Исчезна 83-годишен скопјанец, семејството со апел до граѓаните

Семејството на 83-годишниот Трајан Георгиевски од Скопје трага по него откако утринава му се губи трагата.

— реклама —

Според информациите од семејството, Георгиевски го напуштил својот дом во скопската општина Кисела Вода и се упатил кон кулите кај Расадник. Оттогаш немаат информации каде се наоѓа.

— реклама —

Неговиот мобилен телефон е исклучен, а семејството се обидува да дознае дали некој од граѓаните го забележал во текот на денот на местата каде што вообичаено се движи.

Исчезнувањето е пријавено во полицијата, која е информирана за случајот.

— реклама —

Семејството апелира до сите граѓани кои можеби го виделе Трајан Георгиевски денеска во Скопје или имаат каква било информација за неговото движење да помогнат со информации.

Информациите може да се пријават на телефонските броеви 075/327-019 и 078/813-202.