Ирак побарал финансиска помош од Меѓународниот монетарен фонд (ММФ) поради последиците од конфликтот на Блискиот Исток.
Првичните разговори биле одржани минатиот месец за време на пролетниот состанок на ММФ и Светската банка во Вашингтон, а во тек се преговори за висината на потребното финансирање и структурата на евентуалниот кредит.
Војната, која започна на 28 февруари со масовното американско-израелско бомбардирање на Иран, доведе до прекин на поморскиот сообраќај низ Ормутскиот теснец и предизвика сериозни потреси низ целиот Блиски Исток.
Конфликтот силно се одразил и врз Ирак, бидејќи најголемиот дел од ирачкиот извоз на нафта – кој претставува речиси целокупен приход на државата – бил запрен поради затворањето на клучната поморска рута.
Пред почетокот на војната, преку Ормутскиот теснец се транспортираше околу една петтина од светската нафта.
