Иран истрела ракети со касетни бомби кон Тел Авив

Израелските медиуми јавија дека Иран повторно употребил касетно оружје во нов напад со ракети врз подрачјето на Тел Авив рано изутрина, пренесува новинската агенција dpa.

— реклама —

Во близина на Тел Авив имало околу 20 места на удари, јави новинската страница ynet. Неколку лица се повредени, вклучувајќи и жена со тешки повреди, а погодено е и едно училиште, соопштија итните служби Magen David Adom. Воен портпарол изјави дека веројатно било користено касетно оружје.

— реклама —

На северот, во подрачјето на Хаифа, забележани се околу 10 удари, а неколку автомобили се запалиле. Претходно, две лица беа пронајдени мртви во зграда погодена од ирански проектил.

— реклама —

Невладината организација Human Rights Watch го осуди иранскиот напад со касетно оружје, нагласувајќи дека тоа претставува „долготрајна опасност за цивилите“ и може да се смета за кршење на законот за војна.

„Малите бомби од касетното оружје се распрснуваат на широко подрачје, што ги прави неселективни и го кршат воениот закон“, изјави Патрик Томпсон, истражувач за кризи и оружје при Human Rights Watch, пренесува dpa.