Иран повторно ја нападна американската база во Бахреин

Иран повторно ја нападна американската воздухопловна база „Шеик Иса“ во Бахреин, тврдат локални извори поврзани со Иранската револуционерна гарда (ИРГЦ), според кои по нападот во базата одекнале повеќе експлозии.

— реклама —

Во меѓувреме, властите во Бахреин соопштија дека системите за противвоздушна одбрана успешно пресретнале проектили истрелани од Иран пред да ја погодат целта.

— реклама —

Советникот за медиуми на бахреинскиот крал, Набил ал-Ахмар, на социјалната мрежа „Икс“ објави дека сирените за воздушна опасност од раните утрински часови се огласиле по четврти пат.

Според него, противвоздушната одбрана дејствувала врз иранските проектили над воздушниот простор на Бахреин и успешно ги неутрализирала, оценувајќи ги нападите како агресивен чин.

— реклама —

Засега нема официјални информации за евентуални жртви или причинета материјална штета.