ВМРО-ДПМНЕ

Ангелова: Буџетот за 2026 година претставува стратегија, визија и одговорност кон граѓаните, економијата и институциите

На денешната седница во Собранието се обрати пратеничката од редовите на ВМРО-ДПМНЕ, Емилија Ангелова која истакна дека Предлог-буџетот за 2026 година претставува стратегија, визија и одговорност кон граѓаните, економијата и институциите.„Буџетот не е само финансиски план, ниту табела со бројки, тој претставува стратегија, визија и одговорност кон граѓаните, економијата и кон институциите. Буџетот за 2026 година е документ што многу јасно ја одразува разликата помеѓу оваа Влада и сите влади пред неа. Овој Буџет е јасна политичка порака, дека државата конечно се движи во вистинска насока, дека економијата расте, дека институциите работат дисциплинирано и дека секој денар е ставен во функција на развој, инвестиции и подобар животен стандард. Овој Буџет е еден од најреалните и најодговорно планираните во последната деценија. Тој е јасна порака дека државата се движи напред и дека Владата предводена од ВМРО-ДПМНЕ управува дисциплинирано и државнички“, рече Ангелова.Ангелова посочи дека во 2026 година треба да се вратат 1,2 милијарди евра долгови создадени од претходните влади.„Во 2026 година треба да се вратат 1,2 милијарди евра долгови создадени од претходните влади, ние можевме да одиме во популизам, да оставиме хаос, да расфрламе средства но избравме дисциплина, државност и рационално планирање. Вкупните приходи во 2026 година се планирани на 374, 9 милијарди денари, со реален и конзервативен пристап. Расходите се 414,2 милијарди денари насочени кон функционирањето на јавните услуги, капитални инвестиции и социјална поддршка. Буџетскиот дефицит е 3,5% од БДП што е значително намалување во однос на приходите години и во согласност со фискалните правила и препораките на меѓународните финансиски институции“, посочи Ангелова.

Македонија | пред 3 месеци

Лефков: За утврдување каде потфрлил системот, потребно e да заврши судската постапка за Кочани

На телевизија Канал 5 во емисијата „Само Вистина“ вечерва гостуваше пратеникот и член на ИК на ВМРО-ДПМНЕ, Миле Лефков кој дискутираше за поднесувањето на предлогот за разрешување на државниот обвинител Љупчо Коцевски, од страна на Владата.„Овде станува збор за еден процес којшто започна уште на почетокот на годината, Собранието не ги усвои извештаите на Советот на јавни обвинители и на судскиот Совет којшто наместо да даваат препораки како да се надмине ситуацијата со недовербата во судството и нефункционалното јавно обвинителство, тие навидум само оперираа со едноставни бројки. ДКСК имаше еден куп инцијативи, околу 50тина од коишто ниту еден не заврши како обвинителен акт, што значи дека за целата состојба во јавното обвинителство, за нејзината нефункционалност треба да биде одговорен, и тоа според законот токму јавниот обвинител. Владата имаше седница на којашто достави предлог до Собранието за разрешување на јавниот обвинител, иако ова беше одложено поради случувањата и во Кочани и поради изборите. Разрешувањето на јавниот обвинител нема да влијае на обвинителниот тим, една судска постапка за Кочани и две предистраги. Обврска за чување на угледот на јавното обвинителство според Законот за јавни обвинители паѓа на јавниот обвинител“, истакна Лефков.Лефков се осврна и на темата за денешната Анкетна комисија во Собранието за трагедијата во Кочани и истакна дека за утврдување каде потфрлил системот е потребно да се заврши судската постапка, и дека процесната правда е единствен начин да се дојде до правдата.„Нејзиниот претседател Апасиев имаше изјава на 64-тата седница од Собрание, во којашто велеше дека обвинителниот акт е килаво поставен и треба да падне, и дека министри и службеници кои земале мито не треба да бидат одговорни. Водејќи се од овие начела ние баравме изземање на претседавачот, затоа што тоа значеше дека Комисијата може да продолжи со работа, иако има спречување односно има друга постапка. Ние денеска присуствуваме на седницата и со гласање за дневниот ред констатиравме дека поднесувањето на оваа претставка е исправно и усогласено, меѓутоа за да утврдиме каде се потфрлил системот потребно е да се заврши судската постапка. Процесната правда е единствениот начин да дојдеме до правда и единствената надеж за нас како општество. Се надевам дека претседателот ќе се изземе барем за заклучоците, ќе се осврнеме на системските недостатоци и ќе се осврнеме на оние системски подобрувања коишто можеме да ги направиме“, рече Лефков и додаде:„И постојаната Aнкетна комисија и Aнкетната комисија што ќе се случува за сите трагедии, ќе имаат една цел, а тоа е да се утврдат оние системски слабости. Видовте како и покрај аргументите, имаше проблеми со заседувањето затоа што нејзиниот претседавач веќе одбрал страна и се настрои против обвинителниот акт. Видовме како тука е претседателката на државата, премиерот на државата, сите колеги пратеници, застанавме сите заедно кога станува збор за утврдување на една ваква одговорност“.

Македонија | пред 3 месеци

Попов: Стратегијата Македонија 2030 содржи шест столба со добро таргетирани политики кои се од клучно значење за државата

Во вечерашната емисија „За или против“ на Алфа телевизија гостуваше пратеникот и  претседател на УМС на ВМРО-ДПМНЕ, Сергеј Попов кој во однос на 18-от Конгрес на ВМРО-ДПМНЕ кој се одржа во саботата во Кавадарци, истакна дека е донесена Стратегијата Македонија 2030 како важен документ за државата кој содржи шест столба со добро таргетирани политики кои одговараат на потребите на граѓаните.“ВМРО-ДПМНЕ на своите конгреси не избира само претседател туку носи и многу важни документи како за партијата со тоа и за државата, и на овој Конгрес беше донесе таков своевиден документ односно стратегија каде ја гледаме државата во периодот што следи. Тој документ се базира на шест столба, под број еден, државната безбедност и како истата ја замислуваме, економската конкурентност, правната држава, демографија и семејните политики, евроинтеграцијата и шестиот столб е образованието. Овој е многу важен документ како за партијата така и за државата бидејќи ВМРО-ДПМНЕ  во овој период ја предводи Владата на Република Македонија  и мислам дека е многу важно на овој Конгрес кој го имавме во ова време да донесеме еден ваков програмски документ на партијата и на некој начин да ги прилагодиме или приспособиме нашите политики  на новото време во кое живееме“, рече Попов.Претседателот на УМС Попов, истакна дека првиот стожер на стратегијата не случајно е државната безбедност, затоа што токму тоа е клучно за да постојат функционални институции отпорни на дигитални напади, со јасни протоколи за препознавање на дезинформации и спречување на истите.„Кога зборуваме во нашата стратегија за безбедноста, не зборуваме само за силна Армија во однос на воена опрема, туку зборуваме како да имаме функционални и силни институции кои би биле отпорни пред се на дигитални напади, на сајбер напади и затоа ние во оваа наша стратегија многу зборуваме за национален модел на одбрана од овој тип на напади, формирање на национален центар за координиран одговор во делот на овие напади, создавање на институции кои ќе имаат јасни протоколи во делот на тоа како да се постапува при иден можен ваков напад од дигитален карактер и пред се како да се бориме кога зборуваме за безбедност против дезинформациите.Во оваа стратегија се предвидува дека Македонија до 2030 година треба да стане земја којашто би имале некој национален центар или национален план за да го препознаваме ова ширење на дезинформации и имаме начин ако против истото да се бориме“, вели Попов.

Македонија | пред 3 месеци

Јамалов: Буџетот за 2026 година е Буџет на развој, солидарност и иднина, со јасна насока кон европскиот економски модел на развој

На денешната Седница 73. во Собранието, се обрати пратеникот од ВМРО-ДПМНЕ, Александар Јамалов пришто истакна дека Буџетот за 2026 година не е само бројка туку одраз на визија, стратегија и одговорност кон граѓаните и идните генерации и напомена дека истиот е насочен кон стабилност, раст и развој. Јамалов посочи дека целта на Буџетот за 2026 година е да се задржи стабилноста на јавните финансии, да се забрза економскиот раст и да се подобри животниот стандард на граѓаните на Македонија.„Со реален раст на БДП од над 3,8%, со намалување на инфлацијата и одржливо ниво на јавен долг, државата покажува дека води стабилна и одговорна фискална политика. Особено важно е што капиталните инвестиции понатаму остануваат еден од најсилните столбови на овој Буџет. Се инвестира во модерни патишта, железничка инфраструктура, енергетска ефикасност и регионален развој“, појасни Јамалов.При што пратеникот Јамалов посочи дека ваквите проекти не се само бројки на хартија туку истите значат подобра поврзаност, нови работни места и посилна економија, а секоја денарска алокација има конкретна цел која е насочена кон создавање на вредност и поттикнување на продуктивноста на стопанството.„Буџетот е и Буџет на граѓанинот, во него се предвидени средства за подобро здравство, квалитетно образование, поддршка за младите и за зголемена социјална сигурност. Просечната плата расте, а новите мерки за поддршка на бизнис секторот и иновациите отвараат можност за вработување и поголема конкурентност на македонската економија“, вели Јамалов.Пратеникот Јамалов укажа дека во Буџетот за 2026 година посебно внимание е посветено на земјоделството, локалниот развој и рамномерната распределба на средствата, со што секоја општина и секој регион ќе имаат можност да учествуваат и придонесуваат во заедничкиот развој на државата.На крај Јамалов заклучи дека вака концепираниот Буџет за 2026 година уште еднаш ја потврдува определбата на Владата за фискална дисциплина, отчетност и транспарентност, стабилни јавни финансии и јасна насока кон европскиот економски модел на развој.„Овој Буџет ја потврдува определбата на Владата за фискална дисциплина, отчетност и транспарентност, средствата се насочуваат таму кадешто ќе дадат најголем ефект, во економија, во инфраструктура и во човечкиот капитал. Со ваков пристап, Република Македонија влегува во 2026 година со силна основа, со стабилни јавни финансии и со јасна насока кон европскиот економски модел на развој“.

Македонија | пред 3 месеци

СДС ако има докази за незаконски постапки нека поднесе пријава до нивниот обвинител, Коцевски кој жилаво го брани Филипче од одговорност за милионски криминал

ВМРО–ДПМНЕ денеска реагираше на обвинувањата од СДС за наводни неправилности во јавни набавки, оценувајќи дека станува збор за „обиди за креирање скандали“ и „спинови“ со цел политички притисок. Од партијата тврдат дека постапките што се оспоруваат биле спроведени согласно Законот за јавни набавки и дека во двата случаи победиле компании со „најповолна понуда“.Од ВМРО–ДПМНЕ наведуваат дека лицата споменати од СДС „немаат сопственичка или друга врска со фирмите што учествувале на тендерите“, ниту пак, како што велат, имале допирни точки со самите процедури.Во реакцијата се обвинува СДС дека, наместо да поднесе докази доколку ги има, преку јавни настапи „генерира хистерија“ околу случаи за кои, според ВМРО–ДПМНЕ, нема основ. Дополнително, партијата истакнува дека СДС треба да се обрати до јавниот обвинител Љупчо Коцевски, кого го посочуваат како „надлежен да постапи доколку постојат индиции за незаконско постапување“.Во партиското соопштение се споменуваат и повеќе случаи во кои, според ВМРО–ДПМНЕ, не била обезбедена одговорност во периодот кога СДС била на власт – меѓу нив постапките за модуларните болници, набавките на вакцини и приватизацијата на стерилизацијата во здравствените установи.Партијата се осврнува и на обидите за поврзување на Ивица Томовски со фирма за хигиенски услуги, наведувајќи дека и тој и компанијата демантирале поврзаност. Од ВМРО–ДПМНЕ прашуваат дали истата компанија, која добивала тендери и во периоди кога СДС управувала со институциите, тогаш „работела под нивна надлежност“.Од СДС засега нема нова реакција на најновите обвинувања.

Македонија | пред 3 месеци

ВМРО-ДПМНЕ: СДСМ создава лажен скандал со дезинформации и политички конструкции

ВМРО-ДПМНЕ реагираше на обвинувањата од СДСМ поврзани со случајот со фирмата која добила државни тендери, оценувајќи дека опозициската партија повторно користи политички конструкции и дезинформации без да понуди конкретни докази за било каков прекршок.Во реакцијата се наведува дека, согласно фактите, Игор Томовски нема надлежност и не учествува во постапки за јавни набавки, ниту има донесено службени одлуки што би можеле да се поврзат со тендери. Според партијата, станува збор за јасно проверлива состојба која ја демантира тезата на СДСМ.„Кога нема факти, СДСМ се обидува да создаде лажен скандал со интерпретации и класични дезинформации“, стои во реакцијата. Од ВМРО-ДПМНЕ посочуваат дека ваквата стратегија можеби имала одреден ефект во минатото, но денес граѓаните очекуваат аргументи, а не инсинуации.Понатаму се додава дека одговорност не може да се гради со политичка врева, туку единствено со јасни и недвосмислени докази.„Ако СДСМ има доказ, нека го објави. Ако нема, нека престане со злоупотреба на термините ‘корупција’ и ‘скандал’ за дневно-политички напади и прикривање на сопствените криминали“, порача ВМРО-ДПМНЕ.

Македонија | пред 3 месеци

ВМРО-ДПМНЕ ја претстави стратегијата ‘Македонија 2030’ – шест стожери за стабилна и современа држава

ВМРО-ДПМНЕ на својот 18. конгрес усвои нов стратешки документ за развој на државата во следната деценија, под називот „Ново поглавје – Стратегија Македонија 2030“. Според партијата, оваа стратегија претставува јасно определување за долгорочен државен развој и ја позиционира ВМРО-ДПМНЕ како политичка сила подготвена да преземе државничка одговорност.Во образложението на документот се наведува дека државата мора да излезе од цикличните импровизации и краткорочните мерки, а да воведе систем на управување кој се темели на силни институции, конкурентна економија и вредносно стабилно општество. Стратегијата опфаќа нови области што, според партијата, ја подготвуваат Македонија за иднината – национална стратегија за вештачка интелигенција, политики за сајбер-безбедност, геоекономска дипломатија и создавање државен инвестициски Фонд за иднината кој ќе поддржува технологии, иновации и научни истражувања.Главната цел, според документот, е до 2030 година Македонија да стане држава со институционална зрелост, економска сила и стабилност во која идентитетот не се условува, туку се почитува.Стратегијата опфаќа шест клучни стожери:Првиот се однесува на националната безбедност – модерна армија, развиена сајбер-заштита и систем за справување со хибридни закани.Вториот стожер е економската конкурентност, со нагласок на создавање економија заснована на знаење, технологија и иновации, промена на моделот на евтина работна сила, поддршка за домашните компании, стабилни даноци и зелена енергетска транзиција.Третиот стожер е правната држава – независно судство, департизирана администрација и механизми за системска борба против корупцијата, особено преку дигитализација.Четвртиот стожер се демографските политики, со акцент на поддрška за младите, програми за поврат на дијаспората и подобра грижа за постарите лица.Петтиот стожер ја опфаќа европската интеграција и надворешната политика, заснована на партнерства со јасно дефинирани позиции – поддршка за европскиот пат, но без условувања кои го допираат идентитетот и достоинството на државата.Шестиот стожер ги опфаќа образованието, културата и националниот идентитет, со вложување во модерни учебни програми, дигитални кампуси, научни проекти и заштита на македонскиот јазик и културното наследство.Од партијата порачуваат дека „Македонија знае, може и мора многу повеќе“, а новата стратегија ја претставуваат како визија за стабилна, современа и европски ориентирана држава.

Македонија | пред 3 месеци

Мицкоски е единствениот кандидат за претседател на ВМРО-ДПМНЕ

Потпретседателот на ВМРО-ДПМНЕ, Владо Мисајловски, денеска официјално потврди дека единствениот предложен кандидат за претседател на партијата на 18-тиот Конгрес е актуелниот лидер, проф. д-р Христијан Мицкоски.„Единствен предложен кандидат е професор доктор Христијан Мицкоски“, изјави Мисајловски, потврдувајќи дека партијата влегува во изборниот процес со единствена и јасна поддршка зад досегашниот лидер.Со ова, Мицкоски се очекува да го добие својот трет мандат како претседател на ВМРО-ДПМНЕ, што, според партиските статути, е и последен можен согласно ограничувањата утврдени во внатрепартиските правила.

Македонија | пред 3 месеци

(Видео) „Да престанеме да бидеме публика во сопствената држава“, рече Мицкоски на конгресот каде бара трет мандат

Лидерот на ВМРО-ДПМНЕ, Христијан Мицкоски, од конгресот на партијата, вели дека Македонија влегува во деценијата на зрелост, а дека оваа генерација треба да постави темелна линија дека државата може, знае и ќе успее.„Нашиот порив денес е повеќе од политиката. Тоа е повикот да престанеме да бидеме публика во сопствената држава, да престанеме да дозволуваме стравот, цинизмот или навиката да го определуваат нашиот пат. Македонија не смее да живее во дефанзива, туку треба да застане со достоинство и волја која не се крши“, рече Мицкоски.Тој рече дека денеска е дом за сите, но и обврска за секого.„Слободата не е подарок, туку дисциплина, Европа не е географија туку вредност, а напредокот не доаѓа од тие што чекаат, туку од тие што тргнуваат да го создадат. Ние сме тие што мора да тргнат. Никој од надвор нема да ни ја изгради државата, ниту заштити инсторијата, ниту напише визијата“, додаде Мицкоски.Тој посочи дека во изминативе години се научило дека „Македонија не паѓа кога е тешко, туку паѓа кога се откажува“.„Денес одбиваме да се откажеме, одбиваме да ја прифатиме идејата дека малата држава мора да има мали амбиции. Одбиваме да веруваме дека нашите деца треба да заминат од овде за да успејат. Одбиваме да прифатиме дека Македонија е премногу мала. Напротив, Македонија е доволно голема, како што е голема нашата волја да ја направиме подобра“, додаде Мицкоски.Следете тука:

Настани | пред 3 месеци

(Во живо) Со „Заветна“ и „Ми заплакало селото Ваташа“ започна конгресот каде ќе се бира Мицкоски за претседател

Со партиската и државната химна, „Заветна“ и „Ми заплакало селото Ваташа“ започна конгресот на ВМРО-ДПМНЕ, каде се очекува Христијан Мицкоски да биде по третпат да биде избран за претседател на партијата. Ова би бил последен мандат на Мицкоски, со оглед дека статутот не дозволува повеќе од три мандати. Конгресот се одржува во Кавадарци.Мицкоски веќе истапкна дека ВМРО-ДПМНЕ првпат по долго време влегува во конгрес без долгови и стабилна финансиска состојба. Тој во 2018 година наследи тешка состојба во која партијата.Дел од политичките аналитичари, иако го гледаат конгресот како демонстрација на сила и консолидација, предупредуваат дека најголем предизвик останува исполнувањето на ветувањата од минатогодишните избори. Во спротивно, велат тие, довербата кај јавноста може да се намалува.Следете во живо:

Настани | пред 3 месеци

Се очекува реизбор на Мицкоски за претседател за последен пат - конгрес на ВМРО-ДПМНЕ во Кавадарци

ВМРО-ДПМНЕ денеска во Кавадарци ќе го одржи својот 18. партиски конгрес, кој партијата го најавува како почеток на ново политичко поглавје и клучен момент за дефинирање на идниот курс на државата. Централно случување ќе биде изборот на премиерот Христијан Мицкоски за претседател на партијата, трет по ред, при што тој е единствениот кандидат за функцијата.Конгресот се одвива под мотото „Визија што гради држава – За генерацијата што доаѓа 2030“ и се очекува да собере околу 2.600 делегати и гости. Во рамки на настанот ќе биде претставена и усвоена стратегијата „Македонија 2030“, документ кој треба да ја трасира долгорочната политичка, економска и институционална визија на партијата за наредната деценија.Според најавите од ВМРО-ДПМНЕ, стратешкиот документ ги поставува темелите на модерна државност со стабилни институции, дигитална администрација, социјална пазарна економија, подобрено образование, квалитетно здравство и политики што треба да го задржат талентот во земјата. Партијата се позиционира како европска и вредносно ориентирана десница која ја гради државата на труд, знаење и фер конкуренција.Мицкоски веќе порача дека ако биде избран, овој мандат ќе биде негов последен, бидејќи статутот дозволува максимум три. Тој истакна дека ВМРО-ДПМНЕ првпат по долго време влегува во конгрес без долгови и со стабилна финансиска состојба, за разлика од состојбата што ја наследил во 2018 година.Конгресот ќе се одвива по вообичаена процедура: усвојување дневен ред, избор на работно претседателство, усвојување на стратегијата, претставување на кандидатот за лидер, обраќања на делегати и гласање. На крајот ќе следи избор на статутарна комисија и комисија за материјално-финансиски надзор.Дел од политичките аналитичари, иако го гледаат конгресот како демонстрација на сила и консолидација, предупредуваат дека најголем предизвик останува исполнувањето на ветувањата од минатогодишните избори. Во спротивно, велат тие, довербата кај јавноста може да се намалува.Со денешниот конгрес, ВМРО-ДПМНЕ формално ќе ја зацврсти својата позиција во власта и ќе ја претстави визијата со која планира да ја моделира државата сè до 2030 година.

Македонија | пред 3 месеци

Стојаноска: Морален чин е и Филипче да си поднесе оставка, потребна е вистинска опозиција, а не собирање на политички поени

Пратеничката од редовите на ВМРО-ДПМНЕ, Дафина Стојаноска, во гостувањето на телевизија Алфа во емисијата ,,За или против“, се осврна на темата за оставките од страна на раководството на СДС, за што кажа дека морален и одговорен чин би било и претседателот на партијата да си поднесе оставка. Како што вели таа, не очекува да се промени нешто, под водство на Венко Филипче, се додека остануваат истите луѓе со иста матрица од претходно. Исто така Стојаноска додаде дека, потребна е поразборита опозиција, особено во Собранието, а не опозиција која што само собира политички поени, бидејќи токму поради тоа, сите прогнози им паднаа во вода на локалните избори.„Сметам дека првпат се случува вакво нешто во историјата на постоењето на СДС. Веќе имаше реакции од некои постари и поискусни членови, но не сум изненадена бидејќи навистина се случуваа доста преседани, во време додека Венко Филипче ја води оваа партија“, рече Стојаноска.Според неа, морален чин би бил и претседателот на опозициската СДС да си поднесе оставка.„Сметам дека морален чин е и тој да си поднесеше оставка, особено после поразот на локалните избори. Но ќе следиме, ќе видиме, со што уште би можеле да не изненадат како СДС под раководство на Венко Филипче“, истакна Стојаноска.Стојаноска посочи дека се очекуваат некои политички изненадувања, меѓутоа, како што вели таа, не очекува нешто навистина да се промени доколку истите луѓе останат во партијата со истата матрица од претходно.,,Не би очекувала нешто навистина да се случи, некој пресврт, па да навистина добиеме во државава, па зошто да не и во парламентот поинаква опозиција, поразборита, опозиција што ќе се труди навистина да биде наш коректив и да се натпреваруваме во подобри предлози. А, не да се повторуваме со некои предлози само за да се соберат политички поени“, кажа Стојаноска и додаде:,,А политички поени веќе се покажаа на последниве локални избори и сите прогнози им паднаа во вода.  Тоа беше една најдобра историска победа на локални избори за ВМРО-ДПМНЕ. Се додека сами не размислат дека време е да променат многу повеќе од овие оставки, со оглед на составот во парламентот“.

Македонија | пред 3 месеци

ВМРО-ДПМНЕ: СДСМ се плаши од избори – ако имаат храброст, нека побараат предвремени уште утре

ВМРО-ДПМНЕ остро возврати на денешното соопштение на СДСМ, нарекувајќи го „доказ за страв од соочување со народот“. Опозициската партија тврди дека СДСМ избегнува избори иако, според нив, анкетите ја позиционираат на четвртото или петтото место по поддршка меѓу граѓаните.„Доколку СДСМ смета дека е подготвен и дека ужива доверба, нека поднесе барање за предвремени парламентарни избори уште утре“, се наведува во реакцијата.„Безидејност и хаос во партијата“Од ВМРО-ДПМНЕ посочуваат дека СДСМ се наоѓа во состојба на „тотална безидејност“, а соопштенијата што ги објавуваат – како што тврдат – биле напишани со помош на вештачка интелигенција.„Очигледно е дека вистинска интелигенција одамна нема на Бихаќка. Тонат во жива кал“, стои во реакцијата.Критики до Филипче и ЗаевПартијата смета дека СДСМ мора да спроведе внатрешни реформи и да се дистанцира од, како што ги нарекуваат, „луѓето кои реално ја водат партијата“.„СДСМ треба да се реформира од луѓето кои им ја водат партијата, на чело со Филипче, а во сенка со Заев“, наведува ВМРО-ДПМНЕ.Претходно:

Македонија | пред 3 месеци

Митева: Со „Сејф сити“ добиваме поголема безбедност во сообраќајот

Марија Митева, член на ИК на ВМРО-ДПМНЕ, вечерва во емисијата „Само вистини“ на телевизија Канал 5, зборуваше на темата за имплементацијата на системот „Сејф сити“, кој во моментов е активен од 1 декември, а пробниот период за истиот ќе трае до 1 јануари, за што  како што вели таа, претходно Владата беше транспарентна и го најави истото.„Многу долго зборувавме за овој проект и многу долго го најавуваме, и мислам дека ги кажувавме сите предности од аспект на безбедност во сообраќајот и  помалку жртви. Можевме да видиме натписи од новинари, кои што споредуваа држави од Европа, кои што го имаат имплементирано, каде што немаат во 2025 година смртен случај“, рече Митева.Митева посочи дека Владата била транспарентна, однапред најавувајќи го пробниот период за „Сејф сити“, кој во моментов е активен  од почетокот на месецот до 1 јануари. Според неа, во Скопје веќе се гледа поинаков сообраќај.„Во делот на комуникацијата, се обидовме максимално да бидеме транспарентни и нагласивме многу претходно, дека практично ќе почне примената односно со тест период од 1 декември, кој што ќе трае до 1 јануари“, истакна Митева и додаде:„Целата комуникација, можеби се сведе на тоа дали треба 51 или 52. Верувам дека на секој еден новитет, кога се воспоставува ред едноставно е очекувано да имате бурни реакции. Но она што можеме да го забележиме изминативе денови, е поинаков сообраќај во главниот град. И се надевам дека со текот на времето тоа ќе стане наша навика, односно ќе стане наш принцип на раководење со моторно возило и тоа како се однесуваме во сообраќајот“.Митева додаде дека проектот е имплементиран за само година и неколку месеци.„За година и неколку месеци, доаѓаме до имплементација на проектот. Песимизмот не се решава со зборови. Ние можеме на граѓаните да им зборуваме се најдобро, но на крајот резултатите ги даваат делата кои што ги правите“, посочи Митева.Според неа, промените бараат време за граѓаните да ги почувствуваат, по години апатија и нефункционални институции.„Јас знам дека ова е процес кој што подолго време ќе трае, јас знам дека на граѓаните подолго време ќе им треба да ја видат промената, да ја почувствуваат. Затоа што ние имавме многу долги, тешки години, на апатија на неработење, на лоши вести, на немање систем, на немање функционалност на институциите, на немање на добри проекти“, заклучи Митева.

Македонија | пред 3 месеци

Без трошка емпатија, ВМРО-ДПМНЕ гласаше против Анкетна комисија за Кочани - ново разочарување за семејствата, вели Спасовски

Координаторот на пратеничката група на СДСМ, Оливер Спасовски, остро ја критикуваше владејачката ВМРО-ДПМНЕ поради тоа што пратениците од мнозинството не гласаа за формирање на Анкетна комисија за трагедијата во Кочани. Како што истакна, иницијативата поднесена од СДСМ и Левица, а поддржана и од Европскиот фронт, била спречена без трошка емпатија за семејствата на загинатите и повредените.Спасовски нагласи дека се вратило време на партиски директиви, „протест и контрапротест“, а денешното гласање покажало дека мнозинството поддржува исклучиво иницијативи што доаѓаат од нив самите. Според него, тоа претставува ново понижување за семејствата кои ја загубија својата најблиска роднина во пожарот во дискотеката „Пулс“.„Родителите чекаат барем трошка надеж и малку човечност, а денеска институциите уште еднаш не застанаа на нивна страна“, порача Спасовски, оценувајќи дека парламентот пропуштил ретка шанса за единство и солидарност.Тој истакна дека одбивањето на комисијата е уште еден доказ дека „власта се плаши од вистината за Кочани“, додавајќи дека СДСМ и понатаму ќе се бори за правда, отчетност и целосно расветлување на трагедијата.

Македонија | пред 3 месеци

Мицкоски: Мојот нов мандат како претседател на ВМРО-ДПМНЕ ќе го посветам на подобар живот и услови за секој граѓанин, ќе има промени и во партијата

На конгресот во Кавадарци ќе бидат донесени неколку стратешки документи, со коишто ќе треба да ја моделираме иднината на партијата и нормално како најголема политичка партија во државата, тоа секако ќе има и ефект врз работењето на Владата, вели лидерот на ВМРО-ДПМНЕ, Христијан Мицкоски во вечерашното гостување во емисијата ,,360 Степени“ на МТВ.Претседателот Мицкоски истакна дека ова е негов трет мандат, потсетувајќи се дека официјално ја презел партијата во една тешка и сложена состојба, но дека успеал да ја консолидира партијата и да издвојува убедлива победа на парламентарните, претседателските и локалните избори.„Јас официјално партијата ја зедов од 2018-та година во една многу тешка и сложена ситуација, во едни многу тешки и сложени околности за Македонија и генерално за граѓаните. Ако мојот прв мандат за претседател на ВМРО-ДПМНЕ го одбележа времето на консолидирање, реструктурирање, и прегрупирање на внатрешните редови, потоа тоа продолжи во вториот мандат кога партијата победи убедливо на парламентарните и претседателските избори, на крајот на првиот мандат победивме убедливо на локалните избори, и враќање во позиција во која денес се наоѓаме да биде ВМРО-ДПМНЕ најголемата партија и веќе година и половина носител на владата“, рече тој.Претседателот Мицкоски нагласи дека овој трет мандат како претседател на ВМРО-ДПМНЕ очекува да го одбележи периодот на големи реформи и подобар живот за граѓаните во државата.„Очекувам третиот мој мандат на чело на ВМРО-ДПМНЕ да го одбележи периодот на големи реформи и подобар живот за граѓаните во државата“, потенцираше Мицкоски и додаде дека ќе има промени во партијата.„Сè уште не сум размислувал за какви промени ќе има после конгресот. Фокусирани сме на конгресот и на тоа што таму ќе го донесеме одлуки и за функционирање на партијата. Но, дека после конгресот ќе има промени во рамки на партијата“, да ќе има, дециден е тој.Во однос на имињата кои се спомнуваат за генерален секретар на партијата, Ѓорѓија Сајкоски, Ивица Томовски и Драган Ковачки, Мицкоски кажа дека не би коментирал, но сите имиња кои се спомнуваат се личности коишто оставиле белег во рамките на партијата.„Не би коментирал сега за било какви имиња или за било какви би рекол поместувања во рамките на водството на партијата. Сите овие имиња коишто ги спомнавте се луѓе коишто оставиле белег во рамките на партијата изминатите години. Сите тие се прекрасни луѓе, тоа се мои пред сè другари и луѓе со коишто сме се бореле за да постигнеме и да издвојуваме победи на изборните циклуси, но и во секојдневни победи во предизвиците коишто ги имаме. Така што секој од нив е значајна алка во рамките на функционирањето на ВМРО-ДПМНЕ“, вели Мицкоски.За тоа дали се планира промени на потпретседателските места, Мицкоски потенцираше дека сè уште нема одлука со кои предлози ќе излезе пред Централниот комитет, мора прво да заврши конгресот, па потоа да донесе одлука.„Не сум донел конечна одлука за тоа кој идеи и кои предлози ќе излезам пред Централниот комитет откако ќе заврши конгресот. Најпрво првиот чекор, да ја добијам довербата на делегатите на конгресот, да бидам претседател на ВМРО-ДПМНЕ, па дури потоа ќе можеме да зборуваме за чекорите коишто ќе следат потоа“, порача Мицкоски.

Македонија | пред 3 месеци

ВМРО-ДПМНЕ со остри обвинувања: „Заев и Филипче под контрола имаа само тендери“

Од ВМРО-ДПМНЕ денеска со остра реакција обвинија дека пораката „сѐ е под контрола“, која ја користеа поранешниот премиер Зоран Заев и поранешниот министер за здравство Венко Филипче, била алузија не на јавниот интерес, туку на контролата врз тендерските постапки.„СДС може колку сака да говори за реформи и европски вредности, но нивното седумгодишно владеење е запаметено само по тендери – тендери како политика, тендери како идеологија, а можеби и како лична легенда“, велат од партијата.Според ВМРО-ДПМНЕ, Филипче денес се обидува да ја изгради улогата на „морален коректив“ во опозиција, но, како што тврдат, „матрицата е иста“.„Прво создади хаос, па создади уште поголем хаос за да го прикриеш првиот; обвини некој трет и на крај изигрувај жртва“, се наведува во партиското соопштение.Најостриот дел од обвиненијата е насочен кон периодот 2019–2021 година, кој од партијата го нарекуваат „златна ера на тендерските шеми“. ВМРО-ДПМНЕ обвинува дека од стоковите резерви биле отпишани 2.000 тони јачмен и пченица, во вредност од околу 800.000 евра, иако пченицата била во употреблива состојба.„За ова бил направен записник кој го негирал фактичкото состојба и бил усвоен на владина седница, во период кога Филипче е дел од владиниот состав. Потоа се склучиле два тендери за набавка на 20.000 тони житарици од соседна држава за да се пополнат дупките во залихите“, соопштува ВМРО-ДПМНЕ.Партцијата додава дека тогашната влада на Заев, заедно со Филипче и Николовски, ги уверувала граѓаните дека „сѐ е под контрола“, но – според опозицијата – тоа значело само дека „внимателно си ги контролираат тендерите“.Во контекст на тековните најави за реформи во СДСМ, од ВМРО-ДПМНЕ прашуваат:„Како може СДС да се реформира кога самиот лидер е дел од истите шеми за кои избегнува да зборува? Наместо да се оградат, СДСМ го промовира Филипче како ново лице на опозицијата. Партијата ќе продолжи да тоне – затоа што човек кој не ја заштити државата додека беше на власт, не може да дели совети сега, од опозиција.“

Македонија | пред 3 месеци

Арсовски го демантира СДСМ:Таму се уште владее заевизмот

Поранешниот портпарол на ВМРО-ДПМНЕ, Димче Арсовски, преку својот Фејсбук профил остро ги демантираше наводите на СДСМ дека има каква било поврзаност со сопственикот на фирмата „Дигитал оне“, која добила милионски државни тендери.Вели дека единствената сличност со сопственикот Кристијан Арсовски е презимето, нагласувајќи дека ниту го познава човекот, ниту му е роднина по која било основа.„Иако во прашална форма, моето име и презиме беше споменато на пресот на СДСМ, тенденциозно со намера да ме вовлечат во нивни креатури и да ги манипулираат граѓаните и јавноста, па затоа јавно барам извинување од СДСМ, ако им остана малце достоинство“, напиша Арсовски.Тој додаде дека обидот да се поврзе со случајот е доказ дека во СДСМ „сеуште владее влијанието од заевизмот“.

Македонија | пред 4 месеци

Андоновска: Со одобрување на Заев, Филипче и Николовски се празнеле и препродавале стоковите резерви на црните пазари

Викторија Андоновска од ВМРО-ДПМНЕ, денеска обвини дека во периодот од 2019 до 2021 година, во време на глобална криза, власта предводена од СДСМ не ги надополнувала стоковите резерви, туку, како што тврди, ги „празнела и препродавала“.Андоновска изјави дека околу 2.000 тони јачмен и пченица, во државна вредност од околу 800.000 евра, биле отпишани од залихите „по насока на Заев, Филипче и Николовски“, додека јавноста била уверувана дека ситуацијата е под контрола.Според неа, за да не се забележи кусокот, биле склучени два тендери со соседна држава за набавка на дополнителни 20.000 тони жито, со цел „пополнување на дупките во резервите“.„Со овие тендери очекувале да ги покријат недостатоците и јавноста да заборави што се случило“, изјави Андоновска, додавајќи дека 800.000 евра „завршиле во приватни џебови“, а отпишаните количини биле препродадени „на црн пазар во друга држава“.Таа оцени дека, наместо да се огради од одговорните, СДСМ „и понатаму ги штити своите функционери“, што, според неа, ќе доведе до „понатамошен пад на довербата и поддршката“ за партијата.

Македонија | пред 4 месеци

ВМРО-ДПМНЕ: СДС да расчисти со Филипче ако сака да биде релевантен политички субјект

ВМРО-ДПМНЕ во соопштение пишува за аферата со стоковите резерви со што според нив, се разобличуваат скандалите од времето кога СДС беше власт.„Отписот на 2000 тони пченица и јачмен од стоковите резерви, преку Трајан Димковски, тогашен заменик министер за земјоделство, па потоа истите количини најверојатно завршувале на црниот пазар во соседна држава, алудираат дека ова е организирана злоупотреба од страна на тогашната власт.И покрај укажувањата дека пченицата постоела и била употреблива, направен е записник што го тврди спротивното, т.е документ со контрадикции, кој сепак е прифатен на владина седница.Тоа значи дека Заев, Николовски и актуелниот претседател на СДС во опозиција, Венко Филипче, како дел од тогашната владина структура, формално легитимирале документ што не кореспондирал со фактичката состојба на терен.Ако СДС има намера да се реформира и да стане релевантен политички субјект во земјава, мора да покаже зрелост и да се огради од сите функционери на минатата власт.Тоа подразбира дистанца од Заев, Николовски, а и од Филипче, бидејќи тоа се фигури кои го спречуваат секој обид за вистински реформи во партијата”, пишува ВМРО-ДПМЕ.

Македонија | пред 4 месеци

ВМРО-ДПМНЕ: За доброто на сите Филипче да собере сила и да замине од СДСМ

„Продолжената рака и верната сенка на Зоран Заев, Венко Филипче се јави и вели загрижен бил за стандардот на граѓаните, како и за пензионерите конкретно. Аман Филипче не се грижи! Заборавил ли Филипче дека беше дел од владата на СДСМ, која на пензионерите им даваше некоја ситна сума од околу стотина денари, а во одреден период достигнуваше 1.000 денари и нешто. Владата предводена од другарот на Филипче, Заев, не само што не се грижеше за пензионерите, туку со сумата која им ја даваше ги понижуваше, навредуваше. Вака ли се грижеа тие за пензионерите“, се вели во соопштението на ВМРО-ДПМНЕ.СДСМ, стои во соопштението е партија во која поединци се грижат за личниот џеб.„Нешто што Филипче може да направи за доброто на сите е да собере сила и да замине од СДСМ. ВМРО-ДПМНЕ е партија која се грижи за секој еден граѓанин подеднакво. Впрочем на ВМРО-ДПМНЕ му верува народот што се докажа и покажа неодамна“, соопшти ВМРО-ДПМНЕ.

Македонија | пред 4 месеци

Андоновска: СДС да не го брани криминалот на Заев, Филипче и Николовски ,,тежок” 800.000 евра

Трајан Димковски, по насока на поранешното раководство на СДСМ, извршил отпис на 2.000 тони јачмен и пченица, со што го оштетил државниот буџет за близу 800.000 евра, обвини портпаролката на ВМРО-ДПМНЕ, Викторија Андоновска.ВМРО-ДПМНЕ тврди дека за Заев, Филипче и Николовски, приватниот интерес секогаш бил пред државниот, дури и во услови на глобална криза.„Јавноста мора да знае, дали отпишале 2.000 тони јачмен и пченица од стоковите резерви, па преку Димковски овие продукти завршувале на црн пазар во соседна држава? Дали исто така, Димковски ќе одговара за сите овие тројца кои се прв ешалон на тогашната власт? Затоа ли Николовски е толку гласен деновиве? Дали во СДС има страв дека се одмотува клопчето и ќе се дознае вистината?“, праша Андоновска.

Македонија | пред 4 месеци

Левица: Енергетска политика на ВМРО-ДПМНЕ на „варена жаба” ја турка државата во сиромаштија

Левица излезе со остра осуда на одлуката за најновото поскапување на парното за 5%, како и најавата за раст на цената на струјата од Нова година.Овие одлуки, велат се јасен доказ за хроничниот неуспех на Владата во енергетскиот сектор и за растечкиот удар врз стандардот на граѓаните.„Во услови на инфлација и растечка енергетска сиромаштија секое ново „само 5%” покачување претставува директен удар врз достоинствениот живот на илјадници домаќинства. Наместо вложување во домашно производство, обновливи извори и енергетска ефикасност, Владата толерира стареење на мрежата, енергетска зависност од увоз и одлив на профит кон приватен и странски капитал, а народот се третира како „варена жаба”, навикнуван на постепено уништување на сопствениот стандард”, велат од Левица.Левица, посочува. ја одбива оваа политика на тивко варење на народот и бара итно ревидирање на најновите одлуки на РЕК, јавно објавување на пресметките и проектите кои ќе се реализираат со парите од поскапувањето, независна анализа и одговорност за работењето на ЕСМ, промена на методологиите за формирање на цени со вградена заштита на стандардот на граѓаните, воведување на јавни мерки за помош на енергетски сиромашните домаќинства и транспарентни јавни расправи пред секое значајно ценовно поскапување.

Македонија | пред 4 месеци

Петрушевски: Извештајот од Анкетната комисија во Собранието, треба да биде доставен до Владата и ЈО

Бране Петрушевски, пратеник од редовите на ВМРО-ДПМНЕ, денеска гостуваше во емисијата „Само вистина“ на Канал 5 телевизија, каде се осврна на темата за Анкетната комисија во Собранието. Тој нагласи дека суштината не е само водење на дневна политика, туку менување на системот. Затоа, според него, кога веќе во Собранието ќе има Анкетна комисија, тој извештај покрај тоа што ќе се достави до Владата, треба да се поднесе и до Јавното обвинителство, со цел истото понатаму да преземе конкретни чекори.„Ние во континуитет велевме дека да почне судењето, да се заврши обвинителниот акт и она кое што беше тогаш разговарано и ќе имаме една Анкетна комисија во Собранието, која што ќе разговара за сите овие теми кои што беа наведени, но вклучително и за други несреќи кои што останале така и кои што исто така заслужуваат утврдување на одговорност“, вели Петрушевски и додава:„Суштината не ни е да водиме дневна политика, туку да го менуваме системот. Ни треба една ваква се опфатна анкетна комисија која што ќе ги истражи сите случаи кои што се случиле во Република Македонија“.Според него, СДС не го испочитува Деловникот, со тоа ги занемари пратениците од власта.„Не го испочитуваа Деловникот во делот на составот на таа Анкетна комисија и си предложија број на пратеници, кои што ќе учествуваат во таа комисија, претежно од опозицијата, занемарувајќи ги пратениците од власта, иако членот 124 од Деловник утврдува дека Анкетна комисија се формира согласно пропорционално на бројот на пратениците кои што се застапени во парламентот“, кажа Петрушевски.Петрушевски посочи дека поднесена е одлука со легитимитет од 75 пратеници кои се потпишани на неа, меѓутоа има и неколку суштински разлика по она кое што беше претходно поднесено од страна на опозициската СДС.„Првата е опфатот на несреќите, кое што веќе го коментиравме. Второто е откако ќе заврши со работа таа Анкетна комисија, извештајот  покрај до Собранието и до Владата да биде доставен и до ЈО. Тоа го немаше во оваа предлог одлука на СДСМ. Кога веќе Собранието ќе работи една таква Анкетна комисија, на еден таков случај, добро е за правдата во Република Македонија,  тој извештај да отиде до ЈО и ЈО да си ги преземе сите чекори кои што треба да ги преземе, не само за Кочани, вклучително и другите кои што се случиле, а кои што останале под превезот на неиспочитување на она кое што значи законска процедура и носење на правда во Република Македонија“, истакнува Петрушевски.

Македонија | пред 4 месеци

ВМРО–ДПМНЕ бара одговори за отписот на 2.000 тони жито и го поврзува скандалот со Трајан Димковски и Љупчо Николовски

ВМРО–ДПМНЕ побара од институциите да соопштат каде завршиле околу 2.000 тони пченица и јачмен, проценети на околу 800 илјади евра, кои во периодот 2019–2021 биле отписани од државните стокови резерви. Партијата реагира по последната акција на истражните органи во која, покрај уште четири службени лица, е опфатен и поранешниот министер и заменик-министер за земјоделие Трајан Димковски.Според ВМРО–ДПМНЕ, Димковски, кој бил и шеф на кабинет на Љупчо Николовски, поднел записник до Владата со констатација за кусок на житарици за периодот 2007–2021. Од партијата тврдат дека Владата, во состав во кој учествувале тогашните функционери Венко Филипче, Зоран Заев и Љупчо Николовски, го усвоила заклучокот без дополнителни проверки, иако, како што наведуваат од ВМРО–ДПМНЕ, во 2019 била направена целосна обнова на резервите и претходните контроли не покажале отстапки.Оттаму оценуваат дека отписот бил направен и покрај тоа што житото, според нивните тврдења, било употребливо, додека вистинскиот кусок би можел да се однесува на периодот 2019–2021, кога цените на храната растеле поради пандемијата и енергетската криза. Партијата бара одговор дали дел од житариците завршиле на црниот пазар во соседни држави и дали од трансакцијата, покрај осомничените, профитирале и други поранешни функционери.ВМРО–ДПМНЕ смета дека случајот треба целосно да се истражи и дека јавноста заслужува одговори за начинот на управување со стоковите резерви во тој период. Од институциите засега нема официјален коментар во однос на овие обвинувања.

Македонија | пред 4 месеци