Иран: САД го прекршуваат примирјето, сметката ќе дојде на наплата

Главниот ирански преговарач и претседател на иранскиот парламент, Мохамад Багер Галибаф, ги обвини Соединетите Американски Држави дека не го почитуваат актуелното примирје меѓу двете земји.

— реклама —

Според Галибаф, американската поморска блокада на иранските пристаништа во Персискиот Залив, како и проширувањето на израелските воени операции во Либан, претставуваат јасен доказ за прекршување на договорениот прекин на огнот.

— реклама —

— реклама —

„Секој избор има своја цена, а сметката на крајот доаѓа на наплата“, порача Галибаф, предупредувајќи на можни последици поради, како што оцени, непочитувањето на договорот од страна на Вашингтон.

— реклама —

Изјавата доаѓа во период на зголемени тензии на Блискиот Исток, каде што, и покрај формално прогласеното примирје, продолжуваат меѓусебните обвинувања и воени активности.