Исчезна малолетната Кристина од Охрид: Семејството бара помош, од дома излегла во црна маица и широки фармерки

Семејството и блиските на малолетната Кристина од Охрид бараат помош во нејзиното пронаоѓање, откако девојката е пријавена за исчезната.

Според информациите што ги споделиле нејзините блиски, последниот контакт со семејството го остварила вчера околу 16 часот. При излегувањето од домот била облечена во црна маица и широки фармерки.

Исчезнувањето е пријавено во полиција, а семејството апелира до сите граѓани кои можеби ја забележале Кристина или имаат каква било информација за нејзиното движење да помогнат во нејзиното пронаоѓање.

— реклама —

57-годишниот татко Н.Ј. од Охрид денеска во 05:45 часот во СВР Охрид пријавил дека неговата малолетна ќерка К.Ј. (15) вчера околу 16:00 часот се оддалечила од домот, информираат од МВР.

— реклама —

Од МВР информираат дека девојката има здравствени проблеми.

Полициските службеници преземаат мерки за пронаоѓање на малолетното лице.

— реклама —

Сите информации може да се пријават на телефонските броеви 075 238 015 и 075 238 017, како и во најблиската полициска станица.