ПУЛС

Во критичните 72 часа нема починати, сите преживеани од Кочани се во релативно стабилна состојба, рече Таравари

Министерот за здравство, Арбен Таравари, рече дека поминале 72 часа и нема ниту еден починат пациент од лицата кои биле хоспитализирани. Рече дека денеска ќе се испратат уште пет лица надвор од државата, а очекува веќе и да се враќаат лица кои се лекуваат во странство.„Добрата вест што сакаме прво да ја соопштиме е дека поминаа 72 часа и нема ниту еден починат од тие што ја преживеаа трагедијата во Кочани. Вкупно се третираат 178 пациенти низ различни здравствени останови, од кои 64 се во болниците во Македонија и 13 пациенти се во приватните болници во Македонија. Сите во релативно стабилна состојба. Во моментов 101 пациент се третираат надвор од државата, сите во релативно стабилна состојба. Вчера заедно со министерот за надворешни работи, отидовме и ги посетивме пациентите во Грција, се видовме со семејствата - сите презадоволни од третманот. Бевме во Софија, кај што се 9 пациенти, сите ги видовме, еден по еден. Сите во стабилна состојба“, рече Таравари.Тој рече дека изминатото деноноќие нема починати, а едно преживеано лице е пуштено на домашно лекување.„Ниту еден починат во изминатите 72 часа, нула починати има од тие што ја преживеаа трагедијата. Се надевам дека од следната прес-конференција ќе зборуваме за колку пациенти ќе си одат дома“, рече Таравари.

Македонија | пред 1 година

Преживеаната Ана од ДНК: Си замина дел од моето второ семејство, заедно со нив и душава моја

Владимир Блажев - Панчо, придружниот вокал Ана Костадиновска и гитаристот Горан Тонев, се единствените тројца од ДНК кои се спасија кобната ноќ кога изби пожар во дискотеката Пулс во Кочани, каде за жал загинаа 59 лица, меѓу кои и членови на бендот.Придружниот вокал и професорка по музика, Ана Костадиновска, се збогуваше со своите колеги од групата „ДНК“, кои трагично го загубија животот во катастрофалниот пожар што ја зафати дискотеката „Пулс“ во Кочани.Таа се огласи за прв пат по трагедијата, денеска кога треба да ги испрати своите пријатели и соработници во вечниот дом.-Си замина дел од моето второ семејство. Заедно со нив и душава моја. Остана само пепел и празнина… а, кој би рекол дека празнината може толку да боли, напиша Ана.За својата другарка и колешка Сара Пројковска напиша: – Љубовче мое, даденце мое, ангелу мој, душо на мојата душа, ќе те сакам додека дишам и постојам, а ќе болиш секој ден.Погребот на Сара Пројковска е закажан за денес од 12 часот на гробиштата во Лисиче во 12 часот.Денеска ќе биде погребан и Андреј ДНК.

Коментари | пред 1 година

Од загинатите во Кочани, шест се малолетници - објавен список со возраста и бројот на починати

Обвинителството до медиумите достави список со возраста на починатите лица во трагедијата во Кочани. Ова доаѓа по низата шпекулации во јавноста во врска со бројот на починати. Во дискотеката „Пулс“, 59 лица го загубија животот. Ден потоа, почина и возач на Брза помош-Кочани, кој неколкупати одел Кочани-Скопје за да спасува животи.„Ви испраќам список со возраст и број на починати лица што е доставен до Јавното обвинителство од Институтот за судска медицина. Извештаите од извршените обдукции се изготвуваат и ќе бидат доставени до обвинителството“, стои во дописот од Обвинителството.

Македонија | пред 1 година

Кочани: Веќе кружат видеа од пред куќите на починатите, покажете почит, ова е човечка болка

Кочани одново замоли, да не се снимаат куќите на починатите, како и граѓаните кои немаат доволно солзи да ги доисплчат жртвите од трагедијата во дискотеката „Пулс“ во Кочани.„Како да напишеме, како да објасниме, како да ве замолиме? Дали и по оваа трагедија повторно треба да клекнеме на колена? Веќе сме клекнати… од болка, од тага, од немоќ. Почитувани новинари, медиуми, Не правете настан за гледаност од ова. Веќе кружат видеа од пред куќите на починатите, од нивните пријатели што со солзи ги подготвуваат за последното збогум. Ова не е приказна за кликови, ова е човечка болка. Почитувани граѓани, на ова тажно парче земја ве молиме, не ги споделувајте нивните видеа. Покажете револт, игнорирајте ги текстовите што ја претвораат трагедијата во сензација. Така ќе покажеме почит кон загинатите, кон нивните семејства, кон нашиот град. Молете се. Нека ни даде Господ сила на сите“, стои во објавата.

Македонија | пред 1 година

Десет пациенти се во потешка состојба, тројца се испратени на домашно лекување - стабилни се повредените од дискотеката во Кочани

Сите повредени од дискотеката „Пулс“ во Кочани, кои се лекуваат во низ болниците во Македонија и странство се во стабилна состојба, вели министерот за здравство, Арбен Таравари.„Сите пациенти кои се во државата и надвор, се добри и во стабилна состојба. Десет пациенти се потешки, но се надвор од животна опасност“, рече Арбен Таравари.Тој рече дека 101 пациент се надвор од државата.„Можеби максимум десет пациенти да се испратат, а можеби и не. Тројца пациенти се испишани вчера“, рече Таравари.

Македонија | пред 1 година

Последно збогум за жртвите од пожарот во Кочани

Поворката со посмртните останки на загинатите тргнува од градските гробишта во Бутел. Нивните роднини, пријатели, другари ќе ги испратат до вечните почивалишта.Погребот на жртвите во Кочани ќе се одржи во 12 часот. За жителите од овој град денеска е неработен ден.И во Штип во вечните почивалишта ќе бидат испратени петте жртви од катастрофалниот пожар од овој град на истокот во земјава.Состојбата кај повредените кои се лекуваат во земјава не е животозагрозувачка, велат здравствените власти.Триесетте жртви во Кочани ќе бидат погребани во 12 часот. На чело на погребната церемонија ќе биде поглаварот на МПЦ-Охридска Архиепископија, г.г. Стефан, како и неколку владици. Погребот на настраданите во Штип ќе биде во 11 часот, а меѓу нив се членовите на групата ДНК, Филип Стевановски и Александар Коларов.Погреб ќе има и во Облешево во 13 часот. Пејачот на бендот ДНК, Андреј Ѓорѓиевски, ќе биде погребан во 10 часот на градските гробишта во Бутел во Скопје, соопшти неговото семејство. Сара Пројковска членка на бендот и професорка на Факултетот за музичка уметност ќе биде погребана на горбиштата во Ново Лисиче во Скопје во 12 часот.Погребот на младиот тапанар од бендот Ѓорѓи Ѓорѓиев ќе биде на градските гробишта во Струмица. Штип ќе се прости од петмината загинати во пожарот во дискотеката во Кочани, Дамјан Таневски, Филип Ивановски, Филип Стевановски, Александар Коларов и со Александар Ефремов.Граѓаните на Пробиштип ќе се простат со тројцата свои сограѓани кои загинаа во дискотеката „Пулс“ во Кочани. Тоше Тодоровски, полициски службеник, со почести ќе биде изложен во капела во 11 часот, додека погребот е во 13 часот на Градските гробишта. Телото на починатиот Матеј Марковски ќе биде изложен во капелата во 13 часот, а ќе биде погребан во 15 часот на градски гробишта во Пробиштип. Додеката телото на Никола Насевски ќе биде изложено во домот во село Добрево, а погребот ќе се изврши во 17 часот.

Македонија | пред 1 година

Безбедносен протокол и насоки за етичко известување од погребот на жртвите од Кочани

Владата на Република Северна Македонија, во координација со Министерството за внатрешни работи (МВР) и во консултација со Здружението на новинари на Македонија (ЗНМ), како и со Самостојниот синдикат на новинари и медиумски работници (ССНМ) изготвија протокол за безбедност при известување од погребот на жртвите од трагичниот настан што се случи на 16 март во Кочани.За претставниците на медиумите кои ќе известуваат за настанот, полициските службеници ќе обезбедат посебна зона од патот на поворката, на 300 метри од влезот на капелата до градските гробишта во Кочани. Овој простор ќе биде обезбеден од припадници на МВР со цел да се гарантира ред и безбедност во означената област. На оваа зона исто така ќе важи забраната за управување со беспилотни летала (дронови).Овој медиумски протокол има за цел да ја заштити приватноста на семејствата на жртвите, додека истовремено овозможува новинарите и снимателите безбедно да го следат настанот од соодветна дистанца.Имајќи ја предвид чувствителноста на оваа трагедија и универзалните етички стандарди за професионално известување, Здружението на новинари на Македонија (ЗНМ) и Самостојниот синдикат на новинари и медиумски работници (ССНМ) ги повикува сите новинари и медиуми да се придржуваат кон следниве етички принципи:Почитување на личната болка и достоинството – Новинарите треба да известуваат со емпатија, без да навлегуваат во приватноста на семејствата на жртвите.Избегнување на сензационализам – Известувањето за трагични настани мора да биде ослободено од сензации, шпекулации или емотивно набиени наративи, фотографии и видеа.Објавување на проверени информации – Треба да се пренесуваат потврдени факти за да се спречат дезинформации.Зачувување на баланс и непристрасност – Медиумите треба да се осигураат дека нивното известување не придонесува за јавна вознемиреност.Освен ова, потсетуваме дека Меѓународната федерација на новинари (IFJ) во своето соопштение од 18.03 за оваа трагедија, исто така ја истакна важноста на етичкото известување. Глобалната повелба за етика на IFJ ја подвлекува должноста на новинарите да го почитуваат достоинството на луѓето и да ја стават точноста над брзината при пренесувањето на вестите од овој трагичен настан. Со цел да се обезбеди непречено движење и идентификација, медиумските работници треба да поседуваат со себе ПРЕСС обележја и новинарски легитимации издадени од нивните матични медиумски куќи.

Македонија | пред 1 година

Седум полицајци осомничени дека помогнале дискотеката „Пулс“ да добие лиценца

Предметен јавен обвинител од Специјализираното одделение за гонење на кривични дела сторени од лица со полициски овластувања и припадници на затворска полиција, донесе Наредба за спроведување на истражна постапка против седум полициски службеници. Според дејствијата опишани во наредбата постои основано сомнение дека осомничените сториле кривично дело Тешки дела против општата сигурност.„Kако службени лица вработени во СВР Штип и ПСОН Кочани како соизвршители, осомничените изготвувајќи, потпишувајќи и одобрувајќи позитивна согласност, му овозможиле на правно лице да се стекне со лиценца за вршење угостителска дејност – кабаре иако објектот не ги исполнувал законските услови за работа.Осомничените сите заедно предизвикале значителна опасност за животот и телото на луѓето, овозможувајќи кабарето да работи во супстандардни услови при што на 16.03.2025 година во објектот настанал пожар во кој починале 59, а 196 се здобиле со тешки телесни повреди.Ценејќи дека се исполнети условите јавниот обвинител до судијата на претходна постапка достави предлог за определување на мерка притвор за сите седум лица“, велат од Обвинителство..

Македонија | пред 1 година

Последен поздрав загинатите во дискотеката утре точно напладне

Погребот на починатите во пожарот во Кочани ќе се одржи утре. Погребните церемонии ќе бидат во 11 часот во Штип, во 12 часот во Кочани и во 13 часот во Облешево. Останатите погреби ќе се одржат исто така во текот на утрешниот ден во различни временски периоди.Свештениците од локалните цркви ќе ги контактираат сите ужалени семејства со детали околу погребот, информираат од Центарот за управување со кризи.Оттаму ги замолуваат сите граѓани на разумно постапување и достоинствено испраќање на жртвите во трагедијата во Кочани.Во пожарот што се случи во неделата рано сабајле загинаа 59 лица, а над 150 се повредени.

Македонија | пред 1 година

Погребот на Андреј од ДНК ќе биде утре - последен поздрав во 10 часот, во капелата Бутел

Во капелата во Бутел, во 10 часот, семејството, роднините и пријателите ќе го испратат Андреј Ѓорѓиевски, вокалот на „ДНК“. Тој ќе биде погребан на гробиштата во Бутел. Информацијата ја објавија неговите пријатели.Андреј трагично го загуби животот во дискотеката „Пулс“ во Кочани. Тој според очевидци, тој излегол навремено, но влегол да спасува заглавени деца. Меѓу 59-те загинати има и малолетници.Од бендот на ДНК, засега за јавноста е познато дека починаа и клавијатуристот Филип Стевановски, гитаристот Александар Коларов, тапанарот Горги Горгиев, придружниот вокал Сара Пројковска. Игор Велков, тонецот на групата „ДНК“ и бит-боксерот Мартин Атанасовски познат како Мартин Буцо.

Македонија | пред 1 година

Сите 11 пациенти од стара градска болница се во стабилна состојба, засега не се очекува влошување

Директорот на болницата „св. Наум Охридски“, Небојша Настов вели дека сите 11 пациенти кои се хоспитализирани по пожарот во дискотеката во Кочани се во стабилна состојба.„Сите 11 пациенти се во стабилна состојба, во текот на ноќта немаше компликации. Се правеше план кај кого ќе се прават обработки на раните, нешто што е во тек. Не би очекувале влошување на дневно ниво“, рече Настов.Истовремено, речиси 200 повредени се хоспитализирани и на лекување.

Македонија | пред 1 година

Утре погреб на 59-те жрви во дискотеката, новинарите се должни да ја почитуваат приватноста и болката на семејствата

Погребот на 59-те лица кои загинаа во Кочани, ќе биде извршен утре (четврток), а откако беа завршени сите обдукции, а со тоа и идентификацијата на жртвите. Жителите на Кочани, но и Штип, побараа новинарските екипи да бидат поставени на точно определено место, за роднините и пријателите да можат достоинствено да ги испратат своите најблиски. Исто така бараат да не се дозволи надлетување со дронови, за што Агенцијата за цивилно восухопловство веќе издаде и забрани кои траат до крајот на март. Забрана ќе биде издадена и за надлетување во Бутел, каде што се гробиштата, а бидејќи и таму ќе бидат погребани лица кои трагично загинаа во пожарот во дискотеката.„Апел до МВР и организаторите на погребот во Кочани и сите други општини! Верувам дека сите мои сограѓани ќе се согласат 100% со мене и ова се осмелувам да го напишам од името на сите Кочанчани: Немојте да дозволувате новинарски екипи да се туркаат и пикаат во лицата на родителите, роднините и пријателите кои дошле да си ги погребаат нивните најмили! Ако веќе треба да известуваат, ВЕ МОЛАМ обезбедете им соодветно место, подалеку од народот и од таму да не се мрдаат! Да не се шетаат меѓу народот, да кружат и да снимаат! Дозволете достоинствено и со почит да си ги испратиме нашите најблиски!Посебен акцент ставам на ДРОНОВИТЕ, немојте ни случајно да дозволите дронови да ни летаат над главите и да зујат во овие претешки моменти! Не дозволувајте овој горчлив и мачен ден да го направат ЦИРКУС! Постарите генерации можеби се сеќаваат кога беше погребот на Тоше, одредени новинарски екипи (секоја чест на исклучоци) уште во гробот не му скокнаа само за да направат ПОДОБАР КАДАР! Цела Македонија тогаш беше згрозена од нивните постапки, не дозволувајте тоа да се случи и сега!Поставете полиција, поставете обезбедување, бараме заштита од вас! Заштитете нè од хаос! Свесен сум дека организација на ваков настан е комплицирана и тешка, ама протокол мора да има и мора да се почитува!“, вели Иле Гаврилов, жител на Кочани.Ова доаѓа и по снимките на агенцијата „Ројтерс“, снимени од дрон, на кои се гледа како се копаат и подготвуваат нови гробни места.Според Кодексот на новниари, новинарот е должен да ја почитува личната болка и приватноста на секој граѓанин и да постапува согласно јавниот интерес. Некои медиуми, веќе најавија дека нема да известуваат за погребот на 59-те жртви.Вчера (вторник) беше погребот на возачот на Брзата помош, кој почина откако трипати возел до Скопје и назад. Колегите сведочеа дека починал од болка, легнал и не се разбудил.

Македонија | пред 1 година

Обвинителите денеска ќе треба да соопштат дали ќе го продолжат притворот за сите 17 осомничени за дискотеката

Вечерва истекува краткотрајниот притвор за 14 од лицата кои беа приведени како осомничени, по пожарот во дискотеката „Пулс“ каде загинаа 59 лица, а речеси 200 се повредени. Меѓу нив се сопственикот на дискотеката, членови на обезбедувањето на дискотеката, одговорни лица од неа, а кои се осомничени за случувањата со пожарот.Статус на осомничени имаат и ексминистерот за економија Крешник Бектеши, ексдиректорот на Пазарен инспекторат Горан Трајковски, ексдржавната советничка во Министерството за економија, вработени во МВР, вработени во Пазарен инспекторат, лицето кое го изработило проектот без да се исполнат условите и овозможило да има дискотеката во тој објект, а кои се сомничат за постапување или непостапување со што дозволиле објектот да работи - без да ги исполни основните критериуми за работа.Од Обвинителството, по истекување на 48 часовниот притвор, можат да побараат„Во однос на продолжување ќе ве известам кога ќе имам прецизна информација“, велат од Обвинителството, кои посочуваат дека 17 лица се осомничени.Досега со 71 лице е извршен разговор, меѓу нив се и преживеаните.Мерката притвр е со цел обезбедување на присуство на осомничените, да се елиминира опасноста од бегство, да не се влијае на други сведоци и да не се уништуваат докази.Вчера, беа завршија форензичките испитувања во дискотеката. Сите траги ќе бидат анализирани и проверувани од вештаци.

Македонија | пред 1 година

Владата повика да не се шират дезинформации: Бројот на жртви во пожарот во Кочани е 59, шпекулации допринесуваат за вознемирување

„Во овие тешки и тажни моменти за сите македонски граѓани, и во знак на почит на загинатите жртви, повредените и нивните семејства ги замолуваме медиумите да се воздржат од објавување на шпекулации и дезинформации, се со цел да не создаваме дополнителна болка и стрес на јавноста“, велат од Владата и додаваат:Бројот на жртви во пожарот во Кочани е 59, за жал млади луѓе кои на трагичен начин ги изгубија своите животи. Но, одредени медиуми повикувајќи се на разноразни непроверени извори шпекулираат со бројот на починати и дополнително придонесуваат за вознемирување на јавноста.Во овие моменти на тага, Ве замолуваме сите да се однесуваме одговорно, ова е трагедија за цела држава и да сочувствуваме со болката на најблиските.Сѐ што има во интерес на истрагата, Владата, Министерството за внатрешни работи и сите други органи транспарентно и навремено преку прес-конференции и преку соопштенија известуваат за најновите информации. Никој нема да биде поштеден од одговорност, без разлика колкава и да биде вината на кој било инволвиран во овој случај, соодветно ќе одговара.Повторуваме дека ништо нема да биде скриено и стоиме на располагање за дополнителни прашања од интерес на јавноста.Исто така, Владата донесе одлука за целосно покривање на трошоците за сместување и превоз на семејствата на повредените лица кои се лекуваат во странство. За побрза и поефикасна комуникација во таа насока е отворена и телефонска линија, а бројот е 070270370.Ова е најмалку што можеме да направиме во овие тешки и болни моменти.Воедно, информираме дека Владата и Министерството за надворешни работи и трговија се во постојана комуникација со семејствата на повредените кои во моментот се лекуваат во други земји, но и оние кои тековно се испраќаат.Во прилог Ви ги испраќаме броевите      Министерство за надворешни работи и надворешна трговија:      075/273-732      075/268-736      Турција-Анкара      +90 5316579200      +90 5335725684      Турција-Истанбул      +90 542 810 99 78      +90 552 561 80 09      Грција-Атина      +30 6944190134      +30 6947736602      Грција-Солун      +30 694 525 8536      Бугарија      +359 876123768      +359 876112993      +359 889210005      Србија      +381 601382942      +381 601427455      Унгарија      +363 03037377      Литванија-Полска      +48 608141191      Австрија      +436644680520      +436767069209      Словенија      +386 41 353 198      +386 40 800 747      Хрватска      +385 99 524 4741      +385 91 608 2944      Норвешка      +47 406 31 613      +47 922 34 630      Италија      +39 3384079247      +39 3518504187      Полска      +48 608 141191      Шведска      +46 701844605      +46 768792019

Македонија | пред 1 година

Пациентите во Литванија, Турција, Србија, Грција и дел што се во Бугарија се во стаи

Министерството за здравство информира дека медицинските тимови на здравствените установи и денеска се целосно ангажирани во обезбедување соодветна медицинска нега за сите пациенти.На Клиника за пластична хирургија во моментот се хоспитализирани - 10 пациенти,На Клиника за токсикологија - 10,На Торакална - 4,на трауматологија - 2,на Детска хирургија - 4,на КАРИЛ - 13,На Клиника за пулмологија - 2,Во ГОБ 8 септември -17,Во Хируршка клиника „Св Наум Охридски“ -11Во ОБ Штип - 2Според информации од медицинските центри во Австрија, од шест пациенти, пет се на интензивно лекување во стабилна состојба, додека еден е префрлен на интерно одделение.Во Литванија - четири пациенти се на интензивно лекување во стабилна состојба.Петтемина пациенти повредени во пожарот во Кочани кои беа испратени на лекување во Анкара, Турција, од денес дишат самостојно.Во Србија во моментот се лекуваат 30 пациенти, кои се на интензивно лекување во стабилна состојба.Во здравствени установи во Бугарија се лекуваат 14 пациенти, од кои седум се на интензивна нега, а останатите се со помал процент на изгореници и самостојно дишат.Во Грција се лекуваат осум пациенти, кои се стабилни во моментот.Во текот на ноќта се очекува пациенти да бидат упатени во европски центри, за што Министерството за здравство изразува благодарност за поддршката која ни се пружа од првиот момент од нашите меѓународни партнери.

Македонија | пред 1 година

Лице се обиде да измами Македонец кој понуди помош за семејствата чии блиски се лекуваат во Норвешка

Воислав Дабевски објави обид за страотна злоупотреба од страна на изолирано лице, откако објави дека стои на располагање на семејствата чии повредени се лекуваат во Норвешка.Неговото сведоштво во целост:„Внимавајте луѓе, постојат нелуѓе! За малку ќе наседнев на измама за пари откако понудив помош по трагедијата во Кочани. Добив повик од дечко кој се претстави како Филип Мицевски, 20-годишен син на пејачката Сара Пројковска, која загина во пожарот. Тој ми раскажа дека неговата сестра, која била со Сара во клубот, сега лежи во болница во Скопје со тешки изгореници и дека во петок треба да ја префрлат во болница во Осло. Звучеше вознемирено, дури и плачеше – толку убедливо што почнав да го тешам. Потоа ми побара пари за маст за изгореници, и тогаш почнав да се сомневам. Ми испрати и слика од пасош, но веднаш забележав по годината на раѓање дека личноста на него е 30-годишен маж, а не 20-годишно момче.Во меѓувреме, се распрашав по пријатели за да проверам дали приказната е вистинита – и, како што претпоставував, беше целосна измама. Затоа, бидете внимателни! Во светот има измамници кои ќе се обидат да ја искористат вашата добрина. Но, јас и понатаму верувам – добри луѓе постојат!“, напиша Дабевски.

Коментари | пред 1 година

(Видео) Македонија е завиена во црно: Граѓански и мирен собир во Скопје

На плоштад Македонија во Скопје веќе има голем број на луѓе за да го изразат заедништво и сочувство за 59 те жртви во страшната трагедија во дискотеката Пулс во Кочани и за 196 те повредени лица од кои 20 се деца.И собирот во Скопје и во Кочани е мирен.Македонија е завиена во црно, велат граѓаните низ солзи, оддавајќи почит на загинатите.

Скопје | пред 1 година

Меѓу уапсените е и потписникот на проектот со кој дискотеката Пулс доби лиценца за работа

Министерот за внатрешни работи Панче Тошковски соопшти дека меѓу уапсените за трагедијата во пожар во дискотека во Кочани е и лицето кое издало и потпишало проект со кое дискотеката Пулс во Кочани, ги исполнува сите потребни услови за да добие лиценца за работа.Лицето се товари дека сторило кривично дело:Тешки дела против општата сигурност.„Последното задржано лице се терети за Тешки дела против општата сигурност, а истиот е потписник на основен проект за издавање лиценца за кабаре клуб односно на еден од документите потребни за ставање во функција на едно кабаре. Незаконито, паушално, без утврдување на фактичка состојба биле изготвувани круцијални документи кои биле предуслов во понатамошната постапка за ставање во функција на предметното кабаре. Во дел на таа документација која е потпишана од уапсеното лице постои тврдење дека станува збор за објект кој ги исполнува сите услови по закон за да биде кабаре, а сите знаете дека не исполнува ниту 20 отсто, а камоли сите“, рече Тошковски.Во притвор се ексминистерот за економија Крешник Бектеши, вработени во Министерството, потоа ексдиректорот на Државниот пазарен инспекторат, сопственикот на дискотеката, членови на обезбедувањето. На распит беше и градоначалникот на Кочани, но тој беше пуштен. Дури вториот ден по трагедијата во неговиот град, градоначалникот си поднесе оставка од функцијата известувајќи ја јавноста преку Фејсбук.

Македонија | пред 1 година

(Видео) Тошковски: Резервоарот за бензин спроти дискотеката Пулс бил празен, нема поврзаност на сопственикот на резервоарот и менаџментот на дискотеката

Во непосредна близина или само на 50 метри од дискотеката Пулс во Кочани имало склад со гориво и бензиска пумпа. Тие се гледаат буквално од самата улица. Има стара бензиска пумпа и резервар за точење.„При увидот е констатирано дека постоел склад за гориво во близина на објектот. Сите други околности се испитуваат”, велат од обвинителството, а потврди и Противпожарната бригада на Кочани.Министерот ги отфрли шпекулациите дека постоела опасност од разорна експлозија и да биде кренат во воздух целиот град Кочани.„Точно е дека во близина на дискотеката „Пулс” е пронајден резервоар за нафта, но тој е целосно празен и не постои никаква поврзаност помеѓу сопственикот на резервоарот и менаџментот на дискотеката“, изјави Тошковски на прес-конференција во врска со трагедијата во Кочани.

Македонија | пред 1 година

Тошковски: Има основи дека незаконито и паушално, биле изготвувани документи за работа на клуб кабарето

Сите 59 загинати лица во дискотеката Пулс во Кочани се идентификувани и завршена е обдукцијата, има 196 повредени од кои 20 се деца, рече на прес конференција министерот за внатрешни работи Панче Тошковски.Од нив, 93 се лекуваат на клиниките во Скопје, а 80 во болници во странство.Приведени се 18 лица за трагедијата, задржани се 16, за дела против општата сигурност. Меѓу нив е и потписникот на издавање документ за работа на Кабаре клубот.„Незаконито и паушално изготвени се круцијални документи за работа на клубот.Со 71 лице се извршени разговори, за 14 лица одреден е притвор од 48 часа”, рече Тошковски.Пред ова од Обвинителството имаше информација за 16 приведени и министерот се огради дали има плус двајца приведени од неговата информација.Тошковски информираше дека се извршени претресо кај две лица вработени во Министерството за економија, управител на објектот, надлежни влегоа и во општината Кочани за обезбедување на документи за дискотеката, потоа и кај државен советник во Министерството.Разрешени се раководни лица од СВР Штип и ОВР Кочани и заменети се со лица од Скопје.Според министерот ова не значи дека се виновни, но заради непристрасно работење и расчистување на случајот се разрешени.Министерот информираше дека истражните органи откриле дека во близина на дискотеката „Пулс“ во Кочани, се наоѓал склад за гориво. Резервоарот бил сместен во соседен објект и бил идентификуван од страна на полициската крим-техника.Резервоарот бил вкопан во земја но бил празен. Сопственикот на бензинската пумпа не е поврзан со сопственичката структура на дискотека.Полицијата вечерта постапувала по оперативен план за откривање дрога и присуство на малолетници во дискотеката.

Македонија | пред 1 година

Изречен притвор за 16 лица, направен претрес во Општина Кочани – нови детали

„Обвинителскиот тим задолжен за дејствијата во рамките на предистрагата за несреќата во Кочани продолжува да презема дејствија. И во текот на денешниот ден, со цел координација на активностите во Кочани е и Јавниот обвинител на Република Северна Македонија Љупчо Коцевски.Врз основа на обезбедените докази се испитува улогата на 16 лица за кои обвинителството побара и обезбеди мерка 48-часовен притвор. Претрес денеска беше извршен и во просториите на Општина Кочани. Попладнево, до надлежниот суд, Основното јавно обвинителство Кочани ќе достави предлог за определување краткотраен притвор за уште едно лице“, велат од Обвинителството.

Македонија | пред 1 година

Пронајден подземен 10-тонски нафтен склад на 50 метри од „Пулс“

Склад за бензин и бензиска пумпа има спроти дискотеката во Кочани - се испитува чие е и дали има нафта.„При увидот е констатирано дека постоел склад за гориво во близина на објектот. Сите други околности се испитуваат”, велат од обвинителството , а потврди и Противпожарната бригада на Кочани. 

Македонија | пред 1 година

(Видео) Кочани е мртов град, молк, солзи и неизмерна болка за загинатите

Кочани обвиено во тишина која одекнува и боли, солзи и неверување дека со нив повеќе не се нивните чеда, браќа, блиски, соседи, соученици.„Кочани е мртов град”, велат жителите, тагувајќи по 59 те жртви во дискотеката на смртта.„Годините молк секогаш водат до минута молк, корупцијата е како дрога, мислиш дека можеш да ја запреш”, пишува на транспарентите.Својата болка ја излеваат со солзи и зборови во книгите на жалост.[video width="320" height="568" mp4="https://skopje1.mk/wp-content/uploads/2025/03/0-02-05-fb0a27a814e61607a7a5d7f61e104a87da5c10b3b9ca32ad9ceb044a9716b0ba_21e44caf250.mp4"][/video]

Македонија | пред 1 година

Во четврток ќе бидат погребани загинатите во пожарот во Кочани

Директорот на ЦУК, Стојанче Ангелов, денеска соопшти дека погребот на 59 те загинати во трагедијата во Кочани ќе биде во четврток, 20 март.Времето ќе биде објавено дополнително.„На погребот ќе присуствува поглаварот на Македонската православна црква, г.г Стефан, ќе има и неколку владици од Синодот. Црквата прави се за овие чеда да бидат испратени на најдостоинствен начин“, изјави Ангелов.

Македонија | пред 1 година

Краткотраен притвор за 16 лица за трагедијата во Кочани

До овој момент Основното јавно обвинителство Кочани предложи определување мерка краткотраен притвор за 16 лица поради огромната трагедија во дискотека во Кочани, во која животот го загубија 59 лица и има голем број повредени.Сите предлози на Обвинителството се прифатени и мерката е определена за сите 16 лица.

Македонија | пред 1 година