Засилени активности се спроведуваат на депонијата „Мелци“, каде што со ангажирање на голем број машини, возила и работници продолжува интервенцијата за целосно стабилизирање на состојбата.
Градоначалникот на Кавадарци, Митко Јанчев, информира дека на терен се работи интензивно и без прекин, со цел целосно да се стави депонијата под контрола и да се прекине чадењето.
Во активностите се вклучени два булдожери од ЈП „Комуналец“ и „Градба Промет“, три багери од компаниите „Ја-Ми“ и „Градба Промет“, како и три скипа од ЈП „Комуналец“.
Ангажирани се и една утоварна машина од „Њу Инженеринг“, девет камиони со капацитет од по 30 кубни метри, обезбедени од ЈП „Комуналец“, „Градба Промет“, „Ас Машини“, „Павер Трејд“, ИГМ и „ВС-ГД“, како и две цистерни од ЈП „Комуналец“ и ТППЕ Кавадарци.
Во справувањето со состојбата учествуваат и општествено одговорни компании и институции, кои ставиле на располагање механизација и други ресурси.
Според Јанчев, активностите ќе продолжат континуирано во наредниот период, сè до целосното стабилизирање на состојбата на депонијата и прекинувањето на чадењето.
Работата на „Мелци“ продолжува без прекин, со цел депонијата целосно да биде ставена под контрола.
