„Ислам Абази има лична и политичка концесија кон Ахмети, Заев и Филипче кои се ментори на неговата кариера“ , вели Милошоски

На денешната пре-конференција, членот на ИК на ВМРО-ДПМНЕ и пратеникот Антонио Милошоски обвини дека главниот обвинител во ОЈО ГОКК, Ислам Абази, има „лична и политичка концесија“ кон Али Ахмети, Зоран Заев и Венко Филипче, кои според него се „ментори на неговата кариера“.

— реклама —

На прес-конференција, Милошоски рече дека случајот „Мазут“ доживеал „тивка амнестија“ со одлуката на Обвинителството да ја прекине истрагата за предметот.

— реклама —

Тој посочи дека предметот се однесувал на набавка на мазут вредна 167 милиони евра, а меѓу лицата кои биле опфатени ги наведе Васко Ковачевски, Ерџан Сулкоски, Ратко Капушевски и Асмир Јахоски.

Според Милошоски, иако истражители од Министерство за внатрешни работи обезбедиле докази за корупција, обвинителите Ислам Абази и Катерина Коларевиќ одлучиле да ја прекинат истрагата.

— реклама —

Тој го повика Совет на јавни обвинители да спроведе надзор над работата на обвинителите во ОЈО ГОКК и да ја испита одлуката за прекинување на истрагата.

— реклама —

„Јавноста има право да го дознае секој детал за оваа набавка од 167 милиони евра“, рече Милошоски, додавајќи дека владеењето на правото не се зајакнува со прекин на истраги, туку со судска постапка во која ќе се соочат аргументите на сите страни.