НЕСРЕЌА

Маж се удави во Дојранско Езеро

Претпладнево околу 10:10 часот во СВР Струмица било пријавено дека во Дојранско Езеро се удавил маж.Според информацијата од полицијата, машкото лице скокнало во водата од чамец, пливало неколку метри, по што се удавило.На местото се повикани нуркачки екипи за пронаоѓање на лицето, информираа од СВР Струмица.Полициски службеници од ОВР Гевгелија се на местото на настанот.Засега не се соопштува идентитетот на удавениот.Повеќе детали од полицијата најавуваат за подоцна.

Македонија | пред 1 година

(Видео) Автобус падна од карпа во Перу, при што загинаа најмалку 25 патници

Најмалку 25 патници на автобус загинаа, а 17 се повредени во сообраќајна несреќа во Перу вчера додека се движеле низ планински регион, соопшти регионалниот оддел за здравство на Ајакучо.„Автобусот се излизгал од автопатот во регионот на Андите Ајакучо во Перу во мугрите, се превртел и паднал на падина од околу 200 метри“, изјави началникот на Одделот за заштита на автопатиштата, Џони Роландо Валдерама, за државната новинска агенција Андина.Тој додаде дека несреќата се случила на автопатот Лос Либертадорес во Ајакучо во јужноцентралните Анди. Според првите информации во автобусот имало 42 патници.Надзорот за копнен транспорт на Перу, рече дека автобусот и припаѓа на локалната компанија Turismo Molina Union SAC и дека покренала истрага, а претставниците на компанијата не одговориле на барањето на Ројтерс за коментар.Фаталните автобуски несреќи се вообичаени во Перу, каде што многу автобуси сообраќаат по небезбедни планински патишта или се возат од несоодветно обучени возачи.Најмалку 25 лица загинаа и во април, кога автобус падна во река во северниот перуански регион Кахамарка, додека најмалку 24 лица загинаа во слична несреќа во регионот Анко минатиот септември.

Свет | пред 1 година

Пронајдени шест тела во луксузен тајландски хотел, на дното на чашите имало бел прав

Шест лица се пронајдени мртви во луксузен хотел во центарот на Бангкок, причината како што велат властите, можеби е труење.Хотелски работник вчера пронашол тела на три жени и тројца мажи во апартман на петтиот кат во хотелот Гранд Хајат Ераван. Починатите биле Виетнамци, а двајца имале американско државјанство, изјави тајландскиот премиер Сретта Тависин.Се верувало дека тие биле мртви најмалку 24 часа пред да бидат откриени нивните тела, соопшти полицијата, додавајќи дека собата била заклучена одвнатре, но еден член на персоналот успеал да влезе низ посебна врата.Причината за смртта се уште не е позната, пренесува Гардијан. Сепак, Сретха рече дека нема знаци на грабеж или насилство. Тој додаде дека во собата имало „чаши со траги од бел прав“, заедно со недопрена храна што била нарачана претходно. Не е исклучено труење, рече Тити.Надлежните моментално трагаат по седмиот кој го резервирал станот со шестмината починати.„Храната беше недопрена, но искористени се сите шест чаши. Ќе провериме се. Не најдовме ништо друго сомнително, ниту на подот, туку на дното на чашите најдовме некаков прав“, соопшти полицијата. командант Тити Саенгсаванг.„Мораме да ги откриеме мотивите“, рече тој, додавајќи дека смртта не е самоубиство. Срета рече дека се сретнал со виетнамскиот амбасадор и наредил брза истрага за случајот.Полицијата соопшти дека сега трага по седмо лице. „Го следиме секој чекор откако тие излегоа од авионот“, рече Тити.Американскиот Стејт департмент „внимателно ја следи ситуацијата“ и наведува дека е „подготвен да обезбеди конзуларна помош“.Инцидентот доаѓа додека Тајланд се обидува да ја зајакне својата туристичка индустрија, која е тешко погодена од пандемијата и е клучна за економијата.

Свет | пред 1 година

Тинејџер загина за време на фестивалот Exit

Тинејџер (18) од Нови Сад загина за време на фестивалот Exit во Нови Сад.Министерството за внатрешни работи на Србија потврди дека младиот човек починал, но деталите се уште не се познати, пишува Телеграф.Според првичните информации, нема знаци на насилна смрт.

Магазин | пред 1 година

(Видео) Ужасна несреќа на влез од Скопје: две лица во болница, ги ваделе од Противпожарна бригада, возилото е целосно уништено

Попладнево, тешка несреќа кај Хиподром во близина на Железниот мост, односно на влез од Скопје.Со Брза помош и тешки повреди, возач и сопатник се пренесени во болница.Сведоци за „Скопје1“ посочуваат дека лицата од возилата биле вадени со помош на екипи од Противпожарната бригада.„Денеска (12.07.2024) во 11.22 часот во СВР Скопје било пријавено дека на Железен мост Маџари на влез за Скопје патничко возило „пежо“ со скопски регистарски ознаки излетало надвор од коловозот. Со повреди се здобил возачот кој бил пренесен во Градската општа болница „Св. Наум Охридски“. Излезено е на местото на настанот од полициски службеници од СВР Скопје“, велат од МВР за „Скопје1“Екипи на полицијата се на терен.

Скопје | пред 1 година

Нема фотографија

Се урна хеликоптер кај хавајскиот остров: Едно лице загина, две се водат за исчезнати

Едно лице загина, а две се водат како исчезнати откако хеликоптер падна во океанот кај хавајскиот остров Кауаи.Државните власти пријавиле дека вчера виделе хеликоптерска несреќа во близина на брегот На Пали, по што веднаш повикале полиција, пренесува NBC News.Телото на едно лице било пронајдено вчера попладне и во моментов трае потрагата по две лица чиј идентитет полицијата не го соопштува.

Свет | пред 1 година

(Видео) Одроните и поплавите го уништуваат Непал. Два автобуса завршија во река, десетици мртви

Одрони во Непал денеска однесоа два автобуса со најмалку 65 патници во река, а од лизгање на земјиштето на други места во земјата загинаа најмалку 10 лица, соопшти полицијата.Десетици загинаа во оваа хималајска земја од средината на јуни, откако монсунските дождови предизвикаа лизгање на земјиштето и поплави.Властите ги мобилизираа армијата и полицијата во потрага по 65-те исчезнати патници кои во раните утрински часови беа однесени од реката Тришули. Тоа се случи во областа Читван, околу 86 километри западно од Катманду, изјави портпаролот на полицијата Дан Бахадур Карки.„Имаше 41 лице во автобусот што патуваше од Катманду до Гаур и 24 лица во автобусот од Биргуњ до Катманду. И автобусите и патниците исчезнаа во реката Тришули“, рече тој.Во областа Каски, 150 километри западно од главниот град, 10 лица загинаа кога лизгање на земјиштето однесе три куќи, додаде Карки. Најмалку 91 лице загинаа во лизгање на земјиштето и поплавите во Непал од средината на јуни.Премиерот Пушпа Камал Дахал во петокот на социјалните мрежи изрази тага поради катастрофите и им наложи на владините агенции да спроведат ефективни операции за пребарување и спасување.

Свет | пред 1 година

Се судрија автобус и камион: Најмалку 18 загинати

Најмалку 18 лица загинаа денеска во судир на патнички автобус и камион кој превезувал млеко во северна Индија, соопштија властите.Во несреќата се повредени 19 лица кои се пренесени во болница, пренесе агенцијата АП. Како што изјави припадникот на полицијата, нивната состојба е стабилна.Тој додаде дека се утврдува идентитетот на жртвите, како и причините за несреќата.Судирот се случил на автопат во индиската држава Утар Прадеш.Автобусот се движел од северната држава Бихар кон главниот град Њу Делхи.Локален функционер изјавил дека според првите резултати од истрагата, можно е автобусот да се движел со преголема брзина кога удрил во камионот пред него, а потоа од силината на ударот двете возила се превртеле.

Свет | пред 1 година

Нема фотографија

Тешка сообраќајка утрово во Пула, загина мотоциклист

Полицијата на Пула утрово нешто пред 6 часот добила дојава за сообраќајна несреќа на улицата Арсеналска (Булевар) во која загина млад мотоциклист, јавува Глас Истре.Истрагата е во тек, а повеќе детали за причините за несреќата ќе се знаат подоцна.

Свет | пред 1 година

Загина мотоциклист, тешка несреќа на патот Охрид-Ресен

Тешка сообраќајна несреќа се случи синоќа на патот Охрид – Ресен, во близина на Прентов мост. Во несреќата загина мотоциклист.Првичните информации се дека во несреќата учествувале мотоциклист и автобус.Портпаролот на СВР Охрид, Стефан Димоски, синоќа потврди дека имаат пријава за случена сообраќајна несреќа на овој патен правец.

Македонија | пред 1 година

Нема фотографија

Тело на тинејџер пронајдено во стан: Нови детали од пожарот во Нови Сад, двајца загинати, полицијата ги истражува причините за смртта

Две лица загинаа во пожар во центарот на Нови Сад, а како што неофицијално една од жртвите има 19 години. Се истражуваат причините за неговата смрт, како и за уште еден маж чие тело е пронајдено.По гаснењето на пожарот во Лазе Телечко во Нови Сад, пожарникарите и полицијата пронашле страшна сцена - тела на непознати мажи.На местото на настанот има голем број полицајци кои увидуваат за да дознаат како починале и дали нивната смрт е последица на криминално дело. На лице место се припадници на одделението за крвни деликти на полицијата.Како што изјави за Блиц Зоран Круљ, портпарол на новосадската служба за итни случаи, пожарот избувнал на поткровје на зграда во центарот на Нови Сад:На местото на настанот излегле три противпожарни возила и пожарот е локализиран.Како што потврдија очевидци, имало чад на сите страни.

Свет | пред 1 година

Нема фотографија

Ужас во Париз: Татко фрлил две деца од прозорец, па се самоубил

Две деца на возраст од 2 и 5 години се тешко повредени кога нивниот татко ги фрлил низ прозорецот од нивниот стан во 14-тиот париски арондисман, а потоа извршил самоубиство.Трагедијата се случила во саботата вечерта, а лекарите се борат за животот на најмалите.Според медиумите, таткото се фрлил од прозорецот откако ги фрлил децата.На хоророт наводно му претходела семејна расправија. Полицијата ја повикале граѓани кои околу 20 часот и 40 минути виделе како маж се фрла од прозорец на стан на 5-ти кат. Претходно ги фрлил и малите од прозорец.Полицијата и итната помош брзо пристигнале на местото на настанот, но ништо повеќе не можеле да направат за таткото. Во 21 часот била констатирана смрт. Лекарите морале да и помогнат на мајката на децата, која била во шок.

Свет | пред 1 година

Нема фотографија

Хаос во Сплит пред ноќен клуб: Едно лице тешко повредено, повеќе од 20 полесно

Едно лице е тешко повредено вечерва поради паѓање стакло пред ноќен клуб во Сплит, а вкупно 22 од нив побарале лекарска помош, соопшти хрватската полиција.Тешко повредениот е задржан во болница, а останатите кои се полесно повредени по укажаната лекарска помош се пуштени дома, пренесува Хина.Според полицискиот извештај, околу 00:15 часот е пријавена за паѓање стакло на плоштадот Гаје Блата.На местото на настанот бил извршена увид и според досега утврденото, поради туркањето на поголем број луѓе при влегување во клубот пукнал стаклениот ѕид.Индекс.хр пренесува дека се искршило стаклото во излогот на стоковна куќа, веднаш до влезот на ноќниот клуб Централ во Сплит и дека големи парчиња стакло ги опсипувале младите кои чекале ред за влез во ноќниот клуб.

Свет | пред 1 година

Се превртел брод во Скадарско Езеро, спасувачите веднаш реагирале

Брод со двајца странски државјани се превртел во Скадарското Езеро, но со брза интервенција на надлежните од Националниот парк тие лица биле спасени, јавува РТЦГ.,,Бродот се превртел, но службениците на НП Скадарско језеро брзо реагирале и спасиле двајца странски државјани“, соопшти НПЦГ.Во овој момент не се знае како се превртел бродот, и дали се повредени спасените патници.

Свет | пред 1 година

Трагедија во Црна Гора: Работник загина на градилиште во Чањ, кран паднал од силните ветрови

Турски државјанин загина на градилиште во Чањ при силно невреме што ја зафати Црна Гора.Според „Вијести“, работникот бил во кранот, кој се урнал за време на ураганските ветрови.Порталот Приморски јавува дека ветерот откорнал делови од дрвја во Бар и дека биле оштетени автомобили. Се наведува дека поради невремето биле оштетени и неколку пловни објекти во пристаништето.Исто така, невремето собори три кранови во пристаништето и искрши претоварни мостови.

Свет | пред 1 година

Маж во Германија со нож ја нападнал полицијата: Убиен на лице место

Маж со иранско потекло вечерва со нож нападнал тројца федерални полицајци на железничката станица во германскиот град Лауф ан дер Пегниц во Баварија, а полицијата возвратила и го убила напаѓачот, објави Билд.Откако полицијата излегла од автомобилот, мажот почнал да ги навредува и провоцира, на што употребиле бибер спреј.Кога напаѓачот се обидел да избоде двајца полицајци, полицајката најпрвин испукала предупредувачки, а потоа го застрелала во стомакот.Како што пренесува германскиот весник, напаѓачот починал од здобиените рани.По инцидентот станицата била затворена. Мотивите на напаѓачот се уште се нејасни.

Свет | пред 1 година

Татко го прегазил едноиполгодишниот син во дворот од семејната куќа, бил пијан

Страшна несреќа се случи во Ботошани, Романија, кога татко си го убил едноиполгодишниот син во дворот на семејната куќа.Според романските медиуми, таткото влегол во автомобилот и го стартувал автомобилот но не забележал дека зад возилото стои неговиот син.Мажот продолжил да вози и го прегазил детето. Малото момче се здобило со сериозни повреди и починало во болница.Инцидентот се случил околу 17 часот, а мајката без размислување го извадила детето од земја и отишла во најблиската здравствена установа во Савени.Во меѓувреме на местото на настанот пристигнала екипа на Брза помош со лекар. Момчето било реанимирано 40 минути, но повредите биле фатални.„Тука се случи, го прегази со автомобил. Не го направил тоа намерно, не сакал да си го убие детето. Има и ќерка од 7-8 години. Мајката го однела детето во најблиската болница таткото дал исказ во полиција“, рече сведокот.Соседите се во шок откако дознале за трагичниот настан и имаат само пофални зборови за човекот."Го знаеме како добар човек, ме однесе на лекар кога требаше. Го познавав и момчето, често играше надвор. Дали навистина е мртов?"Полицијата веднаш отворила истрага и по алкотестирање било утврдено дека таткото бил во алкохолизирана состојба со 1,37 mg/l во крвта.Таткото е осомничен за убиство од небрежност и по завршување на истрагата ќе бидат преземени соодветни законски мерки.

Свет | пред 1 година

Трагедија во Маврови Анови: Почина 14-годишно момче откако врз него паднал бојлер

Вчера околу 18 часот во Полициско одделение Маврово, Д.Ѓ. (55) пријавила дека нејзиниот малолетен син починал.Според пријавата малолетникот се здобил со повреди и починал откако врз него паднал бојлер во куќата во населбата Маврови Анови, информираат од СВР Тетово.За настанот бил известен јавен обвинител, а увид на местото извршила екипа од ОВР Гостивар.Неофицијално се работи за 14 годишно момче.

Македонија | пред 1 година

Детали за драмата во Сараево: Ги убил братот и снаата, па ја запалил куќата

Три тела, на неидентификувани лица, се пронајдени по пожар во семејна куќа во Сараево, потврди денеска портпаролката на Обвинителството на кантонот Сараево, Азра Бавчиќ.Од Обвинителството велат дека повеќе детали ќе се знаат по завршување на истрагата и утврдување на околностите под кои настанал случајот. Оттаму додаваат дека бидејќи истрагата е во тек, идентитетот на жртвите не е познат.Како што неофицијално дознава Црна-Хроника, се работи за двојно убиство, палење куќа и самоубиство.Трагедијата се случила во куќата на семејството Чесир.Според информации, семејниот конфликт меѓу браќата трае веќе подолго време.Во прашање се браќата Алмир, Муамер и неговата сопруга Емира со која Муамер се оженил пред две години. Според се уште непотврдени информации, Алмир го убил својот брат Муамер, неговата снаа, ја запалил семејната куќа, а потоа се самоубил.Алмир на својот Фејсбук профил пред 12 дена објавил дека може да се случи трагедија во нивното семејство.,,Господи, побрзај го моето доаѓање кај тебе бидејќи нема ништо добро на овој свет“, напиша Алмир на Фејсбук, пренесува Блиц.По истрагата ќе бидат познати повеќе информации, пренесува Српскаинфо.

Свет | пред 1 година

(Видео) Се урна покривот на аеродромот во Делхи. Едно лице загина, летовите откажани

Покрив на најголемиот аеродром во главниот град на Индија Њу Делхи денеска се урна под силен дожд и ветрови, при што загина едно лице и предизвика откажување на летовите, соопштија властите.Дел од лакот во пределот на терминалот за поаѓање на аеродромот се урна рано изутрината, а неколку луѓе се повредени, изјави за новинарите индискиот министер за авијација.Целиот терминал, еден од трите на најпрометниот аеродром во земјата, е евакуиран и наредена е истрага за колапсот, изјави министерот Кинџарапу Рамохан Наиду.Педесет домашни летови се откажани или одложени, покажуваат податоците на платформата за следење летови Flightradar24.Осум повредени лица се пренесени во болница, изјави Атул Гарг, директор на противпожарната служба во Делхи.Индиската телевизија прикажа такси смачкано под скршен метален столб на влезот на терминалот, кој главно го користат нискобуџетните превозници IndiGo и SpiceJet за домашни летови.Инцидентот се случил во 5 часот по локално време, што вообичаено е зафатено време за домашни летови, се вели во соопштението на аеродромот објавено на X.Околу 148,5 милиметри дожд паднаа во областа на аеродромот во текот на три часа, што е повеќе од просекот за цел јуни, според Индискиот метеоролошки завод.Многу други делови на Делхи исто така беа поплавени, а автомобили беа заробени во вода висока метар.

Свет | пред 1 година

Нема фотографија

Трагедија во Сараево: Пронајдени три тела по пожар во семејна куќа, се слушнале и експлозии

Во куќата што изгоре во пожарот што доцна синоќа се случил во сараевската населба Широкача пронајдени се три тела.Оваа информација за Klix.ba ја потврди портпаролката на Обвинителството на кантонот Сараево, Азра Бавчиќ. Како што беше нагласено, станува збор за возрасни лица. Бидејќи истражните дејствија се уште траат и се утврдуваат околностите на целиот случај, од Обвинителството на кантонот Сараево не можеа да зборуваат за детали.Пожарот избувнал синоќа во улицата Жагариќи, а мештаните изјавиле дека пред да избие пожарот се слушнале експлозии. На терен веднаш биле испратени противпожарни екипи, полиција со долги црева, а присутен бил и дежурниот обвинител на Обвинителството на кантонот Сараево.Поради овој настан целото село синоќа остана без струја.„Во 21 часот и 10 минути се случи експлозија во семејна куќа во улицата Жагриќи. Полицијата, пожарникарите, итната помош и екипите на Сараевогас во моментов се на терен“, изјави синоќа Мерсиха Новалиќ, портпарол на МУП на кантонот Сараево.Последната информација од МУП Сараево, на полноќ беше дека пожарникарите се уште не го локализирале пожарот.

Свет | пред 1 година

(Видео) Воз излета од шините: Двајца загинати, многу повредени

Најмалку две лица загинаа во излетување на воз од шините на северот на Русија, а едно лице се води како исчезнато, соопшти денеска државната железничка компанија.Воз со 14 вагони излета од шините во северната руска република Коми синоќа, соопшти Руски железници, додавајќи дека девет вагони излетале од шините. Околу 50 лица се повредени, јави руската новинска агенција Интерфакс, повикувајќи се на претставници на службите за итни случаи.Возот со 232 патници се движел кон јужниот град Новоросијск од Ворутка, рударски град на северот на Република Коми, соопшти железницата. Таа додаде дека силен дожд, кој однел делови од железничките пруги, најверојатно е причина за излетувањето од шините.Руската железница вети дека ќе плати два милиони рубљи (околу 22.900 долари) на семејствата на секој од загинатите, покрај 2.025 милиони рубљи (околу 23.100 долари) што ќе ги добие од осигурување.Повредените кои морале да се лекуваат во болница ќе добијат по милион рубљи (околу 11.400 долари), а оние кои добиле амбулантна нега за повредите ќе добијат 500.000 рубли (околу 5.700 долари), соопшти компанијата.

Свет | пред 1 година

Хорор во Казахстан: Девојче загина кога врз неа паднал споменик кој бил срушен од силен ветер

Седумгодишно девојче загина откако споменик во парк во градот Атирау во Казахстан беше урнат од силен ветер, соопшти денеска градската полиција.Инцидентот се случил синоќа кога силен ветер го урнал споменикот во Алејата на хероите од Големата патриотска војна во Паркот на победата, а девојчето починало од повредите во регионалната детска болница, соопшти полицијата, пренесе Интерфакс.Истрагата за инцидентот е во тек, информираат од полицијата.

Свет | пред 1 година

(Видео) Нова несреќа пред влезот на Охрид: возач заглавен во возилото, две излетани од патот

Несреќа се случи на излез од Охрид, во правец кон Кичево.Две возила се излетани од патот, а според првичните информации има и повредено лице. Сведоци за „Скопје1“ велат дека возач на автомобил „голф“ кој учествувал во несреќата, е заглавен во автомобилот.Поради несреќата, има долги колони на патниот правец. Повеќе информации подоцна.На овој патен правец има постојано несреќи, а најчсто во тек на летната сезона.

Охрид | пред 1 година

Нема фотографија

Камион згмечен по страшен судар со воз кај Шабац: Првата слика од местото на несреќата

Судирот меѓу воз и камион се случил денеска во селото Дубље кај Шабац. Како што потврдија за Телеграф, машиновозачот е повреден.Судирот бил пријавен во 12 часот и 15 минути.Страшна е сцената од местото на несреќата, бидејќи камионот бил целосно смачкан.

Свет | пред 1 година