Турски државјанин приведен во Штип поради дрога, кај него најдена и туѓа патна исправа

Полициски службеници од СВР Штип лишија од слобода 23-годишен државјанин на Турција, по претрес во кој била пронајдена марихуана.

Како што информираат од МВР, на 07.04.2026 година во 14:50 часот во Штип бил приведен М.С.(23), кој престојувал привремено во градот.

— реклама —

Претходно, со судска наредба, бил извршен претрес во дом во кој привремено престојувал Н.К.(21), исто така државјанин на Турција, каде бил затекнат и приведениот. При претресот биле пронајдени марихуана и дробилка со остатоци од марихуана.

Подоцна, со дозвола од М.С., извршен е и преглед во неговиот дом, при што биле откриени повеќе пакувања со марихуана, како и патна исправа на друго лице од Турција.

— реклама —

М.С. е задржан во полициска станица, а по целосно документирање на случајот против него ќе биде поднесена соодветна пријава.