Ирак постигна договор со САД за извоз на нафта преку Ормускиот Теснец

Ирак постигнал договор со САД што ќе овозможи повторно извезување на ирачката нафта преку Ормускиот Теснец, по поморска маршрута во близина на Оман, соопшти ирачкиот министер за надворешни работи Фуад Хусеин.

— реклама —

Во интервју за телевизијата „Ал Џезира“, Хусеин изјави дека економските загуби на Ирак предизвикани од војната во Иран и нарушувањата во извозот на нафта достигнале 60 милијарди долари.

— реклама —

Тој откри и дека американското Министерство за финансии официјално побарало затворање на граничните премини меѓу Ирак и Иран, со исклучок на два премина – еден во курдскиот регион и друг во останатиот дел од земјата. Багдад продолжува да преговара со Вашингтон за да се избегнат последиците врз ирачката економија и билатералната трговија, која годишно изнесува меѓу 15 и 18 милијарди долари.

Хусеин се осврна и на посетата на ирачкиот премиер Али ел Зубаиди на Турција, при што бил постигнат договор за управување со водните ресурси во замена за непречен проток на енергија. Според договорот, турската влада или компании ќе управуваат со проекти за водоснабдување во Ирак, со цел справување со сушата, додека извозот на нафта преку нафтоводот меѓу двете земји ќе продолжи.

— реклама —

Количеството нафта што се извезува преку нафтоводот постепено се зголемувало – од 20.000 на 30.000 барели, а потоа достигнало 260.000 барели дневно.

— реклама —

Говорејќи за односите со Сирија, Хусеин оцени дека врските меѓу Багдад и Дамаск се значително подобрени и дека се темелат на заеднички интереси, независно од надворешните влијанија.