СООБРАЌАЈКА

(Видео) Тешка сообраќајка во „Ѓорче Петров“: Судир на пет возила, младиот возач во тешка состојба

Тешка сообраќајна несреќа со учество на пет возила се случи синоќа на улицата „Ѓорче Петров“ во Скопје, при што едно лице се здобило со тешки телесни повреди, а повеќе други се повредени.Од Министерството за внатрешни работи информираат дека несреќата била пријавена вчера во 21:20 часот, а во неа учествувале две патнички возила „бмв“, „фолксваген туран“, „фолксваген артеон“ и „мерцедес“, сите со скопски регистарски ознаки.Тешко повреден е 19-годишниот возач Л.Ј. од село Кондово, кој управувал едно од возилата „бмв“. Со телесни повреди се здобиле и двајца негови сопатници, како и шест лица од другото „бмв“ и возачот на „мерцедесот“, Б.Р. (28) од село Глумово.Повредените се пренесени во Ургентниот центар при комплекс клиники „Мајка Тереза“ и во Градската општа болница „8 Септември“, каде им била укажана медицинска помош.За несреќата е известен јавен обвинител, а увид на местото извршила увидна екипа на СВР Скопје.

Скопје | пред 4 дена

(Видео) Ауди, мазда и камион се судрија, има повредени: тешка сообраќајка во Скопје, едно возило превртено

Тешка сообраќајна незгода со три возила се случи попладнево на булеварот „Словенија“ во Скопје, при што две лица се здобиле со повреди и се пренесени во болница.Од Министерството за внатрешни работи информираат дека незгодата била пријавена денеска во 15:30 часот во СВР Скопје. Во судирот учествувале патничко возило „ауди“ со скопски регистарски ознаки, управувано од И.И. (45), патничко возило „мазда“ со пробни таблички, управувано од С.А. (31), како и товарно возило со кумановски регистарски ознаки, управувано од И.К. (37) од Куманово.Во незгодата со повреди се здобиле две лица, кои со возила на Итната медицинска помош биле пренесени во здравствена установа за укажување помош.Надлежните служби вршат увид на местото на настанот, по што се очекуваат повеќе детали за причините за сообраќајката.

Скопје | пред 1 седмица

(Фото) Тешка сообраќајка во Ченто: БМВ целосно уништено по судир со „голф“ кој заврши во автобуска постојка

Тешка сообраќајна несреќа се случила денеска на влезот во населбата Методија Андонов Ченто во Скопје, во која учествувале патнички возила „БМВ“ и „голф“.Според фотографиите од местото на настанот, возилото „БМВ“ претрпело значителни оштетувања, особено на предниот и страничниот дел. Видливо е дека се активирани воздушните перничиња, што укажува на силен удар.На коловозот има расфрлани делови од возилата, а едно од тркалата е целосно откинато. На терен увид правела полицијата.Засега нема официјални информации за евентуално повредени лица, ниту за причините за несреќата. Очекувањата се дека по извршениот увид ќе бидат познати повеќе детали.

Скопје | пред 1 седмица

Пијан и без дозвола предизвикал сообраќајка кај Берово, едно лице тешко повредено

Тешка сообраќајна несреќа се случила на регионалниот пат Берово–село Дабиље, при што едно лице се здобило со тешки телесни повреди, а друго со полесни, информира Министерството за внатрешни работи.Несреќата се случила на 02.04.2026 година во 17:48 часот, на местото викано „Ширината“, во атарот на Берово, помеѓу патничко возило „форд“, управувано од 37-годишен беровец и патничко возило „шкода“, управувано од 40-годишен жител на Берово.Во судирот, со тешки телесни повреди се здобил 49-годишен сопатник од возилото „форд“, додека со телесни повреди се здобил и возачот на „шкодата“. Повредите им биле констатирани во Општата болница во Кочани.По извршениот увид, било утврдено дека возачот на „фордот“ го управувал возилото без возачка дозвола и под дејство на алкохол, при што му биле измерени 1,46 промили алкохол во крвта.По наредба на јавен обвинител, тој е лишен од слобода, возилото е одземено, а по целосно документирање на случајот ќе следува соодветна пријава.

Македонија | пред 2 седмици

Пешак тешко повреден во сообраќајна несреќа во Долно Седларце, возачот избегал

Министерството за внатрешни работи информира дека на 28 март 2026 година во 20:50 часот во село Долно Седларце, општина Брвеница, патничко возило удрило во 70-годишниот пешак З.С. од Тетово, по што возачот го напуштил местото на настанот.Во несреќата пешакот се здобил со тешки телесни повреди, кои биле констатирани во Клиничката болница Тетово. Увид на местото на настанот извршила увидна екипа од СВР Тетово, а полициските службеници преземаат мерки за целосно расчистување на случајот.

Македонија | пред 3 седмици

Две тешки сообраќајни несреќи во Скопје: повредени малолетничка и пешак

Министерството за внатрешни работи информира за две одделни сообраќајни незгоди што се случиле на 28 март 2026 година на подрачјето на Скопје, во кои се повредени малолетничка и повозрасна жена.Првата незгода била пријавена околу 12:30 часот, на крстосницата меѓу улиците „Зеф Љуш Марку“ и „Фан Ноли“, каде што патничко возило „опел астра“ со штипски регистарски ознаки, управувано од П.И. (55) од Штип, удрило во детски тротинет управуван од малолетничка од Скопје. Во несреќата со тешки телесни повреди се здобила нејзината малолетна сопатничка, која се превезувала на тротинетот. Повредите биле констатирани во Градската општа болница „Св. Наум Охридски“.Втората незгода се случила околу 09:15 часот на крстосница од сервисна улица и булеварот „Јане Сандански“, каде што патничко возило „шкода“ со скопски регистарски ознаки, управувано од М.Н.К. (68) од Скопје, удрило во 75-годишната Р.Т. од Скопје. Во несреќата, лицето се здобило со тешки телесни повреди, исто така констатирани во Градската општа болница „Св. Наум Охридски“.Увид на двете места на настаните извршиле екипи од СВР Скопје.

Скопје | пред 3 седмици

Тешко повреден возач во сообраќајна несреќа кај Велес

Министерството за внатрешни работи информира дека на 28 март 2026 година во СВР Велес било пријавено дека околу 07:00 часот на улицата „Сараевска“ во селото Горно Оризари, велешко, се случила сообраќајна незгода помеѓу две патнички возила.Според информациите од МВР, во незгодата учествувале патничко возило „шевролет“ со велешки регистарски ознаки, управувано од Ј.Х. (51) од селото Горно Оризари и патничко возило „опел“ со велешки регистарски ознаки, управувано од 29-годишната Ј.А. од истото село.Во несреќата, Ј.Х. се здобил со тешки телесни повреди, додека Ј.А. се здобила со телесни повреди, констатирани во Општата болница Велес.Увид на местото на настанот извршила увидна екипа од СВР Велес.

Македонија | пред 3 седмици

Тешка сообраќајна несреќа во Хрватска: Судир меѓу автомобил и мотоцикл

Во улицата „Седум Каштела“ во Сплит, во близина на стадионот „Пољуд“, денеска нешто пред 17 часот се случи сообраќајна несреќа во која учествувале патничко возило и мотоцикл.Возачот на мотоциклот бил пренесен со Итна медицинска помош во болница во Сплит. Засега не е позната тежината на неговите повреди.Полицијата извршила увид на местото на настанот за да ги утврди сите околности на несреќата.

Свет | пред 1 месец

Судир на два трамваи во Рим, повредени десетина лица

Десетина лица денеска се повредени и пренесени во болница по судир на два трамваи во римската населба Пињето, но според првичните информации никој од нив не е во тешка состојба, пренесуваат локалните медиуми.Повредените со возила на итната медицинска помош биле пренесени во неколку болници во Рим, објави Roma Today.Итните служби и полицијата веднаш пристигнале на местото на несреќата по судирот на двата трамваи кои сообраќале на линиите 5 и 19. Несреќата се случила околу осум часот наутро.Полициските службеници привремено го затвориле овој дел од градот за сообраќај и помогнале во спасувачката операција за извлекување на повредените патници.Во тек е истрага и реконструкција на настанот што ја спроведува полицијата во Рим, а сообраќајот во меѓувреме е нормализиран. Засега не е познато што довело до судирот на трамваите.

Свет | пред 1 месец

Детали за сообраќајката во која загина едно лице

Неколку лица се повредени во сообраќајна незгода што денеска се случила на патот меѓу Кочани и Виница, информираа од Министерство за внатрешни работи. Според информации на “Скопје1”, едно лице загинало на лице место.Како што соопшти МВР, денеска во 13:44 часот во СВР Штип било пријавено дека во близина на угостителски објект настанала сообраќајна незгода помеѓу патничко возило „мазда“ и патничко возило „поло“.Во незгодата неколку лица се здобиле со повреди и со возила на Итната медицинска помош се транспортираат во Општа болница Кочани за укажување лекарска помош.Од полицијата информираат дека се преземаат мерки за утврдување на причините за сообраќајната незгода.

Македонија | пред 1 месец

Едно лице загина во тешка сообраќајка на патот Кочани-Виница, сообраќајот во прекин

Сообраќајна незгода се случи на патот Кочани-Виница во близина на ресторанот „Шагал“.Според неофицијални информации едно лице починало на местото на несреќата, додека неколкумина повредени со возила на Итната медицинска помош се пренесени во Општата болница во Кочани.Од АМСМ информираат дека сообраќајот е затворен во двата правци.Од 14 часот патниот правец Кочани-Виница во близина на ресторан Шагал е затворен во двата правца поради случена сообраќајна незгода“, информираат од АМСМ.

Македонија | пред 1 месец

Осумнаесетгодишна возачка осудена на 14 месеци во воспитна установа откако со брзо возење усмрти двајца пријатели

Осумнаесетгодишна возачка од Велика Британија е осудена на 14 месеци престој во воспитна установа за млади, откако предизвика сообраќајна несреќа во која загинаа двајца нејзини пријатели.Медлин Лонсдејл во јуни минатата година управувала автомобил со брзина до 160 километри на час, по што изгубила контрола и удрила во дрво. Во несреќата на местото на настанот загинале нејзините сопатници, 18-годишниот Харисон Картер и 17-годишниот Џорџ Стивенсон.Несреќата се случила на 20 јуни минатата година во местото Марстон во англиската грофовија Линколншир, на автопатот А1. На судењето било наведено дека непосредно пред несреќата таа се тркала со пријател кој возел друг автомобил и во еден момент достигнала брзина од 160 километри на час.Во моментот кога излетала од патот управувала со автомобил „Киа Ниро“. На делницата каде што ограничувањето на брзината било 96 километри на час, таа возела 122 километри на час и погрешно ја проценила кривината, по што автомобилот излетал од коловозот и удрил во дрво. Двајцата патници починале на местото на несреќата, додека возачката поминала само со полесна повреда на зглобот. Таа возачка дозвола добила само 12 недели пред трагедијата.Обвинетата ја признала вината по две точки од обвинението за предизвикување смрт со несовесно возење.На судењето, семејствата на жртвите изразиле голема тага и револт поради нејзиното однесување по несреќата. Мајката на Харисон, Сара Картер, изјавила дека нејзиниот син повеќе го нема затоа што возачката решила да вози пребрзо и дека никогаш нема да може да ги прослави неговите извонредни резултати на испитите ниту планираната кариера во правото.Таа посочила дека додека семејството го организирало погребот, обвинетата продолжила да излегува и да објавува видеа на социјалните мрежи. Мајката на второто момче, Викторија Стивенсон, изјавила дека наместо да го прослават 18. роденден на својот син, тие биле принудени да организираат погреб.Семејствата дополнително ги погодило тоа што првото судско рочиште било одложено за две недели, бидејќи обвинетата заминала на скијање.Адвокатот на одбраната, Џон Мекнали, изјавил дека неговата клиентка е свесна за болката што ја предизвикала и дека ќе го носи товарот од трагедијата до крајот на животот.Покрај казната од 14 месеци во воспитна установа за млади, судот ѝ изрекол и забрана за управување моторно возило во траење од три години.

Свет | пред 1 месец

(Видео) Намалена казната за смртното прегазување на Слободан кој поминуваше пешачки кај МНТ: Филиповиќ осудена на 2,5 години затвор

Две години и шест месеци затвор ѝ изрече судот на Гордана Филиповиќ, која со незастанување на пешачки премин и возење со поголема брзина од дозволената го усмрти 76-годишниот Слободан Ангеловски кај мостот „Гоце Делчев“, наспроти Македонскиот народен театар.Несреќата се случи во 2022 година, а предметот се судеше по вторпат откако Апелацискиот суд ја укина претходната пресуда. Пресудата ја соопшти судијката Лидија Петровска.Со првата пресуда Филиповиќ беше осудена на три години затвор, но со новата одлука казната е намалена на две години и шест месеци.Синот на загинатиот пешак, Столе Ангеловски, изрази силно незадоволство од пресудата и оцени дека казната е премногу ниска.„Максимално сум разочаран од судството во Македонија. Две години и шест месеци за обвинетата која направила сериозни прекршоци – брзо возење и незастанување на пешачки. Судството не е на два процента, туку е на минус 20 проценти. Ова е шокантна и некоректна пресуда“, изјави Ангеловски.Адвокатот на осудената, Владимир Туфегџиќ, најави жалба до Апелацискиот суд, посочувајќи дека делото не било сторено со умисла, туку од небрежност.„Обвинетата не го сторила делото со умисла, туку станува збор за небрежно дело, на што упатуваат и ставовите и правната пракса во пресудите на Врховниот суд. Во жалбата ќе ги изнесеме нашите аргументи“, изјави Туфегџиќ.

Македонија | пред 1 месец

(Фото) Сообраќајка во Ново Лисиче

Сообраќајна несреќа се случи утрово на булеварот „Видое Смилевски-Бато“ во скопската населба Ново ЛисичеВо сообраќајката учествувале два автомобили.На терен веднаш излегла полиција која врши увид за да се утврдат причините за несреќата и деталите околу настанот. Засега нема информации дали има повредени лица.

Скопје | пред 1 месец

Моторџија тешко повреден на „Партизански одреди“

На 7 март 2026 година во 07:15 часот во СВР Скопје било пријавено дека на булеварот „Партизански одреди“ во Скопје, Ф.А. (38) од Скопје, управувајќи мопед „сузуки“ со кичевски регистарски ознаки, изгубил контрола и паднал на коловозот.Во несреќата возачот се здобил со тешки телесни повреди, констатирани во Ургентниот центар при Комплексот клиники „Мајка Тереза“ во Скопје.За настанот бил известен јавен обвинител, а увид извршила екипа од СВР Скопје.

Скопје | пред 1 месец

(Фото) Сообраќајка на Илинденска: Се судрија мотоцикл и џип

Сообраќајка се случи на булеварот Илинденска, каде се судрија џип и мотоцикл. Засега нема информации дали има повредени лица, како и детали за состојбата на мотоциклистот чија кацига е среде булеварот. Повеќе детали подоцна од МВР.

Скопје | пред 1 месец

(Видео) Сообраќајка кај Соборен храм на Партизанска: „Шкода“ заврши во жардиниера

Возач со автомобил марка „шкода“ имаше тешка сообраќајна несреќа, качувајќи се на жардиниера кај Соборниот храм.Од силината на ударот, предниот дел од возилото е целосно вдлабнат и видно оштетен, што укажува на силен директен судир.Засега нема официјални информации за причините поради кои дошло до несреќата, ниту за состојбата на возачот и можните патници во возилото.Се очекува надлежните институции да излезат со повеќе детали по извршениот увид на местото на настанот.

Скопје | пред 1 месец

Сообраќајна несреќа на автопатот Скопје–Штип: 44-годишна жена со тешки повреди

На 28 февруари 2026 година во 07:15 часот во ОВР Свети Николе било пријавено дека на автопатот Скопје–Штип, во близина на Свети Николе, патничко возило „опел“ со вевчански регистарски ознаки, управувано од А.К. (20) од селото Вевчани, струшко, излетало надвор од коловозот, соопшти Министерство за внатрешни работи на Македонија.Во несреќата со тешки телесни повреди се здобила сопатничката Б.К. (44) од Вевчани, додека возачот се здобил со телесни повреди. Повредите биле констатирани во Клиничката болница во Штип. Увид на местото на настанот извршила увидна екипа од ОВР Свети Николе, а се работи на целосно расчистување на околностите.

Македонија | пред 1 месец

(Видео) Тешка сообраќајка во Црниче: Се судрија возило на МВР и такси коe заврши во ограда - едно лице во болница

Страшна сообраќајна незгода се случи утринава во скопската населба Црниче, каде се судрија две патнички возила, при што едното завршило забиено во ограда откако претходно поминало преку патека за пешаци. За среќа, во моментот на незгодата на преминот немало пешаци. Делови од возилата биле расфрлани по улицата.Од Министерство за внатрешни работи информираат дека на 25 февруари 2026 година околу 11:30 часот во СВР Скопје било пријавено дека на улицата „Востаничка“ во Скопје се случила сообраќајна незгода помеѓу патничко возило „шкода октавиа“ со скопски регистарски ознаки, сопственост на МВР, и патничко возило „шкода фабиа“ со скопски регистарски ознаки.Во незгодата, возачот на „шкода октавиа“ се здобил со повреди и бил пренесен во Ургентниот центар при комплексот клиники „Мајка Тереза“.Увидот на местото на настанот е во тек, а за случајот е известен јавен обвинител, како и Одделот за внатрешна контрола при МВР.

Настани | пред 1 месец

(Видео) Пет возила се судрија на автопатот „Штип-Миладиновци“, делови расфрлани по коловозот

Сообраќајна несреќа се случи на автопатот Штип-Миладиновци, помеѓу повеќе возила. Сообраќајот се одвива по една сообраќајна лента, а возилата имаат значителни оштетувања. Засега нема информации за состојбата на возачите и патниците.Според првичните информации од „М-нет“ се судриле автомобили марка „Опел“, „Цитроен“ со штипски регистарски ознаки, а подолу се судриле две возила „сеат“ со скопски ознаки како и „голф“. Повеќе информации се очекуваат подоцна од МВР.

Македонија | пред 1 месец

(Видео) Сообраќајка на автопатот Тетово – Гостивар, сообраќајот во целосен прекин

Денеска во 13:01 часот се случи сообраќајна несреќа на автопатот Тетово – Гостивар, при што е причинета материјална штета на возила.На местото на настанот интервенираат полициски екипи кои вршат увид за утврдување на причините за несреќата.Поради сообраќајката, патот кон Гостивар во моментов е во прекин.Засега нема официјални информации за евентуално повредени лица.

Македонија | пред 2 месеци

Сообраќајка кај првиот тунел Скопје–Велес, сообраќајот се одвива отежнато

Сообраќајна несреќа се случи кај првиот тунел на автопатот од Скопје кон Велес.Според информации од очевидци, на местото има оштетено патничко возило, а полициски екипи го обезбедуваат теренот. Засега нема официјални податоци дали во несреќата има повредени лица.Сообраќајот во овој дел се одвива забавено, а на возачите им се препорачува зголемена внимателност и прилагодување на брзината кон условите на патот.Повеќе детали се очекуваат од МВР во текот на утрешниот ден.

Македонија | пред 2 месеци

Трамвај удри во автомобил: Возачот бил под дејство на дрога и без важечка возачка дозвола

Возачот на трамвајот кој вчера учествувал во сообраќајна несреќа во Сараево управувал под дејство на дрога и со истечена возачка дозвола, јавува Klix.ba. Несреќата се случила кај Царев мост, во близина на Башчаршија, при што и возачот на трамвајот и возачот на патничкото возило се здобиле со полесни повреди.Полицијата по несреќата го тестирала возачот Н.К. (1987) од Сараево. Алкотестот бил негативен, но тестот за дроги покажал присуство на забранети супстанци. Исто така, утврдено е дека возачот немал важечка возачка дозвола бидејќи му истекла. Двете возила претрпеле материјална штета, а возачите биле пренесени во болница.Полицијата на Стари Град ќе покрене прекршочна постапка против Н.К., како и против правното лице КЈКП „ГРАС“ и одговорните лица во претпријатието.

Свет | пред 2 месеци

Пешаци што претрчувале на автопат во Хрватска најверојатно биле мигранти, двајца загинаа

Синоќа околу 21.45 часот, на автопатот А3 Брегана–Загреб–Липовац, во близина на Новска, се случи тешка сообраќајна несреќа во која загинаа две лица, а уште две се здобија со тешки повреди. Според информациите, идентитетот на сите инволвирани сè уште се утврдува, а постои сомневање дека станува збор за мигранти.Несреќата се случила на јужната коловозна лента на автопатот, кај местото Рајиќ, кога три машки и едно женско лице, во својство на пешаци, претрчувале преку коловозот. Во нив удриле два автомобили, соопшти полицијата.На местото на настанот починале двајца од пешаците, додека еден маж и една жена се пренесени во Општата болница во Нова Градишка, каде што им биле констатирани тешки телесни повреди. Еден сопатник од едно од возилата се здобил со полесни повреди.По наредба на надлежните органи, телата на загинатите се пренесени во Општата болница во Сисак, каде ќе биде извршена обдукција.Увидот на местото на несреќата го водела заменичка на жупанискиот државен обвинител во Жупаниското државно обвинителство во Сисак, во соработка со полициски службеници од Полициската управа Сисачко-мославачка.

Свет | пред 2 месеци

(Видео) Тешка сообраќајна несреќа на автопатот Скопје–Куманово: Две возила изгореа, едно лице тешко повредено

Од Министерството за внатрешни работи информираат дека на 10 февруари 2026 година, околу 23:00 часот, во СВР Скопје било пријавено дека на автопатот Скопје–Куманово, пред клучката за обиколницата на Скопје, се случила тешка сообраќајна несреќа меѓу патничко и товарно возило.Во несреќата учествувале патничко возило „бмв“ со скопски регистарски ознаки, управувано од А.В. (25) од селото Бујковци, скопско, и товарно возило „мерцедес“ со полуприколка со неготински регистарски ознаки, управувано од Љ.Д. (56) од селото Брест, штипско. По судирот, двете возила се запалиле и целосно изгореле.Во несреќата со тешки телесни повреди се здобил возачот на патничкото возило „бмв“, а повредите биле констатирани во Комплексот клиники „Мајка Тереза“ во Скопје. За настанот бил извршен увид од увидна екипа на СВР Скопје, а причините за несреќата дополнително ќе се утврдуваат.

Настани | пред 2 месеци