УБИСТВО

Илија Панов – Јапан осуден на 16 години затвор за убиството на Сузана во Кавадарци

Илија Панов, познат под прекарот Јапан, е осуден на 16 години затвор за убиството на неговата вонбрачна партнерка Сузана – фемицид што ја потресе македонската јавност.Злосторството се случило меѓу 20 и 22 јануари годинава во Кавадарци. Телото на 49-годишната жена било пронајдено на 22 јануари во нејзиниот дом на улицата „Ѓуро Салај“. Сузана лежела во спалната соба, зад вратата, а просторот бил целосно разфрлан – траги кои покажувале дека претходела брутална семејна расправија.Трагичниот момент го открила нејзината ќерка, која, откако мајка ѝ не одговарала на телефонски повици, решила да дојде во станот. Таму наишла на хорор-сцена која го покрена целиот град.Жителите на Кавадарци зборуваа дека Сузана имала тежок живот, исполнет со социјални и здравствени предизвици, додека за Илија Панов истакнуваа дека долги години се борел со зависност од дрога и проблематично однесување.Како што соопшти обвинителството, Панов при вршење семејно насилство ја лишил од живот својата партнерка. Обвинителниот акт утврдил дека тој, свесен за своите постапки, насилно ѝ го затворил носот и устата, предизвикувајќи механичко задушување. Обдукцијата ги потврдила овие наоди. ДНК траги беа најдени под ноктите на жртвата, а кај Панов беше констатирано дека во исказите има висок степен на лага. Тој се обидуваше да создаде алиби дека не ја убил жртвата, односно дека не бил во домот во критичниот момент.За делото што го сторил – убиство извршено при семејно насилство – законот предвидува максимална казна доживотен затвор. Сепак, судот денеска му изрече казна затвор од 16 години.Овој случај останува едно од најстрашните убиства од почетокот на годината и повторно ја отвора дебатата за институционалната заштита на жртвите од семејно насилство, како и за механизмите кои треба да ги спречат сторителите – особено оние кои се познати по насилно или зависничко однесување – да ги загрозат животите на најблиските.

Македонија | пред 3 месеци

Исчезнатa инфлуенсеркa пронајденa задавена во Словенија: Делови од телото биле во куфер

Полицијата го пронајде телото на исчезнатата31-годишна австриска државјанка. Потрагата по исчезнатата инфлуенсерка Стефани Пипар (32) од Грац е со трагичен епилог. Нејзиното поранешно момче (31) призна дека ја убил и ја одведе полицијата до телото што го закопал во шумска област во Словенија, во околината на Марибор. Според признанието, тој ја задавил, го ставил нејзиното тело во куфер, а потоа ја закопал во шума во СловенијаВо последните денови, по неа се трагало во Австрија и Словенија.Главен осомничен во случајот со исчезнувањето на австриската државјанка е нејзиниот поранешен партнер, 31-годишен словенечки државјанин со постојан престој во Австрија. Тој бил уапсен на почетокот на минатата недела, а предаден на австриските судски органи на крајот од неделата, објави РТВ Словенија.Според австрискиот весник Кронен Цајтунг, осомничениот и дал на австриската полиција информации што ги довеле до телото во шумата по неколкучасовно испрашување. Според весникот, осомничениот наводно ја задавил својата поранешна партнерка, го ставил телото во куфер и го закопал во шума кај Мајшперк.Окружниот суд во Марибор ја одобрил екстрадицијата на 31-годишниот осомничен од Словенија до судските власти во Австрија, каде што во меѓувреме се притворени неговиот брат и очув.Дури по неколку часа испрашување, тој се расплакал и го признал убиството, според извештаите на австриските медиуми.

Свет | пред 4 месеци

Обвинителството отвори истрага за мистериозната смрт на тетовецот пронајден со прострена рана во главата

По пронаоѓањето на телото на 42-годишен жител на Тетово, кој претходно бил пријавен за исчезнат, надлежните институции отворија истрага за утврдување на околностите околу случајот.Од Јавното обвинителство соопштија дека на местото на настанот бил извршен увид и дека се преземаат сите потребни мерки за расчистување на случајот и идентификација на можна сторителска одговорност.„Извршен е увид на лице место, дадени се повеќе насоки и наредби со цел откривање на сторителите поради сомненија дека смртта е резултат на кривично дело. Дадена е наредба за обдукција, наредба за подигање на возилото и други траги од лице место на кои ќе се врши вештачење, наредба за обезбедување на снимки од видео надзор, како и други докази,“ соопштија од Обвинителството.Оттаму додаваат дека по наредбите веќе се постапува, а истрагата продолжува во насока на утврдување на мотивите и можните сторители.

Македонија | пред 4 месеци

„Алдина можеше сѐ“! Фудбалскиот судија ѝ го одзеде животот на младата економистка од Босна

Алдина Јахиќ (32), економистка и истражувачка од Калесија, е жената што беше убиена во Мостар од нејзиниот поранешен партнер, фудбалскиот судија Анис К. (33). Трагедијата се случи во саботата вечер, во момент кога Алдина се обидувала да избега во угостителски објект во центарот на градот.Според истрагата, Анис ја следел од автобуската станица, го паркирал автомобилот на околу педесетина метри од ресторанот и влегол по неа. Девојката се засолнила во тоалетот, но тој ја пронашол и пукал кон неа од непосредна близина. Полицијата пристигнала за две минути, но веќе било предоцна.Обвинителката Весна Прањиќ потврди дека Алдина претходно добивала закани од поранешниот партнер, но не поднесла пријава, верувајќи дека заканите нема да преминат во насилство.Во моментот на нападот, таа била на пат кон фитнес-салата. „Тој ја пресретнал, физички ја нападнал и ѝ вперил пиштол. Таа избегала кон хотелот и се обидела да се сокрие, но тој ја следел и ја усмртил“, рече Прањиќ.Анис К., активен судија во Првата лига на Федерацијата БиХ и син на поранешен фудбалер на „Вележ“, неодамна легално регистрирал пиштол, тврдејќи дека добивал закани поради судиската работа. По убиството се обидел да се самоубие, но оружјето закочило. Приведен е веднаш на местото на злосторството.На социјалните мрежи продолжуваат емотивни пораки за Алдина. Економистот Адмир Чавалиќ напиша:Тешко е да се најдат зборови за нечија смрт. Уште потешко е кога таа личност е помлада од тебе, студентка, некој што те нарекувал ментор. Од првите едукации, организирање на настани, меѓународни патувања, читање една, две, три, педесет книги, па сѐ до пишување заеднички научни трудови и глобални проекти. Деценија работа и раст. Кога гледаш како студент учи, работи, се развива во силна личност. Таа личност беше Алдина Јахиќ, „филозоф“, како што ја нарекував.Филозофот вечерва се обиде да побегне од насилникот, будалата, некаква кревка сенка без кичма. Но безуспешно — куршумот беше побрз.Алдина можеше да организира настан за 1.000 луѓе, да напише десетици трудови, да говори пред преполна сала во странство, течно на англиски, да зборува за БиХ и да се шегува. Можеше сѐ. Така ја гледав. Но вечерва не успеа да избега.Оди понатаму, драга филозофке.Рахмет на босанската душа. Искрено сочувство до семејството Јахиќ.

Свет | пред 4 месеци

Фудбалски судија од Мостар ја застрелал партнерката, па се обидел да се самоубие

Во центарот на Мостар вечерва се случи шокантно убиство што го вознемири целиот град. Жената била застрелана од нејзиниот партнер по драматична потера што започнала во близина на автобуската станица. Од Министерството за внатрешни работи на Херцеговачко-неретванскиот кантон потврдија дека полициските екипи излегле на терен и во моментов го обезбедуваат местото на настанот.Убиецот се обидел да се самоубие, но пиштолот му се заглавил. Набрзо бил уапсен на лице место, а истрагата траела со часови.Напаѓачот, кој е син на познат фудбалер и фудбалски судија, прво ја ранил жената кај автобуската станица, но таа успеала накратко да избега. Во паника се упатила кон блиско кафуле, каде се обидела да побара помош и да ја извести полицијата. Напаѓачот продолжил да ја следи и ја стигнал по неколку десетици метри, по што повторно пукал и ѝ нанел фатални повреди.Потоа, според сведоштва од терен, мажот се обидел да си го одземе животот, но неговото оружје закочило. Полицијата пристигнала многу брзо и го уапсила непосредно покрај телото на жртвата.Неофицијалните информации упатуваат дека осомничениот е Анис Калајџиќ, фудбалски судија со долгогодишна кариера во Првата лига на Федерацијата БиХ и син на поранешен фудбалер и тренер на ФК Вележ. Истите извори тврдат дека дозвола за носење оружје добил неодамна — пред околу еден месец — и дека тогаш го купил и пиштолот што го употребил при убиството.

Свет | пред 4 месеци

Крвав инцидент во Виена: Убиен маж во ресторан, друг тешко повреден – напаѓачите во бегство

Во четвртокот навечер, во еден ресторан во виенската населба Отакринг, се случил вооружен напад во кој едно лице било убиено, а друго тешко рането и се бори за живот. Напаѓачот и неговиот помагач побегнале од местото на настанот, а полицијата започна голема потрага, објави австрискиот весник „Кронен Цајтунг“ (Kronen Zeitung).Според првичните информации, инцидентот се случил околу 21:45 часот во турски ресторан на улицата Пајергасе. Сè започнало со расправија меѓу неколку лица, по што еден од нив извадил огнено оружје и испукал неколку куршуми кон двајца мажи.Жртвите на нападот се двајца мажи со чеченско потекло. Едниот починал на самото место, наводно од прострелна рана во стомакот, додека другиот со повреди опасни по живот бил итно пренесен во болница.Мотивот за нападот засега не е познат. Некои сведоци изјавиле дека сторителот можеби е лице со српско потекло, но според истражителите, најверојатно се работи за австриски државјанин со мигрантско потекло. Истрагата ја презеде виенската криминалистичка полиција.Непосредно по пукањето, полицијата блокирала поширока зона околу местото на злосторството и спровела масовна потрага низ неколку окрузи. Акцијата траела до доцна во ноќта.Овој трагичен настан се случува само еден ден по друг насилен инцидент во истата населба, кога 54-годишен сопственик на локал бил нападнат и повреден пред својата продавница од група млади лица.

Свет | пред 4 месеци

Му пукале во глава - Откриен еден од убијците на Ѓело Ѓошев во Чашка – покрената истрага против осомничен велешанец

Основното јавно обвинителство Велес отвори истрага против едно лице осомничено дека учествувало во убиството на велешанецот Ѓело Ѓошев, кое се случи на 5 ноември во близина на селото Бусилци, во месноста Поројница. Обвинителството има основано сомнение дека тој бил соизвршител на кривично дело – убиство, предвидено во член 123 став 1 од Кривичниот законик.Според првичните сознанија, осомничениот го намамил Ѓошев и со сопствен автомобил го однел на локацијата каде, заедно со друго сè уште неидентификувано лице, пукале кон него со огнено оружје. Жртвата добила прострелна рана во главата и починала на местото на настанот.Осомничениот, кој и претходно бил казнуван за разбојништво, по убиството се обидел да ги прикрие трагите за да ја попречи истрагата, соопшти обвинителството.Со оглед на сериозноста на делото, опасноста од бегство, влијание врз сведоци и можноста повторно да изврши кривично дело, јавниот обвинител предложи мерка притвор.Министерството за внатрешни работи, по наредба на обвинителството, продолжува со интензивна истрага за откривање на вториот соизвршител и утврдување на мотивите за убиството.

Македонија | пред 4 месеци

Англичанец убил брачен пар, ги одвел нивните деца во McDonald's, а потоа отишол во полиција

Англичанец Дерек Мартин (67) е осуден на доживотен затвор за убиството на млад брачен пар – Џош и Клоуи Башфорд – во нивниот дом во Њухејвен, јуни 2023 година. По убиството, тој ги одвел нивните деца во McDonald’s, а потоа се предал во полиција и признал: „Убив двајца луѓе.“Мартин прво ја нападнал Клоуи со чекан и нож, а потоа го убил Џош кога се вратил дома. Судот дозна дека Мартин бил поранешен сопруг на мајката на Клоуи и дека често им помагал на семејството. На денот на злосторството избила расправија околу пари, по што „полудел“.Тој ќе мора да одлежи најмалку 29 години пред да може да бара условно ослободување. Според обвинителството, мотивот бил долг од 8.000 фунти поради коцкање. Семејството на жртвите изјави дека пресудата им донела олеснување и чувство дека конечно добиле правда.

Свет | пред 4 месеци

Убиениот Никола Тимев бил тепан со метална шипка половина час, имал десетина скршеници на рацете, нозете и на черепот: Осомничен за неговото убиство е жител од Сретеново

Основното јавно обвинителство Гевгелија донесе Наредба за спроведување истражна постапка против едно лице за кое постои основано сомнение дека сторило кривично дело – Убиство од член 123 став 1 од Кривичниот законик.Осомничениот, на 1 ноември попладнето, во близина на угостителски објект во селото Сретеново, Општина Дојран, со умисла лишил од живот едно лице. Сега починатиот Никола Тимев инаку претходно бил негов пријател со кого заедно седеле на скалите и пиеле, но во еден момент меѓу нив настанала вербална расправија која преминала во физичка пресметка.Осомничениот најпрво го удирал оштетениот со раце и нозе, а потоа и со метална шипка, нанесувајќи му повеќе од десетина скршеници на раце, нозе и на черепот. Од ударите кои траеле речиси половина час, оштетениот не успеал да се одбрани и се здобил со тешки телесни повреди и обилно крварење, а осомничениот го оставил на скалите и побегнал. Повредениот го забележале случајни минувачи кои повикале итна медицинска помош и тој бил пренесен во Медицинскиот центар во Гевгелија, но починал како резултат на здобиените повреди.Јавниот обвинител до судијата на претходна постапка достави предлог за определување мерка притвор за осомничениот, бидејќи постои опасност од бегство и можност тој да ја попречува постапката со влијание врз сведоците кои треба да бидат испитани во текот на истрагата.

Македонија | пред 4 месеци

Пукање, тензии и полициска опсада на Ново Место по убиството на Алеш Шутар

Ново Место повторно е во центарот на вниманието, откако гневот и тензиите не стивнуваат по убиството на познатиот угостител Алеш Шутар, кој од група роми беше претепан до смрт.Словенечката полиција добила повеќе пријави синоќа околу 20:30 часот дека во делот на ромската населба Брезје – Жабјак се слушнале неколку поединечни и рафални истрели.На местото веднаш биле испратени полициски екипи, како и припадници на специјалната единица. Полициската управа од Ново Место соопшти дека според првичните информации нема повредени лица, но истрагата е во тек и засилените контроли продолжуваат.Директорот на полицијата во Ново Место, Игор Јурич, за емисијата „24 часа“ изјави дека паралелно било пријавено и нарушување на јавниот ред и мир во ромската населба во Шмихел. Припадниците на специјалната единица излегле на терен и утврдиле дека нема сериозен инцидент, туку дека неколку канти за ѓубре биле поставени преку патот.Пред неколку дена полицијата уапси 20-годишен осомничен за убиството, припадник на ромската заедница, а според словенечките медиуми, потрагата по останатите учесници продолжува.По овој трагичен настан, премиерот на Словенија, Роберт Голоб, свика итен кризен состанок. По состанокот, министерката за правда Андреја Катич и министерот за внатрешни работи Боштјан Поклукар поднесоа оставки, кои Голоб веднаш ги прифати.Советот за национална безбедност донесе одлука за засилено присуство на полицијата во Ново Место, испраќање дополнителни сили од други делови на земјата и активирање на специјални единици доколку ситуацијата ескалира.

Свет | пред 5 месеци

Хорор во Кавадарци: Го убил сопствениот брат, па го влечел телото од домот во шупата за да го крие

По спроведената истрага, Основното јавно обвинителство Кавадарци поднесе Обвинителен акт против едно лице за кривично дело- Убиство од член 123 став 2 точка 4 од Кривичниот законик.-Обвинетиот 43-годишник, на 27 јули годинава од користољубие го лишил од живот својот помлад брат. На роденденот на жртвата, двајцата браќа започнале да се расправаат, бидејќи обвинетиот верувал дека неговиот брат сака да го преземе целиот имот. Поттикнат од чувства на гнев и омраза, тој со тапиот метален дел од тесла го удрил брат му по главата, а кога оштетениот паднал, уште два пати го удрил со теслата, нанесувајќи му моментални смртоносни повреди.Потоа обвинетиот си заминал, а следниот ден се вратил во домот на оштетениот и телото го префрлил во бањата. Во следните неколку дена исто така се враќал за да го прикрие делото, ја бришел крвта од подот и од предметите, а телото го пренел во шупата, го затрупал во ров и врз него ставил шперплоча и други предмети, се вели во соопштението на обвинителството.Во периодот од 30 јули до 5 август кога било откриено телото, обвинетиот во повеќе наврати повлекувал пари со банкарската картичка на жртвата.Јавниот обвинител, со поднесеното обвинение, побара продолжување на претходно определената мерка притвор за обвинетиот.

Македонија | пред 5 месеци

(Видео) Вознемирувачка снимка од убиството на таткото во Словенија, премиерот Голоб ќе ја заострува казнената политика

Словенија е во шок по викендот, кога пред еден локал во Ново Место беше убиен 48-годишен маж кој дошол да си го собере синот. Осомничен за убиството е 21-годишен Ром.На социјалните мрежи се појави и вознемирувачка снимка, а поранешниот словенечки министер за внатрешни работи Алеш Хојс објави на Х дека полицијата била информирана и реагирала, но само со издавање парична казна, критикувајќи го министерот и полицискиот директор како „неспособни и марионетски“.Премиерот Роберт Голоб најави заострување на казнената политика и серија репресивни мерки за зголемување на безбедноста.Најави дека сите институции – полицијата, обвинителството и судството – ќе добијат поголеми овластувања, а новите мерки нема да бидат „популарни“, но ќе бидат неопходни за воспоставување ред.Голоб потенцираше дека заострувањето не се однесува само на Ромите, туку на сите насилници.

Свет | пред 5 месеци

Обид за убиство во Скопје: маж си го претепал братот и легнал да спие

Основното јавно обвинителство – Скопје поведе истрага против лице осомничено дека се обидело да изврши убиство на својот брат во семејниот дом во село Марино.Како што соопшти Обвинителството, настанот се случил на 18 октомври, кога осомничениот физички го нападнал братот, удирајќи го со дрвена ногарка по главата и телото. Од ударите, оштетениот почнал да крвари и изгубил свест, по што осомничениот – наместо да повика помош – си легнал да спие.Следното утро, кога го забележал брат му како лежи во крв, не реагирал веднаш, туку повикал итна медицинска помош дури по речиси три часа.Јавниот обвинител предложил на осомничениот да му биде определен притвор, имајќи ги предвид околностите и тежината на делото.Според Обвинителството, случајот се води како обид за убиство по член 123 став 2 точка 2 во врска со член 19 од Кривичниот законик.

Скопје | пред 5 месеци

(Видео и фото) Ликвидиран е Филип Ивановиќ од Цетиње во „Белград на вода“, бил баран од Интерпол

Доцна синоќа во познатата белградска населба Белград на вода, е убиен 33-годишен маж на детско игралиште.Станува збор за Црногорецот Филип Ивановиќ од Цетиње, кој бил застрелан со куршум во челото од страна на 21-годишно момче. Полицијата брзо го уапсила Ѓ.З. кај кого биле пронајдени два пиштола и словенечки документи за кои постои сомневање дека се фалсификувани.По Ивановиќ била распишана меѓународна потерница, откако на 4 декември 2024 година побегнал од куќен притвор во Белград, при што насилно го отстранил електронскиот надзор.Во Србија против него се водел судски процес поради помагање на Лазар Тејиќ по убиството на Бојан Мирковиќ, додека Црна Гора го барала под сомнение дека бил член на организирана криминална група и соизвршител во неколку тешки убиства.Од Управата на полицијата на Црна Гора соопштиле дека Генералниот секретаријат на Интерпол во Лион објавил меѓународна потерница по Ивановиќ и дека неговото екстрадирање во Црна Гора било планирано по завршување на судскиот процес во Србија.Ивановиќ претходно бил уапсен во Белград на 25 ноември 2020 година под сомнение дека учествувал во тешко убиство. По бегството од куќниот притвор, повеќе од девет месеци бил во бегство, сè до неговото убиство синоќа.Осомничениот, Ѓ.З. (21), бил пресретнат од полицајци во цивилна облека на само 200 метри од местото на злосторството, каде што бил разоружан и уапсен.На осомничениот му е одреден притвор од 48 часа, а во тек е истрага, по што ќе бидат познати повеќе детали.Итната медицинска помош потврди за РТС дека човекот е убиен и дека пукањето се случило во 23:13 часот.

Свет | пред 5 месеци

Политички шок во Германија – избодена новоизбраната градоначалничка на Хердеке

Градоначалничката на германскиот град Хердеке, на западот на земјата, е тешко повредена откако била нападната со нож пред својот дом, јавуваат германските медиуми.Полицијата соопшти дека нападот се случил околу пладне, кога 57-годишната социјалдемократка Ирис Шталцер се наоѓала пред влезот на својата зграда. По нападот успеала да се довлечка до станот, каде што се онесвестила.Во моментот на инцидентот во домот биле нејзините посвоени деца – 15-годишен син и 17-годишна ќерка – кои веднаш ја повикале полицијата. Според сведочењето на момчето, мајка му била нападната од неколку непознати лица на улицата.Шталцер, која е адвокатка специјализирана за работно право, станала градоначалничка во септември, победувајќи во вториот круг од локалните избори со 52,2 проценти од гласовите.Германскиот канцелар Фридрих Мерц изрази шок и загриженост по нападот.Примивме вест за овој грозоморен чин во Хердеке. Се плашиме за животот на градоначалничката Ирис Шталцер и се надеваме на нејзино целосно закрепнување. Моите мисли се со нејзиното семејство“, напиша Мерц на социјалната мрежа X.Полицијата ја истражува позадината на нападот и сè уште не е познато дали станува збор за политички мотив.

Свет | пред 5 месеци

Од ракометар до модел: животот и мистеријата околу Македонецот Мартин Сипковски, кој загина во експлозија која сам ја предизвика

На 1 октомври околу 21:30 часот во стан на улица Косовска во Белград избувна експлозија во која животот го загуби државјанин на Македонија, Мартин Сипковски (21), пишува српски „Телеграф“. Неговата идентификација била потврдена по обдукцијата и размена на ДНК податоци меѓу српската и македонската полиција, пренесуваат белградските медиуми.Според првичните сознанија, Сипковски настрадал при нестручно ракување со експлозивна материја — пентрит (PETN), моќен детонабилен состав кој, како што се наведува, наводно бил наменет за ликвидација на лице поврзано со организиран криминал. Од експлозијата целосно е уништен станот каде што се случил настанот, а оштетени се и два соседни стана.Полицијата приведе лице осомничено дека му предало експлозивБелградските истражни органи соопштија дека го привеле Филип В. (26), кој е осомничен дека на 30 септември незаконски набавил и пренел експлозивна материја — пентрит — и, според сомневањата, му ја предал на Сипковски. По приведувањето тој бил сослушан во Више јавно обвинителство во Белград; против него е поднесено обвинение за недозволена набавка, држење и промет на оружје и експлозивни материјали, а обвинителството побарало да му се определи притвор поради опасност од бегање и ризик од повторување на кривично дело.Истрага за околностите и мотивитеКако што стои во досегашните откритија на истрагата, Сипковски наводно внел експлозивна направa во зграда на улица Дечанска, по што следната вечер, при наводно несоодветно ракување, детонацијата се случила и го усмртила. Случајот се третира како сериозна кривична постапка; истражителите собираат траги, материјални докази и сведочења за целосно разјаснување на околностите.Кој беше Мартин Сипковски?Во јавноста Сипковски беше познат како поранешен младински ракометар на РК Вардар, кој подоцна се насочил кон моделинг и работење во модната индустрија. Неговиот пресврт кон модата и достигнувањето договор со агенција во Истанбул беа широко покриени во медиумите, а соработуваше и со покоен Зоки Фаци; исто така е споменат како студент на Факултетот за бизнис и менаџмент во Скопје. Белградските извештаи, како и некои информации од Македонија, укажуваат дека имал претходни полициски евиденции, но точниот карактер и опсег на евентуалните криминални активности се предмет на истрагата.Што е пентрит?Пентрит (пентаеритритол тетранитрат, PETN) е силен експлозив во форма на бели кристали, користен во детонатори и во производството на одредени видови пластични експлозиви. Заради големата разорна моќ и чувствителност на удар и триење, неговото нелегално поседување и употреба претставува значаен безбедносен ризик.Надлежните српски служби најавија дека ќе продолжат со темелна истрага за да ги утврдат сите факти и мотиви поврзани со трагичната експлозија.

Македонија | пред 5 месеци

(Фото) Елвис Шкамби е убиецот на албанскиот судија Астрит Калаја

Елвис Шкамби е убиецот на албанскиот судија Астрит Калаја, кој вчера го застрела во судницата, а според наводите на медиумите во Албанија, 30-годишниот Шкамби му пукал директно во срцето.Албанските медиуми, според првичните информации, пишуваат дека Шкамби не бил запрен од обезбедувањето на влезот во судот и вооружен влегол во судница.По објавување на пресудата, која според сторителот била во корист на другата страна, убиецот го извадил пиштолот и пукал директно во судијата.Веднаш потоа, тој испукал куршуми и кон Ракип и Елвис Куртај, татко и син, кои пред судот ја застапувале другата страна. Двајцата се здобиле со повреди и се во болница, но се надвор од животна опасност.

Свет | пред 5 месеци

Македонските судии изразија сочувство за трагичното убиство на Астрит Калаја

Здружението на судии на Република Северна Македонија со најдлабоко жалење и искрено сочувство реагира на трагичниот настан што се случи во соседна Република Албанија, каде што судија беше смртно застрелан при вршење на својата службена должност. Овој чин претставува сериозен напад врз независноста и достоинството на судиската функција и е потсетник дека судиите мора да можат да ја извршуваат својата работа слободно, професионално и без страв за личната безбедност. Владеењето на правото е можно само кога судството е заштитено од каков било притисок или закана. Здружението упатува апел до сите релевантни институции и чинители во општеството да придонесат кон зачувување на достоинството и безбедноста на судиската професија, се наведува во соопштението на Здружението на судии.Тие воедно повикуваат на особена внимателност во јавното коментирање на судските постапки и носителите на судската власт, особено, како што се наведува, од страна на влијателни поединци и структури, бидејќи неодмерените изјави можат да создадат атмосфера на недоверба и притисок, што индиректно може да поттикне несакани и трагични настани.Здружението на судии на Република Северна Македонија останува посветено на промовирањето и заштитата на независноста, непристрасноста и безбедноста на судиите, како основа за праведно и демократско општество, се посочува во соопштението.Во Апелацискиот суд во Тирана вчера беше пукано во судијата Астрит Калаја, кој подоцна почина во болница. Во него пукало лицето за кое било прочитана пресудата на судот.

Македонија | пред 5 месеци

Пукање во судница во Тирана – убиен судија, две лица повредени

Во Апелациониот суд во Тирана денеска се случи вооружен инцидент со трагичен исход, кога судијата Астрит Калаја беше смртно застрелан за време на судење. Иако веднаш бил пренесен во Клиниката за трауматологија, лекарите не успеале да му го спасат животот.Напаѓачот, Ѓан Шкемби, отворил оган кон судијата во моментот кога тој започнал да ја чита пресудата во неговиот предмет. Во пукањето биле повредени и две лица – татко и син – кои, според првичните информации, се надвор од животна опасност.Случајот што го водел Калаја се однесувал на спор за сопственост на поранешна училишна зграда во Скадар, каде што живееле 31 семејство. Според обвиненијата, Шкемби со фалсификувани документи се обидел да стане сопственик и да ги исели станарите.Се спроведува истрага за тоа како сторителот успеал да внесе пиштол во судот, иако објектот е под високи безбедносни мерки и има метал детектори на влезот.

Балкан | пред 5 месеци

(Видео) Убиен висок член на Шкаљарскиот клан кај Будва, бил застрелан преку шофершајбната на возилото

Во близина на плажата Трстено кај Будва вчера околу 18 часот беше пронајден мртов 33-годишниот Бобан Сјеклоќа, висок член на ќелијата на Шкаљарскиот клан од Цетиње. Неговото тело било откриено во автомобил „голф“ со регистарски таблички од Подгорица.Пожарникари кои биле повикани поради тоа што возилото излетало од патот го нашле телото, а првичните наоди укажуваат дека тој бил застрелан преку шофершајбната. На местото биле пронајдени неколку чаури. Вишата државна обвинителка Ана Радовиќ потврди дека наредена е судска обдукција и вештачење на запленетите траги.„Жртвата е идентификувана како Б.С. (33). Пронајдени се одреден број траги и чаури кои ќе бидат испитани во Центарот за судска медицина“, изјави Радовиќ.Според извор близок до истрагата, Сјеклоќа со години бил во бегство и важел за значајна алка во структурата на Шкаљаpскиот клан во Цетиње. Специјалното државно обвинителство го товарело за шверц на половина тон кокаин и за учество во ликвидацијата на Андрија Газивода и Перо Мухадиновиќ во 2020 година. Полицијата повеќе пати ја претресувала неговата куќа во Цетиње, но тогаш не го пронашла.За потсетување, Шкаљарскиот и Кавачкиот клан се во судир од крајот на 2014 година, откако исчезнувањето на околу 200 килограми кокаин во Валенсија доведе до поделба на некогашниот заеднички криминален клан на два спротивставени табора.

Балкан | пред 5 месеци

Купил пиштол од Скопје, го викнал на кафе и го убил во Штип - планот го знаеле уште три лица ама не реагирале - поднесено обвинение за убиството

Основното јавно обвинителство Штип поднесе обвинителен акт против пет турски државјани осомничени за убиството на Енес Оздемир, кое се случи во мај годинава.Еден од нив се товари за директно извршување на кривичното дело „убиство“ и за неовластено поседување оружје, додека тројца обвинети ќе одговараат за помагање при извршување на делото. Петтата обвинета, пак, се товари за помагање на сторителот по извршување на тешкото кривично дело.Според обвинението, првообвинетиот, 21-годишен турски државјанин без регулиран престој во Македонија, на почетокот на мај во Скопје нелегално купил полуавтоматски пиштол марка „FEG“, калибар 9 мм, со избришани ознаки. На 8 мај преку мобилна апликација се договорил да се сретне со жртвата во кафе-бар во центарот на Штип. По краток разговор, обвинетиот извадил пиштол и испукал неколку куршуми, нанесувајќи му шест прострелни повреди на Оздемир, од кои починал.Тројцата сообвинети, иако знаеле за намерата на извршителот, му обезбедиле сместување, логистика и превоз до Штип, а му помогнале и во набавката на оружјето. По убиството, сите заедно се обиделе да се вратат во Скопје, при што петтата обвинета со свој автомобил се обидела да му овозможи бегство на убијцата, кој излегол од возилото пред патарината „Миладиновци“. Таму подоцна бил фатен и приведен од полицијата. Останатите четворица биле запрени на патарината и лишени од слобода.Обвинителството побара продолжување на мерката притвор за четворица обвинети, додека за петтата остануваат претходно определените мерки на претпазливост.

Македонија | пред 5 месеци

По убиството на Росица — „Ниту една повеќе!“ повикува на блокада пред паркот „Жена Борец“

По убиството на Росица, феминистичкото движење за слобода и правда на жените „Ниту една повеќе!“ ги повикува граѓаните да се приклучат на блокадата што ќе се одржи денес од 18 часот пред паркот „Жена Борец“ во Скопје.Организаторите велат дека целта е јавно и солидарно да се испочитува барањето за еднаквост и живот без насилство. „Движењето е резултат на нашиот гнев – затоа што жените во оваа држава не се заштитени – и нашиот страв за тоа уште колку жени живеат во насилство или под ризик од насилство, чии крици за помош се задушени секој ден. Но, истовремено е и резултат на нашата храброст и одлучност: наместо да се плашиме која ќе биде следна, тука сме да кажеме дека нема да има ниту една повеќе. Целта ни е да изградиме заедништво и решително да покажеме дека не може да се продолжи како досега – да покажеме надеж за иднина без насилство, но и должна правда за сите жртви кои не беа навремено заштитени“, порачуваат од „Ниту една повеќе!“.Тие ги повикуваат сите граѓани да дојдат, да го искажат своето мислење и чувство, да предложат што треба да се подобри во системот и заедно да дискутираат за решенија против институциите кои, според нив, го загрозуваат животот на граѓанките.

Македонија | пред 6 месеци

Детали за убиството на хрватскиот политичар: Зоран Гргиќ е застрелан со неколку куршуми

Полицијата уапси вкупно три лица за убиството на 61-годишниот Зоран Гргиќ, поранешен член на Советот за цивилен надзор на безбедносните и разузнавачките служби на Хрватскиот парламент, синоќа во Шушњевац во близина на Славонски Брод.Бродско-посавинската полициска управа го потврди ова, наведувајќи дека покрај првично уапсениот 33-годишник, кратко потоа се уапсени уште две лица на возраст од 25 и 39 години.„Околу 18 часот се случила пукотница во која 61-годишникот бил повреден од огнено оружје, а од повредите починал. Следела брза полициска интервенција, при што бил пронајден 33-годишникот, по што биле уапсени уште две лица. Во тек е кривична истрага за утврдување на важните факти и околности за гореспоменатиот настан“, соопшти Бродско-посавинската полициска управа.За убиството на политичарот се огласи и Надлежното Окружно државно обвинителство во Славонски Брод и соопшти детали.„Според досега собраните информации, постои основано сомнение дека на 23 септември 2025 година, околу 18 часот во градот Шушњевци, хрватски државјанин (роден 1964 година) е убиен со пукање од огнено оружје. Постои основано сомнение дека сторителот или неколкумина од нив удриле во возилото на жртвата, по што кон жртвата биле испукани неколку истрели од огнено оружје, од кои тој починал на местото на настанот. Потоа сторителот го напуштил местото на настанот“, велат од обвинителството во Брод.Тие исто така наведуваат дека во соработка со полицијата, преземаат сите потребни мерки и дејствија во рамките на нивната надлежност за да ги утврдат сите релевантни факти и околности за овој настан.

Свет | пред 6 месеци

Поранешната министерка предупредува: Без целосна истрага – нови трагедии како со Росица ќе се повторат

Професорката по право и поранешна министерка за правда, Рената Десковска, реагираше по повод двојното убиство и самоубиството што неодамна се случи во Велес, предупредувајќи дека случајот не смее да се затвори само затоа што убиецот е мртов.Таа како пример го наведе најновиот случај Scuderoni против Италија (бр. 6045/24), во кој Европскиот суд за човекови права утврди дека Италија ги прекршила член 3 и член 8 од Европската конвенција за човекови права поради тоа што властите не презеле навремени и соодветни мерки за заштита на жртвата. Судот тогаш наложи исплата на 15.000 евра за нематеријална штета и 10.000 евра за трошоци.„Потребна е целосна истрага за да се утврди одговорноста на оние кои требало да преземат дејствија за заштита, а не го сториле тоа. Тоа е потребно заради задоволување на правдата, но и како поука за идни случаи. Не може секогаш вината да се бара во наводните ‘дупки’ во законите“, напиша Десковска.Таа истакна дека најблиските роднини на убиените имаат право да ја тужат државата за сериозни прекршувања на домашното право и на Европската конвенција за човекови права, како и да бараат надомест на штета.https://www.facebook.com/share/p/19hVXX25uV/?mibextid=wwXIfr

Македонија | пред 6 месеци

(Видео) Убиен е познат хрватски политичар и безбедносен експерт, по целодневна потрага уапсен е убиецот

Полицијата во Славонски Брод соопшти дека е уапсено лицето поврзано со убиството што се случи во вторникот во општината Гарчин. Според неофицијални информации, жртвата е 62-годишниот Зоран Гргиќ од Славонски Брод, експерт за безбедност и поранешен член на Советот за граѓански надзор над безбедносно-разузнавачките служби при Хрватскиот сабор.Инцидентот се случил нешто по 18 часот во местото Шушњевци. Според сведоци, Гргиќ целиот ден бил во друштво со осомничениот на излетничкото место Лескови води. Подоцна, на патот во Шушњевци, напаѓачот со своето возило му го попречил патот, излегол од автомобилот и пукал кон него. Гргиќ бил смртно погоден додека бил во сопственото возило.Поради истрагата, полицијата го блокирала сообраќајот кон Лескови води и Врховина, а за осомничениот, кој во прв момент бил во бегство, беше организирана широка потрага. Неколку часа подоцна, тој е пронајден и уапсен.

Свет | пред 6 месеци