Рускиот државен регулатор за комуникации, Роскомнадзор, соопшти дека апликацијата за размена на пораки Телеграм и натаму не ги почитува руските закони, пренесе државната новинска агенција РИА Новости.
Руските власти во повеќе наврати ја обвинуваат една од најпопуларните апликации во земјата дека овозможува користење на својата платформа за нелегални и екстремистички содржини.
Од Телеграм ги отфрлаат овие обвинувања, тврдејќи дека станува збор за обид на Русија да ја задуши нивната услуга. Според компанијата, вистинската цел на властите е да ги принудат корисниците да преминат на државно контролирана апликација наречена MAX.
