ВЛАДА

Ковачевски се пофали со грозјето, горд на себе за успехот

Премиерот Димитар Ковачевски и министерот за земјоделство, шумарство и водостопанство Љупчо Николовски одржаа средба со лозарите и со претставници на винариите. По средбата премиерот Ковачевски на прес-конференцијата истакна дека годинава, постигнат е договор за историски најголемо зголемување на откупната цена на грозјето од 30%.„Смедеревката ќе се откупува по просечна цена од 13 денари за килограм, а вранецот по 15 денари за килограм, што е за 3 денари повеќе споредено со ланските откупни цени. Верувам дека и винариите и лозарите се задоволни од постигната цена и верувам дека договорите ќе бидат испочитувани од двете страни. Прв пат оваа година, на самиот почеток на кризата Владата реагираше со брзи одлуки и ја донесовме Програмата за Интервентен фонд, со почетен буџет од 400 милиони денари, а со ребалансот на буџетот, овој Интервентен фонд беше зголемен со дополнителни 500 милиони денари. Значи вкупно 900 милиони денари, за мерки за поддршка на земјоделците во услови на криза, покрај редовните субвенции кои што беа во целост програмирани. Токму во овој Интервентен фонд се обезбедија и мерки за поддршка на лозарите и винариите, за да имаат помали трошоци и одржливо производство. Односно 120 милиони денари за поддршка на винариите и дополнителни 2 денари за килограм откупено грозје за лозарите“, рече Ковачевски и додаде дека сето ова ја демонстрира посветеноста и грижата за извозно ориентирани земјоделски гранки како што е лозарството, и во услови на најголема криза да помагаме онаму каде е најпотребно.Ковачевски дополни дека домашното просечно производство на грозје е стабилизирано на околу 270 илјади тони на годишно ниво, додека просечното годишно производство на вино е околу 100 милиони литри.„Македонското вино е во светот познато по својот квалитет, а нашата земја важи за еден од лидерите според вредноста на извезеното вино во регионот, односно втор најголем извозник после Грција. Минатата година македонските винарии извезле вино во вредност од над 61 милиони долари, што е зголемување од над 19% во споредба со претходната 2020 година. Паралелно се зголемува и бројот на винарски визби, кој заклучно со август 2022 година е 139, со вкупен капацитет од околу 200 милиони литри. Се овозможи финансиска поддршка до 10.000 евра за малите семејни винарии за набавка на опрема за производство, мерка која предизвика голем интерес кај овие мали семејни винарии. Секоја година се одвојуваат средства за промоција на македонските вина на саемите низ светот, а се подготвуваа и нов Закон за вино кој е усогласен се ЕУ, односно и со регулативите на ЕУ и кој придонесува да имаме поквалитетно македонско вино. Веќе знаете под покровителство на владите на Србија, Северна Македонија и Албанија, а како дел од иницијативата „Отворен Балкан“, почнува Првиот меѓународен саем за вино, храна и туризам „Винска Визија на Отворен Балкан“, кој ќе се одржи во Белград, од 1 до 4 септември 2022 година. Од Северна Македонија ќе учествуваат 42 винарници и 3 дестилерии кои ќе се претстават со повеќе од 300 различни типови македонски вина. Учеството на Северна Македонија на Саемот за домашната економија значи обезбедување поголем извоз, откуп и нови пазари за пласман на македонските вина“, додаде Ковачевски.Министерот Николовски подвлече дека со измената и дополнувањата на Програмата за финансиска поддршка во земјоделството за 2022 година, се воведува дополнителна мерка, наменета за поддршка на лозарите, кои имаат површини под лозови насади и оствареното производство на винско грозје од реколтата 2022 година и истото да е предадено во регистрирани капацитети или да е искористено за потребите на сопствениот регистриран преработувачки капацитет.„Дополнителната мерка изнесува дополнителни 2 денари по килограм.Ова значи дека на веќе договорените 13 и 15 денари за килограм ќе се додадат уште плус 2 денари, со што откупната цена на грозјето ќе достигне 15 денари за смедеревка и 17 за вранец. Ако на ова ги додадеме и субвенциите од 40.000 односно 48.000 денари по хектар, стигнуваме до плус 3 денари за килограм, што значи дека со сета наша поддршка и коректниот однос на винариите, лозарите добиваат вкупно 18 денари за килограм за смедеревка и 20 денари за килограм за вранец.Ова е рекорд. Што е најважно, постигнат е преку дијалог, бидејќи ние максимално ја разбираме секојдневната борба која ја водат и лозарите и винариите. Проблемот е комплексен, повеќестран и затоа е навистина успех кога се стигнува до резултат, до договор од кој сите се задоволни.И ако на сето ова се додадат сите исплати во овој сектор по разни основи, од 2017 до денес стигнуваме до екстремно висока бројка на инвестирани околу 76.5 милиони евра од кои 74 милиони се директно исплатени кон лозарите", изјави Николовски.Ристе Љуботенски од винаријата „Имако“ истакна дека станува збор за тешка производствена година, особено во производството на грозје и вино со оглед на фактот дека во Европа, заради кризата потрошувачката на вино и производи на вино е намалена. Љуботенски, додаде дека големите производители на вино имаат залихи и потенцира дека грижата на Владата и ресорното Министерство за собирање на овогодинешната реколта е оправдана, како и во изминатите години.Трајче Кулев, лозар рече дека се најде компромисно решение и дополнителни 2 денари за килограм за цената на грозјето се со цел поддршка за лозарите и во услови на светска криза.

Македонија | пред 3 години

Дали е доволна: Просечната нето-плата во јуни се зголеми за 10,9% и достигна 31.869 денари

„Владините мерки даваат позитивни резултати во континуирано зголемување на просечната месечна нето-плата“, велат од Владата.Според последните податоци на Државниот завод за статистика, во јуни годинава просечната нето-плата по вработен достигна 31.869 денари, што е за 3.125 денари повеќе од лани истиот месец.Податоците од Државниот завод за статистика покажуваат дека зголемувањето на просечната месечна нето-плата за 10,9 отсто во јуни годинава, се должи пред се на растот на платите во секторите: Објекти за сместување и сервисни дејности со храна каде што е регистриран раст на нето-платата од 23,1%, Уметност, забава и рекреација со 17,5% раст на просечната нето-плата и во секторот Трговија на големо и трговија на мало растот на просечната месечна нето-плата е 16%.Ваквиот тренд на континуирано зголемување на просечната нето плата во земјата е резултат на економските мерки и политики што ги спроведува Владата за раст на просечната и на минималната плата која изнесува 18.000 денари.Владата продолжува со креирање на мерки и на амбиент за повисоки стапки на економски раст и раст на приходите на сите граѓани, со цел да се унапреди животниот стандард на граѓаните особено во услови на криза.

Македонија | пред 3 години

Ковачевски: Гордо и достоинствено славиме 30 години јубилеј на Армијата која е столб на безбедноста, стабилноста и достоинството

Претседателот на Владата на Република Северна Македонија, Димитар Ковачевски денеска учествуваше на централната свеченост која се реализира во касарната „Илинден“ во Скопје на која Армијата на Република Северна Македонија со гордост го прослави својот јубилеен роденден и ги одбележа достигнувањата во текот на својот триесет годишен раст и развој.„Денеска гордо и достоинствено го славиме денот на Армијата - 18 август.Го одбележуваме 30 годишниот јубилеј на нашата Армија која е столб на безбедноста, одбраната, стабилноста и довербата како рамноправна членка на еден од најмоќните воено-безбедносни сојузи, НАТО.Изразувам искрена благодарност, од свое лично име, од име на Владата и од сите граѓани, до сите припадници на Армијата, до секој припадник на воениот и на цивилниот персонал на нашата Армија, за огромната заложба, посветеност и придонес сите овие години.Ви благодарам за влогот, за вашиот труд во градењето на стабилна, модерна Армија со високи стандарди, рамноправна со останатите моќни членки на Алијансата, со чии армии учествува во многубројни мисии.Армијата е секогаш на првата линија на помош и поддршка за сите нас, а ние посветено продолжуваме со нејзино модернизирање за сериозна борбена подготвеност, создавајќи најповолни услови за припадниците на воениот и цивилниот персонал.Нека е честит и вековит Денот на Армијата!”, е наведено во честитката на премиерот Ковачевски.На свечената церемонија на која присуствуваше премиерот се одржа и дефиле на ешалони составени од припадници на сите команди и единици на Армијата, и на современи борбени возила со кои располага Армијата меѓу кои и новите оклопни возила со кои се претстави достигнувањето и извежбаноста на припадниците на Армијата.На централната свеченост покрај премиерот Ковачевски присутни беа и претседателот Стево Пендаровски, министерката за одбрана, Славјанка Петровска и началникот на Генералштабот, генерал-потполковник Васко Ѓурчиновски, претставници од Собранието, министри во Владата, претставници од дипломатскиот кор, пензионирани припадници на Армијата и претставници на организации со кои соработува Армијата.Централната свеченост е една од завршните активности со кои се одбележуваше јубилејот 30 години од формирањето на Армијата меѓу кои беа реализирани: изложба по повод 30 годишниот јубилеј, отворениот настан за граѓаните, трибини, спортски натпревари, хуманитарни акции и прослави во единиците.

Македонија | пред 3 години

(ВИДЕО) Ковачевски го пречекува шпанскиот премиер, заедно со Груби, Маричиќ, Петровска

Премиерот Ковачевски заедно со владина делегација во состав од првиот заменик-претседател на Владата и министер за политички систем и односи меѓу заедниците Артан Груби, заменик-претседателот на Владата за европски прашања Бојан Маричиќ, министерката за одбрана Славјанка Петровска и министерката за култура Бисера Костадиновска-Стојчевска, ќе ја пречекаат шпанската владина делегација предводена премиерот Санчез, со највисоки државни почести, во 17:00 на платото пред Владата на Република Северна Македонија.Официјалниот пречек може да го проследите во живо на следниот линк.Посетата ќе заврши со заеднички изјави во 18:00, од страна на премиерите Ковачевски и Санчез. После изјавите не се предвидени новинарски прашања. Изјавите може да се проследат во ХД резолуција на следните линкови: 

Македонија | пред 3 години

Не смее да се извезува огревно дрво, брашно, палети!

Со цел да се заштити домашното производство, и да се одржи снабдувањето на домашниот пазар, за да се избегне растот на цените, во насока на задржување на стандардот на граѓаните, Владата на денешната седница донесе две одлуки, едната за ограничување на извозот на одредени производи и другата за укинување на царината за увоз на масло за јадење од сончоглед.За да се спречат сериозни пореметувања на пазарот во земјата, кои може да настанат со извоз на пченица и брашно од земјата, Владата донесе одлука до крајот на годината, односно до 31.12.2022 година да се ограничи извозот на пченица и наполица и брашно од пченица и наполица.Во услови на економската криза предизвикана од воените случувања во Украина и пореметувањата на светскиот пазар на пченица на кој се јавува сериозен недостиг на пченица, потребно е да се превенираат евентуалните дополнителни нарушувања на пазарот во земјата кај овие основни прехранбени производи, неопходни за исхрана на населението.На денешната 63-та владина седница, на предлог на Министерството за економија беше донесена и одлука за ограничување на извозот на огревно дрво и пелети до крајот на годината, односно до 31.12.2022 година, со цел да се спречат и избегнат последиците предизвикани од зголемената побарувачка на населението за огревно дрво предизвикана од енергетската криза на светскиот пазар.Во консултација на Министерството за економија и со Министерството за земјоделство, шумарство и водостопанство, Владата повторно донесе одлука за укинување на увозната давачка - царинската стапка за увоз на масло од сончоглед за јадење поради потребата да се одржува снабдувањето на домашниот пазар од растот на цените.Оваа одлука ќе важи до 31.12.2022 година. Ваква одлука се применуваше до 31 мај 2022 година. Имено, редовната царинска стапка на маслото од сончоглед за јадење е максимум 29%, така да со оваа мерка се дава можност на увоз од други земји за кои нема преференцијален третман во трговијата или се предмет на мала бесцаринска квота во рамки на договорите за слободна трговија.Владата на денешната седница, врз основа на известување за одземените лиценци на БЕГ за производство, дистрибуција и снабдување со топлинска енергија го задолжи, а со цел поуспешно пребродување на кризата со топлинска енергија го задолжи АД ЕСМ – Скопје да спроведе постапка за основање на трговски друштва и тоа: Друштво со ограничена одговорност основано од едно лице за вршење енергетска дејност производство на топлинска енергија, Друштво со ограничена одговорност основано од едно лице за вршење енергетска дејност дистрибуција на топлинска енергија и Друштво со ограничена одговорност основано од едно лице за вршење енергетска дејност снабдување со топлинска енергија за подрачјето на Град Скопје, чиј основач и единствен содружник ќе биде АД ЕСМ - Скопje.Новооснованите друштва основани од АД ЕСМ - Скопје кои ќе вршат енергетски дејности на подрачјето на Град Скопје се задолжени да се јават во постапката за избор на вршител на енергетска дејност кој што ќе има обврска за обезбедување на јавната, односно универзалната услуга која ја спроведува Владата.АД ЕСМ е задолжено да спроведе постапка за основање на Друштво со ограничена одговорност основано од едно лице за вршење енергетска дејност производство, дистрибуција и снабдување со топлинска енергија за подрачјето на градот Битола, Новаци и Могила, чиј основач и единствен содружник ќе биде ЕСМ-Скопје.Владата на Република Северна Македонија во знак на солидарност и во насока на зајакнување на партнерството и соработката помеѓу Република Северна Македонија и Република Грција донесе Одлука за испраќање на припадници и капацитети на Армијата на Република Северна Македонија во поддршка на гасење на пожари, во Грција.Се работи за припадници на Армијата со јачина од еден вод, со вкупно 30 припадници и хеликоптер со посада и потребни капацитети за гасење на пожар.Сите потребни мерки и активности за координација со властите во Република Грција, во врска со поддршката при гасењето на пожарите ги презема Министерството за одбрана- Генералштабот на Армијата на Република Северна Македонија.

Македонија | пред 3 години

Владата ќе ја одржи 63-та седница

Денеска, 20.7.2022 година (среда) ќе се одржи 63-та седница на Владата на Република Северна Македонија.По одржувањето на седницата, којашто е предвидено да започне во 12:30 часот, јавноста ќе биде информирана со соопштение.

Македонија | пред 3 години

Вечер пак ќе се случи народ

„Вчера, на шестиот ден од сенародниот протест против бугаризацијата на Македонија, на кој народот вели НЕ за ‚‚францускиот предлог‘‘, народот излезе во огромен број и покрај заплашувањата кои ги оркестрира окупационата Владата на СДС и терористичката ДУИ“, велат од Левица.Тие додаваат:За денеска, најавени се БЛОКАДИ низ државата, вклучувајќи го и главниот град, каде ќе се блокира пред Владата на РМ. Ги повикуваме граѓаните да ни се приклучат со своите возила во периодот од 13 до 14 часот.Разноликиот пристап за искажување протест против сегашната владејачка гарнитура и нивната поданичка надворешна политика, испраќа сигнал за народна сплотеност и истрајност во Борбата.Покрај сите намери да се разбие протестот, гневот на народот не можеа да го амортизираат! Изминативе години, во кои со државата управуваат квислинзи, кулминираат со општа мобилизација на граѓаните на улиците ширум Републиката.Борбата против омаловажувањето на Македонија и негирањето на македонската посебност, историја и јазик, кое го спроведуваат наши политичари на барање на Бугарија, нè води кон враќање на меѓународното и домашното достоинство на Македонија.Сенародниот протест ќе продолжи во недела, во 19:00 часот пред Владата на РМ“.

Македонија | пред 3 години

ДОМ: „Ќе ја напуштиме владата ако се прифати францускиот предлог, за македонскиот јазик и идентитет не смее да се преговара“

На денешниот состанок на Извршниот одбор на ДОМ во проширен состав, се разгледуваше за француски предлог објавен во медиумите. Раководството на ДОМ едногласно донесе став дека овој предлог е неприфатлив и Владата треба да го отфрли.Оттаму порачуваат дека отворените прашања со Бугарија треба билатерално да се решаваат во добра волја, взаемна почит и согласно европските вредности.„ ДОМ останува на ставот дека за македонскиот јазик и идентитет не смее да се преговара. Сметаме дека овој предлог ќе го претвори пристапниот процес за членство на Македонија во ЕУ во бескрајна агонија и го доведува во неизвесност и самото започнување на преговорите.Доколку Владата го прифати овој т.н. француски предлог, ДОМ ќе ја напушти Владата и парламентарното мнозинство“ најавија од партијата.

Македонија | пред 3 години

Народот кажа масовно и гласно НЕ на ултиматуми, денес повторно протест во 19:00 пред Влада, вели ВМРО-ДПМНЕ

Вчера граѓаните масовно јасно и гласно кажаа НЕ БЛАГОДАРАМ на ултиматуми и диктати содржани во Предлогот кој Владата на Ковачевски и Османи го прифати. Граѓаните се противат на легализацијата на асимилацијата на Македонскиот народ, понижувањата и идентитетските обезличувања кои е подготвена да ги направи оваа Влада, вели ВМРО-ДПМНЕ„И народот и експертската јавност се уверени дека Владата лаже. Овој договор е истиот кој наводно пред една недела Ковачевски го одби. Со овој Предлог со пропратен документ македонскиот јазик се опишува како западно бугарски дијалект. Со предлог рамката, чиј составен дел се годишните извештаи се опфатени историските прашања, а со тоа и негаторските барања на Софија.Со Протоколот се предвидуваат промени на учебници за револуционерните дејци како Делчев, Груев, Сандански, за Илинденското востание, Самоиловата држава, но и промени на споменици, музеи, објекти и настани. Во овој протокол, или Годишен извештај како што го нарекува Владата на Ковачевски има конкретни датуми и рокови, што и како треба да се менува. За сето тоа во годишните извештаи македонската страна треба да ја информира Бугарија и доколку таа не е задоволна со спроведената активност рамна на асимилаторска, тогаш повторно и повторно може да поставува вето.Доколку Владата го прифати предлогот тогаш Македонија самоволно прифаќа вечно преговарање или целосна асимилација на сегашната, минатите и идните генерации.Владата на Ковачевски во очај преку Османи кукавички се обидува да шири страв и закани. Но ни тоа не поминува. Колку повеќе се закануваат и го лажат народот, толку погласен ќе биде гласот и противењето на народот. Оваа Влада изгуби целосен легитимитет. Таа влада на Ковачевски и Османи не е народна влада и затоа се потребни избори, на кои конечно ќе паднат.Денес повторно во 19 часот ги повикуваме граѓаните на мирен и достоинствен протест пред Владата против понижувањата и ултиматумите се додека не се откажат од намерата за асимилација на својот народ“, се вели во соопштението.

Македонија | пред 3 години

(ВИДЕО) Ковачевски не одговори дали има поддршка од сите коалициони парнтери: На следен состанок ќе имаме став

Нема конкретен одговор дали Договорот за добрососедство ќе ја внесе историјата во преговорите на Македонија со ЕУ. Премиерот Димитар Ковачевски објаснуваше за добивките од влезот во ЕУ, наместо да даде одговор што ќе донесе вметнувањето на овој договор во преговарачката рамка.„Во однос на Договорот за добрососедство, подоцна ќе објаснат Маричиќ и Османи. ЕУ почива на добрососедски односи. Доколку ги погледнеме земјите членки на ЕУ, сетете се на Првата светска војна. Сите тие ги надминале разликите. И заедно седат, градат внатрешна, надворешна монетарна политика. Го развија најголемиот светски економски пазар“, посочи меѓудругото Ковачевски.Ковачевски не одговори ниту дали ќе инсистира сите партии да го прифатат францускиот предлог.„Сметам дека сите политички партии треба консезуално да се борат за подобра иднина на оваа држава. Може човек да одлучи да биде сам изолиран, политичка партија да биде изолирана, но не смее да дозволи државата да биде изолирана. Оваа држава“, кажа Ковачевски.Премиерот ја повика опозицијата да го погледне предлогот.„Во однос на т.н. првичен предлог кои беа идеи и нацрти во однос на тоа како би изгледал предлогот, забелешки имав и јас. Сите имавме забелешки, но еден мораше тоа да го каже во Брисел. Јас тоа го направив. Ни тогаш не постоеја разлики помеѓу коалиционите партнери. Некои тоа го кажуваше јавно, другите на место каде беше најсоодветно, а тоа е таму каде седеа сите лидери. Коалицијата денеска беше информирана во однос на предлогот, ние разговарамве. Сите имавме државничка дискусија. Сите лидерии имаа свои партии, ќе разговараат. На следен состанок ќе имаме заеднички став“, кажа Ковачевски.

Македонија | пред 3 години

(ВО ЖИВО) Ковачевски најави прес-конференција во 13:30 часот

Денеска 1.07.2022 година, во 13:30 часот, претседателот на Владата на Република Северна Македонија Димитар Ковачевски, ќе одржи прес-конференција во Медија центарот на Владата на Република Северна Македонија, на која ќе присуствуваат и членовите на владината коалиција.Видео материјалот од прес-конференцијата на премиерот Ковачевски ќе можете да го преземете на следните линкови:

Македонија | пред 3 години

Ковачевски и натаму на состанок со партиите: Одлуката за францускиот предлог ќе ја донесеме заеднички

Премиерот Димитар Ковачевски и натаму е на состанокот со коалиционите партнери во Владата. Тие неколку часа разговараат за францускиот предлог.„Со владината коалиција денес разговараме за европскиот предлог врзан со евроинтеграциските процеси на Република Северна Макеоднија кој вчера пристигна во МНР и за процесот за консултација кој следи понатаму. Секоја одлука поврзана со предлогот ќе ја носиме заеднички и преку широк консултативен процес“, напиша Ковачевски.Тој објави и фотографии.

Македонија | пред 3 години

Ковачевски: Денеска по средбата со владината коалиција ќе го објавиме предлогот од француското претседателство

Предлогот од француското претседателство во интегрална форма ќе биде објавено денеска на официјалната владина веб страница по средбата со владината коалиција, најави претседателот на Владата на Република Северна Македонија Димитар Ковачевски.Воедно премиерот Ковачевски за денеска најави повеќе средби и консултации во врска со предлогот.„Како што ветив, отвораме процес на широки консултации. Денеска во 11:00 часот во Владата ќе се одржи средба на лидерите на партиите од владината коалиција на која ќе се разгледува предлогот на француското претседателство. Веднаш по средбата, предлогот во интегрална форма ќе го објавиме на официјалната веб страна на Владата. Во текот на денот, покрај средбата со владината коалиција, ќе се одржат консултации и разговори со експертската и стручната јавност како и со медиумите. Како што веќе најавив вчера целиот процес ќе се одвива транспарентно, а јавноста во детали ќе биде запознаена со сите следни чекори.Повикувам на одговорност од сите релевантни чинители во општеството, шпекулации за важни државни и национални прашање не одат никому во прилог.Оттука, апелирам до сите политички актери и медиумите да се потпираат на официјалните информации од институциите. Барам конструктивност и поддршка од сите чинители за да донесеме мудра одлука во интерес на сите граѓани”, се наведува во статусот на фејсбук профилот на премиерот Ковачевски.

Македонија | пред 3 години

Ковачевски не открива дали Македонија прави нови отстапки за Бугарија

Премиерот Димитар Ковачевски, најави дека францускиот предлог ќе биде доставен до Собранието. Не кажа дали Македонија треба да прави нови отстапки. За вклучувањето на Бугарите во македонскиот Устав, Ковачевски рече: „Ние имаме изјави од сите политички актери дека е процес кој сите ќе го поддржат“.„Во однос на поддршката и прифаќањето на она што сметаат нашите граѓани и другите носители во државата, сметам дека треба да биде со најширок консензус бидејќи на ваков начин ние правиме исчекор кон отворање на првата меѓувладина конференција на РС Македонија со ЕУ. Првата меѓувладина конференција значи почеток на скрининг процесот. За деталите, ќе информира вицепремиерот за европски интеграции. Предлогот кој е даден е од претседателството, но доколку ги следевте внимателно изјавите, тој беше поддржан и од други држави. Ова е документ од претседатлеството. Сите детали од него, ќе бидат презентирани од текот на утрешниот ден“, кажа Ковачевски.Спорниот протокол, не е дел од преговарачката рамка.„Во однос на одвивањето на самиот процес на пред пристапни преговори со ЕУ, тоа е дефиниран процес, дел од стандардите на ЕУ и преговарачката рамка. Тој процес го водат земјите членки. Во однос на протоколот кој го споменувате, тој не е прв протокол туку втор протокол на Комисијата која работи на следење на Договорот за добрососедство со Бугарија. Тој е одобрен од Собранието. Протоколот кој е усогласен, ќе бидат презентиран од Министерството за надворешни работи. Протоколот нема да биде дел од преговарчката рамка“, додаде тој.

Македонија | пред 3 години

ВИДЕО: Историските прашања не влегоа во преговарачката рамка

По седницата на Владата, премиерот Димитар Ковачевски, не сакаше да го коментира францускиот предлог. Засега е познато само дека историските прашања не се влезени во преговарачката рамка. Ќе има консултации со сите, најави премиерот.„Во однос на ставовите во Бугарија, знаете дека имаа процес кој го поминаа изминатиот период. Со оглед дека имаше драфт идеји на кои ние имавме забелешки – таков процес не можеше да се отпочне. Кажав дека нашите забелешки се содржани во новиот предлог кој се наоѓа на анализа. Можеме да правиме консултации кај нас. Во однос на историските прашања – нашиот став е да не бидат дел од преговарачката рамка. Тоа е содржано во овој предлог“, кажа Ковачевски.Ковачевски најави транспарентен процес.„Официјалните ставови ќе бидат соопштени откако предлогот ќе ги помине сите филтри односно институции, претседателот на државата, Собранието, опозицијата и севкупната јавност. Имаме план и стратегија која дава резултати. Апелирам до медиумите и политичарите, да се воздржиме од шпекулации. Процесот ќе биде транспарентен, ќе има релевантни детали, па ќе се донесе финална одлука. Одлуката ќе ја донесеме заеднички, согласно стратешките интереси на земјата и сите граѓани“, кажа Ковачевски.

Македонија | пред 3 години

И Владата се изјасни по Макрон: Пристигна предлог од француското претседателство

До Владата на Република Северна Македонија, преку Министерството за надворешни работи, од француското претседателство пристигна предлог со идеи кои се однесуваат на нашите jaвно изнесени позиции и ставови.„Ова претставува основа за отворање на широк консултативен процес најпрво во Владата и коалициските партнери, а потоа и со Претседателот на државата, со Парламентот и со опозицијата, како и со граѓанскиот сектор, експертската и севкупна јавност во земјата.Како што ветивме, одлуката за нашата иднина ќе ја донесеме заеднички, мериторно, согласно Стратешките интереси на земјата и на сите нејзини граѓани.Сакаме да упатиме благодарност до Претседателот Макрон и француското претседателство, за нивните напори да се надминат пречките и да се зачува европскиот кредибилитет на Балканот“, велат од Владата.

Македонија | пред 3 години

Ковачевски се фалеше од собраниската говорница

Претседателот на Владата Димитар Ковачевски денеска одговарајќи на пратеничко прашање посочи дека во мандатот на оваа Влада минималната плата е зголемена 100% и платите продолжуваат да се зголемуваат.„Ако пред 6 години беа потребни 4,25% минимални плати за да се покрие една потрошувачка кошничка сега се потребни 2 минимални плати за да се покрие 1 потрошувачка кошничка. Сите вие критикувавте зошто застанав зад зголемување на минималната плата, дури од ВМРО - ДПМНЕ економистите кои ги почитувам јавно излегуваа и кажуваа дека не треба да се качува минималната плата. Имаа свој концепт но јас сметав дека овој концепт тој којшто треба да се следи. Второ, ако ја видиме просечната плата, таа е качена над 60 евра, над 31.000 денари зошто, затоа што начинот на поддршка на инвестициите и субвенционирање на инвестициите којшто порано беше субвенционирање на инвестиции заради отворање на работни места со евтина работна сила сега е субвенционирање на работни места заради повисоко платени работни места. Сега ако отидеме во ТИРЗ-овите, сите работните места се со плата над просечната“, рече Ковачевски.Премиерот Ковачевски истакна дека во периодот од 2006 до 2016 година, значи нема поголемо покачување на плата од 5 проценти по различни области, затоа што тогаш земјата беше промовирана како земја на евтина работна сила и се отворија 14 илјади работни места со плати од по 9.000 денари во технолошко индустриските зони.„Денес имаме зголемување на платите значи трошоците се пораснати за 13,5 проценти од тоа време, а само минималната плата е зголемена за 100 проценти. Лекарите се зголемени од 5 до 25 проценти, наставниците имаат историски најголемо зголемување на платите, да не заборавиме за 10 години имаа 5 до 6 проценти зголемување. Сега имаат 21 комулативно до сега и со новиот договор со СОНК ќе биде плус 14 проценти и дополнително зголемување од идната година, истото се однесува и на универзитетските професори. А додека со ССМ веќе се водат преговори кои верувам дека ќе вродат со плод и тоа не само зголемување на платите туку и враќање на К-15.Ќе има воведување на нов закон во кој ќе има, односно ќе се знае кој има највисока плата, дали тоа ќе биде претседателот на државата, дали тоа ќе биде претседателот на Врховен суд како што е регулирано во најголем дел од ЕУ држави, а не најголеми плати да имаат директори на јавни претпријатија, помошници на јавни претпријатија кои што водат фирми со загуби и имаат некакви измислени договори што се измислени во тоа време, во државни фирми на кои не може да им се дознае колку им е плата и колку имаат бонуси ставено внатре, и тоа исто така ќе биде договорено со синдикатот,“ рече премиерот Ковачевски.

Македонија | пред 3 години

Арсовски: Кога веќе призна Ковачевски дека тајно се преговара, што преговараат и кои се позициите на тимот кој преговара?

„Димитар Ковачевски призна дека во моментов, изминативе неколку дена, вклучително и денес сеуште тајно зад затворени врати се водат официјално преговори во Софија, во врска со предлогот за протоколот за ЕУ“, вели Димче Арсовски, портпарол на ВМРО-ДПМНЕ.Тој додава:Официјално Ковачевски призна пред јавноста дека некој си таму тим составен од поданици на оваа нерационална и дипломатски неуспешна Влада којашто ја предводи тој самиот, преговара со официјална Софија да ја запечати судбината на граѓаните и Република Македонија, иако сите знаеме каков е ставот на граѓаните.Кога веќе призна Ковачевски дека се водат преговори, јавно го прашуваме, што преговара овој тим пратен во име на оваа расипничка Влада?Кои се позициите на тимот кој го испраќа Владата на Димитар Ковачевски?Што имаат договорено до моментов, за да некои луѓе блиски до Владата и СДСМ, јавно кажуваат дека има простор да се испреговара протоколот, иако знаеме што значи тоа?Ова се прашањата за кои сме загрижени сите како јавност, од едноставна причина што оваа Влада ја има киднапирано иднината на Република Македонија. Ова се прашањата кои мора веднаш да бидат одговорени, а не кукавички да води оваа Влада преговори кои не одат во полза на интересите на граѓаните и Република Македонија.Неуспехот и дипломатскиот дебакл на претходната патлиџан дипломатија, а сега веќе и официјално смешна и неуспешна дипломатија која што насекаде, верувајте ја срами Република Македонија како држава и граѓаните кои што живеат во Република Македонија, треба да се пренасочи во оставки и тоа најпрвин да се почне Ковачевски, Османи, Маричиќ и сите други надоле, редоследно кои што се инволвирани во овој неуспешен преговарачки процес.Две работи се исклучително важни, а тоа се: најпрвин луѓе кои што не си ја познаваат работата не можат да бидат успешни на работен план и да имаат успех во работата и второ луѓе кои што не си ја сакаат државата, не можат да се изборат и да ги застапуваат позициите кои што ги отцртуваат граѓаните и се во интерес на граѓаните.Ваков е случајот со оваа горенаведена тројка која што ја споменав, Ковачевски, Османи и Маричиќ кои сега во моментов се главни актери во трајното рушење на позициите на Република Македонија во оваа преговарачка ситуација и затоа е потребно веднаш да си дадат оставки.Дополнително, сите гледаме денес од медиумите дека се споменува официјален извештај на една членка земја на ЕУ каде што јасно пишувало дека нашава тројка функционирала како раштиман оркестар, односно Османи на официјални состаноци прифаќал буквално се што ќе му биде сервирано и кажано, а тука кога ќе се врател од челните лица на Владата почнувајќи од него изјавите биле секојдневно со различни позиции и ставови.Е до толку ни е мизерна дипломатската политика и затоа ни се смеат сите како држава.Срамота.Затоа потребни се оставки, бидејќи нема друг избор и веднаш потоа предвремени парламентарни избори.

Македонија | пред 3 години

Ковачевски: Парадата на гордоста е едно од значајните демократски случувања

„Секој има право на почит, достоинство, прифаќање без предрасуди и еднакви можности за самореализација“, вели премиерот Димитар Ковачевски.„Затоа грижата и напорите кои ги вложуваме да обезбедиме афирмација и отворен простор за активно учество на ЛГБТИК+ заедницата остануваат наши патокази во градењето демократско општество кое практикува европски вредности и во кое има место за сите. Како Влада посветено работиме за да овозможиме добробит на сите граѓани - донесовме Закон за спречување и заштита од дискриминација каде влегоа и сексуалната ориентација и родовиот идентитет. Комисијата за заштита од дискриминација за прв пат има лица и од граѓанскиот сектор. Има уште предизвици, но заедно и посветено ќе ги решаваме и надминуваме. Парадата на гордоста е едно од значајните демократски случувања во Северна Македонија. Посакувам успешен и мирен“, напиша Ковачевски.

Македонија | пред 3 години

Граѓаните вечерва повторно на протест: Секој ден во седум во одбрана на идентитетот и до пад на хибридниот режим

Граѓаните денес се организираат на нов протест пред Владата на Република Македонија.Настан со наслов „Протест против бугаризација на Македонија секој ден во седум пред влада“, масовно се шири на социјалните мрежи.„Секој ден во седум во одбрана на идентитетот и до пад на хибридниот режим!“, стои во описот на настанот.Вчера граѓани се собраа на мирен протест пред Владата на Република Македонија, против францускиот предлог за решавање на спорот со Бугарија.

Македонија | пред 3 години

Вечерва протест за зачувување на македонскиот јазик пред Влада: Доста е!

Александра Теменугова од Институтот за комуникациски студии остро реагираше на социјалните мрежи и најави протест вечерва во 19 часот пред Владата за да каже дека не се согласува со носење на срамни одлуки.„Бидејќи е јасно што ќе ни донесе утрото во Брисел, бидејќи ќе дозволиме со декларација да бидеме „дијалект на бугарскиот народ“, бидејќи не смееме да прашаме како се чувствуваат Македонците во Бугарија додека тука допрва ќе трпиме условувања за отворање и вметнување во Устав, па уште и ќе треба да сме доволно фини за да ги задоволиме соседите да се сме смилуваат да го тргнат ветото… Бидејќи ќе дозволиме да ги промениме учебниците по историја и ќе се правиме на три и пол дека Бугарите не биле фашисти, бидејќи по не знам кој пат ќе треба да плукнеме на се што ни оставиле нашите ни дедовци, бидејќи ми е преку глава да слушаме исфилувани памфлети дека ова е за мир во куќи, јас вечерва во 19 часот ќе излезам пред Влада за да кажам – ДОСТА Е и не се согласувам да се носат срамни одлуки! Барем тоа можам ко граѓанин да го направам. Бујрум“, напиша Теменугова и ги покани сите интелектуалци да вечерва да го изразат незадоволството од предлогот.

Коментари | пред 3 години

Објавени сите одлуки на Владата

Од 54-та седница: Утврден Предлог-законот за потрошувачи кој предвидува санкции за нечесни трговски практики; Усвоена Информацијата за реализација на проектот за одмор и рекреација на деца од семејства со социјален ризик и деца корисници на посебен додаток за ова лето; Утврден Предлог-закон за ратификација на Спогодбата меѓу владите на Северна Македонија и Србија за основање културно-информативни центри во Белград и во СкопјеВладата на Република Северна Македонија на денешната редовна 54-та седница, ги разгледа и утврди Предлог-законот за заштита на потрошувачите по скратена постапка и Информацијата за потребата од изготвување на Закон за нефер трговски практики со цел заштита на правата на потрошувачите.Со овие предложени закони, Република Северна Македонија ќе биде првата земја во регионот со востановена законска пракса на нефер трговски практики. Според предложените измени, согласно европските регулативи се обезбедува високо ниво на заштита на правата за потрошувачите и гаранција на полесни услови за деловно работење, и се избегнува појава на нерамнотежа во преговарачката моќ помеѓу добавувачите и купувачите на земјоделски и прехранбени производи.За повреда на потрошувачките права се предвидува право на надомест на штета, сразмерно намалување на цената и раскинување на договорот, а за трговците следат глоби во износ од 500 до 10.000 евра, во зависност од тоа дали се работи за микро или големи трговци, а во некои случаи се предвидува и забрана за вршење на дејност во траење од три месеци до две години.Во Собранието ќе биде испратен и денеска усвоениот Предлог на закон за изменување на Законот за извршување на санкции, по скратена постапка. Предложените измени на Законот за извршување на санкциите, се однесуваат на воспоставување еднаквост на вработените во затворската полиција со најниски примања преку воспоставување на ист износ на законска минимална плата, согласно Законот за изменување на Законот за минималната плата во Република Северна Македонија.Меѓу другото, на денешната седница на предлог на Министерството за одбрана беше донесена Одлука за испраќање на 31 припадник на Армијата на Република Северна Македонија за учество во НАТО операцијата „КФОР“ во Република Косово за период од шест месеци, сметано од август 2022 година, како и Одлука за испраќање на двајца припадници на Армијата на Република Северна Македонија за учество на вежбата „ANATOLIAN EAGLE 22“ во Република Турција.Исто така, беше донесена и Одлука за одобрување, влегување и престој на 33 припадници на Командата на Бригадата на Југоисточна Европа - СЕЕБРИГ (SOUTH EAST EUROPE BRIGADE – SEEBRIG), од Република Албанија, Република Бугарија, Република Грција, Република Романија и Република Турција со материјално – технички средства, воени моторни возила и опрема на територијата на Република Северна Македонија, кои заедно со девет припадници на воениот и цивилниот персонал на Армијата на Република Северна Македонија, ќе учествуваат во извршувањето на должностите во Командата на Бригадата на Југоисточна Европа – СЕЕБРИГ.Министрите, денеска го разгледаа и утврдија Предлог-законот за ратификација на Спогодбата меѓу Владата на Република Северна Македонија и Владата на Република Србија за основање културно-информативни центри во Белград и во Скопје.Со документот се модулира правната рамка со која се уредуваат правата и обврските на двете држави во однос на работа на културните центри.Културните центри, согласно политиката на добрососедство придонесува за популаризација и презентирање на традицијата, културата и уметноста на Република Северна Македонија.Ваквите центри овозможуваат навремено и изворно информирање на граѓаните за актуелните културни текови во двете држави односно претставува мост за зближување и заемно запознавање.Владата на Република Северна Македонија ја разгледа и усвои Информацијата за реализација на проектот за користење услуга за одмор и рекреација на деца од семејства со социјален ризик и деца корисници на посебен додаток за лето 2022 година.Притоа, го задолжи Министерството за труд и социјална политика да донесе Програма за седумдневен одмор на деца од семејства во социјален ризик и деца корисници на посебен додаток за сезона лето 2022 година, за што ќе биде објавен повик на веб страната на Министерството за труд и социјална политика и во Центрите за социјална работа, по што ќе бидат преземени потребните активности за ефикасна реализација на овој проект.На денешната седница беше усвоена и Информацијата за исплата на пензии за месец јуни 2022 година, со задолжување на Фондот на пензиското и инвалидското осигурување на Северна Македонија да ги достави податоците за пензиите до деловните банки најдоцна до 27.6.2022 година.Со овие препораки деловните банки ќе обезбедат пензионерите да може да располагаат со јунските пензии преку мрежата на банкомати и во трговската мрежа од 28.6.2021 година.Готовинската исплата на пензии за клиентите кои не користат картички, банките ја организираат во четири групи според следниот распоред составен според висината на:За пензии со висина до 11.000 денари, исплатата да се изврши на 28.06.2022 година (вторник);За пензии со висина 11.001-14.000 денари, исплатата да се изврши на 29.06.2022 година (среда);За пензии со висина 14.001-18.000 денари, исплатата да се изврши на 30.06.2022 година (четврток), иЗа пензии со висина над 18.001 денари, исплата да се изврши на 01.07.2022 година (петок).

Македонија | пред 3 години

Дали владата веќе го прифатила предлогот од Париз, информациите говорат дека е усогласен со МНР, вели ВМРО-ДПМНЕ

Дали владата веќе го прифатила предлогот од Париз, информациите говорат дека е усогласен со МНР, вели ВМРО-ДПМНЕ„Според нашите информации предлогот од Париз е усогласен преку канали на комуникација со МНР во Македонија, односно Ковачевски го одобрил истиот пред официјално да биде испратен.Предлогот за решавање на спорот е многу полош за Македонија од сите предлози претходно. И тој предлог значи асимилација на Македонците и насилна бугаризација доколку сакаме да влеземе во ЕУ.Со евентуално прифаќање на овој предлог СДСМ и ДУИ нанесуваат трајна штета на Македонија и Македонците.Ковачевски не треба да чека ниту ден и веднаш уште денеска да го отфрли предлогот.Ковачевски да се охрабри и да застане на линија со државните интереси“, се вели во соопштението.

Македонија | пред 3 години

Владата донесе решение за распуштање на Советот на Општина Тетово

Владата на денешната седница донела решение за распуштање на Советот на Општина Тетово согласно исполнувањето на еден од условите во членот 75 од Законот за локална самоуправа, според кој општинските совети ќе бидат распуштени доколку не ја донесат завршната сметка и Буџетот до 31 март како што е предвидено со законската одредба, информираат владините служби.За ова решение, како што додаваат од таму, согласно законот, Владата ќе го извести Собранието на Република Северна Македонија по што ќе следува спроведување на постапката за организирање вонредни избори за Советот на Општина Тетово согласно законските одредби.Досегашниот претседател на Советот на Општината Бесар Дурмиши претходно имаше побарано што поскоро да се донесе одлука и датум за нови избори за Советот на Општина Тетово.

Македонија | пред 3 години

„Влада која крши процедури нема кредибилитет да казни некого за кршење процедури“, велат Независни за Карпош

Почитувани граѓани, поради неусвојување на сомнителна завршна сметка е настаната криза во Советот на Општина Тетово поради која се заканува распуштање на Советот и распишување на нови избори. Тоа е и обид да се отстранат независните советници од иницијативата „За подобро Тетово“, велат од Независни за Карпош„Независни за Карпош ги поддржуваат колегите од Тетово и ја споделуваме нивната загриженост дека ќе дојде до прекршување на Законот за локална самоуправа доколку се случи распуштање на Советот:Владата на РСМ го прекрши рокот за одлучување дали Советот на општина Тетово ќе оди на вонредни избори токму поради прекршување на законските рокови од страна на истата.Закон за локална самоуправа, член 76, став 2.Затоа, секој чекор што ќе го преземе после ова Владата на РСМ нема да може да носи никаква тежина. Подобро за Тетово смета дека извршната власт денеска го загуби законското и моралното право да одлучува за општина Тетово.Неoфицијално дознаваме дека оваа точка ќе се става на дневен ред утре. Ја потсетуваме Владата дека одлука донесена со кршење на законските процедури е еднакво на 0, односно без правна сила. Подобрo за Тетово ги повикува надлежните институции да ги преземат неопходните мерки, односно да ја спречат Владата на РСМ од можни законски прекршувања!Подобро за Тетово продолжува со работата за #ТетовоИ покрај неодамнешните настани со Советот на општина Тетово, потсетуваме дека на ноемвриските избори листата Подобро за Тетово донесе нов дух. Тетовци првпат гласаа за листи со кандидати со објавени биографии, предизборни програми и конкуренти личности.Иако со само двајца советници, успеавме да го зголемиме нивото на транспарентност и отчетност во општината преку нашиот договор со градоначалникот Касами и со негова директна помош. Тетовци денеска ги следат седниците на советот ВО ЖИВО и општина Тетово веќе има веб-страница како што доликува.Притисокот на двајцата советници на „Подобро за Тетово“ и експертите на нашата листа одиграа клучна улога во суспендирањето на урбанистичкиот план Шик-Јелак. Тетово денеска нема контроверзен бизнисмен во градот!Културата на отчетност која по секоја цена се обидовме да ја воспоставиме во општина Тетово, направи денеска покрај вообичаените седници на советот, да има и снимање на вонредни тематски седници на советот, со речиси сите кои располагаат со парите на граѓаните.Ние го сакаме најдоброто за Тетово, затоа:Потсетуваме дека сите приходи од платите на советниците, членовите на комисијата и членовите на одбори ги дониравме за следните намени:50 корпи за отпадоциПоддршка за жени жртви на семејно насилствоСтипендии за студентиЗа семејства во потреба“, се вели во објавата.

Македонија | пред 3 години