(Видео) Иранците запалија огромен транспарент со ликовите на Трамп и Нетанјаху во Техеран

Голем протестен собир се одржа на плоштадот „Енгелаб“ во Техеран, каде што граѓани запалија огромен транспарент со ликовите на американскиот претседател Доналд Трамп, потпретседателот Џеј Ди Венс, израелскиот премиер Бенјамин Нетанјаху и американскиот специјален пратеник Стив Виткоф.

— реклама —

Палењето на транспарентот беше израз на противење на американското и израелското раководство. Настанот се случи откако Трамп призна дека војната во Иран во голема мера придонела за историскиот пораз на неговата Републиканска партија на американските меѓуизбори.

— реклама —

Иран претходно одбележа годишнина од заземањето на американската амбасада во Техеран во 1979 година. На 4 ноември таа година ирански студенти упаднале во амбасадата и заробиле 52 американски дипломати и граѓани. Заложничката криза траела 444 дена и довела до прекин на дипломатските односи меѓу Техеран и Вашингтон, кои оттогаш немаат официјални дипломатски врски.

Илјадници луѓе марширале низ центарот на Техеран, палејќи американски и израелски знамиња и извикувајќи „Смрт за Америка“ и „Смрт за Израел“. Демонстрантите носеле и карикатури и фигури на Трамп и Нетанјаху.

— реклама —

Градоначалникот на Техеран, Алиреза Закани, им порача на присутните дека САД и Израел претрпеле, како што рече, „одлучувачки пораз“, вклучително и на американските меѓуизбори. Тој оцени дека слабостите на САД се резултат на иранската непоколебливост и сила.

— реклама —