ВЛАДА

По реакциите: Министерството за дигитална трансформација најави консултации за Водичот за инфлуенсери и промената на Законот за аудиовизуелни услуги

Во однос на објавите во медиумите поврзани со реакциите на дел од инфлуенсерите и дигиталните креатори на содржини во врска со Правилникот на Агенцијата за аудио и аудиовизуелни медиумски услуги (АВМУ), т.н. Водич за инфлуенсери и Законот за аудио и аудиовизуелни медиумски услуги, Министерството за дигитална трансформација како надлежно министерство за политики во областа на дигиталниот простор и развојот на онлајн екосистемот ја информира јавноста за следното:Министерството ја следи јавната дебата и сериозно ги зема предвид изразените ставови од страна на креаторите на дигитални содржини. Дигиталната економија и креативната индустрија се значаен сегмент од современиот медиумски и економски систем, и нивниот развој треба да се темели врз јасни правила, правна сигурност и почитување на европските стандарди. Истовремено, јасно е дека овој медиумски плурализам ја поттикнува слободата на говор, различноста на мислење и демократијата воопшто.Регулаторната рамка во областа на аудио и аудиовизуелните медиумски услуги произлегува од законските измени усвоени од Собранието во минатиот состав во 2023 година, со кои се врши усогласување со европското законодавство, особено со Директивата за аудиовизуелни медиумски услуги на Европската Унија. Подзаконските документи (пред се Правилникот) произлегуваат од овие измени на Законот, но се донесени во текот на 2025 година. Водичот е неформален документ на АВМУ со необврзувачка содржина, кој не произведува правен ефект.Министерството смета дека секоја регулатива што се однесува на динамичен и брзорастечки сектор како што е дигиталното создавање содржини треба да биде пропорционална, јасна и во континуиран дијалог со засегнатите страни. Саморегулацијата и кодексите на однесување се легитимни инструменти во европската пракса, кои треба да ја надополнуваат законската рамка која обезбедува заштита на јавниот интерес, транспарентност на комерцијалните содржини и заштита на малолетниците.Во насока на надминување на предизвиците, излегување во пресрет на потребите и барањата на креаторите на дигитални содржини, но и генералната јавност, Министерството за дигитална трансформација ќе иницира средби и консултативен процес со претставници на инфлуенсерите организирани во споменатотот здружение, АВМУ, медиумската заедница и експертската јавност, со цел да се разгледаат можностите за дополнително појаснување или унапредување на подзаконските акти, во насока на обезбедување балансирано и европски усогласено решение.Нашата стратешка цел останува развој на конкурентен, слободен и одговорен дигитален простор, кој ќе овозможи раст на креативната индустрија, но и ќе гарантира правна сигурност и заштита на граѓаните. Ниту една мерка или активност нема да значи намалување на слободата на говор на креаторите на содржини и медиумските работници, ниту задирање во правата на граѓаните пошироко.Министерството ќе продолжи активно да работи на унапредување на дигиталната регулаторна рамка во согласност со меѓународните стандарди и во интерес на развојот на целокупниот дигитален екосистем во Македонија.

Македонија | пред 1 месец

Будимпешта е најчеста дестинација на владиниот авион: најмногу летале Николовски и Силјановска Давкова

Будимпешта е релацијата на која најмногу летал владиниот авион. Дури седум пати се летало кон престолнината на Унгарија во периодот откако ВМРО – ДПМНЕ состави влада во јуни 2024, па заклучно со декември 2025 година, објави телевизија Телма.Од министрите најмногу во воздух бил министерот за транспорт и врски и заменик претседател на владата, Александар Николовски а најчесто летал токму за Будимпешта. Го користел авионот 11 пати од кои шест пет бил таму.Преку документите кои ги обезбеди Телма од Службата за општи и заеднички работи во Владата, имало случај  кога владиниот авион бил упатен на сервис во германскиот град Нирнберг на 12 јануари лани. Оттаму бил упатен кон Будимпешта, го земал Николовски и се вратиле во Скопје. Министерот за транспорт летал и за Лондон, а дел од делагацијата бил и поранешниот вицепремиер за економија Владимир Пешевски. Бил и во Прага, Виена, а летал и на релација Скопје – Истанбул и назад, но не  директно за Скопје, туку прво застанал во Охрид.Повеќе од Николовски, владиниот авион го користела само претседателката Гордана Силјановска Давкова. Летала 13 пати. Во соседството била до Тиват, Подгорица, Тирана, а имала и летови до Рим, Истанбул, Копенхаген.

Македонија | пред 1 месец

Касами ќе оценува кој ќе си оди од Владата, иако Мицкоски му кажа дека тој одлучува

Лидерот на Движењето Беса, Билал Касами, изјави дека партијата ќе направи оценка на работата на сите свои функционери во извршната власт и врз основа на тоа ќе донесе одлука дали ќе остане зад актуелните министри, меѓу кои и министерот за труд и социјална политика, Фатмир Лимани.„Свесни сме дека премиерот е мандатар и тој одлучува кој ќе биде министер, но додека станува збор за политичка влада во која учествува Беса како дел од коалицијата Влен, Беса одлучува кој министер ќе биде предложен од нејзина страна како дел од идната Влада“, рече Касами.Тој најави дека од сите функционери ќе биде побаран извештај за сработеното во изминатиот период, по што раководството на партијата ќе оцени дали е задоволно од нивниот ангажман. „Ќе се донесе одлука дали ќе бидеме задоволни од работата на Лимани и другите функционери“, изјави Касами.Претходно, премиерот Христијан Мицкоски, одговарајќи на новинарски прашања во врска со најавите за можно разрешување на Лимани, изјави дека е задоволен од неговата работа и дека нема информации за негова смена.„Мислам дека тој е додадена вредност во Министерството за социјални работи. Јас сум носител на мандатот и јас ја формирам Владата“, изјави Мицкоски.Премиерот додаде дека доколку некој заборавил кој го има мандатот за состав на Владата, тој потсетува дека таа одговорност е негова, алудирајќи на политичките пораки што доаѓаат од коалициските партнери.

Македонија | пред 1 месец

Деценискиот проблем со паркирањето на Клинички конечно добива решение

Владата донесе одлука за конечно решавање на прашањето за паркирањето во Клиничкиот кампус „Мајка Тереза“, со што се затвораат административните пречки што со децении го блокираа уредувањето на овој простор.„Одлуката создава правна основа за потпишување договор меѓу Министерството за здравство и Градот Скопје, а Министерството веќе го заврши процесот на регистрација на парцелите и изработката на елаборати, отварајќи пат за изградба на модерен паркинг со катни гаражи и воведување софтверско решение за ефикасно управување. Проектот ќе обезбеди подобри услови за пациентите, здравствените работници и граѓаните кои ги користат услугите на кампусот“, велат од Владата.

Скопје | пред 1 месец

По години на неактивност, Владата бара извештаи од државната комисија за борба против дроги

Владата најави дека ќе ги именува членовите на меѓуресорската државна комисија за борба против недозволено производство, трговија и злоупотреба на дроги.Комисијата, формирана во 2017 година, до сега не била активна и нема постигнати резултати, поради што Владата ќе бара редовни извештаи за нејзиното работење во иднина.Ова е дел од стратегијата за засилена контрола и превенција на незаконските активности поврзани со дроги.

Македонија | пред 1 месец

Владата нареди вонредни контроли на сите производители на медицински канабис

На денешната 149-та седница, Владата на Република Северна Македонија разгледа информација во врска со лиценците за производство на канабис за медицински цели.Со цел да се спречи нелегално индустриско производство и пласман на канабис на домашниот и меѓународниот пазар, Владата ги задолжи сите надлежни институции да преземат законски утврдени мерки и да извршат вонредни контроли на сите правни лица кои поседуваат дозвола за одгледување и производство на медицински канабис.Институциите имаат рок од 45 дена да достават извештај до Владата за спроведените активности.

Македонија | пред 1 месец

Вонредни инспекции за канабис, нов паркинг за Клинички, одлучи Владата

Владата ќе спроведе вонредни контроли на сите правни лица што имаат лиценца за одгледување и производство на канабис за медицински цели, со цел спречување индустриско нелегално производство и пласман на канабис на домашниот и меѓународниот црн пазар. Ова го соопшти владината портпаролка Венера Азизи, информирајќи за заклучоците донесени на 149. седница на Владата.Како што истакна Азизи, институциите се задолжени, во рамките на своите надлежности, да ги преземат сите законски утврдени мерки и активности и да извршат вонредни контроли на целата територија на државата. Во рок од 45 дена тие ќе треба да достават извештај до Владата за состојбата со лиценците и работењето на субјектите што произведуваат медицински канабис.Покрај тоа, Владата ќе ги именува членовите на меѓуресорската државна комисија за борба против недозволено производство, трговија и злоупотреба на дроги. Азизи нагласи дека оваа комисија, иако била формирана во 2017 година, во изминатите години практично не функционирала и немала резултати, поради што во иднина ќе се бараат редовни извештаи и активна работа.На истата седница е донесена и одлука за конечно решавање на долгогодишниот проблем со паркирањето во Клиничкиот кампус „Мајка Тереза“. Со оваа одлука се затвораат административните прашања што со децении го попречуваа уредувањето на паркингот и се создава правна основа за потпишување договор меѓу Министерството за здравство и Градот Скопје. Министерството, во рок од три месеци, го завршило процесот на регистрација на парцелите во Катастар и изработка на елаборати, со што се отвора патот за изградба на модерен и функционален паркинг, вклучително и катни гаражи и софтверско решение за поефикасно управување.Дополнително, Азизи информираше дека Владата го усвоила Предлог-законот за Советот на јавни обвинители, кој заедно со Предлог-законот за јавно обвинителство добил позитивно мислење од Венецијанската комисија. Усвојувањето на овие закони во Собранието, како што беше посочено, ќе значи исполнување на важен чекор од Реформската агенда.„Нашата цел како Влада е да воспоставиме неселективност во постапувањето и да преземаме политики во интерес на граѓаните“, порача Азизи, додавајќи дека Владата продолжува со реализација на програмата насочена кон обезбедување подобар, поквалитетен и побезбеден живот за сите.

Македонија | пред 1 месец

СДСМ: Додека работниците едвај врзуваат крај со крај, Владата планира купување луксузен авион

Додека работниците едвај врзуваат крај со крај, додека минималната плата не ги покрива ниту основните трошоци за живот, Владата мисли на купување авион за Мицкоски. За туристички патувања, како она во Давос, вели СДСМ.„Очигледно затоа одбива да им ги покачи платите на работниците. Одбива да се откаже од лукзуот и вели нема пари за минимална плата од 600 евра.За покачување на минималната плата и за поддршка на приватните компании се доволни 200 милиони евра, а за авион уште стотици милиони евра повеќе не се доволни.Груевски со пари на граѓаните купуваше мерцедес од 600 илјади евра и очила од 60 илјади евра.Мицкоски има часовници од 60 илјади евра вредни 150 минимални плати и сака да купува авион од стотици милиони евра, за туристички патувања.Ученикот сака да го надмине учителот во луксузирање врз грбот на народот.И Томовски запнал за авион од стотици милиони евра, како да се надева на процент од набавката за семејната фирма?Малку да не им се 161 тендер досега?Сè е бизнис во ВМРО“, се вели во соопштението.

Македонија | пред 1 месец

Околу 11.000 административци ќе добијат повисоки плати – договор постигнат со Владата

Премиерот Христијан Мицкоски денска оствари средба со репрезентативните синдикати од областа на администрацијата. На средбата е постигнат договор со кој околу 11.000 административци ќе имаат покачување на платата до 40% до 2028 година.„Денеска остварив средба со репрезентативните синдикати од областа на администрацијата.Постигнат е договор, околу 11.000 административци ќе земат покачување на платите од скоро 40% до 2028 година.Ние сме подготвени како Влада да седнеме и во овој период до 2028 година, очекувам тоа да биде во пократок период заедно со двата репрезентативни синдикати во случајов ССМ и КСС да седнеме и да испреговараме еден нов Општ колективен договор којшто ќе биде единствена алатка врз основа на која ќе бидат исплаќани платите, од друга страна ќе биде алатка којашто ќе ја имаат и работниците.Нека е со среќа и очекувам уште многу вакви успешни моменти понатаму, а им благодарам на двајцата претседатели, на гранковите синдикати и на УПОЗ и на САДУ што после долго време во еден конструктивен разговор изминатава недела успеавме да дојдеме до заедничко решение“, вели Мицкоски.

Македонија | пред 1 месец

Владата го прифати барањето на УПОЗ за додатоци на плата во управата и правосудството

Денес, на барање на Синдикатот на УПОЗ конечно беше одржана средба со претставници на Владата на РМ.Средбата се одржува по големиот работнички протест одржан на 28 јануари.„На оваа средба, од страна на Владата на РМ, беше прифатено барањето на Синдикатот на УПОЗ истакнато на протестите кои се одржаа минатата година, за добивање додатоци на плата преку склучување поединечни колективни договори во управата и правосудството.Во 15.30 часот Синдикатот на УПОЗ ќе ги свика своите органи и тела, за да бидат информирани за новата состојба.Зголемувањето на платите за сите вработени во управата и правосудството е поголемо од веќе обезбеденото зголемување со Општиот колективен договор за јавниот сектор како поповолно право за рабниците.Дополнително, во пресметката на платите на вработените како компонента на плата останува минималната плата, а борбата за зголемување на минималната плата за сите работници продолжува се до нејзино зголемување, а со тоа и зголемување на платите на сите работници кои во својата пресметка на плата ја имаат минималната плата.Платата во единиците на локалните самоуправи може да се зголемува преку склучување на поединечни колективни договори“, информираат од УПОЗ.

Македонија | пред 1 месец

(Видео) Мицкоски најави жесток одговор за заканите и нарушувањето на јавниот ред на протестите организирани од тие кои немаат возачки дозволи

Премиерот Христијан Мицкоски изјави дека побарал решителна и силна реакција од полицијата за сите кои го прекршиле законот, упатувале јавни закани и го загрозиле мирот и безбедноста на граѓаните за време на вчерашните протести поврзани со одземањето на возилата на лица кои управувале без возачка дозвола.„Разговарав утрово со министерот за внатрешни работи. Тоа што го побарав од него е оној кој го прекршил законот, јавно упатил закани, го загрозил мирот и безбедноста на граѓаните – жестоко да се одговори. И ќе се одговори за да не се повтори тоа дивеење вчера што се случи“, рече Мицкоски.Изјавата на премиерот доаѓа по серијата протести и блокади на патишта, при што дел од демонстрантите палеа и гуми и отпад и влегуваа во вербални конфликти со полициските службеници. Протестите се реакција на примената на измените на Законот за прекршоци, со кои е предвидено задолжително одземање на возилата на лица затекнати како управуваат моторно возило без положен возачки испит.

Настани | пред 1 месец

Владата усвои извештај за Стратегијата за транспарентност 2023–2026: 20 институции целосно објавиле информации за јавноста

Владата на Република Македонија го усвои официјалниот извештај за реализацијата на Стратегијата за транспарентност 2023–2026, кој сведочи за значителен напредок во отворањето на институциите кон граѓаните. Над 20 владини институции целосно ги објавиле информациите побарани од јавноста, додека 22 институции ги направиле транспарентни своите постапки за јавни набавки, конкретни чекори што ја зајакнуваат довербата на граѓаните во управувањето со јавните средства.На денешната седница, Владата ја разгледа и усвои Информацијата за реализација на заклучоците од Стратегијата за транспарентност (2023–2026). Извештајот ги прикажува мерливите резултати постигнати од Кабинетот на заменик-претседателот на Владата за политики на добро владеење, министерствата и другите државни институции.Клучни постигнувања наведени во извештајот:• Активна транспарентност кон граѓаните
20 институции ги објавиле на своите официјални веб-страници сите одговори на барањата за пристап до информации од јавен карактер, анонимизирани, почнувајќи од 24.6.2024 година. Три институции делумно ја исполниле оваа обврска, додека уште 15 институции се во завршна фаза на објавување.• Отворање на постапките за јавни набавки
22 институции ги објавиле своите внатрешни процедури за јавни набавки на официјалните веб-страници.
По завршувањето на периодот на мониторинг, и Министерството за социјална политика, демографија и млади ја објави својата процедура, давајќи дополнителен позитивен пример. Во меѓувреме, уште 16 институции се во процес на финализирање на објавите.• Унапредување на Акцискиот план
Ревидиран и усвоен е Акцискиот план на Стратегијата за транспарентност 2023–2026, со пореални рокови и јасно утврдени одговорности за секоја мерка.• Дигитални чекори и подготовка за иднината
Министерството за дигитална трансформација работи на креирање посебни секции на владиниот портал за заменик-претседателите на Владата и министрите без ресор.
Исто така, веќе е формирана меѓуинституционалната работна група за изработка на Нацрт-стратегијата за транспарентност 2027–2029, а во наредните денови се очекува Владата формално да ја одобри, со цел интензивната работа да започне во текот на март.Заменик-претседателот на Владата за политики на добро владеење, Арбен Фетаи, истакна декатранспарентноста станува институционален стандард.„Усвојувањето на овој извештај не е административен формалитет, туку доказ за реална посветеност да се обезбеди побрз и поцелосен пристап до информации. Преку меѓуинституционална соработка, градиме поотворена, поодговорна и подоверлива администрација за граѓаните“, истакна тој во своето обраќање на седницата. На овој начин, Владата на Република Северна Македонија покажува дека транспарентноста и отчетноста не се само политички ветувања, туку конкретни процеси што ја приближуваат администрацијата до граѓаните и ја зајакнуваат јавната доверба.

Македонија | пред 1 месец

Мицкоски: Над 50 случаи на висока корупција се во постапка, украденото мора да се врати кај народот

Денес ја одржуваме конститутивната седница на Националниот совет за финансиски истраги и конфискација на имот, тело кое не е формалност, туку јасна и недвосмислена порака дека државата конечно застанува цврсто, системски и бескомпромисно против криминалот и корупцијата, изјави премиерот Христијан Мицкоски.„Оваа Влада ја започна борбата против криминалот и корупцијата не со декларации, туку со дела. Во моментов повеќе од 50 предмети за висока корупција се во постапка, случаи кои со години биле затскриени, одложувани или игнорирани. Но ова не е крај, туку почеток. Очекуваме отворање на нови случаи, темелни истраги и резултати што ќе ја вратат довербата на граѓаните во државата и институциите. Јасно и гласно сакам да порачам: Нема селективна правда. Нема заштитени. Нема недопирливи. За таа борба да биде успешна, потребно е јакнење на судството и обвинителството, институционално, кадровски и функционално. Само силно, независно и професионално судство и обвинителство можат да ја изнесат оваа борба до крај и да обезбедат правдата да не биде спора, ниту селективна, туку ефикасна и правична. Јас сум за засилени мерки во борбата против корупцијата. Но борбата не завршува со кривична постапка. Борбата мора да заврши со одземање на незаконски стекнатиот имот. Затоа што криминалот не смее да се исплати. Украденото мора да се врати кај народот. Токму затоа ги воспоставуваме овие механизми и токму затоа денес го конституираме овој Совет. Конфискацијата на незаконски стекнатиот имот и имотната корист не е едноставен чекор, таа е повеќедимензионален и комплексен процес, кој опфаќа повеќе фази, меѓусебно поврзани и условени, во кои се вклучени повеќе институции со јасно дефинирани надлежности и одговорности. Следејќи ги фазите на постапката за поврат на имот, Стратегијата за периодот 2025 – 2028 година јасно ги дефинира трите приоритетни области на дејствување: Прво, пронаоѓање, идентификување и следење на незаконски стекнатиот имот и имотната корист, не само во земјата, туку и надвор од неа, преку меѓународна соработка и современи финансиски истражни механизми. Второ, привремено обезбедување и конфискација на имот и имотна корист, брзо, ефикасно и во согласност со законот, без простор за манипулации, одолговлекувања или злоупотреби. И трето, ефикасно управување со одземениот и конфискуваниот имот, вклучително и неговата повторна употреба за социјални цели, затоа што одземениот криминален имот мора да добие нова, општествено корисна вредност и да се врати во служба на граѓаните. Овој Совет, под водство на потпретседателот на Владата задолжен за политики за добро владеење, има клучна улога во координацијата, надзорот и стратешкото насочување на сите овие процеси. Очекувам од вас професионалност, храброст и интегритет, но пред сè резултати. Денес поставуваме темели на систем во кој правдата не е декларација, туку пракса, во кој борбата против корупцијата не е политички слоган, туку државна политика и во кој институциите работат во интерес на граѓаните, а не во заштита на поединци. Ова е борба за правна држава. Ова е борба за доверба. Ова е борба за достоинството на граѓаните. И во таа борба, нема да отстапиме“, изјави Мицкоски.

Македонија | пред 1 месец

СДСМ со остра порака до Владата: Минималната плата не го покрива ни основното преживување

Од СДСМ порачаа дека платите на работниците мора да се зголемат веднаш, а не по најави и проекции за две или четири години, оценувајќи дека актуелната економска политика не одговара на реалните животни трошоци и секојдневните потреби на граѓаните.„На работниците не им требаат изговори ниту најави за 2028 година. Платите треба да се покачат сега, затоа што парите не им стигаат од први до први“, наведуваат од СДСМ, додавајќи дека животниот стандард е сериозно загрозен, а минималната плата не обезбедува основна егзистенција.Од партијата реагираат и на изјавите и настапите на премиерот Христијан Мицкоски, прашувајќи дали тој чекал две години кога купувал часовници во вредност од 65.000 евра, додека работниците се принудени да преживуваат со примања што не ги покриваат ниту основните трошоци.Според последните податоци, минималните месечни трошоци на едно четиричлено семејство во јануари 2026 година изнесувале 66.413 денари, што, како што посочуваат од СДСМ, значи дека ниту две минимални плати не се доволни за покривање на основните потреби. Со сегашното ниво од околу 400 евра, минималната плата, според опозицијата, не обезбедува заштита на животниот стандард и не ја следи реалната структура на трошоците во едно просечно домаќинство.„Работниците буквално се борат за парче леб и не можат да чекаат до 2028 година“, велат од СДСМ, оценувајќи дека Македонија денес има најниска минимална плата не само во регионот, туку и во Европа.Во реакцијата се споредуваат и состојбите во соседството. Во Косово, минималната плата се зголемува од 350 на 500 евра во две фази, во Албанија од 1 јануари 2026 година минималната плата ќе изнесува 500 евра, во Србија со владина одлука е зголемена на 500 евра, додека во Црна Гора се движи од 600 до 800 евра.СДСМ предупредува дека последиците од ниските плати веќе се видливи, со масовно заминување на квалификувани работници и млади луѓе во странство, додека во земјата се увезува работна сила. Според партијата, ваквите политики водат кон дополнително намалување на вредноста на трудот, доколку тоа, како што наведуваат, не е и свесна цел на актуелната власт.

Македонија | пред 1 месец

(Видео) „Нас денес тука нѐ собра маката, празните фрижидери, а не политиката“, порачаа работниците од пред Владата

Работниците се обратија до Владата, порачаа дека нема да отстапат од барањето за 600 евра минимална плата.Пред нивната зграда, посочија дека дошле поради празните фрижидери и маката, а не политиката.Целиот говор, гледајте го тука:

Настани | пред 2 месеци

Предвремени парламентарни избори во Бугарија, на Радев сите му го вратија мандатот

Политичката криза во Бугарија доби нов пресврт откако и Алијансата за права и слободи експресно го врати мандатот за состав на влада. Претседателот Румен Радев веднаш по средбата со партиските претставници констатираше дека државата оди кон предвремени парламентарни избори.Радев објасни дека одлуката да го довери мандатот токму на АПС имала симболична тежина, но дека во изминатите денови партијата била изложена на сериозни притисоци. Според него, врз членови и симпатизери биле вршени различни форми на влијание кои не се во духот на владеењето на правото.Претседателот предупреди дека обидите за политичка инструментализација на етничките теми се опасни и служат исклучиво на теснопартиски интереси. Тој порача дека во Бугарија нема реална основа за такви поделби и дека мандатот го дал како знак за зачувување на националното единство.Лидерот на АПС, Хајри Садков, пак, оцени дека сегашниот состав на парламентот е нефункционален и неспособен да произведе стабилна власт. Според него, политичката конфигурација во Собранието е „генетски модифицирана“ и не нуди услови за одржливи решенија.Садков нагласи дека партијата не сака да учествува во експерименти кои би можеле дополнително да ја продлабочат кризата и дека одговорноста кон државата и демократијата е поголема од желбата за формално учество во власта.Со враќањето на мандатот, се затвора и последната уставна можност за редовно формирање кабинет, што практично ја отвора вратата за нов изборен циклус во земјата.

Свет | пред 2 месеци

Пропадна и вториот обид за влада во Бугарија, и ПП-ДБ го врати мандатот на Радев

Политичката криза во Бугарија продолжува, откако коалицијата „Продолжуваме со промената – Демократска Бугарија“ (ПП-ДБ) веднаш го врати вториот мандат за состав на влада што денеска ѝ беше доделен од претседателот Румен Радев.Мандатот формално ѝ беше врачен на Надежда Јорданова во претседателската палата на булеварот „Дондуков“ 2, но без одлагање беше вратен како нереализиран, со што пропадна и вториот обид за формирање влада по парламентарните избори.Овој потег не дојде како изненадување, бидејќи од ПП-ДБ уште минатата недела најавија дека нема да се обидуваат да состават кабинет и дека мандатот ќе го вратат веднаш по неговото добивање. Претходно, истото го направи и Росен Жељазков, кандидат за премиер од ГЕРБ-СДС, кој го врати првиот мандат без да предложи влада.Според Уставот на Бугарија, по неуспехот на првиот и вториот мандат, претседателот Радев треба да го додели третиот и последен мандат на една од останатите парламентарни групи, по сопствен избор. Доколку и овој обид не резултира со избор на влада, следи назначување службена влада и распишување предвремени парламентарни избори во рок од два месеца.Во меѓувреме, најголем дел од парламентарните партии – меѓу кои и ПП-ДБ, Преродба, ДПС – Нов почеток и БСП – веќе јавно соопштија дека излезот од сегашната блокада го гледаат исклучиво во нови избори. Дел од нив дури оценија дека актуелниот парламентарен состав нема легитимитет да изнесе стабилна влада.Доколку се оди на гласање, тоа ќе бидат осми парламентарни избори во Бугарија од 2021 година наваму, што дополнително ја нагласува продлабочената политичка нестабилност во земјата.

Свет | пред 2 месеци

Мандатот на Жељазков траеше еден ден, денеска му го врати на претседателот Радев, Бугарија е повторно пред избори

Бугарскиот претседател Румен Радев денеска го предаде мандатот за состав на влада на ГЕРБ-СДС, а кандидатот за премиер Росен Жељазков веднаш го врати, оценувајќи го како неуспешен и предлагајќи предвремени парламентарни избори да се одржат што е можно побрзо, при што како конкретен датум го посочи 29 март.Жељазков изјави дека пратеничката група на ГЕРБ-СДС донела одлука мандатот формално да го преземе, но да го врати за да продолжи уставната постапка. Според него, острата политичка реторика дополнително ќе ги подели граѓаните и затоа е потребно што поскоро да се оди на избори.Овој развој следува по оставката на владата предводена од Жељазков, формирана со мандат на ГЕРБ-СДС во коалиција со „БСП – Обединета левица“ и „Постои таков народ“, а првично поддржана и од „Алијансата за права и слободи“. Владата се повлече по масовни протести, кои почнаа околу параметрите на нацрт-буџетот за 2026 година, а потоа прераснаа во пошироки антивладини демонстрации.Уставната процедура за доделување мандат започна по консултациите што Радев ги одржа со парламентарните партии од 15 до 19 декември 2025 година. По тие разговори, во политичките кругови доминира оценката дека предвремени избори се неизбежни, а дел од опозицијата побара и промени во изборното законодавство, меѓу кои и целосно машинско гласање.По неуспешниот прв мандат, следен на потег е второпласираната политичка сила – коалицијата ПП-ДБ, од која се очекува исто така да не се обиде да формира влада. Неизвесно останува кој ќе го добие третиот мандат и колку време ќе трае таа фаза од постапката.Ако не се формира влада и се оди кон привремена, според новите уставни правила Радев треба да избере премиер од т.н. „куќна книга“ – листа на функционери меѓу кои се претседателката на парламентот Раја Назарјан, гувернерот на Бугарската народна банка Димитар Радев, како и претседателот на Судот за сметки Димитар Главчев. Во јавноста веќе се појавија информации дека Раја Назарјан и Димитар Радев нема да ја прифатат функцијата привремен премиер.

Свет | пред 2 месеци

Со измените на Кривичниот законик СДСМ и ДУИ си обезбедија самоамнестија, вели Мицкоски

Претседателот на ВМРО-ДПМНЕ, Христијан Мицкоски, оцени дека правосудниот систем во државата е делумно контаминиран како резултат на постапките на поранешната влада на СДСМ и ДУИ, посебно преку измените на Кривичниот законик, со кои, според него, е создадена правна основа за самоамнестија на поранешни функционери.Во гостување на телевизија Алфа, Мицкоски истакна дека најголемиот проблем произлегува од можноста одредени лица да се повикуваат на поповолен закон, што, како што рече, претставува директен удар врз правдата и владеењето на правото.„Генерално, луѓето во правосудството се чесни. Но има еден мал дел кој е контаминиран и кој, за жал, го контаминира целиот систем. Тоа се најчесто партиски послушници, рецидив од поранешната влада на СДСМ и ДУИ, кои жестоко се борат оние што ги поддржале да добијат бенефиции, позиции и слично“, изјави Мицкоски.Тој посочи дека распадот на довербата во правосудството, според него, произлегува од два клучни моменти. Првиот е начинот на избор на судии во Собранието во периодот кога ВМРО-ДПМНЕ била во парламентарна опозиција, а вториот – измените на Кривичниот законик донесени од владата на СДСМ и ДУИ непосредно пред заминувањето од власт.„Првото е изборот на судии во парламентот во 1996 година, кога ВМРО-ДПМНЕ беше во опозиција. Второто е сегашниот момент, кога владата на СДСМ и ДУИ практично пред заминување ги донесе измените на Кривичниот законик и избриша значаен дел од членот 353, тој фамозен член“, рече Мицкоски.Според него, бришењето на овој член имало две цели. „Првата беше да се амнестираат самите себе, а втората – да се амнестира некој што би можел да ѝ нанесе штета на тогаш најсилната опозициска партија, ВМРО-ДПМНЕ. Во првото успеаја, во второто не. ВМРО-ДПМНЕ денес е поголема од сите политички партии заедно“, истакна тој.Мицкоски нагласи дека поранешните функционери од СДСМ и ДУИ и понатаму ќе се повикуваат на поповолниот закон, без разлика на идните законски измени.„Тие секогаш ќе се повикуваат на законот кој за нив е поповолен – а тоа е сегашниот, со кој е избришан членот 353 став 5 и други делови од Кривичниот законик. Без разлика какви измени ќе направиме во иднина, тие ќе велат: се повикуваме на законот што важел во тој период. Токму тука е најголемиот проблем“, оцени Мицкоски.

Македонија | пред 2 месеци

Во април ново линеарно зголемување на пензиите

Линеарно зголемување на пензиите ќе има и во април, најави премиерот Христијан Мицкоски, посочувајќи дека Владата останува доследна на политиката на континуирана поддршка на пензионерите како една од најранливите категории во општеството.„Во април ќе има линеарно покачување на пензиите. Продолжуваме со тоа“, изјави Мицкоски, нагласувајќи дека ваквиот пристап е директно поткрепен со последните статистички податоци за нивото на сиромаштија во државата.Според премиерот, стапката на сиромаштија кај пензионерите е еден од клучните индикатори што ја оправдуваат одлуката за линеарно, а не процентуално зголемување на пензиите, со цел да се постигне поголема социјална праведност.„Сакаме да го намалиме нивото на сиромаштија кај оваа група“, истакна Мицкоски, додавајќи дека Владата ќе продолжи со мерки што имаат директен и мерлив ефект врз животниот стандард на пензионерите.Најавата за априлското зголемување доаѓа во период кога Владата ја нагласува својата заложба за стабилен социјален систем, предвидливи политики и заштита на граѓаните со најниски приходи, во услови на економски предизвици и зголемени трошоци за живот.

Македонија | пред 2 месеци

Владата го усвои новиот Закон за јавно обвинителство: построги критериуми и појасна постапка за избор

Владата на седница го усвои новиот Закон за јавно обвинителство, со кој се менува начинот на избор на државниот јавен обвинител и се воведуваат појасни правила насочени кон транспарентност и мерит-систем.Со законското решение се утврдуваат јасно дефинирани критериуми и механизми за избор на кандидати, при што, како што посочуваат од Владата, се вградени релевантни препораки со цел процесот да биде ослободен од политички влијанија и да се темели на стручност, интегритет и професионален кредибилитет.Од Владата нагласуваат дека законот претставува значаен чекор во зајакнувањето на независноста, ефикасноста и отчетноста на јавното обвинителство, како клучен сегмент на правниот систем и заштитник на јавниот интерес. Според нив, решението е резултат на анализи, консултации и усогласување со европските стандарди и најдобрите меѓународни практики.Министерството за правда информира дека новиот закон предвидува заострување на критериумите за избор, оценување, дисциплинска одговорност и разрешување на јавните обвинители, со цел унапредување на владеењето на правото и исполнување на обврските од Реформската агенда. Во постапката за избор на државен јавен обвинител, кандидатите ќе поднесуваат биографии и програми за работа кои јавно ќе бидат објавени, додека Советот на јавни обвинители ќе дава позитивно мислење за соодветните кандидати.Со измените се воведува и редовно оценување на јавните обвинители на секои три години, наместо досегашните четири. Доколку обвинител добие негативна оценка, ќе следи вонредно оценување по една година, а повторна негативна оценка ќе биде основ за разрешување.Во моментов, функцијата вршител на должност државен јавен обвинител ја извршува Анита Тополова-Исајловска, до изборот на нов државен јавен обвинител, но не подолго од шест месеци. Таа беше назначена по неотповикливата оставка на Љупчо Коцевски, која ја поднесе на денот кога Собранието требаше да расправа за предлогот за негово разрешување, по што пратениците констатираа престанок на неговиот мандат.Рокот за пријавување на кандидатите ќе започне да тече од денот на објавувањето на одлуката во Службен весник и ќе трае 15 дена.

Македонија | пред 3 месеци

(Фото) Дедо Мраз пристигна во Владата: Децата уживаа во празничната атмосфера

Новогодишни пакетчиња, радост и насмевки. Премиерот, Христијан Мицкоски сподели фотографии од празничната атмосфера во Владата на својот Фејсбук профил.Детската насмевка, како што напиша во објавата, не потсетува, зошто вреди да се работи со одговорност, грижа и љубов за држава во која секое дете расте со надеж, сигурност и верба во подобро утре.

Македонија | пред 3 месеци

Влада прогласи кризна состојба во снабдувањето со електрична енергија

Владата на денешната редовна 138. седница донесе одлука за постоење на кризна состојба во снабдувањето со електрична енергија на целата територија на државата, во времетраење од седум дена од денот на влегување во сила на одлуката. Одлуката е донесена по предлог на Управувачки комитет за координација и управување со системот за управување со кризи.Како што беше најавено и во изминатите денови, кризна состојба се прогласува поради неможноста за навремена набавка на мазут, кој е неопходен за дел од процесот на производство на електрична енергија. Поради тоа, државата ќе интервенира со користење на задолжителните резерви на нафтени деривати.Според одлуката, задолжителните резерви на мазут ќе бидат отстапени без надоместок, со цел да се обезбеди континуитет во производството и стабилност во снабдувањето со електрична енергија. Државната компанија АД ЕСМ ќе има обврска редовно да доставува извештаи за потрошувачката на мазут до Владата, како и до Министерство за финансии.Со оваа одлука, Владата има за цел да спречи продлабочување на состојбата во енергетскиот сектор и да обезбеди стабилно снабдување со електрична енергија во услови на зголемен притисок врз производствените капацитети.

Македонија | пред 3 месеци

Мицкоски: Нема никаква врска дека ќе се населуваат мигранти, ова е тема измислена од СДС за да се скријат внатрешните проблеми

„Не, нема вистина“, порача Христијан Мицкоски претседател на Владата на Република Северна Македонија во вечерашното интервју во Тема на денот на ТВ Сител за пишувањата на британските медиуми за мигрантски кампови во државата.Премиерот Мицкоски истакна дека не само што нема вистина, туку не може да го разбере неодговорното однесување на СДС кои што шират паника и страв кај граѓаните.„И не само што нема вистина, туку јас навистина не можам да ги сфатам овие политички гимнастики кои што ги прави опозицијата кај нас од аспект на сеење страв и паника кај граѓаните. Тоа е неодговорно однесување“, смета тој.Мицкоски потенцираше Владите на СДС биле промигрантски, бидејќи во 2017 година на владина седница усвоиле и донеле Национална стратегија, и преку Министерството за социјална политика и труд и испраќале дописи до општините и барале соодветни места и локации каде што би се изградиле потенцијални кампови.„Од друга страна ги разбирам затоа што ова е тема на која што тие мислат дека внатрешно ќе се мобилизираат, иако ако се вратиме наназад во минатото ќе забележиме дека практично политиката која што тие ја воделе и нивните Влади, е токму промигрантска, односно луѓе кои што воделе политика на интегрирање на мигранти. И тоа јасно го кажува националната стратегија од 2017тата година усвоена и донесена на владина седница од страна на тогашното министерство за социјална политика и труд, и врз основа на таа стратегија тие праќаат дописи во општините за да бараат соодветни места и локации каде што би се изградиле потенцијални кампови односно живеалишта на лица кои што се странски државјани и кои што би се интегрирале, читај мигранти“, вели Мицкоски и додаде:„Од прилика тоа е накратко целата филозофија. Но во ред. Еве јас како што реков не можам да ги разберам за нивното неодговорно однесување, бидејќи сеат страв и паника кај одредена група граѓани. А од друга страна ги разбирам поради проблемите внатрешни кои што ги имаат во рамки на структурата. Но исто така не можам да ја разберам нивната пи-ар стратегија бидејќи ова ќе им се удри толку силно од глава бидејќи ќе дојде март, април, ќе дојде јуни 2026, 2027, и ќе нема мигранти. И тогаш што правиме? На изборите повторно ќе треба да излезе во 2028 година пред граѓаните со јасен концепт што сме кажале, што сме направиле итн.“Премиерот Мицкоски испрати порака до граѓаните дека нема никаков договор за прифаќање на мигранти, ниту пак како што рече тој ќе има такво нешто додека е тој претседател на Владата.„Сакам да испратам порака до граѓаните, дека таков тип на прифаќање, на мигранти, легални, илегални, бидејќи гледам сега семантика бараат во зборовите, кои што се било каков дел од договор дали со Обединетото кралство, или било каков друг договор не постои, ниту пак додека сум јас претседател на Владата ќе постои“, нагласи Мицкоски.Во однос на поднесената Резолуција во парламентот од пратениците на ВМРО-ДПМНЕ, Мицкоски нагласи дека сето ова што го кажал до сега е содржано во таа Резолуција и ги повика пратениците од СДС да ја поддржат Резолуцијата.„Ние денеска во парламентот доставивме Резолуција со која што јасно кажуваме дека сето ова кое што сега го зборувам во воведот е содржано во Резолуцијата, и нормално со осуда за неодговорното однесување на опозицијата, па еве нека ја поддржат“, дециден е Мицкоски.

Македонија | пред 3 месеци

Протестите за буџетот во Бугарија пресудија: Колективна оставка на целата влада и на премиерот Желјазков

Политичката сцена во Бугарија доби пресврт денеска, откако премиерот Росен Желјазков најави дека кабинетот колективно поднесува оставка. Решението доаѓа по остри несогласувања околу буџетот за 2026 година и по неделите исполнети со масовни демонстрации низ земјата.Желјазков појасни дека коалициските партнери одржале состанок на кој ги разгледале состојбите, иако, според него, владата извесно би ја добила поддршката на гласањето за недоверба. Сепак, како што рече, одлуката ја донеле имајќи го предвид расположението на јавноста.Тој истакна дека протестите обединиле луѓе од различни заедници и генерации, испраќајќи јасен сигнал дека довербата во владата е нарушена. Желјазков нагласи дека коалицијата е формирана со проевропска ориентација, но дека демократските принципи бараат почитување на гласот на граѓаните.Во осврт на економската политика, премиерот тврдеше дека буџетската рамка што ја предложиле била насочена кон социјална поддршка и јакнење на куповната моќ, но дека јавноста или не добила доволно објаснување, или политичките опоненти ја интерпретирале на различен начин.Тој додаде дека демонстрациите биле реакција на „вредностите и на начинот на кој се спроведува демократијата“, а не само на бројките во буџетот.Со поднесувањето на оставката, земјата се соочува со нов политички момент во кој Националното собрание ќе мора да го утврди идниот расплет.

Свет | пред 3 месеци