Внукот на исчезнатиот скопјанец: забележан бил на повеќе локации во Скопје, уште трагаме

Потрагата по 52-годишниот Љупчо, кој беше пријавен за исчезнат во Скопје, продолжува, а неговото семејство повторно апелира до граѓаните за помош.

— реклама —

Според најновата објава на неговиот внук, Љупчо, кој исчезнал пред неколку дена, бил забележан вчера околу 22 часот во скопската населба Ново Лисиче. Дополнително, според информациите со кои располага семејството, тој утрово околу 6 часот бил забележан и во Тафталиџе, во близина на Веро 2.

— реклама —

Семејството ги повикува сите граѓани кои можеби го виделе или имаат каква било информација за неговото движење да се јават и да помогнат во неговото пронаоѓање.

— реклама —

МВР претходно соопшти дека Љ.С. (52) бил пријавен за исчезнат на 11 август, а според пријавата исчезнал на 6 август. Од полицијата информираа дека се преземаат мерки за негово пронаоѓање.

— реклама —

Семејството упатува апел објавата да биде споделена што повеќе, со надеж дека информацијата ќе стигне до некого кој можеби го забележал Љупчо.