Украинскиот претседател Володимир Зеленски оцени дека распоредување меѓународен воен контингент долж линијата на фронтот во Украина би можело да помогне во заштита на светот од понатамошна агресија од страна на рускиот претседател Владимир Путин.
Зеленски изјави дека присуството на странски воени единици би го направило започнувањето на нов конфликт многу ризично за Русија, бидејќи, како што рече, тие се плашат од меѓународно воено присуство и од последиците на таквата ситуација.
Тој додаде дека, според неговото мислење, мировното посредување без јасен притисок врз Русија не е доволно ефикасно и дека за завршување на војната е потребно јасно да се каже дека Путин не е во право.
Зеленски посочи дека, според него, влијателни светски лидери како американскиот претседател Доналд Трамп, кинескиот лидер Си Џинпинг и индискиот премиер Нарендра Моди би можеле да одиграат клучна улога во убедување на Москва да ја прекине војната.
