САД

Трамп: Разочаран сум од Стармер

Доналд Трамп „многу е разочаран“ од британскиот премиер Кир Стармер затоа што не дозволил веднаш САД да ја користат воздушната база Диего Гарсија за изведување напади врз Иран, изјави американскиот претседател во интервју за Телеграф.Обединетото Кралство првично го одбило барањето на САД за користење на своите бази, но Стармер во недела навечер соопштил дека го прифаќа барањето за нивна употреба во „одбранбени напади“ на американските сили врз иранските цели.Трамп за британските дневни весници изјавил дека Стармер „предолго се двоумел“.Веројатно тоа никогаш порано не се случило помеѓу нашите земји“, рекол Трамп за Телеграф.Звучи како да бил загрижен за законитоста“, додал тој.Премиерот на Обединетото Кралство соопштил дека го прифаќа американското барање за користење на британските бази за одбранбени напади против складишта на ирански ракети или лансери.Ние не бевме вклучени во почетните напади врз Иран... и нема да се придружиме сега“, рекол Стармер, но додал дека Иран сега „спроведува стратегија на запалена земја, па Обединетото Кралство ги поддржува колективните мерки за самоодбрана на нашите сојузници и нашиот народ во регионот“

Свет | пред 4 седмици

Конфликтот се шири кон Либан: Нови ирански напади и израелски удари врз Хезболах

Ескалацијата на судирот меѓу Иран, Израел и Соединетите Американски Држави добива нова регионална димензија, откако конфликтот се прошири и кон Либан. Во раните утрински часови во понеделникот, Израел започна воздушни напади врз цели за кои тврди дека се поврзани со Хезболах, откако ја обвини милитантната група дека испалила ракети кон израелска територија.Според либанското Министерство за здравство, во израелските напади врз Бејрут и јужен Либан загинале најмалку 31 лице, а 149 се повредени. Паралелно со тоа, продолжуваат извештаите за ирански напади низ регионот, при што експлозии се пријавени во Бахреин и Дубаи, а во Саудиска Арабија избувнал пожар во нафтена рафинерија.Во заедничка изјава, Соединетите Американски Држави и шест сојузнички држави од Персискиот Залив оценија дека иранските активности претставуваат „опасна ескалација“ што ја загрозува стабилноста на Блискиот Исток.Претходно, кувајтската војска соопшти дека „неколку“ американски борбени авиони се урнале на територијата на Кувајт, при што екипажите останале неповредени. Причините за инцидентот се истражуваат, а верификувани снимки прикажуваат момент кога борбен авион паѓа од небото и се урива во близина на Кувајт Сити.Иранското Црвено полумесечје соопшти дека 555 лица загинале во Иран по нападите на САД и Израел извршени во повеќе од 130 градови. Во неделата, ирански ракетен напад усмрти девет лица во израелскиот град Беит Шемеш.Во меѓувреме, тензиите се прелеаја и кон источниот Медитеран. Британската воена база „РАФ Акротири“ во Кипар била цел на, како што се наведува, сомнителен напад со беспилотно летало веднаш по полноќ. Британското Министерство за одбрана соопшти дека членовите на семејствата кои живеат во базата ќе бидат преместени во алтернативно сместување како „превентивна мерка“.

Свет | пред 4 седмици

(Видео) САД признаа: Три авиони Ф-15 соборени во Кувајт поради „пријателски оган“

Централна команда на САД соопшти дека три борбени авиони Ф-15, кои летале како поддршка на операцијата „Епски гнев“ против Иран, се урнале над територијата на Кувајт.Според соопштението, сите шест членови на екипажот успешно се катапултирале и биле безбедно пронајдени. Не се наведуваат дополнителни детали за околностите под кои дошло до инцидентот.Претходно, кувајтската војска информираше дека „неколку“ американски борбени авиони се урнале на територијата на земјата и дека се води истрага за причините.Видео-снимка верификувана од Би-Би-Си претходно прикажува момент во кој борбен авион, наводно, бил погоден во близина на Кувајт Сити. Официјалните истраги за инцидентот се во тек.

Свет | пред 4 седмици

Стигна реакција од Русија за војната на САД и Израел против Иран

Кремљ соопшти дека Русија е во постојан контакт со иранското раководство поради, како што наведе, „отворената агресија“ врз Техеран и изрази длабоко разочарување од развојот на настаните.Рускиот претседател Владимир Путин во неделата го осуди убиството на иранскиот врховен верски водач ајатолахот Али Хамнеи, оценувајќи го како „цинично“. Во меѓувреме, руското Министерство за надворешни работи ги обвини Соединетите Американски Држави и Израел дека Блискиот Исток го турнале „во бездна на неконтролирана ескалација“.Портпаролот на Кремљ, Дмитриј Песков, изјави дека Москва ја анализира ситуацијата и ги извлекува сопствените заклучоци по одлуката на Вашингтон да започне напади врз Иран, и покрај, како што рече, претходно ветувачките преговори.„Кога станува збор за разговорите меѓу Соединетите Американски Држави и Иран, со посредство на Оман, можеме да изразиме длабоко разочарување бидејќи, и покрај извештаите за значителен напредок, ситуацијата сепак ескалираше во отворена агресија“, изјави Песков пред новинарите.Тој додаде дека се очекува Путин во текот на денот да оствари меѓународен телефонски разговор поврзан со состојбата во Иран, но не откри со кого ќе разговара.„Можам само да кажам дека сме во постојан контакт со иранското раководство и разговараме за ситуацијата во таа земја. Истовремено, продолжуваме со дијалог со раководствата на земјите погодени од конфликтот, вклучително и државите од Персискиот Залив“, нагласи Песков.

Свет | пред 4 седмици

Тишина по „Епски гнев“: Белата куќа без јасна стратегија

Американскиот претседател Доналд Трамп остана невообичаено воздржан по најавата за почеток на големи воени напади врз Иран, наместо да ѝ се обрати на нацијата од Овалната соба, како што тоа традиционално го правеле неговите претходници при објавување на воени интервенции.Сместен во своето луксузно одморалиште Мар-а-Лаго во Флорида, Трамп одлучи почетокот на операцијата да го соопшти преку осумминутно видео објавено на неговата социјална мрежа „Трут Соушл“. Видеото беше објавено во саботата во 2:30 часот по локално време, а следната видео-порака се појави дури во неделата попладне.При враќањето во Вашингтон во неделата, Трамп одби да одговара на прашања од новинарите кои патуваа со него во претседателскиот авион „Ер Форс Уан“, вклучително и на дописници на меѓународни агенции. Не одржа ниту прес-конференција со која би ја образложил одлуката за влегување во нов вооружен конфликт на Блискиот Исток.Целата администрација на Трамп остана подеднакво тивка од почетокот на операцијата „Епски гнев“, што отвори прашања за начинот на спроведување на најголемата американска интервенција во регионот во изминатите две децении. Ниту раководството на Пентагон, ниту Стејт департментот не излегоа со јавни обраќања, а ниту еден член на владата не се појави во традиционалните неделни информативни емисии за да ја брани офанзивата.Оскудните информации што стигнаа до јавноста произлегоа од серија кратки телефонски интервјуа на Трамп со американски медиуми, но тие честопати беа противречни. Во едно интервју тој изјави дека војната би можела да трае четири недели, во друго – пет. Спомена дека постојат тројца кандидати кои би можеле да управуваат со Иран по смртта на врховниот верски водач, за потоа да тврди дека сите најсилни кандидати веќе биле убиени.Белата куќа во еден момент демантираше извештај дека претседателот ќе одржи директно телевизиско обраќање, според моделот на поранешниот претседател Барак Обама, кој во 2011 година од Ситуациската соба ја објави ликвидацијата на Осама бин Ладен.Наместо тоа, Трамп објави фотографии од импровизирана ситуациска просторија во Мар-а-Лаго, на кои заедно со тимот за национална безбедност изгледа уморно, носејќи исти бели бејзбол капи.Иако викендот не играше голф, што инаку е негова честа практика за време на престојот во Флорида, Трамп присуствуваше на две донаторски вечери на Републиканската партија во својот клуб. Сепак, и таму се задржа кусо, без подолги јавни настапи или дополнителни објаснувања за започнатата воена операција.

Свет | пред 4 седмици

(Видео) Чад над американската амбасада во Кувајт – голема безбедносна мобилизација

Утрово се забележа чад кој се крева над американската амбасада во Кувајт, изјавија очевидци. Во околината на амбасадата беа присутни голем број безбедносни сили, возила на итната помош и противпожарни возила.Очевидците забележале многу безбедносни сили и возила на итна помош, додека видео што го доби Ројтерс прикажува црн чад кој се крева од објектот.Амбасадата издаде предупредување, истакнувајќи дека постои постојана закана од проектили и дронови над Кувајт и советувајќи на јавноста да не се приближува до амбасадата. Американските државјани се советувани да останат дома и да бидат внимателни поради потенцијални напади.Противвоздушната одбрана пресретна неколку „непријателски дронови“ кои се приближуваа кон земјата по море, според агенцијата за цивилна одбрана KUNA. Нема пријавени повредени, а безбедносната состојба е оценета како „стабилна“.Кувајт, како и другите заливски држави, се соочува со напади по убиството на иранскиот врховен лидер Али Хаменеи. Целите во регионот се американски воени објекти.Иран, како одмазда за американско-израелските воздушни напади, во понеделник изврши напади и врз локации во Обединетите Арапски Емирати, Катар и Бахреин.Иранската Револуционерна гарда соопшти дека лансирала ракети кон израелските градови Тел Авив и Хаифа, како и кон Источен Ерусалим.Меѓу целите на овој десетти напад беа владините комплекси на ционистичкиот (израелски) режим во Тел Авив, напади врз воени и безбедносни центри во Хаифа и напад врз Источен Ерусалим“, се наведува во соопштението на иранската идеолошка војска емитувано на државната телевизија.САД соопштија дека досега во американската операција против Иран загинале три американски војници, а Кувајт извести дека во понеделник во таа држава се срушиле неколку американски борбени авиони, но екипажите преживеале.

Свет | пред 4 седмици

(Видео) Се урна американски воен авион Ф-15 во Кувајт

Се урна американски воен авион Ф-15 во Кувајт.На социјалните мрежи се објавуваат снимки на кои се гледа како авионот е погоден и паѓа.Иран објави дека неговите сили го собориле авионот.Пилотот на Ф-15 преживеа, откако успеал безбедно да се катапултира. По слетувањето за него се погрижиле група локални жители.Засега нема реакција од САД.

Свет | пред 4 седмици

Американски сенатор жестоко го критикуваше нападот врз Иран

Американскиот сенатор Берни Сандерс остро ја критикуваше одлуката на претседателот Доналд Трамп за нападот врз Иран, доведувајќи во прашање образложението на Белата куќа дека САД не смеат да дозволат Иран да развие нуклеарно оружје.Сандерс, демократски социјалист и независен сенатор од Вермонт, кој во Конгресот се приклучува на демократите и е познат по своите прогресивни ставови, се огласи преку социјалната мрежа X.Во објавата тој се потсети на претходната изјава на Трамп од јуни, во која претседателот тврдел дека иранските нуклеарни постројки се „уништени“.Тоа е истиот претседател кој во јуни рече: ‘Иранските нуклеарни постројки се уништени.’ Виетнам. Ирак. Иран. Уште една лага. Уште еден војна“, напиша Сандерс.Неговата изјава се однесува на претходните американски воени интервенции, особено војните во Виетнам и Ирак, кои оставија длабоки политички и општествени последици.Сандерс и претходно предупредуваше за опасноста од ескалација на конфликтот на Блискиот исток, залагајќи се за дипломатски решенија и меѓународна соработка наместо воена интервенција.

Свет | пред 4 седмици

Арагчи: Убиството на ајатолахот е опасен преседан – одговорните ќе сносат последици

Иранскиот министер за надворешни работи, Абас Арагчи, денеска упати писмо до Обединетите нации и Советот за безбедност, во кое предупреди дека убиството на лидерот на Исламската револуција, ајатолах Али Хамнеи, ќе има „длабоки и далекусежни последици“ за одговорните.Во писмото до генералниот секретар на ОН, Антонио Гутереш, и членовите на Советот за безбедност, Арагчи истакна дека убиениот ајатолах, кој беше врховен лидер на Иран, не беше само највисок официјален авторитет во земјата, „туку и верска личност која ја почитуваат десетици милиони муслимани ширум регионот и светот“.Таквиот напад ќе има длабоки и далекусежни последици, за кои целосна одговорност лежи единствено на извршителите“, нагласи Арагчи.Тој ја оцени како „страшна и криминална“ природата на делото кое било „извршено против големиот народ на Иран“ и потенцира дека Израел и САД извршиле напади врз Иран „во нова серија агресивни, однапред смислени и целосно неоправдани акти против суверенитетот и територијалниот интегритет“ на земјата.Арагчи предупреди дека неактивноста на ОН ќе има долгорочни последици.Недостигот на решителен одговор на таквото однесување не само што ќе ги охрабри извршителите, туку ќе нанесе и трајна и непоправлива штета врз основите на меѓународниот правен поредок во следните децении“, рече Арагчи.Тој посочи дека нападот претставува „груб прекршок на член 2(4) од Повелбата на Обединетите нации“ и дека „претставува директен напад врз најосновните принципи на меѓународното право, вклучувајќи ја забраната за употреба на сила, принципот на суверена еднаквост на државите и неповредливост и имунитет на шефовите на држави“.Арагчи нагласи дека таквиот чин „создава опасен преседан кој ја погодува основната норма која го регулира државниот суверенитет и цивилизираното однесување меѓу народите“.Шефовите на држави, истакна Арагчи, „се неповредливи, почитувани и имуни“, што е, според него, „принцип неопходен за независно извршување на нивните службени должности“. Поради тоа, „намерното целење на највисокиот официјален орган на Иран претставува тешко и невидено кршење на најосновните норми кои ги регулираат односите меѓу државите“.Арагчи подвлече дека нападот на никаков начин не ги негира „вроденото и легитимното право“ на Иран да го брани својот суверенитет, територијалниот интегритет и својот народ во согласност со член 51 од Повелбата на Обединетите нации.Министерот за надворешни работи изјави дека нападот врз Иран бил извршен „во очигледно непочитување на обврзувачките принципи на меѓународното право и обичајното меѓународно право, вклучувајќи ги и оние содржани во Конвенцијата за спречување и казнување на злосторства против меѓународно заштитени лица од 1973 година“.Тој заклучи дека инцидентот „повлекува меѓународна одговорност на релевантните држави-прекршители, а исто така повлекува и индивидуална кривична одговорност на претседателот на САД, на таканаречениот премиер на израелскиот режим и на сите лица вмешани во планирање, наредување, одобрување, извршување или на друг начин помагање и поттикнување на овој кривичен чин“.

Свет | пред 4 седмици

(Видео) Напад со дрон врз британска база на Кипар

Базата на британските воздухопловни сили RAF Akrotiri на Кипар е погодена во напад за кој се сомнева дека е изведен со дрон, потврди Министерството за одбрана на Обединетото Кралство. Во нападот нема жртви, но како мерка на претпазливост персоналот што не е неопходен за функционирањето на базата привремено ќе биде преместен. Владата на Обединетото Кралство сè уште не потврдила од каде потекнува дронот, пишува Sky News.Дронот стигнал до британската воздухопловна база на островот, изјави на брифинг портпаролот на кипарската влада, Константинос Летимбиотис. Немало жртви, а пријавена е само помала материјална штета.Реакција на Министерството за одбранаБританското Министерство за одбрана соопшти дека реагира на „напад со беспилотни летала“ врз неговата воена база на Кипар.Степенот на заштита на нашите сили во регионот е на највисоко ниво, а базата реагираше за да ги одбрани нашите луѓе. Станува збор за настан што е во тек, а дополнителни информации ќе бидат објавени навремено“, изјави тој.Според информациите на Sky News, дронот што учествувал во инцидентот бил мал. Воените сили неодамна преместиле дополнителни ресурси во своите бази на Кипар, вклучително и системи за одбрана од дронови, борбени авиони F-35 и радарски системи. Министерството за одбрана наведе дека овие дополнителни капацитети се наменети исклучиво за одбранбени цели, пред сè за откривање и неутрализирање воздушни закани.Поширок контекст на судиротНападот се случи само неколку часа откако премиерот Кир Стармер потврди дека Обединетото Кралство им дозволило на Соединетите Американски Држави користење на одредени британски бази за напади врз ирански ракетни постројки. Sky News дознава дека станува збор за базите RAF Fairford во Глостершир, базата на Кипар и базата Diego Garcia на спорните острови Чагос.Реагирајќи на оваа одлука, Либералните демократи предупредија на „лизгав терен“ и ризик дека САД може да ја „вовлечат Британија во уште една долготрајна војна на Блискиот Исток“.Портпаролот на кипарската влада изјави дека информациите добиени преку различни канали укажуваат дека станува збор за беспилотно летало кое предизвикало ограничена штета.Судирите на Блискиот Исток влегуваат во трет ден, а САД и Израел продолжуваат со напади врз Иран по смртта на врховниот лидер ајатолах Али Хамнеи. Се проценува дека повеќе од 200.000 британски државјани, вклучително и воен персонал, се изложени на ризик во Заливот, додека режимот во Техеран лансира нови проектили кон соседните земји.

Свет | пред 4 седмици

И ЕУ се огласи за војната на Блискиот Исток: Нападите на Иран и нарушувањето на суверенитетот на низа земји во регионот се неопростиви

Европската Унија вечерва повика на „максимална воздржаност“ и целосно почитување на меѓународното право во контекст на ескалацијата со Иран, изјави високата претставничка за надворешна политика на ЕУ, Каја Калас.Во соопштение објавено во име на сите земји членки, таа нагласи дека е неопходна заштита на цивилите и целосно почитување на принципите на Повелбата на Обединетите нации и меѓународното хуманитарно право.Соопштението следуваше по итната видеоконференција на министрите за надворешни работи на ЕУ, свикана откако Соединетите Американски Држави и Израел извршија воени напади врз Иран, по што Техеран возврати со одмазднички дејствија кон Израел, американските сили и земји од Персискиот Залив.„Нападите на Иран и нарушувањето на суверенитетот на низа земји во регионот се неопростиви. Иран мора да се воздржи од неселективни воени напади“, се наведува во соопштението на ЕУ.Унијата исто така изрази загриженост за можните нарушувања во протокот на нафта и синџирите на снабдување, оценувајќи дека конфликтот не смее да доведе до поширока ескалација што би го загрозила Блискиот Исток, Европа и пошироко, со непредвидливи економски последици.Во текстот се истакнува дека мора да се избегнат пречки на клучните поморски патишта, како што е Ормутскиот Теснец.Соопштението претставува компромис меѓу различните ставови во рамки на Унијата, која брои околу 450 милиони жители, во однос на воените акции на американскиот претседател Доналд Трамп и израелскиот премиер Бенјамин Нетанјаху.Германскиот канцелар Фридрих Мерц изјави дека сега не е време за држење лекции на партнери и сојузници, додека шпанскиот премиер Педро Санчез ги отфрли американските и израелските акции, оценувајќи дека тие придонесуваат кон понесигурен и понепријателски меѓународен поредок.Зад затворени врати, дипломатски извори наведуваат дека Европа има ограничено влијание врз развојот на конфликтот, иако неговите последици би можеле значително да се одразат врз континентот.

Свет | пред 4 седмици

Трамп: Нападите врз Иран може да траат и до еден месец, сѐ оди според планот

Американскиот претседател Доналд Трамп изјави дека воените удари врз Иран би можеле да траат и до еден месец, наведувајќи дека првичната проценка за времетраењето на операцијата изнесувала околу четири недели.Во разговор за Дејли мејл, Трамп посочил дека, иако нападите се силни, станува збор за голема земја и дека ќе биде потребно време за целосно реализирање на целите.„Отсекогаш планиравме да трае четири недели. Проценката беше околу четири недели. Колку и да се силни ударите, тоа е голема земја и ќе бидат потребни четири недели, а можеби и помалку“, изјавил Трамп, додавајќи дека засега е задоволен од текот на операцијата.Тој се осврна и на првите тројца загинати американски војници во текот на борбите, оценувајќи ги како „одлични луѓе“ и истакнувајќи дека вакви загуби, за жал, се можни во воени услови.„Разговарав со нивните семејства и ќе се сретнам со нив во соодветно време“, рече Трамп.Во однос на текот на операцијата, претседателот нагласи дека засега нема непланирани изненадувања и дека, според неговата оценка, „сè оди според планот“. Тој тврдеше дека биле елиминирани голем број високи фигури од иранското раководство, повеќе од првично очекуваното.Истовремено, Трамп изјави дека е отворен за разговори со иранското раководство, но посочи дека, според него, тие требало да се одржат порано.„Тие сакаат да разговараат, но им реков дека требаше да разговараат минатата недела, а не оваа“, изјави американскиот претседател, оставајќи отворена можност за дипломатски контакт во наредниот период.

Свет | пред 4 седмици

САД: Погодени повеќе од 1.000 ирански цели во текот на операцијата

Централна команда на САД соопшти дека во досегашниот тек на операцијата против Иран биле погодени повеќе од 1.000 цели на иранска територија.Според објавата, меѓу метите се нашле командни и контролни центри, позиции на балистички проектили, бродови и подморници на иранската морнарица, како и воени комуникациски капацитети.Од Централната команда наведуваат дека нападите се насочени кон ослабување на воената инфраструктура и оперативните способности на Иран.Во објава на социјалните мрежи, командата дополнително тврди дека иранскиот режим „активно таргетира цивили во своите одмазднички напади“, оценувајќи ја таквата практика како сериозна ескалација на конфликтот.Операцијата, според американските власти, продолжува, а засега нема официјални информации за евентуални дополнителни проширувања на целите или времетраењето на воените дејствија.

Свет | пред 4 седмици

САД: Го уништивме седиштето на Иранската револуционерна гарда

Американската војска соопшти дека во напад во Техеран е уништено седиштето на Иранската револуционерна гарда.„Америка има најмоќна војска во светот, а ИРГЦ повеќе нема седиште“, објави CENTCOM на социјалните мрежи.Во објавата се наведува дека Иранската револуционерна гарда во изминатите 47 години убила повеќе од 1.000 Американци.„Вчерашниот обемен американски напад ѝ ја отсече главата на змијата“, се додава во соопштението.Засега нема официјална потврда од иранските власти за наводите на американската страна, ниту информации за евентуални жртви или материјална штета. Ситуацијата останува во развој.

Свет | пред 4 седмици

Белата куќа: Новото иранско раководство сигнализира подготвеност за преговори

Висок функционер од Белата куќа изјавил за тамошните медиуми дека потенцијалното ново раководство на Иран испратило сигнали за подготвеност за преговори со Соединетите Американски Држави.Истиот функционер, кој побарал да остане анонимен, навел дека Доналд Трамп е „евентуално“ подготвен за преговори, но нагласил дека воените операции засега ќе продолжат без прекин.Не било откриено кои се можните нови ирански челници со кои би можело да се води дијалог, ниту каков формат би имале евентуалните разговори.Изјавата доаѓа во момент на засилена воена ескалација и размена на удари меѓу САД, Израел и Иран, додека меѓународната заедница повикува на воздржаност и дипломатско решение за кризата.

Свет | пред 4 седмици

Масовно пукање во Америка: Најмалку тројца загинати

Најмалку три лица загинаа, а 14 беа повредени во масовната пука во еден бар во Остин, Тексас, рано утрово, соопшти полицијата. Сите повредени се пренесени во болница, при што тројца се во критична состојба, објави Reuters.Полицијата потврди дека осомничениот за нападот е убиен на местото на настанот во престрелка со полицајци. Идентитетот на напаѓачот и мотивот за нападот сè уште не се објавени од властите.

Свет | пред 4 седмици

Иранскиот ајатолах Ширази прогласи џихад против САД и Израел

Иранскиот ајатолах Насер Макарем Ширази прогласи џихад против Соединетите Американски Држави и Израел, известуваат иранските медиуми, во време на драматична ескалација на судирите на Блискиот Исток.Според достапните информации, еден од највлијателните шиитски верски авторитети во Иран упати порака во која повикува на „свет отпор“ против, како што наведе, „агресијата и криминалните напади“ на САД и Израел врз иранските цели. Неговата изјава доаѓа по интензивирањето на воздушните напади и меѓусебните закани, кои го доведоа регионот на работ на поширок конфликт.Макарем Ширази, кој важи за еден од највисоките верски авторитети во Ком, и има големо влијание меѓу верниците, претходно имал остри ставови кон Вашингтон и Тел Авив, но сега, според иранските извори, ја подигнал реториката на највисоко ниво, користејќи го терминoт „џихад“, кој во овој контекст означува верска обврска за одбрана на земјата и исламот.Ескалација на судирите Иран – САД – ИзраелНајновата криза избувна по серија напади врз воени и инфраструктурни цели во Иран, за кои Техеран ги обвинува Соединетите Американски Држави и Израел. Иранските власти тврдат дека станува збор за директна агресија и кршење на меѓународното право, додека Вашингтон и Тел Авив наведуваат дека акциите се насочени кон спречување на безбедносни закани и дестабилизација на регионот.Иран повеќепати предупреди дека на секој напад ќе одговори „одлучно и без ограничувања“. Прогласувањето џихад од страна на еден од највлијателните ајатоласи дополнително ја зголемува тензијата и испраќа силна порака внатре во Исламската Република, но и низ целиот шиитски свет.

Свет | пред 4 седмици

(Видео) Најмалку девет загинати на протест пред американскиот конзулат во Карачи, пробиена оградата

Најмалку девет лица загинаа во пакистанскиот град Карачи за време на протестите пред американскиот конзулат, кои избувнаа поради американско-израелските напади врз Иран, јавуваат агенциите повикувајќи се на спасувачките служби.Според информациите, пакистанската полиција употребила солзавец за да ги растера демонстрантите, откако тие ја пробиле надворешната ограда на американскиот конзулат во Карачи. Новинар на Ројтерс пријавил и истрели, а видеоснимки од местото покажуваат запалени возила пред главниот влез на објектот.Локалните власти соопштија дека демонстрантите биле оттурнати од конзулатот, додека состојбата во градот останува тензична.Протести се одржаа и во други делови на Пакистан. Во северниот град Скарду, во покраината Гилгит-Балтистан, демонстранти ја запалиле зградата во која се сместени канцеларии на Обединети нации. Локалните власти информираа дека нема жртви во тој инцидент.Во Лахоре, стотици луѓе се собрале пред американскиот конзулат, но без сериозни инциденти. Според очевидци, полицијата ги спречила обидите за оштетување на безбедносната ограда без употреба на сила.Паралелно, протести се одржаа и во ирачкиот главен град Багдад, каде проирански демонстранти се собраа пред Зелената зона, во која се наоѓа и американската амбасада.Тензиите се прелеаја и во индискиот дел на Кашмир, каде илјадници шиити излегоа на улиците во знак на жалост и протест. Во регионалниот центар Сринагар се слушаа антиамерикански и антиизраелски пароли, но собирот минал без поголеми инциденти.Ескалацијата на протестите доаѓа во време на засилени регионални тензии по најновите воени случувања на Блискиот Исток.

Свет | пред 4 седмици

(Видео) Иран подигна црвено знаме и се заканува: „Денес ќе ги погодиме Израел и САД со сила каква никогаш не сте искусиле“

Висок ирански безбедносен функционер упати жестока закана до Соединетите Американски Држави и Израел, најавувајќи нови напади.Али Лариджани на платформата Икс напиша дека Иран веќе испукал проектили кон двете држави и дека им биле нанесени штети.„Денес ќе ги погодиме со сила каква што никогаш досега не искусиле“, порача тој.Неговата изјава следи по предупредувањето од американскиот претседател Доналд Трамп, кој на социјалните мрежи напиша дека Иран најавил силен удар и дека „подобро е да не го сторат тоа“, бидејќи во спротивно САД ќе возвратат со сила „каква што никогаш не била видена“.Во меѓувреме, Иран подигна црвено знаме над џамијата Џамкаран во градот Ком. Во шиитската традиција, црвеното знаме симболизира крв на неправедно убиените и повик на одмазда, а се крева по ликвидација на важни лидери или по големи напади.Иранскиот претседател Масуд Пезешкијан се заколна на одмазда, оценувајќи дека атентатот врз ајатолахот Али Хаменеи претставува објава на војна против муслиманите.Размената на закани дополнително ја зголемува неизвесноста во регионот и ја продлабочува кризата што веќе предизвика сериозни воени и дипломатски последици.

Свет | пред 4 седмици

Нови детали за ликвидацијата на Хаменеи: ЦИА ја лоцирала точната позиција

Израелски одбранбени сили објавија нови информации за нападите во кои беше убиен врховниот водач на Иран, ајатолахот Али Хаменеи.Во соопштението се наведува дека израелските воздухопловни сили, врз основа на прецизни разузнавачки податоци од военото разузнавање и во координација со Мосад, го погодиле комплексот на раководството во центарот на Техеран, каде што Хаменеи присуствувал на состанок со високи функционери.Американскиот претседател Доналд Трамп изјави дека разузнавачките служби го откриле движењето на Хаменеи и дека состанокот бил поместен од вечерните часови за сабота наутро, по што бил забрзан нападот.Според извештај на Њујорк тајмс, повикувајќи се на извори запознаени со случајот, ЦИА непосредно пред координираниот напад ја утврдила точната локација на Хаменеи и обезбедила „високо доверливи“ информации што биле клучни за операцијата. Наводно, американските служби со месеци го следеле неговото движење и безбедносните рутини.Информациите биле споделени со Израел, по што двете земји го прилагодиле времето на нападот. Наместо првично планираниот ноќен термин, ударот бил изведен во 9:40 часот по локално време, во моментот кога се одржувал состанокот.Белата куќа и ЦИА одбиле официјално да го коментираат извештајот.Сателитска снимка од компанијата Ербас, направена во 11:06 часот по локално време, покажува густ чад и сериозни оштетувања во комплексот во централниот дел на Техеран. Според достапните информации, погодени се најмалку четири објекти.Во соопштението, ИДФ оцени дека Хаменеи „промовирал екстремистичка идеологија против државата Израел и Западот“ и дека бил „архитект на планот за уништување на Израел“. Со неговата смрт, израелската војска порача дека е „затворен историски круг со елиминацијата на лидерот на иранската терористичка оска“.

Свет | пред 4 седмици

Русија бара од Америка и Израел да ја прекинат агресијата врз Иран

Постојаниот претставник на Русија при Обединетите нации, Василиј Небензја, изјави дека Русија бара од Соединетите Американски Држави и Израел да ги прекинат агресивните дејства против Иран.Небензја на итната седница на Советот за безбедност на ОН за Иран, која беше свикана на барање на Русија и Кина, рече дека Русија смета дека ударите на САД и Израел врз Иран претставуваат „нож во грб“ и „вистинско предавство на дипломатијата“, бидејќи се изведени во време кога Техеран покажувал подготвеност за дипломатски преговори со Вашингтон, пренесува Спутник.Тој изјави дека Иран доследно соопштувал дека нема планови за создавање нуклеарно оружје и дека ги исполнува обврските во таа област, додавајќи дека ескалацијата околу Иран ја загрозува нуклеарната и радиолошката безбедност.Небензја наведе дека Русија ги смета за неосновани обидите на Западот да ја оправда „агресијата“ на САД и Израел против Иран, како и изјавите на претседателот на САД Доналд Трамп дека нападот бил изведен за да се спречи Техеран да дојде до нуклеарно оружје.Според неговите зборови, Русија повеќепати добивала сигнали дека Израел наводно не е заинтересиран за воена конфронтација со Иран, но дека сегашните активности на САД и Израел ризикуваат да доведат до хуманитарна и економска катастрофа. Небензја додаде дека Русија очекува генералниот директор на Меѓународната агенција за атомска енергија (IAEA), Рафаел Гроси, јасно да го осуди американскиот напад врз Иран.Во обраќањето на седницата на Советот за безбедност на ОН тој рече и дека Русија со „особена болка“ ја примила веста за ударот врз училиште во Иран и дека презема неопходни мерки за безбедноста на руските државјани во Иран.Дејствата на САД и Израел ги оцени како неиспровоциран акт на вооружена агресија и кршење на Повелбата на ОН и меѓународното право, како и дека воените акции се насочени кон отстранување на држава која е „незгодна за Западот“.САД и Израел го нападнаа Иран рано вчера наутро во, како што беше соопштено, „превентивни напади“, до кои дојде по неуспехот на повеќе рунди преговори за иранската нуклеарна програма.Иран потоа започна масовни одмазднички удари врз Израел и врз цели поврзани со САД низ регионот на Блискиот Исток.

Свет | пред 4 седмици

Убиен шефот на иранската војска кој пред пет дена жестоко му се закани на САД

Иранската државна телевизија ИРИБ објави дека началникот на Генералштабот на вооружените сили на Иран, Абдолрахим Мусави, бил убиен во нападите врз земјата.Според извештаите, Мусави бил меѓу околу 30 клучни политички и воени функционери кои наводно биле цел на заедничките американско-израелски удари.Пет дена пред нападите, токму Мусави во име на иранските власти упати една од најострите закани досега кон Соединетите Американски Држави, порачувајќи дека доколку „повторат грешка“, Иран ќе им нанесе тешки загуби.Засега нема независна потврда за информацијата, ниту официјално соопштение од иранското Министерство за одбрана со дополнителни детали за околностите на наводната смрт.

Свет | пред 4 седмици

Стејт департментот издаде итно предупредување: Американците ширум светот се во опасност

Американскиот Стејт департмент денеска издаде соопштение во кое им препорачува на граѓаните на Соединетите Американски Држави ширум светот да „покажат зголемена претпазливост“ поради американските и израелските воени удари врз Иран.„По започнувањето на американските борбени операции во Иран, Американците ширум светот, а особено на Блискиот Исток, треба да ги следат упатствата од најновите безбедносни предупредувања издадени од најблиската американска амбасада или конзулат“, се наведува во предупредувањето објавено на интернет-страницата на Стејт департментот.Се додава дека е можно да дојде до нарушувања во патувањата поради периодично затворање на воздушниот простор на некои земји.САД и Израел рано утрово извршија напади врз Иран во, како што е соопштено, „превентивни напади“, по неуспехот на повеќе рунди преговори за иранската нуклеарна програма. Потоа Иран изврши масовни удари како одмазда врз Израел, како и врз цели поврзани со САД во регионот на Блискиот Исток.

Свет | пред 1 месец

Трамп во дипломатска офанзива по ескалацијата со Иран: Разговори со Ријад, Доха, Абу Даби и НАТО по нападите

Претседателот на Соединетите Американски Држави, Доналд Трамп, одржал серија телефонски разговори со лидерите на Саудиска Арабија, Катар и Обединетите Арапски Емирати, како и со генералниот секретар на НАТО, Марк Руте, по ескалацијата на судирот со Иран.Информацијата на социјалните мрежи ја објави портпаролката на Белата куќа, Каролин Ливит, наведувајќи дека консултациите со сојузниците следеле по иранскиот воен одговор на ударите изведени од САД и Израел.Истовремено, беа објавени извештаи за напади врз воени бази лоцирани во Бахреин, Катар и Обединетите Арапски Емирати, што дополнително ја зголеми загриженоста за ширење на конфликтот во регионот на Блискиот Исток.

Свет | пред 1 месец

ЦИА: Ако падне ајатолахот, Иран ќе го преземат тврдолинијашите на Револуционерната гарда

Централната разузнавачка агенција на САД (ЦИА) процени, пред денешните напади на САД и Израел, дека врховниот лидер на Иран, ајатолахот Али Хамнеи, веројатно ќе биде заменет од тврдокорни припадници на Корпусот на Исламската револуционерна гарда (ИРГЦ) доколку тој почине. Проценките, направени во текот на изминатите две недели, ги разгледаа можните исходи од воена интервенција на САД и нејзиниот потенцијал да предизвика промена на режимот во Исламската Република, за која Вашингтон сега отворено ја прогласи својата цел, објави Ројтерс.Двајца извори, кои зборуваа под услов на анонимност поради чувствителноста на темата, рекоа дека извештаите на разузнавачката агенција не предвидуваат никакво специфично сценарио со сигурност. ИРГЦ е елитна воена сила задолжена за заштита на шиитската клерикална влада на Иран. ЦИА одби да коментира за обвинувањата.Претседателот на САД, Доналд Трамп, со недели најавува дека САД се заинтересирани за промена на режимот во Иран, но не објасни детално кого Вашингтон смета дека треба да ја води земјата. Во видео обраќање рано утрово, Трамп ги нарече властите во Техеран „терористички режим“ и го повика иранскиот народ да ја преземе власта, велејќи дека американските воени напади ќе создадат услови за востание.Нападот на САД и Израел следеше по неколкудневни размислувања во рамките на американската администрација за тоа дали да се интервенира воено по смртоносните протести што избувнаа во Иран во декември. Американските претставници во последните недели се обидуваа да постигнат нуклеарен договор со Техеран за да избегнат интервенција.Државниот секретар Марко Рубио им рече на осум врвни конгресни лидери, познати како „Банда на осумте“, на брифинг минатата недела дека операцијата на САД веројатно ќе продолжи, но дека Трамп сè уште може да се предомисли, особено ако нуклеарните разговори вродат со плод. Тие преговори во Женева на крајот не доведоа до договор. Два познати извори потврдија дека Рубио ја информирал „Бандата од осумте“ во петокот вечерта дека нападот врз Иран веројатно ќе започне во рок од неколку часа, но повтори дека Трамп сè уште може да ја промени одлуката.

Свет | пред 1 месец