот. Најчевска, јавно постави пет прашања поврзани со тоа, како функционерите гледаат на новинарите.„Ова не е просто вербален напад на новинар/и, ова е флагрантно кршење на Конвенцијата за правата на човекот (право на информирање). Овој министер треба веднаш да биде разрешен од функцијата. Како што гледате, еднаш неказнето прекршување направено од високи функционери во власта и челници на партии води кон нови и нови прекршувања. И многу ме интересира што си замислуваат високите функционери во нивните глави? Зошто служат новинарите? Да ги слушаат и да паѓаат во несвест од нивната мудрост? Да ги пренесуваат нивните бесценети пораки до граѓаните? Да им прават реклама? Навистина ме интересира. Јас ете не можам да влезам во токот на мислите кој би довел до една ваква изјава“, пишува Најчевска.Реакцијата на професорката доаѓа откако министерот за економија, Крешник Бектеши, одново се скара со новинарите во прес-центарот на Владата.

Коментари | пред 3 години

Најчевска: Како смее во ситуација на очигледен конфликт, известувач за Македонија да биде државјанин на Бугарија?

Како смее во ситуација на очигледен конфликт меѓу Македонија и Бугарија, известувач за Македонија да биде државјанин на Бугарија, прашува професорката Мирјана Најчевска.„Некој ептен се подигрува со нашата држава.И не, Бугарите не се и никогаш не биле дел од државнотворноста на Македонија.Напротив.На секој начин се обидувале да ја попречат, а денес се обидуваат да ја уништат.И не знам со кој памет македонските власти не се побуниле против поставувањето на Бугарин како известител за напредокот на Македонија во ЕУ пристапниот процес“, додава таа.

Коментари | пред 3 години

Со поставување на Албанци на клучни позиции без интелектуален и морален капацитет, не се изборивме со дискриминацијата, вели Најчевска

Професорката Мирјана Најчевска вели дека со тоа што на клучни и одговорни позиции во власта и администрацијата се поставени етнички Албанци не сме се изборивме со дискриминацијата туку е создаден систем кој не е во полза на граѓаните.„Со тоа што на клучни и одговорни позиции во власта и во администрацијата беа поставени етнички Албанци кои не ги исполнуваат условите за професионалност и немаат соодветен интелектуален и морален капацитет, не се изборивме со дискриминацијата, туку создадовме систем кој никако не може да биде во полза на граѓаните од ниту една етничка заедница во Македонија.Со дискриминацијата се бориме на тој начин што кога за одредена позиција ќе се пријават луѓе од различна етничка припадност со приближно исти квалификации, се избира кандидатот од помалку зстапената етничка заедница. Не се бориме со дискриминацијата кога меѓу кандидат кој има видливо подобри квалификации и кандидат со видливо послаби квалификации го избираме вториот заради неговата етничка припадност.Без отстранување од власта и администрацијата на овие кадри, дискриминацијата добива плодна почва и во одреден момент ќе ни се врати монструозно зголемена и засилена“, вели Најчевска.

Коментари | пред 3 години

„Џафери го прекрши Уставот и и плукна во лице на демократијата, дојдовме до дереџе Апасиев да ни држи лекции“, вели Најчевска

Откако спикерот Талат Џафери одлучи дека нема да има референдум, на социјалните мрежи се огласи професорката Мирјана Најчевска која вели дека тој го прекршил Уставот и и плукнал во лице на демократијата.„Со ова Џафери го прекрши Уставот, покажа недозволливо незнаење на правото и и плукна во лице на демократијата.Ова е веќе такво ниво на партиско самоволие кое задира во темелите на уставниот поредок и не смее да се толерира.Колку што се сеќавам уште не е променет членот 2 од Уставот според кој власта во државата им припаѓа на граѓаните кои меѓу другото можат да ја остваруваат и преку референдум.Добро бре дојдовме до тоа дереџе Апасиев да ви држи лекции и да има право (добро не во се ама во голем дел)?Значи како што некој договор станал дел од внатрешното право може и да престане да биде дел од внатрешното право а граѓаните го имаат последниот збор.И да нема забуни: јас сум за европските вредности и развој на државата врз основа на овие вредности.Влезот во ЕУ треба да биде формалност за држава која ги практикува.Не прифаќање на европските вредности за да влеземе во ЕУ туку влез во ЕУ затоа што ги прифаќаме овие вредности“, се вели во објавата.

Коментари | пред 3 години

„Имавме неверојатно добра стартна позиција на внатрешен и на надворешен план, ама ја прокоцкавме“, вели Најчевска

По повод независноста на Република Македонија, професорката Мирјана Најчевска објави статус на социјалните мрежи во кој вели дека државата имала неверојатно добра стартна позиција пред 31 година на надворешен и внатрешен план.„Пред 31 години ја донесовме единствената можна одлука во тој момент и таа ситуација.И имавме неверојатно добра стартна позиција. И на внатрешен и на надворешен план.Ја прокоцкавме.За најголем број од работите сами сме виновни.Штета.А толку си го сакам земјичето“, објави Најчевска.

Коментари | пред 3 години

Најчевска до Ковачевски: Прашање е дали во Уставот да се внесе некој кој не ти го признава јазикот и не признава дека бил окупатор

Зборувајќи за евроинтеграциите на Северна Македонија и условот Бугарите да влезат во Уставот, премиерот Димитар Ковачевски во интервју за Радио-телевизија Србија (РТС) вели дека е добро да влезат и други народи бидејќи нашата држава е Европа во мало. Во ЕУ, потенцира тој, има земји кои во своите устави имаат и по 25 делови од народи.На оваа изјава реагираше професорката Мирјана Најчевска. Таа прашува која држава има устав со 25 народи.„Прво, не се внесуваат во Уставот туку во Преамбулата на Уставот.Второ, не се внесуваат затоа што некој те уценува туку затоа што има заемно препознавање и прифаќање.Трето, се бара реципроцитет (фактички не формален).И која држава има устав со 25 народи?И во крајна линија навистина не е прашање дали да се внесе одредена етничка заедница во преамбулата или не.Прашање е дали да се внесе некој кој не ти го признава јазикот, историјата посебноста и не признава дека во одреден историски период бил окупатор.Мислам некако мазохистички ми делува“, вели Најчевска.

Коментари | пред 3 години

Најчевска бара да бидат отстранети сите кадри на ДУИ од институциите

По објавените информации дека околу 50 милиони евра е вредноста на украдената струја само од Скопскиот регион, а во Општина Арачиново за една година се краде струја во вредност од 6 милиони евра, се огласи професорката Мирјана Најчевска„Арачиново е слика на ДУИ и во што би се претворила државата да е само ДУИ на власт.На добар пат сме да го достигнеме тоа.Прв чекор е да биде отстранета ДУИ од власт.Втор чекор е да бидат отстранети сите кадри на ДУИ од институциите.Трет чекор е граѓанска држава“, вели Најчевска.

Коментари | пред 3 години

„Рамковниот договор го зацементира неправото како модус на работа на државата“, вели Најчевска

Годинава се одбележуваат 21 година од Охридскиот рамковен договор. По тој повод се огласи професорката Мирјана Најчевска која вели дека тој е внатрешно контрадикторен, недоделкан и наменски ориентиран. Таа додава дека тој не е и не може да биде дел од правниот систем затоа што е донесен и склучен надвор од правниот систем и во себе содржи низа решенија кои немаат врска со правото.„Во Македонија имаше дискриминација врз основа на етничка припадност. Долготрајна, неприкриена, со погубни последици. Етничките Албанци имаа пониско образование, полоша здравствена заштита, помалку услуги од страна на администрацијата, помала судска заштита и беа надвор од клучните процеси на одлучување.Промената беше неопходна. Меѓутоа немаше ниту политичка свест ниту пак демократска зрелост за да може да се направи таа промена.Вооружениот конфликт од 2001 година не беше потребен. Можеа проблемите да се решат и на друг начин. Меѓутоа беше неизбежен заради нискиот интелектуален капацитет на раководните структури и демократскиот дефицит во државните институции.Охридскиот рамковен договор е мировен договор кој стави крај на вооружениот конфликт.Како и секој мировен договор тој е внатрешно контрадикторен, недоделкан и наменски ориентиран. Во секој случај не е и не може да биде дел од правниот систем затоа што е донесен и склучен надвор од правниот систем и во себе содржи низа решенија кои немаат врска со правото.Охридскиот рамковен договор требаше да создаде елементарни услови за промена која понатаму правно ќе се обликува и ќе обезбеди соодветен институционален и нормативен развој.Во моментот кога беа направени уставните промени овој договор требаше да стане дел од историјата.Се случи токму спротивното! Тој беше мумифициран и претворен во свет објект на клањање и ритуално почитување. Документот кој немаше правна основа стана највисок извор на правото. Поради религиозниот карактер кој му беше даден можеше да биде и е толкуван од посветените свештеници на начин кој ќе им обезбеди непречено заобиколување на правото и беспоговорно владеење.Со ова, наместо да се пристапи кон развој на демократијата и владеењето на правото кои треба да обезбедат заштита од дискриминација и практикување на правата на припадниците на различни етнички заедници, се изгради систем базиран на етничка припадност во кој колективитетите ги заменуваат индивидуите.Светоста која му се припиша ги отфрли како ерес сите алтернативни решенија, сите меѓународни алатки изградени со цел обезбедување на еднаквоста во едно граѓанско општество и го зацементира неправото како модус на работа на државата.Резултатот беше/е, замена на правото, принципите, правилата и критериумите со партиски пазар.Наместо подобро образование, здравство, услуги, учество во одлучувањето за припадниците на помалите етнички заедници, партиите од доминантната етничка заедница го прифатија отсуството на правото како правило и со воодушевување влегоа во политичкиот пазар кој доведе до симнување на нивото на образованието, здравството, услугите, учеството во процесите за одлучување на сите.На тој начин беше постигната еднаквост, меѓутоа како еднаквост во незнаење, сиромаштија, еднаквост во изложеност на криминал и еднаквост во отсуство на вистинска правна заштита.Крајно време е Охридскиот рамковен договор да биде ставен на полица, да бидат отстранети сите институции поврзани со негово спроведување, и да се воспостави систем на правила, процедури и критериуми кои ќе го издигнат функционирањето на државата на повисоко ниво во полза на сите граѓани независно од нивната етничка припадност“, вели професорката Најчевска.

Коментари | пред 3 години

„Мишел не ја дава гаранцијата на ЕУ, нам ни вели, жими мајка“, вели Најчевска

Професорката Мирјана Најчевска се огласи на социјалните мрежи, каде вели дека треба политичка казна за оние кои учествувале во изработката и кои го потпишале квазидоговорот со БугаријаОбјавата ви ја пренесуваме во целостПоследна линија на елементарно достоинство треба да биде:-прифаќање на рамката со отфрлање на членот за јазикот и со отфрлање на спомнувањето конкретни билатерални договори- политичка казна за оние кои учествувале во изработката и кои го потпишале квазидоговорот со БугаријаМишел не ја дава гаранцијата на ЕУ.Гаранцијата се дава писмено во рамка, а тоа го нема за Македонија а го има за Бугарија.Мишел нам ни вели, жими мајка.И да не заборавам, ВМРО-ДПМНЕ не е партија која има било каков капацитет да ја внесе Македонија во ЕУ. СДСМ со овој и ваков состав нема интелектуален капацитет да не внесе во ЕУ. А ДУИ има капацитет да не внесе во криминалното подземје на ЕУ во секој момент.

Македонија | пред 3 години

За Љубе бев непријател бр 1, Груевски не ме сакаше за член на антидискриминаторска, кога имаш принципи вратите ти се затворени, вели Најчевска

Професорката Мирјана Најчевска на социјалните мрежи објави статус во кој вели дека кога имаш принципи сите врати ти се ширум затворени.„Бранко не ме сакаше за Народен правобранител.Љубе ме нарече непријател бр 1.Бучко не ме сакаше за член на Изборна.Груевски не ме сакаше за член на антидискриминаторска.Заев не ме сакаше за член на Комисија за реформа на судството.Кога имаш принципи сите врати ти се ширум затворени.Велат сум се менувала со промената на власта.Не се менувам јас и не ги менувам јас вредностите и принципите.Се менуваат тие кои се на власт.И штом ќе дојдат на власт не им се допаѓаат моите принципи и вредностите кои ги застапувам“, вели Најчевска.

Коментари | пред 3 години

Бугарија сака да го прикаже силувањето на Македонија како сексуален однос во кој имало согласност, а молчењето го потврдува ова, вели Најчевска

Oткако шефот на македонската дипломатија, Бујар Османи кажа дека нема да го коментира францускиот предлог засега, и ќе чека да се изјаснат земјите членки на Европската Унија(ЕУ), неговата постапка ја искритикува професорката Мирјана Најчевска.„Кога се расправа за случај на силување прво прашање кое се поставува е дали жртвата јасно и недвосмислена кажала дека не го сака и не го прифаќа сексуалниот однос (се разбира освен ако не е дрогирана, нокаутирана или на некој друг начин онеспособена да каже НЕ).Во моментот кога Бугарија сака да го прикаже силувањето на Македонија како сексуален однос во кој имало и има согласност, секое молчење го потврдува ова.Не може отпосле да викаме дека сме силувани доколку во секој момент и на секој обид за пенетрација не се спротивставуваме, не викаме и не ставаме јасно до знаење дека не сакаме да имаме сексуален однос и дека сме силувани.Нема отпосле.Има во секој момент.Не може другите да не бранат а ние да молчиме“, вели Најчевска.

Коментари | пред 3 години

Државата мора да најде решенија за кризата кои нема да значат нова нееднаквост или продлабочување на постоечката, вели Најчевска

Енергетската криза не засега сите. Таа нема да исчезне утре или задутре и секој станува одговорен за тоа како ќе се справуваме денес и утре со неа, велки професорката Мирјана Најчевска.„Тоа не ја амнестира државата од одговорност.Напротив. Таа мора да најде најсоодветни решенија кои нема да го загрозат развојот и кои нема да значат нова нееднаквост или продлабочување на постоечката.За да се постигне ова, секоја промена во обврските поврзани со потрошувачката на енергија треба да биде транспарентна, комплексна, недискриминирачка и да води грижа за сите оние кои се наоѓаат во полоша социјална положба.Во конкретната понуда на Регулаторната комисија според која распонот на плаќање за потрошена електрична енергија се движи: 210-420-630 и над 630 ова значи:1. Јасно презентирање на критериумите врз основа на која е добиена најниската количина на потрошена енергија.2. Елементи со кои ќе се адресираат разликите како: големина на семејство, место на живеење (со можност за парно или друг извор за затоплување), куќа или стан во станбен објект, ...3. Можност за пресметување на конкретна потрошувачка4. Објаснување на предложениот распон меѓу тарифите.Ваквиот пристап бара градење на посложена формула која барем рамковно ќе ги вклопи во себе разликите.Се друго мириса на измама“, се вели во објавата

Коментари | пред 3 години