ТЕТОВО

Царува превозот без лиценци во Тетово: полицијата запре три лица кои заработувале „на црно“

СВР Тетово поднесе кривична пријава против Ј.С.(63) од Тетово поради постоење основи на сомнение за сторено кривично дело „вршење на јавен превоз без поседување на лиценца“. На 06.12.2023 на регионален пат Тетово – Брвеница, полициски службеници извршиле контрола на патничко возило кое го управувал пријавениот, при што констатирале дека врши јавен превоз на патници без да поседува соодветна лиценца издадена од надлежен орган.СВР Тетово поднесе кривична пријава против Ј.Р.(43) од Тетово поради постоење основи на сомнение за сторено кривично дело „вршење на јавен превоз без поседување на лиценца“. На 19.12.2023 на ул.„Илинденска“ во Тетово, полициски службеници извршиле контрола при што го затекнале пријавениот како врши јавен превоз на патници без да поседува соодветна лиценца издадена од надлежен орган.СВР Тетово поднесе кривична пријава против Ф.И.(60) од Тетово поради постоење основи на сомнение за сторено кривично дело „вршење на јавен превоз без поседување на лиценца“. На 07.02.2024 на ул.„Илинденска“ во Тетово, полициски службеници извршиле контрола при што го затекнале пријавениот како врши јавен превоз на патници без да поседува соодветна лиценца издадена од надлежен орган.

Македонија | пред 1 година

Автомобилот од кој вчера беше пукано бил одземен со закана - нови детали за случувањето во Тетово

На 11.04.2024 во 22.45 часот во СВР Тетово, М.Т. од Тетово пријавил дека од патничко возило „фолксваген поло“ во движење од огнено оружје било пукано кон неговата куќа на улица „Илинденска“ во Тетово.Повредени лица нема, а биле направени ошетувања на влезната врата и ѕидовите од куќата. Увид бил извршен и по преземени мерки околу 01.35 часот на 12.04.2024 на патот Тетово-Попова Шапка возилото било пронајдено.Исто така, по преземени мерки било констатирано дека претходно било пријавено дека околу 22.30 часот со закана со огнено оружје возилото „поло“ било одземено од Ф.Е. и неговиот татко Н.Е.. Се преземаат мерки за расчистување на случајот, по што ќе бидат поднесени соодветни пријави.

Македонија | пред 1 година

Пукањето во Тетово е продолжение на судирот кој започна во јануари кога едно лице беше убиено?

Медиумот на албански јазик „Ина“ објави дека вчерашното пукање во Тетово се поврзува со она кое се случи во јануари годинава - односно дека станува збор за продолжение на судирот меѓу две семејства.ИНА пишува: „Синоќа, на 11 април 2024 година во 22 часот и 45 минути во Центарот за управување со кризи Мумин Терзија пријавил дека лице со маска на главата од автомобил ‘Поло’ со непозната регистерска табличка пукало во насока кон неговата куќа на улицата „Илинденска“ во моменти кога целото негово семејство се наоѓало во куќата.  Нема повредени лица. Пронајдени се чаури од испукани куршуми. Полицијата врши истрага.“ – велат во СВР Тетово.ТВ Клан Македонија објави на 12 јануари 2024 година информација во врска со пукањето и повредувањето две лица пред тетовската Клиничка болница, што се случи на 11 јануари, еден ден претходно. Тогаш се случил оружен инцидент и тепачка меѓу членови на семејствата Мусаи и Терзија и постои веројатност дека најновото пукање врз куќата на Мумин Терзија е продолжение на судирот меѓу овие две семејства од јануари годинава.Во својата информација од 12 јануари ТВ Клан Македонија има објавено: Почетниот проблем меѓу семејствата Терзија и Мусаи се случил на 11 јануари 2024 пред Основниот суд во Тетово кога по зборовен судир Реџеп Терзија и Адурим Мусаи се степале. По тепачката Реџеп Терзија бил одведен во полиција, а Адурим Мусаи бил испратен во болница со повреди. Како сведок во полициската станица се пријавил Мумин Терзија. Потоа двете страни се сретнале пред тетовската Клиничка болница. Таму во околности, непознати за полицијата,  во пукотница со огнено оружје биле повредени браќата Адурим и Зејнула Мусаи“.Вчерашниот пукач не е пронајден, а во јануари, едно од повредените лица почина. Лицата кои поминаа 48 часа во притвор беа пуштени на слобода, пиштолот не беше најден, а ниту лицето кое го изврши пукањето.

Македонија | пред 1 година

Црквата на Тетовско кале нападната од вандали

Тетовско-гостиварската епархија на МПЦ соопшти дека утрово пријавила во полиција упад на манастирскиот имот „Св Атанасиј“ на тетовското Кале. Во упадот оштетена е црквата, искршени се сите прозорци и направена е сериозна материјална штета.Посочуваат дека ова се случува нецели десет дена по претходното пријавување на упад во манастирот и сквернавење на црквата со декорации од знаме на друга држава.-Ова е време на големиот пост кога христијаните се подготвуваат за Христовото Воскреснување, а нашите сограѓани муслимани се во рамазански пости, па оттаму сметаме дека ова би требало да е време за преиспитување, созревање и будење на човечност, соопшти Тетовско-гостиварската епархија.

Македонија | пред 2 години

(Видео) Несреќен случај е паѓањето на кучето од зграда во Тетово, утврдила истрагата на МВР - нема одговорност со име и презиме

Кучето кое беше снимено како паѓа од седми кат од тетовска зграда бил несреќен случај, посочи техничкиот министер за внатрешни работи, Панче Тошковски во подкастот „Претрес со Ландов“. Тој кажа дека не може таму да се бара име и презиме, бидејќи станува збор за касус. „Имаше трагичен случај, каде куче во Тетово паѓа од шестти-седми кат, хорор беше сликата која ја видов. Таму се вклучија луѓе, не само од СВР Тетово, туку и од Скопје. Согласно информациите кои ги добив, колку и јавноста да бараше име и презиме на потенцијален сторител на одредено кривично дело - факт е дека кучето било испровоцирано од пожарникари, кои сакале да го извлечат кучето, а истото во позиција на касус, несреќен случај - загинува како што загинува. Сега не можам јас затоа што јавноста очекувала да има име и презиме предметниот настан, кога фактите говорат дека е касус, не можам да излезам од таа фактичка состојба“, кажа Тошковски во „Претрес со Ландов“.https://youtube.com/live/SEe5qCrROFU?feature=shareИстовремено, денеска во 11 часот на булеваорт Благоја Тоска во Тетово ќе се одржи протест.„Само во Македонија може да помине неказнето екстремно насилство врз бездомно животно кое длабоко потресе илјадници граѓани, очевидци и нанесе страотно страдање и болна смрт на несреќно животно . Убивте бездомно мирно куче, убивте човеков најдобар пријател. Само во Македонија може мирно да се преспие и институциите да не превземат ништо! Ова што се случи во нашиот град е непростлива суровост над невино живо битие од страна на инвеститорот на зграда во изградба и службени лица, пожарникари, кои секаде во светот се синоним за хуманост – а тука кај нас во Тетово, Македонија ставиле пред свршен чин преплашено куче да се фрли од зграда за да им избега и да се спаси“, велат организаторите на протестот.

Македонија | пред 2 години

(Видео) Грозоморен чин: Бездомно куче фрлено од седми кат во Тетово среде бел ден

Бездомно куче е фрлено од зграда во Тетово, од седми кат, објави Анима Мунди. Грозоморниот чин се случил сред бел ден, пред очи на граѓани. Чинот бил и сниман.„Безумие и суровост која не знае за граница - во Тетово, бездомно куче фрлено од седми кат од зграда. Среде бел ден, на очи на граѓани, комшии и минувачи кои масовно ни пријавуваат и се во шок; во зграда во изградба во која залутало несреќно бездомно куче, инвеститорот со помош на пожарникари , со стап и покрај сетто плачење на бездомното животно, го присилиле да рипне од 7 кат, зошто немало како и каде да избега. Видете го кучето, слушнете го плачењето негово на ова видео - умира во страотни маки по 20 минути агонија на крвавиот асфалт. Локацијата е карши пицерија Јани во Тетово“, објавија од здружението.Граѓани кои вртеле и пријавувале во полиција, на бројот 112, се потсмевани и им е спуштена слушалка, тврдат тие.„Дали во Македонија владее колективно лудило и безредие, и ова ќе биде само еден во низата фрапантни случаи на насилство кои ќе помине неказнето, или конечно некој ќе се одважи и постапи, изврши истрага и додели казна затвор за екстремна свирепост и мачење и убиство на животно?! Бараме МВР итно да ги лоцира и приведе сите инволвирани во убиството на ова куче, изрече затворска казна и внатрешна контрола - итно да се лоцираат полициските и други службеници на линијата 112 кои ова злодело го изигнорирале и одбиле да постапат. Работи ли и за кого работат службите на оваа држава , прашуваме! До кога ќе се преправаме дека ништо не се случува, до кога ќе се казнуваат граѓани и за фрлен опушок, а насилници и деликвенти се оставаат на мира да сакатат, мачат, убиваат што ќе им дојде на памет?Полиција за животни под итно и затворски казни за мачење и убивање на животните. За оние на кои животните не им важни потребно е да знаат дека насилството врз животните е само вовед , преодна фаза и секако кулминира во насилство врз секоја друга индивидуа, вклучително и човек!“, додаваат тие.

Македонија | пред 2 години

Велковски: 270 дечиња се на листа на чекање во градинките во Тетово

Над 270 деца во Општина Тетово се на листите за чекање за згрижување во детските градинки, додека пак бројот на деца на територијата на Република Македонија е над 5.000. Ова денеска го изјави техничкиот министер за труд и социјална политика, Ѓоко Велковски при посетата на детската градинка „Младост“ во Тетово.„Моментално во Македонија чекаат над 5.000 дечиња на листите за чекање за прием во детските градинки. Ќе треба во наредниот период да работиме и на ова прашање да сите дечиња бидат згрижени и еве во Тетово морам да кажам дека само во детската градинка Младост податокот е дека над 270 деца се на листата за чекање за прием во градинката. Мора да го надминеме овој проблем и со оние објекти коишто се припремаат во рамките на општина Тетово и веќе да нема деца на листите за чекање и истите да бидат згрижени во детските градинки“, вели министерот Велковски.Покрај обезбедувањето на нови просторни услови и зголемување на капацитетите во градинките, клучен проблем којшто мора итно да се реши е и обезбедување на лиценци за лицата коишто со години чекаат да се стекнат со истите.„Морам да потенцирам дека она кое што веќе шеста недела го зборувам како човек и го пренесувам како министер пред се, ми се потврдува и со самото присуство при теренските посети на детските градинки низ државата. Тоа е проблемот со просторните услови, проблемот со персоналот којшто е најголем и е континуирано истакнуван од страна на директорите и луѓето кои што работат во детските градинки, но најважно од се е решавање на проблемот со лиценците со коишто не можат да се стекнат дел луѓето кои што треба да бидат во процесот за вработување во самите детски градинки. Ова се потврди и денеска во Тетово. Грижата за 30 дечиња во една група е сведена на еден или двајца вработени, а знаеме каков е предизвикот за негувателките да можат да се грижат за 30 деца 8 работни часа“, додава Велковски.Техничкиот министер Ѓоко Велковски порача дека заедно со неговиот тим и вработените во министерството за труд и социјална политика веќе работат на изготвување на целосна анализа за општините на територија на Република Македонија како би ги увиделе предизвиците со кои се соочуваат детските градинки и подготовка на програмски активности за по 8 мај кога би започнале со брзи чекори за решавање на истите.

Македонија | пред 2 години

Крвично тепање во Тетово: два сучаи на семејно насилство - син натепал татко, а сопруг нападнал сопруга

За еден ден, во полиција се пријавени на случаи на семејно насилство.СВР Тетово поднесе кривична пријава против М.Н.(25) од Тетово поради постоење основи на сомнение за сторени кривични дела „телесна повреда“ во врска со семејно насилство и „загрозување на сигурноста“ во врска со семејно насилство. На 07.02.2024, пријавениот физички го нападнал неговиот 48 – годишен татко и му упатил закани.СВР Тетово поднесе кривична пријава против О.М.(28) од с.Ново Село поради постоење основи на сомнение за сторени кривични дела „телесна повреда“ при семејно насилство и „загрозување на сигурноста“ при семејно насилство. На 13.11.2023 во семејниот дом, пријавениот физички ја нападнал неговата 25-годишна сопруга и ѝ нанел повреди.

Македонија | пред 2 години

(Видео) „4 несреќи 97 загинати 0 осудени, разрешување“: граѓани побараа одговорност за пожарот во модуларната болница

„Вистина над лагата“, „одговорност сега“, „правдата не е трговија“, 4 несреќи 97 загинати 0 осудени, разрешување“. Ова се барањата на денешниот протест пред Основниот суд Тетово.  Граѓаните и роднини на загинатите изразија револт  и бараат одговорност за пожарот во модуларната болница во која животите ги загубија 14 луѓе при пожар на 8 септември 2021. Протестот доаѓа по документарецот објавен од Истражувачката репортерска лабораторија насловен како „Убиство во Тетово“. Тие споделија откритија, документи и направија реконструкција според искази од сведоци.Посочија дека објектите не се граделе според Законот за градење и немало соодветни материјали за заштита од пожари. Се осврнаа на германското вештачење кое беше изведено и во судница, каде токму несоодветната градба и лошата електрична инсталација се лоцирани како причина за пожарот. 

Македонија | пред 2 години

Општина Тетово не им дозволува на ФК Тетекс и Љуботен пристап до градските стадиони

Еден од најстарите фудбалски клубови ФК Тетекс денес во свое и во име на ФК Љуботен испрати соопштение до јавноста дека Општина Тетово не им дава дозвола да тренираат и играат ниту на стариот, ниту на поновиот градски стадион. Велат дека имале повеќемесечни безуспешни обиди со општината за да им се овозможи да го користат стадионот, а сега ексклузивно право на тоа има само ФК Шкендија.- Ја користиме оваа прилика за да ја запознаеме пошироката јавност дека во моментов на стариот градски стадион, но и на новиот градски стадион, ФК Тетекс, ФК Љуботен и ЖФК Љуботен немаат право на нивно користење, тренинзи, одигрување на натпревари во лигата од засега непознати причини! Ексклузивно право на користење на двата стадиони има само ФК Шкендија! Се запрашуваме, дали во 21-от век е нормално само поради тоа што сме МАКЕДОНЦИ кои живеат во Општина Тетово да немаме право на тренинзи на природна трева?Со месеци, односно поточно од февруари навака одржани се неколку состаноци со градоначалникот и со челниците на општинската власт, но, од нив нема никаков договор и реализација на нашите барања, реагира ФК Тетекс.Додаваат дека во минатото без никакви проблеми, со меѓусебна координација, сите клубови тренирале и ги играле своите натпревари на овие два стадиони, како и на тоа дека во позадина на ваквата пасивност се крие политика.- Во истиот контекст, сакаме да потенцираме дека на стариот градски стадион се наоѓаат и нашите простории, соблекувална, простор за перална и слично, а тренинзите и натпреварите се играат на стадиончето на АМС (Агенција за млади и спорт), на вештачка трева. Чиста небулоза! Па оттука сакаме да прашаме: Дали Шкендија е единствен клуб од Тетово кој има право на ова или се игра некоја друга игра во позадина? Апелираме до општинските власти за итно свикување на заедничка средба на сите тетовски фудбалски клубови и под нивно покровителство итно да се изнајде решение за овој проблем, без никој да е оштетен. Во спротивно, ќе бидеме принудени да повикаме на протести се додека не обезбедиме фундаментални право за спортот и развој на спортскиот дух кај младите, додаваат од клубот.

Македонија | пред 2 години

Боли молкот на интелектуалците за трагедијата во Тетово, вели д-р Лазаров

Доктор Ненад Лазаров е еден од не многуте кои со реакција се јавија по објавувањето на документарецот на ИРЛ за трагедијата во тетовската модуларна болница.Тој повика секој да ја погледне истражувачката сторија.– Истекуваат и 24 часа како фактографски во документарецот на ИРЛ ви беше прикажано дека заради личен профит живи гореа луѓе во т.н. монтажна болница, конкретно се посочени и виновници. Не очекувам протести по улица, она што ме боли е молкот на сите вас т.н. интелектуалци, а повторно се потврдува и дека медиумите се еден од најголемите непријатели на народот! – порача д-р Лазаров.Видно револтиран констатира:– Како ли ни се смееле додека одевме од болница во болница од крај на крај на земјава, по карантини и ноќи да однесеме се можно што успевавме да обезбедиме со помош на народ или што направивме од заштитна опрема, за колеги медицинари оставени голи и боси да се борат со непознато, со хируршки маски против аерогена болест, додека нив им вртел бројчаникот…

Коментари | пред 2 години

(ВИДЕО) „Видовме сé, освен вистината“: ИРЛ со документарец за пожарот во тетовската модуларна болница

Истражувачката репортерска лабораторија (ИРЛ) утре на МРТВ ќе го објави новиот истражувачки документарен филм за пожарот во модуларната болница во Тетово во кој изгореа 14 лица, насловен – „Убиство во Тетово”.Репортерите на ИРЛ повеќе од седум месеци работеле во Скопје и во Тетово и ги собирале и анализирале податоците од документите добиени за овој случај.„Чудни околности го следат целиот тек на предметот. Замрсени тендерски постапки, контрадикторни вештачења, педесетина сведоци, завидна документација. До сега видовме сé, освен вистината”, се наведува во најавата за документарниот филм МРТВ. 

Македонија | пред 2 години

Отстранет еколошкиот билборд во Тетово

Еколошкиот билборд од центарот на Тетово е остранет од страна на општинските работници, бидејќи шест години истиот стои без да ја врши својата функција.Како што наведуваат од „Тетово инфо“, билбордот веќе шест години стоел неупотреблив и без да врши функцијата да апсорбира ситна отровна прашина односно ПМ10 и ПМ 2, 5 честички. Од таму велат дека билбордот бил поставен со пари на невладиниот сектор, приватни компании и германската амбасада.- Поради негрижата од претходната локална власт, еко-дрвото со години стои исушено и веќе нема ефект врз подобрување на аерозагадувањето, за што и беше поставено. Поради тоа одлучено е истото да биде отстрането - соопштиле од службата за односно со јавноста при Општина Тетово. Оваа вертикална конструкција која беше поставена во март 2017 година имаше комбинација на мовови и васкуларни растенија односно растителен филтер со улога на прочистувач на воздухот како што би имале 275 дрвја.Неколку месеци по поставувањето голем дел од растенијата се исушија. Еколошкиот билборд потоа со години стоеше без примарната функција, а граѓаните во него оставаа отпадоци.Вакви билборди беа поставени на повеќе локации во земјава, меѓу кои и во главниот град. И тука, билбордите се исушени и повеќе собираат ѓубре и прашина отколку што служат за прочистување на воздухот.Објавата за отстранувањето на билбордот предизвика лавина реакции од граѓаните кои укажаа дека истиот никогаш не функционирал и џабе биле потрошени пари, а имаше и такви кои посочија дека е полесно да се стопи за старо железо отколку да се обнови.

Македонија | пред 2 години

Брат заедно со маќеата ја истепал сестра му и не и дозволил да излезе од дома

Вчера полициски службеници од СВР Тетово-Одделение за внатрешни работи Гостивар го лишиле од слобода Д.М.(20) од гостиварско село, со престој во Гостивар.Тој се сомничи дека со сопругата на неговиот татко, П.М.(47), физички ја нападнале неговата 23-годишна сестра и не ѝ дозволиле да излезе од домот.Во врска со настанот, во полициска станица бил извршен службен разговор и со П.М..По целосно документирање на случајот ќе биде поднесена соодветна пријава, соопшти полицијата.

Македонија | пред 2 години

Ќе овозможам да има седум лифта во болницата во Тетово, вели Меџити

Не само еден, туку седум лифта ќе има во болницата во Тетово, истакна министерот за здравство, Фатмир Меџити.Одговарајќи на новинарски прашања, Меџити денес кажа дека бара да се обезбедат лифтови за да не се носеле пациенти во ќебиња.„Тропам на сите врати во сите надлежни институции во Македонија. Не можам да обезбедам еден лифт набрзина за да не се носат пациентите со ќебиња, но тоа се нашите закони, тоа е нашиот правен систем. Врзани ми се рацете, но јас не само еден, ќе овозможам да има седум лифта во Тетово, ќе има во хематологија, ќе има во интерно, ќе има во хирургија, значи сите лифтови што не работат во државата ќе работат за три месеци. Држете ме за збор за тоа“, рече Меџити.

Македонија | пред 2 години

Тетовци во понеделник на протест за доктор Бобан, обвинет за страшниот пожар во модуларната болница

Во понеделник – 16.01.2023 година, со почеток од 09.00 часот повторно се организира мирен протест пред Основниот суд во Тетово, а заради (не)правдата кон др. Бобан Вучевски.„Докторот кој е тетовскиот херој од корона-пандемијата е обвинет како одговорен за страшниот пожар во модуларната болница во Тетово, во кој изгореа 14 луѓе. Сите, кои сакате да му дадете поддршка на овој хуман човек и да изразите револт за овој судски процес, добредојдени сте.Се гледаме пред суд и остануваме таму до крајот на рочиштето тој ден“, пишува на настанот отганизиран на социјалните мрежи.

Македонија | пред 3 години

Граѓаните на Берово, Гостивар и Тетово да не излегуваат од дома, апелира ИЈЗ

Институтот за јавно здравје денешниот воздух во Берово, Гостивар и Тетово го прогласи за „екстремно лош“ поради зголемени концентрации на PM2.5 честички и ги повика жителите на овие градови да не излегуваат од дома непотребно.Како “многу лош” се класифицира воздухот во Струмица, Битола 2, Кичево заради заради зголемените концентрации на PM10 честички, додека во Ѓорче Петров заради зголемени концентрации на PM2.5 честички. Од ИЈЗ предупредуваат дека некои поединци може да доживеат здравствени ефекти, а оние од чувствителните групи, посериозни здравствени ефекти.Како најчувствителни и под најголем ризик се деца помлади од 5 години, постари граѓани (над 65 годишна возраст особено), бремените жени, лица со хронични заболувања (циркулаторни/кардиоваскуларни заболувања), пациенти со астма и ХОББ, дијабетичари, луѓе кои работат на отворено, социјално загрозени катеории граѓани и пушачи чиј ризик од сериозно срцево оптоварување се зголемува меѓу 3 и 4 пати. Оние со веќе постоечки респираторни проблеми се изложени на особен ризик.Штип, град кој во Македонија важи за таков со најчист воздух, вчера беше најзагаден. Мерните станици покажале трипати поголемо загадување, односно измерени се 171 микрограми ПМ честички, додека утринава изнесуваат 108 микрограми ПМ честички. Штип досега имаше најчист воздух во земјава, но веќе една недела го нема ветерот и намалена е и видливоста заради густата магла, која не е карактеристична за овој град.Мерните станици во Скопје од пред некое време повторно се отчитуваат на сајтот на Минисрството и граѓаните можат да видат клку е загадено во нивниот реон. На сајтот уште нема податоци од Кочани, Гевгелија и од Куманово, кое важи за град со многу загаден зимски воздух.

Македонија | пред 3 години

Србинка со автомобил удрила во 10-годишно девојче од Тетово

Десетгодишно девојче пешак било тешко повредено вечерва, околу 19 часот во Тетово, откако во него удрил автомобил управуван од 27-годишна жена. Повреденото девојче со возило на итната медицинска помош е однесено во тетовската болница.– Околу 18.50 часот, на крстосницата на улиците Илинденска и Видоја Смилевски-Бато во Тетово, патничко моторно возило „фиат пунто” со српски национални регистарски ознаки, управувано од 27- годишната српска државјанка М.Н. со времен престој во Тетовско, удрило во малолетничка (пешак) од Тетово. Во несреќата, девојчето се здобило со тешки телесни повреди констатирани во тетовската Клиничка болница – информираше Марјан Јосифоски, портпартол на СВР Тетово.На местото на несреќата увид извршила екипа од СВР Тетово.

Македонија | пред 3 години

Додека државата го гони, народот го брани докторот кој пуштил роднини во модуларната болница која изгоре сосе пациенти

Вчера во Тетово започна судењето за пожарот во модуларната болница, во кој загинаа 14 лица.На судењето се појави само ексдиректорот на болницата Флорин Бесими кој изјави дека не се чувствува виновен, а тоа ќе го каже во судот со докази. Во случајот обвинети се и дежурниот доктор на смена Бобан Вучевски и тогашнот економски директор во тетовската болница, Артан Етеми, кој отсуствуваше поради работни обврски.Граѓаните денес на социјалните мрежи му дадоа поддршка на д-р Бобан Вучевски. Велат дека тој бил светла точка и надеж во Клиничката болница за време на корона кризата.https://twitter.com/bejbiboy2/status/1567480529020149761?s=20&t=SYQmvxN7wi4yXEEc0GryMAhttps://twitter.com/Redington_M5/status/1567490270656188422?s=20&t=SYQmvxN7wi4yXEEc0GryMAhttps://twitter.com/Karpa_1904/status/1567463884306382851?s=20&t=SYQmvxN7wi4yXEEc0GryMAhttps://twitter.com/Kalabalak_/status/1567470354775347201?s=20&t=SYQmvxN7wi4yXEEc0GryMAhttps://twitter.com/roze_______/status/1567498307462696960?s=20&t=SYQmvxN7wi4yXEEc0GryMAhttps://twitter.com/Karpa_1904/status/1567491299485286401?s=20&t=yDXnkVOP5M7UNGVUYZDCWA 

Коментари | пред 3 години

Невремето ја поплави тетовска Мала Речица

Како последица од денешното невреме кое ја зафати територија на општина Тетово дојде до излевање на речното корито што поминува низ селото Мала Речица.Голема количина на земја и песок се натрупани на коловозот на патот што поминува низ селото. Се интервенира од страна на ЈКП Тетово со 1 багер за расчистување на каналот.Исто така интервенира и ТППЕ Тетово со 1 возило и 3 пожарникари за чистење од кал патниот правец Мала Речица-Тетово.

Македонија | пред 3 години

(ВИДЕО) Тетово и околината без струја

Тетово и околината вечерва останаа без струја.„РЦУК – Тетово известува дека поради пад на 110 кв извод на Тетово од 20:10 часот, без електрична енергија е цел град Тетово и околината. Екипите на ЕВН се на терен и работат на отстранување на дефектот“, се вели во соопштението.

Македонија | пред 3 години

Во Советот на Тетово влегуваат шест партии

Според првичните резултати што ги објави Државната изборна комисија (ДИК) по изборите, во Советот на Тетово влегуваат шест партии.Најмногу гласови освои Беса – 9.620, потоа ДУИ 8.702, ВМРО-ДПМНЕ 3.332, СДСМ 1.953, Алтернатива 1.118 ДПА 1.058. Со тоа, бројот на советници кои ќе ги добие Беса во Советот е 12, ДУИ ќе има 11 советници, ВМРО-ДПМНЕ -4, СДСМ – 2 и Алтернатива и ДПА по еден.Алијанса за Албанците остана без советник во општината, а во претходниот состав имаше тројца советници.Во претходниот совет на Тетово, најголем број советници имаше ДУИ – 10, по што следеше Беса со 8.Беса вчера ја славеше победата на плоштадот во Тетово и повика на предвремени парламентарни избори.

Македонија | пред 3 години

(ВИДЕО) Очевидец тврди дека пожарот во тетовската болница не е од продолжен кабел, јавно кажа што се видел

Мумин Исмаили е сведок на трагедијата во модуларната болница во Тетово. Тој не се согласува со вештачењето дека пожарот бил предизвикан од продолжен кабел и тврди дека избувнал од дефибрилаторот кој бил вклучен во струја во соба број 3. Во моментот на несреќата тој бил со својата мајка, која настрадала во катастрофалниот пожар.Во собата во која избувна пожарот беше мојата мајка и една 21-годишна Македонка, Марија. Таа беше со ментална попреченост и таа ноќ состојбата на Марија се влоши. Потоа, лекарите донесоа дефибрилатор за срце за да ја реанимираат, и кога го поставија апаратот на нејзиното тело, тогаш почна пожарот. Иако излегоа германски експерти и рекоа дека причина за пожарот е продолжен кабел, тоа не е вистина. Јас бев во собата, дефибрилаторот на беше приклучен на продолжен кабел, иако во собата имаше два, а не еден продолжен. Дефибрилаторот беше поставен…. на пример единица беше Марија, вториот кревет беше празен, на третиот беше сместена мајка ми. Дефибрилаторот беше кај креветот број два, директно во штекер, немаше продолжен кабел. Кабли имаше во собата како што открија вештаците, но дефибрилаторот не беше приклучен на продолжен кабел. Пламенот почна кога пукна дефибрилаторот. Пожарот почна од тука“, вели очевидецот Мумин Исмаили за ТВ21.„Кога ја земав мајка ми од креветот за да излезе надвор, бидејќи вратата од соба 3 ми беше на 2 метри од вратата за излез надвор, првиот лекар ми рече да ја внесам во соба бр.2… мајка ми не изгоре во 3-ка, туку во соба 2. Кога влегов во 2-ката, имаше еден слободен кревет, имаше 5 пациенти и ја легнав мајка ми на слободниот кревет, но кај слободниот кревет немаше апарат за кислород, бидејќи обично пациентите ги земаат, и за мајка ми немаше. Му реков на брат ми да донесе еден апарат. Во тој момент, ако видовте, снема струја, стана темно и избувна пожар. Му благодарам на Бога што сум жив, ама знаете ли како останав жив? Со молитвите на мајка ми! Секое парче леб и го ставав во уста, а таа ми велеше – душо моја, се грижиш за мене, Господ да те благослови! Јас во собите видов луѓе како горат, а јас како што гледате жив и здрав сум. Имав повреди, но добар сум“, додава Исмаили.Целиот текст овде.

Македонија | пред 3 години

Покренато обвинение: Три лица и болницата се криви за пожарот во тетовската модуларна болница каде 14 лица загинаа

Ексдиректорот на тетовската болница Флорин Бесими, раководно лице на висока полиција и доктор кој се грижел за ковид болните во кобното време се обвинети за пожарот во тетовската модуларна болница, каде 14 лица загинаа. Обвинителствто бара тие да одговараат, па поднесе обвинителен предлог. Заедно со нив е обвинето и правното лице, односно болницата.„Двајцата првообвинети се товарат дека сториле по едно кривично дело – Тешки дела против општата сигурност по чл.292 ст.4 в.в. со чл.288 ст.4 в.в. со ст.2 од Кривичниот законик, третиот обвинет сторил кривично дело – Непостапување според здравствените прописи за време на епидемија по чл.206 ст.1 од Кривичниот законик, додека обвинетото правно лице сторило кривично дело – Предизвикување општа опасност по.5 в.в. со ст.4 в.в. со ст.2 и кривичното дело – Непостапување според здравствените прописи за време на епидемија согласно чл.206 ст.2 в.в. со ст.1 од Кривичниот законик“, велат од Јавното обвинителство.Досега јавно беа обелоденети само детали од извештајот којшто го изготвија македонските крим-техничари кои на 10 октомври го доставија својот извештај до обвинителите коишто ја водат истрагата. Македонските крим-техничари утврдија дека пожарот во модуларната болница во Тетово настанал како последица од електрична куса врска преку висок преоден отпор во приклучниот кабелна дефибрилатор со кој се вршела реанимација на пациент во една од болничките соби. Прегревањето на кабелот предизвикало палење во приклучната кутија од продолжителниот кабел на кој бил приклучен дефибрилаторот, полнач за мобилен телефон и уште еден апарат.Ова беше единствениот конкретен податок којшто укажуваше која била иницијалната каписла за избувнувањето на пожарот. Неколку месеци подоцна својот извештај го доставија и германските експерти коишто вршеа вештачење во странски лаборатории. Деталите од документот не беа објавени во јавноста, но делови од него, според обвинителите, се поклопуваат со сознанијата на македонските крим-техничари.Вечерта на 8 септември во тетовската модуларна болница за ковид-пациенти се случи една од најголемите трагедии во историјата на државата. Потврдена беше смртта на 14 лица кои биле директни жртви на огнената стихија. Најмалку 12 лица беа повредени.

Македонија | пред 3 години

ТВ Клан: Причина за давењето на младиот тетовец е силна струја

Силната морска струја што често се јавува на црногорското крајбрежје на Јадранското Море е причина за давењето на 21-годишниот тетовецот Енис Халили, објави „Клан Македонија“. Енис заминал да работи за време на летната сезона во туристичкото место Утјеха, на потегот меѓу Улцињ и Бар.Соседот на Енис, Беким Рамадани, се повика на вестите од црногорските портали.– Влегол во вода околу 17 часот и веројатно поради силни струи во водата се удавил. Сопственикот на објектот каде што бил вработен, им се јавил на родителите за да им каже дека изгубиле контакт со момчето. Подоцна спасувачките екипи успеале да го пронајдат и да го извадат мртвото тело околу 19 часот – изјави Рамадани за несреќниот случај од саботата.Родителите на Енис заминале во Црна Гора за да го подигнат посмртните останки.– Тоа е животот. Во потрага по подобра егзистенција, се случи трагедија на еден млад тетовец. Енис велеше дека ќе оди таму, дека ќе работи, дека многу ќе се труди за да си обезбеди подобар живот – вели Рамадани.Како што соопшти македонското МНР по добиените официјални информации од властите на Црна Гора, првичниот увид утврдил дека станува збор за давање, зашто на телото на починатиот немало траги на насилство.

Македонија | пред 3 години