НЕСРЕЌА

Момчето кое загина со мопед во Охрид било млад фудбалер, клубот се збогуваше: Почивај во мир ангелу

Oд редовите на Охрид потврдија дека момчето кое загинало утрово со мопед откако се удрил во столб е млад фудбалер на нивниот клуб.Станувало збор за Анастас Каровски кој имаше само 16 години. Несреќата се случила на регионалниот пат Охрид – Свети Наум, помеѓу населбата Рача и стариот влез за хотелот Парк, а случајот во полиција бил пријавен околу 1.40 по полноќ.Каровски се здобил со тешки телесни повреди, а им подлегнал на повредите откако бил однесен во болницата „Св.Еразмо“ во Охирд.Неговиот другар кој бил со него на мопедот се здобил со тешки телесни повреди.

Македонија | пред 8 месеци

Лекар и медицинска сестра загинаа во авионска несреќа, авионот полетал од Пула

Четири лица загинаа во падот и експлозијата на мал авион што се урна веднаш по полетувањето од лондонскиот аеродром. Авионот бил на пат кон Холандија, откако претходно пристигнал од Пула.Меѓу загинатите во несреќата биле германскиот лекар од итната помош д-р Матијас Ејл (46), кој со години работел за германскиот Црвен крст, двајца холандски пилоти и 31-годишната медицинска сестра со германски пасош од Чиле, Марија Фернанда Рохас.Тоа и бил прв работен ден.Братот на починатиот доктор, Маркус, за „Билд“ изјавил колку било важно спасувањето животи за неговиот брат.„Беше најдобар. Спасуваше животи секој ден, само минатата недела спаси тројца од нив“, рече шокираниот Маркус Ејл. Истрагата за несреќата е во тек.Авион „Бичкрафт Б200 Супер Кинг Ер“ управуван од холандската компанија „Зиуш Авиејшн“, специјализирана за медицински евакуации итранспорт на пациенти и органи, слета во Пула од Атина, Грција, во неделата, а потоа продолжи кон Саутенд.Кратко по полетувањето, авионот се навали на едната страна, се урна и експлодираше.Британскиот одбор за истрага на воздушни несреќи (AAIB) воспостави зона на забрана на аеродромот и започна со извлекување на остатоците. Портпаролката на аеродромот изјави дека е прерано да се шпекулира за причината за несреќата.

Свет | пред 8 месеци

Трагедија на автопатот кај Суботица: Македонски државјанин загина, друг тешко повреден

Рано утрово, на автопатот Нови Сад–Суботица, во насока кон граничниот премин Хоргош со Унгарија, животот го загуби 39-годишен македонски државјанин, а уште едно лице е тешко повредено во тешка сообраќајна несреќа.Несреќата се случила околу 5:15 часот, кога патничко возило од марката „Киа“, по сè уште неутврдени причини, излетало од коловозот во близина на населбата Вишњевац — помеѓу клучката Жедничка и наплатната станица во Суботица — и се превртело.Во несреќата на самото место починал сопатникот Н. А. (39), додека возачот А. А. (60) се здобил со тешки повреди и е хоспитализиран во болницата во Суботица.На местото на трагедијата увид извршија екипи на сообраќајната полиција и јавен обвинител од Основното јавно обвинителство во Суботица.Српската полиција информира дека против возачот ќе биде поднесена кривична пријава за тешко дело против безбедноста на јавниот сообраќај.

Македонија | пред 8 месеци

„Дедото што ги учеше децата на внимателност, сам стана жртва на безредие“ - зетот на загинатиот скопјанец прикажа дека и натаму има возила на пешачката патека

Бојан Бошковски, зет на загинатиот Југослав Николовски, објави детали за несреќата што се случила на пешачката патека спроти Паркот на Франкофонијата, истакнувајќи дека станува збор за зона со засилен пешачки сообраќај каде во моментот имало над 30 деца.-Во погрешно време, на погрешно место, во држава во која безредието стана секојдневие… Југослав Николовски, дедо на Теа, Алек и Оги, излезе пред својата зграда на пешачката патека спроти Паркот на Франкофонијата и таму, под прозорецот од својот стан, беше убиен од мотор кој дојде од зад грб. Во тој момент, на оваа т.н. „најпешачка“ зона во Скопје, имаше повеќе од 30 деца.Југо беше човекот кој се грижеше за целото маало, кој ги учеше децата да бидат внимателни, да гледаат лево и десно кога излегуваат на патеката кон паркот. Синоќа, токму тој стана жртва на хаосот и небезбедноста што владеат во нашето општество. Овој настан уште еднаш потврдува дека никој не е заштитен, дури ни на места кои треба да бидат најбезбедни – пешачките патеки во парковите.Ова се фотографии од „пешачката“ патека, направени во текот на само еден час, кои јасно го покажуваат вистинскиот проблем со кој се соочуваме секојдневно... Министерство за внатрешни работи / Мinistria e Punëve të Brendshme

Скопје | пред 8 месеци

Нови детали за хеликоптерската несреќа во Њујорк, се бара забрана за туристички летови

Си-Ен-Ен ги објави новите околности околу падот на туристичкиот хеликоптер кој во четвртокот се урна во реката Хадсон во близина на Менхетен, при што загинаа шест лица, три деца, нивните родители и пилотот.Станува збор за шпанско семејство вработено во Сименс кое било на одмор во Њујорк, а летот бил дел од роденденско изненадување.Хеликоптерот полета од центарот на Менхетен, ја обиколи Статуата на слободата и се упати по реката Хадсон. Само 16 минути по полетувањето, се урнал во близина на брегот на Њу Џерси.Сведоците опишаа како авионот наеднаш изгубил контрола, се свртел и паднал во водата наопаку. Според снимката, видливо е и како роторот се одвоил од телото на хеликоптерот неколку секунди пред падот.Починаа Агустин Ескобар (49), директор во Siemens Mobility, неговата сопруга Мерсе Кампруби Монтал, менаџер во Siemens Energy и нивните три деца - момчиња на возраст од 4 и 11 години и ќерка која требаше да наполни девет години следниот ден. Пилотот, 36-годишниот Синекес Џонсон, бил поранешен припадник на специјалните сили на САД и искусен авијатичар.Градоначалникот на Њујорк, Ерик Адамс, положи цвеќе на местото на несреќата и рече дека градот е во жалост: „Нивната болка е наша“.Националниот одбор за безбедност на транспортот (NTSB) потврди дека хеликоптерот немал рекордери за летот или видео опрема, што ја комплицира истрагата. Авионот Bell 206L-4 е произведен во 2004 година, а во последните две години FAA издаде неколку предупредувања за можни технички проблеми поврзани со роторот и погонот, но не е јасно дали тие се поврзани со оваа несреќа.Компанијата која управуваше со хеликоптерот веќе имаше две несреќи во минатото – во 2010 година во Чиле и во 2013 година во Њујорк, кога хеликоптерот принудно слета на река.Поради оваа трагедија, повторно се отворени прашањата за безбедноста на туристичките летови над Њујорк. Некои политичари бараат забрана за тие летови, како и привремена итна забрана за летови од хелиодромите во градот додека трае истрагата, додека претставниците на индустријата повикуваат на претпазливост и отфрлање на сеопфатните забрани.Истрагата е во тек, а НТСБ бара дополнителна снимка и сведочење на граѓаните. Од реката се уште се извлекуваат делови од хеликоптерот, а причината за несреќата се уште не е позната.

Свет | пред 11 месец

(Видео) Директорот на Сименс, неговата сопруга и трите деца загинаа во хеликоптерска несреќа

Една попладневна екскурзија за семејство шпански туристи преку замаглениот брег на Менхетен се претвори во трагедија кога хеликоптерот во кој се наоѓаа се урна во река кај брегот на Њу Џерси, при што загина целото семејство и пилотот.Градоначалникот на Њујорк Ерик Адамс рече дека семејството е од Шпанија. Агустин Ескобар, неговата сопруга Мерс Кампруби Монтал и нивните деца, на возраст од 4, 5 и 11 години, се идентификувани како жртви на несреќата, заедно со 36-годишниот пилот, потврдија полициски извори за ABC News. Агустин Ескобар беше извршен директор (извршен директор) на шпанската поделба на Сименс.Според полицискиот комесар на Њујорк, Џесика Тиш, службите за итна помош примиле повик во 15:17 часот. - пријавена е хеликоптерска несреќа во реката Хадсон во близина на паркот Пјер А во Хобокен, покрај брегот на Њу Џерси. По пристигнувањето полицијата од водата извадила четири лица, а пожарникарите уште две.Четири лица беа прогласени за мртви на местото на настанот, а две се пренесени во болница, рече Тиш. Градоначалникот на Џерси Сити, Стивен Фулоп изјави дека две деца биле пренесени во болница, но лекарите не успеале да ги спасат и тие исто така загиналеСпоред FlightRadar24, станува збор за хеликоптер Bell 206L-4 LongRanger IV, изграден во 2004 година, со сертификат за пловидбеност од 2016 година кој важи до 2029 година, според податоците на FAA. Информациите за пилотот не беа достапни, рече Адамс.Хеликоптерот полетал од хелиодром во Долниот Менхетен во 14 часот и 59 минути, се упатил кон југ, а потоа свртел на север по брегот на Менхетен и реката Хадсон. Во 15:08 часот стигна до мостот Џорџ Вашингтон, а потоа се сврте и полета по брегот на Њу Џерси, каде набрзо изгуби контрола, рече Тиш.Во моментот на ударот во водата, хеликоптерот очигледно бил наопаку, а од водата се гледала кабината. Има извештаи дека хеликоптерот заглавил во воздух и делови почнале да се одвојуваат - во согласност со повиците до 911, рече Тиш.Федералната управа за авијација (FAA) и Националниот одбор за безбедност на транспортот (NTSB) започнаа заедничка истрага. НТСБ го води главниот дел од истрагата.Хеликоптерот бил во посебен воздушен простор над Њујорк, каде што нема активна контрола на летот, изјави министерот Шон Дафи. Неколку минути пред влегувањето во таа зона, контрола извршила контролата на летање на аеродромот Ла Гвардија.Во текот на истрагата ќе се анализира целата документација за состојбата на хеликоптерот.

Свет | пред 11 месец

(Видео) 98 мртви во Домениканска Република, откако се урна плафон на дискотека - во урнатините се уште се трага по луѓе

Најмалку 98 лица загинаа, а повеќе од 150 се повредени при уривање на покрив на дискотека во главниот град на Доминиканската Република, соопштија денеска локалните власти новиот биланс.Повеќе од 24 часа по несреќата, мали се шансите дека се уште има преживеани под урнатините на дискотеката „Џет Сет“.Инцидентот се случи вчера на концертот на пејачот Рубио Перез во ноќниот клуб „Џет сет“.Пејачката се уште под урнатините, објави Би-Би-Си.Стотици луѓе беа на концертот, а околу 400 спасувачи сè уште трагаат по преживеани.Се стравува дека бројот на загинати ќе се зголеми.Менаџерот на Рубио Перез, Енрике Паулино, им изјави на новинарите на местото на настанот дека концертот започнал нешто пред полноќ во понеделникот и дека покривот се урнал речиси еден час подоцна, при што загинал исаксофонистот на групата.На социјалната мрежа Х се појави и видео од моментот кога се урна таванот.

Свет | пред 11 месец

(Видео) Најмалку 15 загинати при уривање на покривот на ноќен клуб во Доминиканската Република

Најмалку 15 лица загинаа при уривање на покривот на ноќен клуб во Доминиканската Република, соопшти локалната полиција во Санто Доминго. Трагедијата се случила во моментот кога во клубот настапувал познат пејач за кој се стравувало дека е затрупан под урнатините.Се уште не е познато како се урнал покривот на познатиот клуб „Џет сет“.Инцидентот се случил за време на настапот на познатиот пејач Рубио Перез. На социјалните мрежи кружи видео на кое се гледа моментот кога покривот се урна врз гостите за време на настапот на Рубио. Во еден момент музиката престанува и се гледа само темнината. Менаџерот на познатата пејачка објави дека Руби Перез се уште е под урнатините.<blockquote class="twitter-tweet" data-media-max-width="560"><p lang="es" dir="ltr">Doce personas murieron y múltiples resultaron heridos cuando se desplomó el techo de la famosa discoteca Jet- Set de República Dominicana durante la presentación del famoso merengue Rubby Pérez. <br><br>Según varios medios locales, su manejador Fernando Soto reveló que el artista aún… <a href="https://t.co/eyIKY3E0KQ">pic.twitter.com/eyIKY3E0KQ</a></p>— Molusco (@Moluskein) <a href="https://twitter.com/Moluskein/status/1909557570647314942?ref_src=twsrc%5Etfw">April 8, 2025</a></blockquote> <script async src="https://platform.twitter.com/widgets.js" charset="utf-8"></script>Локалните власти соопштија дека повеќе од 100 луѓе биле пренесени со брза помош во неколку околни болници.„Нашиот град се буди за страшната трагедија што се случи во ноќниот клуб Џет Сет. Моето најдлабоко сочувство до семејствата на жртвите, а нашите мисли се со семејствата кои чекаат вести за своите најблиски“, изјави градоначалничката на Санто Доминго, Каролина Мехија де Гариго.Директорот на одделението за вонредни состојби изјави дека спасувачките екипи ќе бидат на терен се додека постои можност некој да е жив под урнатините.Во овој момент спасувачите се обидуваат со термички сигнали да утврдат колку луѓе се под урнатините.Полицијата е на лице место и врши увид, по што ќе се знаат повеќе детали за оваа страшна трагедија.

Свет | пред 11 месец

Загина Живко Пејковски, поранешен пратеник и директор на затворот „Идризово“

Во сообраќајна несреќа на 61 годишна возраст загина Живко Пејковски, поранешен пратеник од редовите на ВМРО-ДПМНЕ и поранешен директор на затворот „Идризово“.МВР објави: На местото викано Чагор се случила сообраќајна несреќа помеѓу патничко возило „Фиат“ со битолски регистарски ознаки, управувано од Г.С.(34) и патничко возило „Цитроен“ со скопски регистарски ознаки, управувано од Ж.П.(61), а во сопственост на  Агенцијата за храна и ветеринарство, инаку и двајцата од Демир Хисар. Во несреќата на местото на настанот починал Ж.П., а лекар од Итната медицинска помош од Демир Хисар констатирал смрт.По наредба на јавен обвинител телото на починатиот било предадено на обдукција. Извршен бил увид од увидна екипа од СВР Битола. Веста за неговата смрт беше објавена на социјалните мрежи, каде што блиските и пријателите се простуваат од него, а објавата ја сподели општинскиот комитет на ВМРО-ДПМНЕ од Демир Хисар.

Македонија | пред 1 година

Автобус со македонски регистрации имал незгода во Србија

Автобус со македонски регистрации се излизгал и удрил во ограда на автопат во Србија, кај местото Појат. Во несреќата, нема повредени патници, ниту пак е удрено во други возила. Познато е дека има материјална штета.Во текот на денот обилните снежни врнежи предизвикаа колапс на автопатот Милош Велики.

Свет | пред 1 година

Загинатиот Саздовски бил научник во Институт во Нови Сад

Меѓу загинатите на Железничката станица во Нови Сад, каде што бетонскиот покрив се урна од зградата на станицата, беше и Васко Саздовски од Македонија.Според информации на „Политика“, тој имал 45 години и како научник работел во Институтот „Биосенс“ во Нови Сад, каде што се истражуваат и развиваат информатички технологии за земјоделството.Саздовски работел во оваа водечка европска институција како искусен научник.Саздовски работел во Институтот околу една година, а речиси секој викенд го поминувал дома во Македонија, каде што живеат неговата сопруга и двете деца.

Македонија | пред 1 година

(Видео) Искршил семафор, се качил на жардиниера: несреќа на „Трета македонска бригада“

Сообраќајна несреќа се случи на улица „Трета македонска бригада“.Автомобил „волскваген“ срушил семафор, па се качил на жардиниера.Сообраќајната несреќа се случила околу 5 часот утринава.

Скопје | пред 1 година

Нема фотографија

Почина патник на летот од Бугарија до Ливерпул, авионот принудно слетал во Келн

Патник почина откако му се слошило на летот од Бугарија до Ливерпул. Поради тоа, авионот принудно слета во Келн.Летот на Jet2 LS3214 ја напушти Бургаска и се упати кон Британија само по 13.000 часа на 16 септември, беше објавено денеска. Околу два часа по летот, екипажот прогласи вонредна состојба поради здравствената состојба на човекот во авионот.Пилотот побарал пренасочување и „боингот 737-800“ принудно слетал во Германија по, како што пишува „Дејли мејл“, брзо спуштање.Мажот наводно доживеал акутен срцев удар и покрај напорите на екипажот, патникот починал.Авионот застанал во оддалечен дел од аеродромот во Келн и на местото на настанот дошла брза помош.

Свет | пред 1 година

Несреќа во Германија: Судир на возови, има повредени

На пругата меѓу Ксантен и Дуизбург, на западот на Германија, денеска регионален воз удри во паркиран товарен воз, при што се повредени 13 лица, од кои три потешко, пренесува „Шпигел“.Според портпаролот на Федералната полиција, околу 7:30 часот, регионалниот воз удрил во страната на паркиран товарен воз на ниво на премин.Полицијата испрати спасувачки хеликоптер на местото на несреќата.Регионалниот воз, во кој имало околу 30 луѓе, за време на возењето паднал на соседната пруга и затоа удрил во локомотивата на товарниот воз што бил паркиран таму, изјави портпаролот на полицијата.По несреќата и двата воза останале на шините.

Свет | пред 1 година

(Видео) На камион му откажале кочниците, налетал на колона и уништил 16 автомобили: Има повредени

На интернет кружи снимка од страшна сообраќајна несреќа во Тајланд каде се уништени или оштетени 16 автомобили, а повредени се 17 лица.Сè се случи на 22 септември во провинцијата Самут Пракан, кога камион со приколка налета на колона автомобили.Тешка сообраќајка на автопатот е снимена од надзорните камери, а полицијата морала да ја затвори делницата додека се извлекувале повредените.„Сообраќајот се забавуваше и тогаш слушнав шкрипење сопирачки. Миг подоцна видов автомобили како летаат на сите страни“, изјави сведокот Прасерт Кетбонг (51).Екипите на итната помош набрзо пристигнале на местото на настанот и превезле 17 лица во болница, меѓу кои и возачот на камионот.„Ќе ги сослушаме повредените, но и камионџијата. За процесот ќе биде информирана јавноста, согласно процедурата“, соопшти полицијата.Камионџиот тврди дека за несреќата се виновни неисправните сопирачки, пренесува Метро.

Свет | пред 1 година

Несреќа на регионалниот пат Куманово - Свети Николе: Со комбе удрил во застаната кола, повредени 11 лица

11 лица повредени во сообраќајна несреќа која се случи синоќа во 22 часот, помеѓу комбе и автомобил на регионалниот пат Куманово – Свети Николе, кај месноста Света мина.,,Сообраќајната незгода се случила помеѓу патничко возило „форд“ со кумановски регистарски ознаки, управувано од А.Ѓ.(21) од Куманово и возило комбе „фолксваген крафтер“ со кумановски регистарски ознаки, управувано од М.Т.(53) од Свети Николе, по што возилото „форд“ удрило во запрено патничко возило „волво“ со кумановски регистарски ознаки, управувано од Ф.Д.(35) од Куманово.Во незгодата со телесни повреди се здобиле возачите А.Ѓ. и М.Т. и девет сопатници од возилото „крафтер“, констатирани во болницата во Куманово.", информираа од МВР.По направените прегледи, повредените се пуштени од болница, информираат од Кумановската општа болница.

Македонија | пред 1 година

(Видео) Еве како се случуваат тешки несреќи во Скопје!

Без кациги, со над дозволена врзина и со поминување на црвено светло на неколку семафори.Вака се вози од страна на млади лица низ скопските улици и покрај многубројните несреќи, од кои дел завршуваат со фатални последици.Ова е снимено попладнево во Скопје, на булеварот „Партизански одреди“.

Скопје | пред 1 година

Две девојчиња загинаа на екскурзија во Италија: Мерцедес со полна брзина налета на група пешаци

Две девојчиња од Германија кои биле на екскурзија во Италија загинале кога на нив налетал мерцедес. Несреќата се случила во Лидо ди Камахоре во средата околу 19 часот.Жена, која била зад воланот на мерцедес, налетала на група пешаци и убила две девојчиња од Германија. Девојчињата биле средношколки. Италијанската полиција се уште не објавила информации за нивниот идентитет.Според надлежните, жената (44) наводно изгубила контрола над својот мерцедес кога се случила несреќата. Пред тоа со голема брзина поминала низ две црвени семафори, а потоа удрила во група пешаци.Наводно, таа прво ги удрила девојките, а потоа и останатите пешаци, за на крајот да удри во неколку паркирани возила во близина на хотелот.Според Анса, вкупно седум лица се повредени, меѓу кои и возачот. Сите се пренесени во болница, а жената е уапсена.Направен е и алкотест и нарко тест за да се провери дали е под дејство на алкохол или други супстанци.Истрагата продолжува.

Свет | пред 1 година

Нема фотографија

Драма на летот за Рим: Стјуардесата починала пред очите на патниците

Стјуардеса, мајка на три деца од Италија, загинала пред очите на шокирани патници додека се качувале на летот од Калабрија за Рим.Стјуардесата Габриела Каиро (57), која тој ден била „обичен“ патник, се пожалила дека не се чувствувала добро додека чекала ред на влезната врата.Сепак, таа не побарала лекарска помош, сакала што поскоро да се врати дома кај сопругот и децата, пишува Daily Mail.Сите патници биле симнати додека медицинските лица се упатиле кон авионот. Се обиделе да ја оживеат, но напорите им биле залудни.Трагедијата се случила на аеродромот Реџо Калабрија, југоисточно од Неапол, Италија.Летот 1156 на ИТА Ервејс за Рим Фиумичино бил одложен, а причината за смртта на Габриела Каиро се уште не е откриена.

Свет | пред 1 година

Нема фотографија

Судар на два патнички воза во Прага: Има повредени

Во Прага утрово се судрија два патнички воза, а во таа прилика полесно се повредени десет лица, јавува чешката агенција ЧТК, повикувајќи се на извори од спасувачката служба.Возовите се судриле во близина на станицата Прага-Либен, на пругата меѓу станицата Височани и главната железничка станица.Спасувачите соопштија дека според деталните информации од местото на настанот, десетина лица се полесно повредени, со набиеници и гребаници.Сообраќајот на тој дел од железничката пруга е во прекин.

Свет | пред 1 година

(Видео) Маж погоден од гром на плажа: Се забавувал со пријателите, одеднаш нешто експлодирало, видеото е застрашувачко

Застрашувачкиот момент кога маж од Русија бил погоден од гром додека си играл со пријателите на пристаниште во Грузија е снимен на видео и објавено на IX.На видеото се гледа како Павел Смирнов (32) си играл со својот татко и пријател на плажа во градот Батуми, Џорџија, кога ненадејно го удрил гром.После тоа паѓа на земја и останува без свест.Откако бил пренесен во болница, лекарите рекле дека не е тешко повреден и дека се здобил со неколку изгореници.Како што му било кажано, чудо е што не бил сериозно повреден, па дури и мртов.Тој опиша што чувствувал кога го удрил гром.„Првото нешто што го видов беше тунел од светлина, потоа слушнав дека е молња и почнав да сфаќам што ми се случи. Се чувствував како да умрам. Изгубив свест и чувство во нозете“, рече тој.Павел додал дека насекаде чувствува болка од изгорениците."Ме болат нозете, кожата, ме болеше се внатре. Тешко е да се опише, се чувствував како да не можам да дишам", рекол тој.Тој додаде дека од ударот на гром му се искинале чевлите.Младиот човек се уште е во болница и се очекува да биде пуштен во наредните денови.

Свет | пред 1 година

Авионска несреќа: Еден авион се урна во поле во Невада, има мртви

Едно лице загина откако во понеделникот два авиони се судрија во воздух на аеродром во Невада.Авионите се урнаа еден во друг околу 9:47 часот на аеродромот Минден-Тахо, речиси еден месец откако друг судир однесе еден живот за време на полетувањето на истата писта.Властите реагираа откако еден од едномоторните авиони слета на аеродромот „додека другиот падна во поле“ во близина на автопатот 395, соопшти Канцеларијата на шерифот на округот Даглас, пренесе Дејли мејл.Федералната управа за авијација (FAA) соопшти дека во еден од авионите, GC-1B, имало еден патник, додека другиот, Цесна 206, имал двајца патници.Пилотот и патникот во Цесна не се повредени, додека пилотот на другиот авион починал откако паднал во блиското поле.Не е јасно што ја предизвикало фаталната несреќа.

Свет | пред 1 година

Хеликоптерска несреќа во Русија: Тројца загинати, и припаѓал на компанија за ископ на злато

Три лица загинаа во Русија при пад на хеликоптер „Робинсон Р-66“ на компанија за ископ на злато, чии остатоци ги пронајде екипа за пребарување, соопшти денеска Центарот за цивилна заштита и заштита од пожари во Амур.Хеликоптерот кој исчезна вчера се урнал на околу 30 километри од село, а во потрагата биле вклучени 20-тина лица со теренски возила и хеликоптер Ми-8, пренесува Интерфакс.Во понеделникот хеликоптерот имал нерегистриран лет над областа Зеј во регионот Амур.Поведена е кривична постапка за прекршување на правилата за движење и контрола на воздухопловот.

Свет | пред 1 година

(Видео) Две лица загинаа во сообраќајка на регионалниот пат Гостивар - Кичево

Двајца мажи загинаа во тешка сообраќајна несреќа која се случи вчера на регионалниот пат Гостивар – Кичево.Според полицијата, една од жртвите починала на местото на настанот, а другата во болницата во Гостивар.„Синоќа во 21:20 часот на СВР Тетово пријавено е дека на магистралниот пат Гостивар-Кичево се случила сообраќајна незгода меѓу патничко возило марка „БМВ“ управувано од Б.Х. (54) од Гостивар и тешко товарно возило „сканија“ со косовски регистарски ознаки, управувано од А.Т.(60) од Косово. Во незгодата со тешки телесни повреди се здобил возачот на возилото Б.Х. кој починал на лице место и сопатничката Т.Р. (53) од Гостивар, која по несреќата била пренесена во Ургентниот центар во Гостивар каде им подлегнала на повредите и починала. Возачот на камионот се здобил со телесни повреди. Увид на местото на настанот извршила екипа на ОВР Гостивар заедно со Јавен обвинител.”, информираат од СВР Тетово.

Македонија | пред 1 година

Еден од загинатите во синоќешната трагедија на регионалниот пат Гостивар - Кичево е газда на синџир аптеки

Познат идентитетот на загинатите во синоќешната сообраќајна несреќа на регионалниот пат Гостивар - Кичево.Тургај Ризванче е сопственик на синџирот аптеки Ризванче и Бекир Хоп кој е сопственик на сервис за часовници во Гостивар, се двете лица кои загинаа во несреќата во четвртокот вечерта.Возачот на возилото марка БМВ Бекир Хоп починал на местото на настанот, додека другиот сопатник Тургај Ризванче не ги преживеал повредите и починал во гостиварската болница. Жртвите биле пријатели.Со телесни повреди се здобил возачот на камионот, косовски државјанин со иницијали А.Т.„Синоќа во 21:20 часот на СВР Тетово пријавено е дека на магистралниот пат Гостивар-Кичево се случила сообраќајна незгода меѓу патничко возило марка „БМВ“ управувано од Б.Х. (54) од Гостивар и тешко товарно возило „сканија“ со косовски регистарски ознаки, управувано од А.Т.(60) од Косово. Во незгодата со тешки телесни повреди се здобил возачот на возилото Б.Х. кој починал на лице место и сопатничката Т.Р. (53) од Гостивар, која по несреќата била пренесена во Ургентниот центар во Гостивар каде им подлегнала на повредите и починала. Возачот на камионот се здобил со телесни повреди. Увид на местото на настанот извршила екипа на ОВР Гостивар заедно со Јавен обвинител.”, информираат од СВР Тетово.

Скопје | пред 1 година